ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

ኵሎም ተሳተፍቲ ናይቲ ኣብ ሰሜን ኢትዮጵያ ዝተኻየደ ኲናት ሓድሕድ፡ ምስ ገበናት ኲናት ዝዳረግ ከቢድ ጥሕሰት ሰብኣዊ መሰላት ከምዝፈጸሙ እቲ ኮምሽንን ካልኦት ትካላትን ኣብ ዘውጽእዎም ጸብጻባት ገሊጾም እዮም።
ኢትዮጵያ ካብ ምስረታ እቲ ኮምሽን ጀሚሩ ካብ ምቅዋም ሓሊፋ ባጀት ከይስልዓሉ እውን ጻዕሪ ክትገብር ጸኒሓ እያ። እታ ሃገር ግን ስለምንታይ እያ ነቲ መርመራ ትቃወም ወይ ተተዓናቕፍ ዘላ? እንታይ ኣማራጺ ብምቕራብ ከ? መወዳእታኡ ኸ እንታይ ክስዕብ ይኽእል?  


ኣብ መንጐ መርማሪ ኮምሽን ሰብኣዊ መሰላትን መሰጋገሪ ፍትሕን ደው ዝበለት ኢትዮጵያ

ኣቶ ጌታቸው ብሰንበት ብትዊተር ኣብ ዝዘርግሖ መልእኽቲ፡ "ተሳትፎ ኣዲስ ኣበባ [መንግስቲ ፌደራል] ዘይብሉ መሰጋገሪ መንግስቲ ኣብ ትግራይ ተመስሪቱ ምህላዉ ዝገልጽ ጸብጻባት ካብ ክውንነት ዝረሓቐ እዩ። ትግራይ እጃማ ክትፍፅም ጥራይ እያ ትጽዕር ዘላ" ኢሉ።

መራሕቲ ትግራይ 'ዘቘምናዮ ግዝያዊ መንግስቲ የለን' ኢሎም

እቲ ካብ ረቡዕ ጀሚሩ ንኽልተ መዓልቲ ዝተኻየደ ኮንፈረንስ፡ 11 ነጥብታት ዝሓዘ መግለጺ ቅዋም ብምውጻእ ኣኼብኡ ትማሊ ሓሙስ ኣኼብኡ ዛዚሙ ኣሎ። እቶም ተቓወምቲ ስለ ምንታይ እዮም ተሓሲሞም? 

ብሄራዊ ውድባት ትግራይ ዘየሳተፈ ጉባኤ ምጥያሽ ግዝያዊ ምምሕዳር እንታይ ዘትዩ?

ርእሰ ሊቃነ ጳጳሳት ዘኢትዮጵያ ብጹእ ወቅዱስ ኣቡነ ማትያስ፡ ኲናት ድሕሪ ምጅማሩ ንፈለማ እዋን ናብ ትግራይ ኣምሪሖም። 

ብጹእ ወቅዱስ ኣቡነ ማትያስ ድሕሪ ኲናት ትግራይ ንፈለማ እዋን መቐለ ኣትዮም

ኣብ ትግራይ ዝርከባ ሰለስተ ውድባት ፖለቲካ ኣብቲ ግዚያዊ መንግስቲ ንምጥያሽ ዝቖመ ኣሰናዳኢ ኮሚቴን ሓፈሻዊ መስርሕ እቲ ምጥያሽን ተቓውሞ ኣቕሪበን።

'ጉዳይ ትግራይ ብሓደ ወገን ክውሰን ኣይኽእልን'  - ብሄራዊ ውድባት 

ኣብ ቀረባ እዋን ኣብ ክልል ትግራይ ግዝያዊ መንግስቲ ዕላዊ ከም ዝኾን ኮሚቴ ምጥያሽ ግዝያዊ መንግስቲ ትግራይ ሎሚ 8 ለካቲት 2015 ኣብ ዝሃቦ መግለጺ ኣመልኪቱ።

መግለፂ ኮሚቴ ምቛም ግዝያዊ መንግስቲ ትግራይ እንታይ ይብል?

ፕረዚደንት ኤርትራ ኢሳይያስ ኣፈወርቂ ኣብቲ ንሳምንታት ትጽቢት ክግበረሉ ዝጸንሐን፡ ትማሊ ሰንበት ካብ ባጽዕ ኣብ ዝገበሮን ቃለመሕትት፡ ንተሳትፎ ሰራዊቱ ኣብ ኲናት ትግራይ "ጸረመጥቃዕቲ" ክብል ገሊጽዎ። 

'እቲ ስምምዕ ሰላም ንህወሓት ንምድሓን ብድፍኢት ኣሜሪካ ዝተገበረ እዩ'-ፕረዚደንት ኢሳይያስ 

ኣብ ማሕበራዊ መራኸቢታት ብተደጋጋሚ ዝረአ ዘደንጹ ጥቃዓት፡ ንዕርቂን ምርግጋእን ዕንቅፋት ክፈጥር ከምዝኽእል ደለይቲ ፍትሒ ይሰግኡ

'ፌስቡክ ምስ ከፈትኩ፡ ሬሳ ኣቦይ ርእየ'

ኤርትራን ኬንያን ካብ ዜጋታተን ብዘይ ቪዛ ክኣትው ከምዝወሰና መራሕቲ ክልቲአን ሃገራት ኣፍሊጦም።ፕረዚደንት ኢሳይያስ ኣፈወርቂ ብዛዕባ ህላወ ሰራዊቱ ኣብ ትግራይን ተኽእሎታት ፖለቲካዊ ለውጢ ኣብ ኤርትራን ካብ ጋዜጠኛታት ንዝቐረበሉ ሕቶታት'ውን መሊሱ'ሎ። 

ፕረዚደንት ኢሳይያስ ካብ ጋዜጠኛታት ንዝቐረበሉ ሕቶታት እንታይ ምላሽ ሂቡ?

ተቖጻጸርቲ ሕብረት ኣፍሪቃ እቲ ንብረት ኣብ ዝተንቀሳቐሰሉ እዋን ኣብቲ ቦታ ተረኺቦም ከምዝነበሩ ማዕከን ዜና መንግስቲ ሓቢሩ። 

ብህወሓት ዝተረከበ ቃፍላይ ከበድቲ ብረታትን ተሽከርከርትን 'ተንቀሳቒሱ'

ኣብ ወርሒ ሕዳር 2022፡ እቲ ንክልተ ዓመት ዝቐጸለ ኲናት ጠጠው ንምባል ኣብ ደቡብ ኣፍሪቃ ከተማ ፕሪቶሪያ ስምምዕ ዘላቒ ምቁራጽ ተጻብኦታት ከም ዝተፈረመ ይዝከር።

መራሕቲ ትግራይ ምስ ቀዳማይ ሚኒስተር ኣብይ ኣሕመድ ተራኺቦም

ኣብ ቀረባ እዋን፡ ምስ ፌዴራል መንግስቲ ፖለቲካዊ ዘተ ክካየድን፡ ክልላዊ መሰጋገሪ መንግስቲ ክምስረትን ትጽቢት ይግበር። ህወሓት'ውን ዳግመ ምትዕርራይ ንኽገብር ኣብ ጽዑቕ ኣኼባታት ተጸሚዱ ይርከብ። 
ላዕለዎት ወተሃደራዊ ኣዘዝትን ኣመራርሓ ህወሓትን ብዕጽው ዝዝትይሉ ዘለዉ ዛዕባ፡ ነቲ ውድብ ቅርበት ካብ ዘለዎም ገለ ሰባት፡ ዝወጽአ ሓበሬታ ወጻኢ፡ ዝርዝር ትሕዝትኡ ዛጊድ ኣይተነጸረን። እንተዀነ፡ ብሰፊሑ የዘራርብ ኣሎ። ንመዃኑ፡ ህዝቢ እንታይ ዓይነት ለውጢ እዩ ዝጠልብ ዘሎ ? 

'ህዝቢ ትግራይ ሱር-በተኽ ለውጢ እዩ ዝጠልብ'

ኣብ ትግራይ ኲናት ድሕሪ ምውልዑ ሚልዮናት ንኸቢድ ማሕበራውን ቍጠባውን ቅልውላው ተቓሊዖም እዮም። ብሰንኩ፡ ካብ ዝተፈላለዩ ከባቢታት ተፈናቒሎም ኣብ መቐለን ካልኦት ከተማታትን ትግራይ ኣዕቊቦም ዘለዉ ብኣማኢት ኣሽሓት ዝግመቱ ሰባት፡ ኣብ ሕሱም ቍጠባዊን ማሕበራዊን ጸገም ወዲቘም እዮም። ነዞም ጽጕማት ብፍላይ ከኣ ህጻናትን ኣደታት ብዝተኻእለ መጠን ንምሕጋዞም ኣብ ዝግበሩ ጻዕሪታት መንእሰይ ማህሌት ታደሰ፡ ብወለንታኣ እንታይ ንጥፈታት እያ ተካይድ ዘላ? 

መቐለ፡ ንተፈናቐልቲ ህጻናት ተስፋ እትህብ ዘላ ማህሌት ታደሰ

ላዕለወይቲ በዓልቲ ስልጣን ኣሜሪካ ትማሊ ቀዳም ኣብ ዝሃበቶ ሓበሬታ፡ ወተሃደራት ኤርትራ ዋላ’ኳ ናብ ዶባት ገጾም እንተስሓቡ ገና ኣብ መሬት ኢትዮጵያ ከምዘለዉ ገሊጻ ክብል ኣገልግሎት ዜና ሮይተርስ ዘርጊሑ። 
እዚ ድማ ‘ሰራዊት ኤርትራ ካብ ኢትዮጵያ ወጺኦም’ዮም’ ምስ ዝብል መግለጺ ሰበስልጣን ኢትዮጵያ ዝጻረር እዩ። 
ሚኒስተር ዜና ኤርትራ ኣቶ የማነ ገብረመስቀል ብዛዕባ እዚ ጉዳይ ርእይቶ ክህብ ተሓቲቱ ምላሽ ኣይሃበን።

'ሰራዊት ኤርትራ ሕጂ'ውን ኣብ ኢትዮጵያ ኣሎ' - ኣሜሪካ 

ቀዳማይ ሚኒስተር ኣብይ ኣሕመድን ወተሃደራዊ መራሒ ሱዳን ሌተናል ጀነራል ዓብደል ፋታሕ ኣልቡርሃን "ኩሉ መዳያዊ ዝምድና" ንምድልዳል ኣብ ዝሕግዙ መንገድታት ክዛተዩ እዮም።

ቀዳማይ ሚኒስተር ኣብይ ኣሕመድ ኣብ ሱዳን ዑደት የካይድ ኣሎ

ኣቦ መንበር ህወሓት ዶክተር ደብረጽዮን ገብረሚካኤል ኣብ ፈጻሚ ስራሕ ክልላዊ መንግስቲ ዳግመ ምትዕርራይ ክግበር ሓቲቱ። ንሱ፡ ትማሊ ሰኑይ ኣብ ዝተኻየደ መበል 6ይ ዘመን 5ይ ስሩዕ ጉባኤ ቤት ምኽሪ ክልላዊ መንግስቲ ትግራይ እዩ ኣብ መንግስቱ ዳግመ ምትዕርራይ ንኽግበር ናብቲ ባይቶ ሕቶ ኣቕሪቡ።

ደብረጽዮን ገብረሚካኤል ኣብ ትግራይ ‘ምትዕርራይ መሪሕነት’ ክግበር ሓቲቱ

ወሃቢ ቃል ህዝባዊ ወያነ ሓርነት ትግራይ፡ ድሕሪ’ቲ ኣብ ወርሒ ሕዳር ምስ መንግስቲ ኢትዮጵያ ዝተገብረ ስምምዕ ሰላም፡ ነቲ ኣብ መሓውር ኣመራርሓ ለውጢ ከም ዝተገብረ ዝገልጽ ወረ ነጺጉ።

ህወሓት ምቅይያር መራሕቲ ከም ዘይተገበረ ገሊጹ 

ጸሓፊ ክፍሊ ወጻኢ ኣሜሪካ ኣንቶኒ ብሊንከን፡ ብቐንዱ ምስ ኲናት ሰሜን ኢትዮጵያን መስርሕ ኣፈጻጽማ ውዕል ሰላምን፡ ዘርእዮ ዘሎ ምዕባለታትን ኣልዒሉ ምስ ቀዳማይ ሚኒስተር ኣቢይ ኣሕመድ ከም ዝተዘራረበ ኣፈኛኡ ነድ ፕራይዝ ኣፍሊጡ።
እቲ ኣፈኛ ኣብ ገጽ ሓበሬታ ክፍሊ ወጻኢ ኣሜሪካ ከም ዘስፈሮ፡ ብሊንከንን ኣቢይ ኣሕመድን ብቐዳም 21 ጥሪ ዘካየድዎ ዘተ፡ ንምውጻእ ወተሃደራት ኤርትራ ካብ ሰሜን ትግራይን ንኣገደስቲ ምዕባለታት ‘ቲ ምርኡይ ስጕሚ ዘርኢ ዘሎ ትግባረ መስርሕ ሰላምን፡ ንግጭት ክልል ኦሮሚያን ዘተኰረ እዩ ነይሩ።

ብሊንከን፡ ምውጻእ ሰራዊት ኤርትራ ብጽቡቕ ከምዝቕበሎ ተዛሪቡ 

ካብ ሎሚ ንጉሆ ጀሚሩ ኣብ ብዙሓት መካይን ዝተጽዓነ ሰራዊት ኤርትራ ብኣንፈት እንዳባገሪማ ብምምጻእ ነታ ከተማ ኣቋሪጹ እናሓለፈ ከምዘርፈደ ሓደ ነባራይ ከተማ ዓድዋ ንቢቢሲ ገሊጹ።

ሰራዊት ኤርትራ ካብ ከባቢታት ማእከላይ ትግራይ ይወጽእ ከምዘሎ ተገሊጹ

መንግስቲ ፌደራልን ህወሓትን፡ ናብ ትግራይ ሰብኣዊ ሓገዝ ብዘይ ገደብ ክኣቱ፡ ተቛሪጾም ዝጸንሑ መሰረታዊ ኣገልግሎታት ክምለሱ፡ ሓይልታት ትግራይ ዕጥቆም ክፈትሑን ኣብ ተመሳሳሊ እዋን ኣብቲ ክልል ዝርከቡ ሓይልታት ወጻእን ኣባላት ፌደራል ዘይኮኑ ዕጡቓት ክወጹን ዝብሉ መሰረታዊ ነጥብታት ንምፍጻም ምስምመዖም ዝዝከር እዩ።

ሓይልታት ኤርትራ ሕጂ’ውን ካብ ትግራይ ኣይሰሓቡን - ህወሓት 

ኣብ መንግስቲ ኢትዮጵያን ህወሓትን ዝተበፅሐ ስምምዕ ተግባራዊ ኣብ ዝኾነሉ ዘሎ እዋን፡ ፌደራል ፖሊስ ብ29 ታሕሳስ 2022 ኣብ ትግራይ ዝርከቡ መዕርፎ ነፈርቲ፡ ትካላት ኤሌክትሪክን ቴሌኮምን፡ ባንክታትን ካልኦት ማሕበራዊ ግልጋሎት ዝህባ ትካላትን ንምሕላው ናብ ከተማ መቐለ ምእታዉ ይዝከር።

ሰራዊት ፈደራል ናብ ከተማ ዓዲግራት ከም ዝኣተወ ነበርቲ ሓቢሮም

ኦባሳንጆ ንጋዜጣ ፋይናንሻል ታይምስ ኣብ ዝሃቦ ሓበሬታ፡ ኣብ ደቡብ ኣፍሪቃ ኣብ መንጎ ክልቲኦም ወገናት ዝካየድ ዘሎ ደማዊ ኲናት ንምቁራጽ ስምምዕ ኣብ ዝፈረመላ መዓልቲ፡ ሓደ ኢትዮጵያዊ በዓል ስልጣን "መዓልታዊ ሞት 1000 ሰባት ደው ኣቢልና ኣለና" ከም ዝበለ ጠቒሱ።

ኣብ ትግራይ ኣብ ዝተኻየደ ኩናት ኣስታት 600 ሽሕ ሰባት ሞይቶም - ኦሉሰጉን ኦባሳንጆ

ሰራሕተኛ መንግስት ብሓፈሻ ድማ’ቲ ነባሪ እታ ከተማ፡ ንኣስታት ክልተ ዓመት፡ ኩሉ ዓይነት ዕጽዋ ተነቢርሉ ዝጸንሐ ዀይኑ፡ ነቲ ውዕል ሰላም ስዒቡ፡ ዛጊድ ናብ ንቡር ስርሑ ክምለስን ደመወዝ ክኽፈሎን ትጽቢት ከም ዝነበሮ ማቴዎስ ይዛረብ። 

'ኲናትን ወረ ኲናትን ከይሰማዕና ንሓድር ኣለና፡ ለውጢ ግን ኣይረአናን' - ነበርቲ መቐለ

መንግስቲ ፌደራልን ህወሓትን ነቲ ንኽልተ ዓመታት ዝጸንሐ ደማዊ ኲናት ደው ንምባል ኣብ ዝፈረምዎ ውዕል ሰላም፡ ሓይልታት ትግራይ ዕጥቆም ክፈትሑን ካብ ሰራዊት ምክልኻል ኢትዮጵያ ወጻእ ዘለዉ ሓይልታት ካብ ትግራይ ጠቕሊሎም ክወጹን ተሰማሚዖም እዮም።