ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

ጸሓፊ ሚኒሰትር ጉዳያት ወጻኢ ኣመሪካ፡ ኣንቶኒ ብሊንከን፡ ሩስያ ኣብ መወዳእታ ስዕረታ ዘይተርፋ ምዃኑ ንቢቢሲ ተዛሪቡ።

"ዩክረይን ኣብ ልዕሊ ሩስያ ምዕዋታ ዘይተርፍ እዩ" - ኣንቶኒ ብሊንከን

ብመሰረት መንግስታዊ ሓበሬታ፡ ኣብ ዩክረይን፡ ልዕሊ 76,000 ወጻእተኛታት ተማሃሮ ኣለው። ዳርጋ ሓደ ርብዒ ካብዞም ተመሃሮ ካብ ኣፍሪቃ እዮም፣ መብዛሕትኦም ከኣ ካብ ናይጀርያ፡ ሞሮኮን ግብጽን እዮም።

ዩክረይን፡ ኣፍሪቃውያንን ህንዳውያንን ተማሃሮ ስለምንታይ ብብዝሒ ይመርጽዋ?

እቲ ሪፓሊካን ሰነተር ብትዊተር ኣብ ዝዘርግሖ መግለጺ፡ ነቲ ሓይሊ ዝስመዖ ንፕረዚደንት ሩስያ ብላድሚር ፑቲን ብምእላይ ነቲ ኵናት ክውድእዎ ስለዝሓተተ፡ ርእይትኡ ንኣምባሳደር ሩስያ ኣብ ኣመሪካ እምብዛ ኣቖጢዑዎ።

ኣባል ባይቶ ኣመሪካ፡ 'ፑቲን ንክቕንጸል' ጻውዒት ብምቕራቡ ቊጥዓ ሩስያውያን ንሂሩ

ንዅሉ ኣብ ግምት ብምእታው'ምበኣር እዚ ኲናት ደው ክብለሉ ዝኽእል ተኽእሎታት ክንድህስስ ክንፍትን ኢና። እዚ ኸኣ ነቲ ፖሎቲከኛታትን ክኢላታት ውግእን ክውጥንዎ ዝኽእሉ ነገራት ኣብ ግምት ዘእተወ እዩ፣ ገለኡ ዘይመስል ክመስል ይኽእል'ዩ፣ ገለኡ ግን ግብራዊ ዝመስል እዩ።

ወራር ሩስያ ደው ክብለሉ ዝኽእል ሓሙሽተ ተኽእሎታት

ናብ ርእሰ ከተማ ሩስያ ኪየቭ ዘምርሕ ዝነበረ 64 ኪሎ ሜተር ዝርገሐ ዘለዎ ግዙፍ ወተሃደራዊ ኣጽዋር ራሻ፡ ኣብዚ ሳልስቲ'ዚ ንቕድሚት ከምዘይሰጎመ ሚኒስትሪ ምክልኻል ብሪጣንያ ሓቢሩ። እቲ ምኸንያት እንታይ'ዩ?

ስለምንታይ'ዩ ቃፍላይ ኣጽዋር ሩስያ ንኪየቭ ክስጉም ዘይከኣለ?

እዚ እዋን፡ ልክዕ ከም መወዳእታ ምዕራፍ ሓደ ዘመን እዩ ዝመስል ዘሎ። መንደቕ በርሊን፡ ሕዳር 1989 ኣብ ዝወደቐሉ እዋን ዝነበረ፡ 'ምዕራብን ምብራቕን' ዝብል ዝኣረገ ፍልልይ፡ ታሪኽ ኰይኑ ክተርፍ እዩ ዝብል እምነት እዩ ነይሩና። ምኽንያቱ፡ ማሕበርነትን ርእሰማልነትን ዝብል ብሉይ ስነሓሳባዊ በኒኑ ክርፍስ፡ ዳርጋ ኵሉ ኣብ ሓደ ገጽ ኰይኑ'ሎ ዝብል እምነት ነይሩ።

ወራር ዩክረይን፡ ምሕዳስ ዝሑል ኲናት'ዶ ይኸውን?

ነቲ ውሳነ ደጊፈን ዘድመጻ 141 ሃገራት ዓለም ክኾና እንከለዋ፡ 5 ተቓዊመን፡ ገለ ድምጸ-ተዓቅቦ ገይረን፡ ከሊአን ድማ መርገጺአን ኣየነጸራን። ካብ ሃገራት ኣህጉር ኣፍሪቃ ኤርትራ ንበይና'ያ ጸግዒ ሩስያ ብምውሳድ፡ ኣንጻር እቲ ውሳነ ኣድሚጻ።

ስለምንታይ'ያ ኤርትራ ኣብ ጉዳይ ዩክሬን ምስ ሩስያ ወጊና?

ኢብራሞቪች ንክለብ ቸልሲ ምስ ዓደጋ ልዕሊ 1.5 ቢልዮን ፓውንድ ብምውጻእ ሓንቲ ካብ ዝበለጻ ክለባት ዓዲ እንግሊዝን ዓለምን ክገብራ ከምዝኽኣለ ይግለጽ። ኣብ እዋን ዋንነቱ ኸኣ ሓያለ ዋንጫታት ክትዓትር ኣኽኢልዋ'ዩ፡ ክልተ ግዜ ቻምፕዮንስ ሊግ፡ ሓሙሽተ ግዜ ፕሪሜርሊግ፡ ሓሙሽተ ግዜ ኤፍኤ ካፕ፡ ክልተ ግዜ ኢሮፕያን ሊግ ከምኡ ኸኣ ሰለስቴ ግዜ ሊግ ካፕ ካብ ከምእትዕወት ገይሩ።

ቅልውላው ዩክረይን፡ ክለብ ቸልሲ ክትሽየጥ እያ

ኣብ ዩክረይን ዝነበሩ ብዙሓት ኣፍሪቃውያን ተምሃሮ፡ ካብታ ሃገር ከይወፅኡ ብኣካላት ፀጥታ ዩክረይን ከምዝተኸልከሉ ምግላፆም ይፍለጥ።

ሕብረት ኣውሮጳ ኣብ ዶብ ዩክረይን ተፈፂሙ ንዝበሃል ኣድልዎ ነፂጉ

ፕረዚደንት ቫድሚር ፑቲን፡ ኣብ ልዕሊ ዩክሬን መጥቃዕቲ ቅድሚ ምውሳኑ፡ ቅድሚ ሒደት ሰዓታት፡ ኣሜሪካ፡ ሩስያን ቻይናን፡ ሓቢረን 'ሊበራላዊ ዓለማዊ ስርዓት' ክፈጥራ ይጽዕራ ኣለዋ ክትብል ከሲሳ ነይራ።

ቅልውላው ዩክረይን፡ ዝዓበየ ብድሆ ቻይና

ሓፈሻዊ ባይቶ ሕቡራት ሃገራት ኣብ ዘሕለፎ ውሳነ፡ ንወራር ሩስያ ብምኹናን፡ ሓይልታታ ብህጹጽ ካብ ዩክረይን ከተውጽእ ጸዊዑ'ሎ። እቲ ኣብ ብህጹጽ ኣኼባ ናይቲ ባይቶ ዝሓለፈ ውሳነ፡ ካብ 194 ኣባል ሃገራት እተን 141 ብዝሃበኦ ደገፍ'ዩ ክጸድቕ ኪኢሉ።

ኤርትራ ንሩስያ ዝኹንን ውሳነ ሕቡራት ሃገራት ተቓዊማ

ጀነራል ሙሁዚ፡ ኣብቲ ኣብ ትዊተር ዝጸሓፎ ርእይቶ፡ "ኣብ 1962 ሶቭየት ሕብረት ኣብ ኵባ ኑክሌር ዝለጎሙ ሚሳይላት ምስ ኣጻወደት ምዕራባውያን ብሰንኩ ንዓለም ከባርዕዋ ተቐሪቦም ነይሮም። ሕጂ ድማ ኔቶ [ወተሃደራዊ ኪዳን ሰሜን ኣትላንቲክ] ተመሳሳሊ ነገር ምስ ገበረ ሩስያ ካልእ ክትገብር ይጽበዩዋ" ብምባል ደገፉ ንሩስያ ኣነጺሩ።

ሕብረት ኣውሮጳ ነቲ ንሩስያ ደገፉ ዝገለጸ ወዲ ፕረዚደንት ዩጋንዳ ነቒፉ

ፑቲን ድሕሪ እቲ ብ1953 ዝሞተ ውልቀ-መላኺ ሶቭየት ሕብረት ነበር ጆሴፍ ስታሊን ካብ 2000 ኣትሒዙ ኣብ ስልጣን ክርምሊን ንነዊሕ ዓመታት ዝጸንሐ ፕረዚደንትን ቀዳማይ ሚኒስተርን ሩስያ ኮይኑ ዝመርሕ ዘሎ እዩ

ቭላድሚር ፑቲን መን እዩ?

ኣሜሪካን መሻርኽታን ኣብ ልዕሊ ቁጠባን ፋይናንሳውን ስርዓት ሩስያ ኢሉ'ውን ኣብ ልዕሊ ፑቲን ቀፃሊ ማዕቐብ የንብራ ኣለዋ።

"ናፅነት ኣብ ልዕሊ ምልኪ ክዕወት እዩ" ፕረዝደንት ጆ ባይደን

ኣንቶኒ ዎከር ብህይወት ናይ ዘምምላስ ዕድል'ውን ክገጥሞ ከም ዝኽእል እናፈለጠ'ዩ ስድርኡ ኣብ ቶሮንቶ ገዲፉ ኣብ ጎኒ ዩክሬይን ክዋጋእ መጺኡ።

ኣብ ጎኒ ሰራዊት ዩክረይን ክዋጋእ 8ሽሕ ኪሎ ሜትር ዝተጉዓዘ ኮሜዲያን

ንኑክሌራዊ ዕጥቂ ሩስያን ሓፈሻዊ ብዛዕባ ኑክሌርን ናይ ምዕናው ዓቕሙን ዝድህስስ ጽሑፍ

ሩስያ ክንደይ ኑክሌራዊ ኣጽዋር ኣለዋ?

ኣብ ርእሰከተማ ኪቭ፡ ኣብ ጥቓ ቀንዲ 'ታወር' ተለቪዢን ጽዑቕ ትኪ ንሰማይ ክዓርግ ተራእዩ'ሎ። እቲ ኩነታት ምስ መጥቃዕቲ ሩስያ ዝተሓሓዝ እንተኾይኑ ዛጊት ኣይተፈልጠን ዘሎ።

ወግእ ዝካየደሎም ዘሎ ቀንዲ ቦታታት ዩክረይን

ፕረዚደንት ፑቲን፡ 'ሃገራት ምዕራብ ብመገዲ እዚ ኪዳን ንሩስያ ንምቕርቃር እዩ ዕላማአን' ብምባል፡ ኔቶ ካብቲ ኣብ ምብራቕ ኤውሮጳ ከካይዶ ዝጸንሐ ወተሃደራዊ ንጥፈታቱ ክእደብ ክጽውዕ ጸኒሑ እዩ።

ኔቶ እንታይ እዩ? ሩስያ'ኸ ስለምንታይ እያ ዘይትኣምኖ?

ኣብ እዋን ዝሑል ኲናት፡ ኣብ ሃገራት ምዕራብ ኒዩክሌራዊ ኣጽዋር ሞስኮ ዝከታተል፡ ገዚፍ ብልሒ ዘለወን ናይ ምክትታል ማሺናት ተፈጢረን እየን። ሳተላይታት ንዝኾነ መራኸቢታትን ካልእ ምንጭታትን ተኸታቲለን ኣብ ኑክሌራዊ ኣጽዋር ሩስያ ዝኾነ ምንቅስቓስ ሰባትን ቦታን ከይግበር ተኸታቲሉ ዝሕብር መጠንቀቕታ ዝህብ መሳርሒታት ኣማዕቢለን እየን።

ኒዩክሌራዊ ሓደጋታት እንታይ እዩ?

እዞም ሓለውቲ ዶብ ሰራዊት መርከብ ውግእ ሩስያ ኢድኩም ሃቡ ክብሉዎም እንከለው "ገደል እተው" ኢሎም ዝመለሱሎም ድምጺ ዝሰምዐ ፕሬዝደንት ቮሎድሚር ዜለንስኪ ወተሃደር ምስ ሞተ ዝወሃብ ክብሪ ሂቡዎም ከም ዝነበረ ይዝከር።

ንንኡሽቶ ደሴት እናተኸላኸሉ ሞይቶም ዝተባህሉ ዩክሬናውያን ብህይወት ተረኺቦም

ካልኦት ጸብጻባት'ውን ከምዘመልክትዎ፡ እቶም ካብ ዩክሬን ንፖላንድ ክሰግሩ ዝፍትኑ ዘለው ኣፍሪቃውያን ኣብ ዶብ ፖላንድ ቡዙሕ ምክልባትን ኣድልዎን ይገጥሞም ኣሎ። ክወጽኡ ፍቓድ ኣለዎምን የብሎምን ንምጽራይ ድማ ኣብቲ ዶብ ብዛሕሊ ይሳቐዩ ኣለው።

ካብ ኲናት ዩክሬን ዝሃደሙ ኣፍሪቃውያን ተመሃሮ ዝበጽሖም ኣድልዎ ቁጠዐ ፈጢሩ

ሩስያ ኣብ ልዕሊ ዩክረይን ዝኸፈተቶ ወራር ክልተ ሰሙን መሊእዎ ኣሎ። ሚኒስተር ጕዳያት ወጻኢ ሰርገይ ላቭሮቭን ናይ ዩክረይን መዘናኡ ድሚትሮ ኩሌባን ኣብ ቱርኪ ዘካድዎ ዘተ ብዘይ ፍረ ተበቲኑ። ጆ ባይደን፡ ‘ኣመሪካ ኣብ ዩክረይን ኢዳ እንተእትያ፡ ሳልሳይ ኲናት ዓለም ክለዓል እዩ’ ክብል ኣጠንቂቑ ኣሎ። እቲ ኲናት ዝምልከት ዝህልዉ ሓደሽቲ ምዕባለታት ኣብዚ ክነቕርበልኩም ኢና ተኸታተሉና።

ጆ ባይደን፡ ‘ኣመሪካ ኢዳ እንተእትያ፡ ሳልሳይ ኲናት ዓለም ክለዓል እዩ’

ኣብ 2018 ኣብ ሓደ ሰነዳዊ ምድላው ፕረዝደንት ፑቲን "… እንተድኣ ዝኾነ ሰብ ንሩስያ ንምፅናት ወሲኑ ግብረ መልሲ ናይ ምሃብ ሕጋዊ መሰል ኣለና። እወ፡ ንወድሰብን ዓለምን መቕዘፍቲ'ዩ ክኾን። ግና ኣነ ዜጋን ፕረዝደንትን ሩስያ እየ። ሩስያ ዘይብላ ዓለም ንምንታይ ንደልያ" ክብል ርኢቶ ሂቡ ኔሩ።

ፑቲን ነታ ናይ ኑክሌር መልጎም ይጥውቓ ዶ ይኸውን?

ሩስያ ንዩክሬን ኣብ ዝወረረትሉ፡ ሓሙስ 24 ለካቲት፡ ኣብ ፌስ ቡክ ቫለሪ ዛሉዝኒ ዝተባህለ ሓደ ኣዛዚ ሰራዊት ዩክሬን፡ ስእሊ ክልተ ወተሃደራዊ ክዳን ሩስያ ዝተኸድኑን፡ 'ምሩኻት እዮም' ዝተባህሉን ሰባት ተጠቂዑ ተራእየ።