ኤርትራ

ኢትዮጵያ

ሱዳን

ማእከላይ ምብራቕ

ሳይንስን ጥዕናን

ኣመና ፍቱዋት

ዜና

ቪድዮ

ተዓዘቡ

ራድዮ

ስምዑ

Tigrinya

እቲ ኣብ ርእሰከተማ ሮማ ዝቕጽል ዘሎ ዋዕላ ንፈለማ እዋን ብደረጃ መራሕቲ ሃገራትን መንግስታትን ዝካየድ ዘሎ እዩ። ትማሊ ምሸት መራሒት መንግስቲ ኢጣልያ ዝኾነት ቀዳመይቲ ሚኒስተር ጂዮርጂያ ሜሎኒ ነቶም መራሕቲ ናይ ድራር እንግዶት ገይራትሎም ነይራ።

ፈላሚ ዋዕላ መራሕቲ ኢጣልያን ኣፍሪቃን ኣብ ርእሰከተማ ሮማ ይካየድ ኣሎ

ፕረዚደንት ኢሳይያስ ኣብ ዝሓለፋ ቀረባ ዓመታት ኣብ ሃገራት ሕብረት ኤውሮጳ ክገይሽ ንፈለማ እዋን እዩ። እቲ ፕረዚደንት ብሰንኪ እቲ ዝኸተሎ ዘሎ ምልካዊ ምሕደራን ግህሰት ሰብኣዊ መሰላትን ምስ ብዙሓት ሃገራት ኤውሮጳ ሓርፋፍ ዝምድና ከምዘለዎ ጸብጻባት ይሕብሩ። 

ፕረዚደንት ኢሳይያስ ኣብ ዋዕላ ኢጣልያ-ኣፍሪቃ ንምስታፍ ንሮማ ገይሹ

ተስፋልደት፡ ኣብ ከባቢ ሎስ-ኣንጀለስ ሕቡራት መንግስታት ኣሜሪካ፡ ኣይ-ብራና፡ ቃል-ደሊና፡ 'ደሊና-ግእዝ-ዎርድ' ዝኣመሰሉ ፊደል ትግርኛ ዝመሰረቶም ረቀቕቲ-ንዋተ-ኮምፕዩተር (software) ወይ ከኣ መሳለጥያታት (apps) ብምምሃዝ፡ ፊደላት ግእዝ ብኮምፒዩተር ንኽጸሓፍ ዓቢ ተራ ዝተጻወተ ፕሮግራመር ከምዝነበረ ይፍለጥ። 

መስራትን ኣካያድን መርበብ ሓበሬታ ኣዝማሪኖ ተስፋልደት ኣለም መሓረና ዓሪፉ

መንግስቲ ኤርትራ ኣብ ግንቦት 2002 ወግዓዊ ኣፍልጦ ዝሃበን እምነታት ኦርቶዶክስ ተዋህዶ፡ ካቶሊክ፡ ወንጌላዊት ሉተራዊትን ሱኒ እስልምናን ኮይነን ብዙሓት ሰዓብቲ ናይተን ካልኦት ዝተኣገዳ እምነታት ኣብ ቀይዲ ከምዝርከቡ ተሓለቕቲ ይገልጹ። ብዘይካኦም'ውን፡ ካብ ድሕሪ ናጽነት ጀሚሩ፡ ኣብ ዝተፈላለየ እዋናት፡ መምሃራን 'መሐሃድ' ተባሂለን ዝፍለጣ ብሃይማኖት ምስልምና ዝማሓደራ ኣብያተ-ትምህርቲ ኣብ ቀይዲ ድሕሪ ምእታዎም ሃለዋቶም ከምዘይፍለጥ ጸብጻባት ይሕብሩ።

ኣስመራ፡ ኣብ ጽምብል ዕለተ-ልደት ብውሕዱ 30 ክርስትያናት ተኣሲሮም

ፍቓድ በረራ ክሊ ኣየር ግን ብዝተፈላለየ ምኽንያታት ክነጽግ ይኽእል እዩ። እዚ ከኣ ብሓፈሻ ኣብ ፖሊሲታትን ስርዓታትን ናይታ ነፋሪት እትሓልፈላ ሃገር ወይ ሃገራት ዝምርኮስ ኰይኑ፡ ምስ ጉዳይ ሃገራዊ ድሕነት፡ ገደባት ክሊ ኣየር፡ ክፍሊት፡ ክሊማዊ ኵነታት፡ ድኹም ዲፕሎማስያዊ ዝምድናን ካልእ ምክንያታትን እቲ ሕቶ ፍቓድ ክሊኣየር ተቐባልነት ክስእን ይኽእል።

ኤርትራ፡ ነፋሪት ሚኒስተር ጉዳያት ወጻኢ ጀርመን ብክሊ ኣየራ ክትሓልፍ ከሊኣ ድያ?

ቀርኒ ኣፍሪቃ ኣብ ዓለም ካብ ዘለዉ ዞባታት ብግጭት፡ ምትእትታው ሓያላን ሃገራትን ግህሰት ሰብኣዊ መሰላትን እዩ ዝፍለጥ። ቀርኒ ኣፍሪቃ ኣማኢት ኣሽሓት ዝሞቱሉ ኲናት ዘአንግድ እዚ ወጥሪ ዘይጠፍኣሉ ምኽንያት ሓደ ብሰንኪ ውሽጣዊ ጉዳያት እተን ሃገራት እዩ። ኣብ መንጐ እተን ሃገራት ዘሎ ፖለቲካውን ዲፕሎማስያውን ምትፍናን’ውን ጽልዋ ኣለዎ።

ቅልውላው ቀርኒ ኣፍሪቃ፡ ዝምድና ሃገራት እንታይ ይመስል?

“ጉዕዞ ቢንያም ተምሳሌት ናይቲ እናዓበየ ዝመጽእ ዘሎ ጽልዋ ኣፍሪቃውያን እዩ። ተወፋይነትን ብርቂ ዓወታትን ቢንያም ንብዙሓት ኣብ መላእ እታ ኣሕጉር ዝርከቡ ናብ ዝለዓለ ደረጃታት ዘቋምቱ ተቐዳደምቲ ድርኺት ዝፈጥር እዩ።”  ኣብ ታሪኽ ቅድድም ብሽክለታ ኣፍሪቃ ሓያለ ቅድሚ ሕጂ ተበጺሖም ዘይፈልጡ ዓወታት ብሽሙ ከመዝግብ ዝኽኣለ ወዲ 23 ዓመት ቢንያም ግርማይ ‘መራሒ ሰውራ ቅድድም ብሽክለታ ኣፍሪቃ’ ክበሃል በቒዑ እዩ።

ቢንያም ግርማይ ሓደ ካብ 100 ኣዝዮም ጸለውቲ ኣፍሪቃውያን ኮይኑ ተረቚሑ

ተጻዋታይ ኵዕሶ እግሪ ዝነበረ ክለባት ዓንሰባ - ከረን፡ ቀይሕ ባሕሪ [ኤልፓ] ከምኡ’ውን ንሃገራዊት ጋንታ ኤርትራ ኣብ ዝተፈላለየ ክሊ ዕድመ ተሰሊፉ ዝተጻወተ ሱሌማን ማሕሙድ፡ ሰንበት 21 ጥሪ ወጋሕታ ኣብ ሪያድ ስዑድ ዓረብ፡ ኣብ ገዛኡ ብሃንደበታዊ ሕማም ከምዝዓረፈ፡ ቤተሰብን ፈተውትን ንቢቢሲ ገሊጾም።

ኤርትራ፡ ሃንደበት ዝዓረፈ ኮኾብ ተጻዋታይ ኵዕሶ እግሪ ሱሌማን ማሕሙድ (ስኾይ) መን'ዩ?

ኣብ ዝሓለፈ ቀረባ ዓመታት፡ ምስ ምምጻእ ዲጂታዊ ባጤራ ኣብ ናይ ‘ሓበሻ ኮምዩኒቲ’ ንግዲ ክሪፕቶ ካረንሲ፡ ኣርባሒ ምዃኑን ሰባት ነቲ ዕድል ክጥቀመሉን ክጒስጐስ  ጸኒሑ ኣሎ። ግን እቲ ዝተባህለ ማዕረ እቲ ዝንገር ሓቅነት ኣለዎ ድዩ?  ሓደጋታቱ ኸ እንታይ ይመልስ? ኣብ ከምዚ ወፊሩ ዝበሃል ሚልዮናት ዶላር ኤርትራውያን ኣበይ ኣተወ፡ መን’ከ ረቢሑሉ ንዝብል ሕቶ ቢቢሲ ብዝርዝር ዳህሲስዎ ኣሎ።

ክሪፕቶ፡ ሚልዮናት ዶላር ኤርትራውያን ኣበይ ኣተወ? በዓል መን ከ ረቢሖም?

ኤርትራ፡ ምስ ክቱር ሓዘና ዝሓለፈት ወላዲት 'ተጋዳላይ ሰኣላይ' ስዩም ጸሃየ

ሎሚ ቀዳም 11 ጥሪ 2016 ኣቈጻጽራ ግእዝ ኣብ ኤርትራን ኢትዮጵያን በዓል ጥምቀት ይኽበር ኣሎ። 

ኣከባብራ በዓል ጥምቀት ኣብ ኢትዮጵያን ኤርትራን ብስእሊ

ሓንቲ ካብተን ንፈለማ እዋን ኣብ ህዝባዊ ሓይልታት ኤርትራ ብረት ዓጢቐን ዝተቓለሳ ቀዳሞት ደቀንስትዮ ዝኾነት ተጋዳሊት ወርቁ ዘርኣይ፡ ኣብ መበል 75 ዓመታ ብሕማም ዓሪፋ። ታሪኻ ግን እቲ ኣብ ስነስርዓት ቀብራ ኣብ መቓብር ሓርበኛታት ኣስመራ ዝተነበበ ጥራይ ድዩ ወይስ ካልእ ክምላእን ዝግባኦ ዘይተነግረ ክፋል ኣሎዎ? ቢቢሲ ትግርኛ ንቀረባ ፈለጥታን መቓልስታን ኣዘራሪቡ ዳህሲስዎ ኣሎ።

ኤርትራ፡ ዘይተነግረ ክፋል ዛንታ ተጋዳሊት ወርቁ ዘርኣይ

ክፍሊ ጉዳያት ወጻኢ፡ ኮመንዌልዝን ዓለምለኻዊ ልምዓትን ንቢቢሲ ኣብ ዝሃቦ መልሲ፡ ናብ ኣስመራ ዝመደቦ ኣምባሳደሩ ምንጻጉ ዘለዎ ተቓውሞ ንምስማዕ ኣብ ወርሒ መስከረም 2022 ንኣምባሳደር እስቲፋኖስ ጸዊዑ ኣዘራሪብዎ ከምዝነበረ ይገልጽ።

ብሪጣንያ ብዛዕባ ምምላስ ኣምባሳደር ኤርትራ እንታይ ትብል?

ኣብ መዛዘሚ እቲ መድረኽ ኣብ ዝተኻየደ ቅጽበታዊ ውድድር፡ ኤርትራዊ ተቐዳዳማይ ጋንታ ኢንተርማርሸ፡ ቢንያም ግርማይ ካልኣይ፡ ተቐዳዳማይ ኣልፐቺን ሆላንዳዊ ላርስ ቦቨን ሳልሳይ ኮይኖም ኣትዮም። 

ቢንያም ግርማይ ኣብ ራብዓይ መድረኽ ዙር ዳውን ኣንደር ካልኣይ ኣትዩ

ዋሕዚ ኤርትራውያን ስደተኛታታት ካብ ዓቐን ንላዕሊ ኰይኑ ኣብ ዘለወሉ፡ ብዙሓት ኣብ ጫካታት ኬንያ ተደርብዮም ከምዘለዉ’ውን ይንገር እዩ። ቍጽሮም ብልክዕ ዘይተፈልጠ ድማ ኣብ ዝተፈላለዩ መደበራት ፖሊስ ተቐይዶም ከምዘለዉ ቢቢሲ ትግርኛ ኣረጋጊጹ።

ኤርትራውያን ስደተኛታት፡ ኣብ ሞያለ-ኢትዮጵያ ንኣዋርሕ ተኣሲሮም ከምዘለዉ ተፈሊጡ

መርበብ ሓበሬታ ክፍሊ ጉዳያት ወጻኢ ብሪጣንያ፡ ኣብ ኣስመራ ዝርከብ ኤምባሲ እታ ሃገር ንዜጋታቱ ቆንስላዊ ኣገልግሎታት ከምዝህብ ብምጥቃስ፡ ነቶም ዜግነት ክልቲአን ሃገራት ዘለዎም ንምሕጋዝ ከምዝጽገም ግን ኣስፊሩ’ሎ።

ኣብ መንጎ ኤርትራን ብሪጣንያን እንታይ’ዩ ኣጋጢሙ ዘሎ?

ስዑዳዊ መገዲ ኣየር ፍላይ ናስ ካብን ናብን ጅዳ ናብ ኣስመራ ቀጥታዊ በረራ ምጅማሩ ተገሊጹ።

ፍላይናስ ካብን ናብን ኣስመራ ጅዳ ቀጥታዊ በረራ ጀሚሩ

ኣብ ቀርኒ ኣፍሪቃ ኣብዚ ቀረባ እዋን ዝተረኣዩ ብዙሕ ፖለቲካዊ ለውጥታትን ወጥሪታትን ኣቓልቦ ይስሕቡ ኣለዉ። ኢጋድን ሊግ ዓረብን፡ ብዛዕባ’ቲ ኣዘራራቢ ኰይኑ ዘሎ ስምምዕ ኢትዮ-ሶማሊላንድ ንምዝታይ ኣኼባ ጸዊዖም ኣለዉ። መራሕቲ ኤርትራን ሶማልያን እውን ኣብ ቀረባ እዋን ኣብ ግብጺ ዑደት ከካይዱ ትጽቢት ይግበር።

ወጥሪ ቀርኒ ኣፍሪቃ፡ እንታይ እዋናዊ ምዕባለታት ኣለዉ?

እዞም ኣብ ካምፓላ መርዓ ዘካይዱ መጻምዲ፡ መብዛሕትኡ ግዜ ሓዲኦም ወይ ክልቲኦም ካብ ወጻኢ ሃገር ዝመጽኡ ኰይኖም፡ ብዝተፈላለየ ምኽንያት መርዓኦም ኣብ ሃገሮም ክጽንብልዎ ዘይክእሉ እዮም። 

ዩጋንዳ፡ ልዕሊ 45 ጽምዲ ኤርትራውያን ኣብ ሓደ ሰንበት ቃልኪዳን ኣሲሮም

ኣፈኛ ሚኒስትሪ ጉዳያት ወጻኢ ግብጺ ኣብ ዘውጽኦ ሓበሬታ፡ ብዛዕባ ኲናት ሓድሕድ ሱዳን'ውን ምስ ሰብመዚ ኤርትራ ከምዝተዘራረበ ጠቒሱ።

ኣስመራ፡ ሚኒስተር ጉዳያት ወጻኢ ግብጺ ብዛዕባ 'ዞባዊ ምዕባለታት' ምስ መራሕቲ ኤርትራ ተዘራሪቡ

ቀዳማይ ሚኒስተር ኢትዮጵያ፡ ኣብ ዝሓለፈ ሰሙን ምስታ ባዕላ ናጽነታ ዝኣወጀትን ከም ሃገር ኣፍልጦ ዘይረኸበትን ሶማሊላንድ ንኣፍደገ ባሕሪ ዝምልከት "ምርድዳእ" ድሕሪ ምፍጻማ፡ ካብቲ ኣብ ሞቓድሾ ዝርከብ መንግስቲ ሓያል ተቓውሞ ገጢምዎ ምህላዉ ይፍለጥ።

መግለጺ መራሕቲ ኤርትራን ሶማልያን ብዛዕባ ህሉው ዞባዊ ምዕባለታት

ፕረዚደንት ሶማልያ ሸኽ ሓሰን ሸኽ ማሕሙድ፡ ሎሚ ሰኑይ 8 ጥሪ ኣብ ሰዓታት ንግሆ፡ ናብ ኤርትራ ከም ዝተበገሰ ቤት ጽሕፈት ፕረዚደንት ፈደራላዊት ሪፓብሊክ ሶማልያ ሓቢሩ። 

ፕረዚደንት ሶማልያ ምስ ፕረዚደንት ኢሳይያስ ንምዝርራብ ኣስመራ ኣትዩ

ገለ ካብቶም  ንደቀባት ክምህሩን ቃል ኣምላኽ ክነግሩን፡ ሕክምናዊ ኣገልግሎት ክህቡን ንቀርኒ ኣፍሪቃ ዝተዋፈሩ ሒደት ሚስዮናውያን ብገማግም ቀይሕ ባሕሪ ሰጊሮም ንኤርትራ ምስ ኣተው እዮም ካብ ባጽዕ 5 ኪ.ሜ. ርሒቓ ኣብ እትርከብ እምኩሉ ዝተባህለት ዓዲ ሰፈሩ። 

ንህዝቦም ካብ ባርነት ዘድሓኑ ኦነሲሞስ ነሲብ  

ኣብ ኢትዮጵያ ልዕሊ 18 ሽሕ ዝተሰንዐ ግዝያዊ መንበሪ ፍቓድ፡ ልዕሊ 1,500 ናይ ሓሶት ቪዛ፡ ከምኡ’ውን ልዕሊ 1,800፡ ግቡእ ሰነድ ዘይብሉ ብሓሶት ዝተዋህበ ኢትዮጵያዊ ዜግነት ዝሓዙ ውልቀሰባት ከምዘለዎ፡ ዝተገብረ መርመራ ኣቃሊዑ።