న్యూజిలాండ్పై మూడో వన్డేలో గెలుపు.. నెంబర్ 1 ర్యాంకుకు చేరుకున్న భారత్
భారత్, న్యూజిలాండ్పై మూడో వన్డే లో గెలిచి 3-0తో సీరీస్ కైవసం చేసుకుంది. దీంతో ఐసీసీ ర్యాంకింగ్లో నంబర్ 1 స్థానానికి చేరుకుంది.
లైవ్ కవరేజీ
బెంగళూరు: భార్య సహా ఆమె పుట్టింటివారిలో ఆరుగురిని చంపారనే ఆరోపణపై క్యాబ్ డ్రైవర్ అరెస్ట్

ఫొటో సోర్స్, Denis Doyle/Getty Images
ఫొటో క్యాప్షన్, నిందితుడు మొదట తన భార్య సునీతను హత్య చేసినట్లు ఆరోపణలు ఉన్నాయి. ఇందుకోసం వంటగదిలో ఉన్న రోకలిని ఉపయోగించినట్లు సమాచారం. (ప్రతీకాత్మక చిత్రం) బెంగళూరులో భార్యతో పాటు ఆమె కుటుంబానికి చెందిన ఆరుగురిని హత్య చేసినట్లు ఆరోపణలు ఎదుర్కొంటున్న 53 ఏళ్ల క్యాబ్ డ్రైవర్ను పోలీసులు అరెస్ట్ చేశారు.
15 నుంచి 20 రోజుల వ్యవధిలో ఈ హత్యలు జరిగినట్లు పోలీసులు అనుమానిస్తున్నారు.
నిందితుడు ఎస్. ఇందుశేఖర్ మొదట తన భార్య సునీతను హత్య చేసినట్లు ఆరోపణలు ఉన్నాయి. ఇందుకోసం వంటగదిలో ఉన్న రోకలిని ఉపయోగించినట్లు పోలీసులు తెలిపారు.
"ఇప్పటివరకు జరిగిన విచారణలో మృతదేహాలను ప్యాక్ చేసి, తరలించేందుకు తన మైనర్ కుమార్తె సహాయం తీసుకున్నట్లు నిందితుడు వెల్లడించాడు" అని బెంగళూరు పోలీస్ కమిషనర్ సీమంత్ కుమార్ సింగ్ మీడియాకు తెలిపారు.
"ప్రస్తుతం ఒక మృతదేహం లభించిన ప్రాంతానికి నిందితుడిని తీసుకెళ్లాం. నిందితుడు చెప్పింది నిజమైతే ఇంకా ఆరు మృతదేహాలను స్వాధీనం చేసుకోవాల్సి ఉంది" అని సింగ్ వెల్లడించారు.
నిందితుడు తన అత్త రూపావతిని భోజనానికి ఆహ్వానించి, ఆహారంలో మత్తు పదార్థం కలిపినట్లు ఆరోపణలు ఉన్నాయి. అనంతరం రోకలితో ఆమెను హత్య చేసినట్లు పోలీసులు అనుమానిస్తున్నారు.
ఆ తర్వాత తన భార్య సోదరులు శివకుమార్, శంకర్ వారి భార్యలు నళిని, దివ్యలను కూడా ఆహ్వానించాడు. వీరందరిని ఆహారంలో మత్తు పదార్థం కలిపి, ఆ తరువాత హత్య చేసినట్లు ఆరోపణలు ఉన్నాయి.
శివకుమార్కు చెందిన ఏడేళ్ల కుమారుడిని కూడా ఇందుశేఖర్ హత్య చేసినట్లు ఆరోపణలు ఉన్నాయి. ఆ బాలుడిని భోజనానికి పిలవకపోయినా తన తండ్రితో పాటు అక్కడికి వచ్చాడు.
ఇంధుశేఖర్ మొదట సునీత ఫోన్ నుంచే ఆమె పుట్టింటి వారికి సందేశం పంపించాడని, తాను దక్షిణ కన్నడ జిల్లాలోని కుక్కే సుబ్రహ్మణ్య ఆలయానికి వెళ్తున్నట్లు ఆ సందేశంలో పేర్కొన్నాడని పోలీసు అధికారి తెలిపారు.
తమ కుటుంబ సభ్యులు గల్లంతైనట్లు నళిని తల్లి తుంగమ్మ ఫిర్యాదు చేయడంతో ఈ హత్యల విషయం వెలుగులోకి వచ్చింది.
"నిందితుడికి తన భార్య, ఆమె కుటుంబ సభ్యులతో వ్యక్తిగత వైరం ఉన్నట్లు ప్రాథమికంగా తెలుస్తోంది. అయితే ఈ స్థాయికి వెళ్లడం ఆశ్చర్యకరం. అన్ని కోణాల్లో దర్యాప్తు చేస్తున్నాం" అని సింగ్ తెలిపారు.
నిందితుడు క్యాబ్ డ్రైవర్గా పనిచేస్తున్నట్లు పోలీసు అధికారి వెల్లడించారు. ఆరేడేళ్ల క్రితం మడివాల పోలీస్ స్టేషన్లో అతనిపై చైన్ స్నాచింగ్ కేసు నమోదైనట్లు తెలిపారు.
నిందితుడు ఇంట్లో ఓ పోస్టర్ కూడా ఉందని, అందులో తనకు ఓ మాసపత్రిక, వార్తాపత్రిక ఉన్నట్లు రాసి ఉందని సింగ్ తెలిపారు. ఈ విషయంపై కూడా విచారణ జరుపుతున్నట్లు వెల్లడించారు.
‘‘స్నానానికి బదులు పెర్ఫ్యూమ్తో సరిపెట్టుకుంటున్న ఉద్యోగులు, కాలేజీకి సెలవులు పెడుతున్న విద్యార్థులు’’
ప్రవళికను బస్సులోంచి తోసేసిన నిందితురాలు ఎవరు?

ఫొటో సోర్స్, UGC
ఫొటో క్యాప్షన్, ప్రయాణికురాలు తోయడంతో బస్సు కిందపడి, ఆస్పత్రిలో చికిత్స పొందుతూ మృతి చెందిన ప్రవళిక అక్టోబర్ 25న ఓ ప్రయాణికురాలి దాడిలో బస్సు నుంచి పడిపోయిన ప్రవళిక చికిత్స పొందుతూ నవంబర్ 3న మరణించారని ఆమె తల్లి విజయలక్ష్మి తెలిపారు. ప్రవళిక తండ్రి కూడా ఆర్టీసీ ఉద్యోగి. దాదాపు మూడేళ్ల క్రితం ఆయన ఉద్యోగంలో ఉండగానే మరణించారు అసలు బస్సులో ఏం జరిగింది ప్రవళిక ఆస్పత్రిలో ఉండగా తన తల్లికి వివరించారు. మరింత కథనాన్ని చదవండి.
బస్సులో ‘చిల్లర గొడవ’ గురించి కండక్టర్ ప్రవళిక తన తల్లికి ఏం చెప్పారు, ప్రవళికను బస్సులోంచి తోసేసిన నిందితురాలు ఎవరు?
‘సీన్’ మూవీ రివ్యూ: మాస్ హీరో ఇమేజ్ను తగ్గించుకుని సూర్య నటించిన ఈ సినిమా ఎలా ఉంది?
‘పార్టీని చీల్చాలనుకునే వారి ప్రయత్నాలు ఫలించవు’- ఫారుక్ అబ్దుల్లా

ఫొటో సోర్స్, Nasir Kachroo/NurPhoto via Getty Images
ఫొటో క్యాప్షన్, నేషనల్ కాన్ఫరెన్స్కు చెందిన అసంతృప్త ఎమ్మెల్యేల బృందంతో ఫారూక్ అబ్దుల్లా, ముఖ్యమంత్రి ఒమర్ అబ్దుల్లా సమావేశమయ్యారు. నేషనల్ కాన్ఫరెన్స్ అధ్యక్షుడు డాక్టర్ ఫారూక్ అబ్దుల్లా శుక్రవారం శ్రీనగర్లోని తన నివాసంలో అసంతృప్త ఎమ్మెల్యేలతో సమావేశమయ్యారు. పార్టీలో చీలిక వస్తోందనే భయాలను ఆయన ఈ సమావేశం ద్వారా తగ్గించే ప్రయత్నం చేశారు.
ఈ సమావేశానికి ఫారూక్ అబ్దుల్లా కుమారుడు, జమ్ము కశ్మీర్ ముఖ్యమంత్రి ఒమర్ అబ్దుల్లా కూడా హాజరయ్యారు. ఈ తండ్రీకొడుకులు కొంతమంది అసంతృప్త ఎమ్మెల్యేలతో మాట్లాడారు.
‘‘పార్టీలో చీలికలు వస్తున్నాయంటూ నిరాధార వార్తలు వ్యాప్తి చేస్తున్నారు. మా పార్టీ ఐక్యంగా ఉంది. పార్టీని చీల్చాలని చూసేవారు విజయం సాధించలేరు’’ అని ఫారూక్ అబ్దుల్లా తన నివాసం వెలుపల విలేఖరులతో చెప్పారు.
అక్టోబర్ 27న ఒమర్ అబ్దుల్లా మంత్రివర్గంలో షమీమా ఫిర్దౌస్, అలీ మహమ్మద్ సాగర్, మీర్ సైఫుల్లా, అల్తాఫ్ కల్లూలకు చోటు కల్పించడంతో పార్టీలోని కొందరు ఎమ్మెల్యేలు అసంతృప్తికి గురయ్యారు.
అమెరికా మధ్యంతర ఎన్నికలు: ట్రంప్ పార్టీ ఓటమి.. ప్రపంచ దేశాలపై ఎలాంటి ప్రభావం చూపనుంది?
మెట్రో-ఆర్టీసీ కంబైన్డ్ ట్రావెల్ పాస్ ధరలు తగ్గింపు

ఫొటో సోర్స్, ponnam prabhakar/facebook
ఫొటో క్యాప్షన్, పొన్నం ప్రభాకర్ హైదరాబాద్లో మెట్రో రైలు, ఆర్టీసీ బస్సుల కంబైన్డ్ ట్రావెల్ పాస్ల ధరలు తగ్గిస్తున్నట్లు తెలంగాణ రవాణా శాఖ మంత్రి పొన్నం ప్రభాకర్ ప్రకటించారు.
రోజువారీ కంబైన్డ్ పాస్ ధర రూ. 400 నుంచి రూ. 275కి, మంత్లీ పాస్ ధర రూ. 8,500 నుంచి రూ. 4,000కు తగ్గించినట్లు ఆయన చెప్పారు.
తగ్గించిన ధరలతో పాస్లు నవంబర్ 8 నుంచి అందుబాటులోకి వస్తాయని తెలిపారు.
ప్రయాణికులపై భారం మరింత తగ్గించేందుకు, ప్రజా రవాణా సేవలను మరింత వినియోగించుకునేలా చేసేందుకు ఈ చర్యలు చేపడుతున్నట్లు మంత్రి పొన్నం ప్రభాకర్ చెప్పారు.
రోజువారీ పాస్లో రూ.200 మెట్రోలో, రూ.75 ఆర్టీసీలో వినియోగించుకోవచ్చు. రోజుకు నాలుగు సింగిల్ జర్నీలకు అనుమతి ఉంటుంది.
నెలవారీ పాస్లో మెట్రోకు రూ.3,000, ఆర్టీసీకి రూ.1,000 కేటాయింపు ఉంటుంది.
నెలలో గరిష్ఠంగా 50 మెట్రో సింగిల్ ట్రిప్లకు అనుమతి ఉంటుంది. ఆర్టీసీ బస్సుల్లో ప్రయాణించడానికి ఎలాంటి పరిమితి లేదు.
వెరికోస్ వెయిన్స్: కాళ్లలో నరాలు ఉబ్బుతున్నాయా? నిర్లక్ష్యం చేస్తే ప్రమాదమే..
అమెరికా ఎన్నికల ఫలితాల ఎఫెక్ట్: టెక్ కంపెనీల షేర్లలో భారీ పతనం

ఫొటో సోర్స్, TIMOTHY A. CLARY / AFP via Getty Images
ఫొటో క్యాప్షన్, అమెరికా, ఆసియాలోని ప్రముఖ టెక్ కంపెనీల మార్కెట్ విలువ నుంచి వందల బిలియన్ల డాలర్లు ఆవిరయ్యాయి. అమెరికా మధ్యంతర ఎన్నికల తర్వాత స్టాక్ మార్కెట్లో భారీ పతనం కనిపించింది. అమెరికా, ఆసియాలోని ప్రముఖ టెక్ కంపెనీల మార్కెట్ విలువ నుంచి వందల బిలియన్ల డాలర్లు ఆవిరయ్యాయి.
ఆర్టిఫిషియల్ ఇంటెలిజెన్స్ (ఏఐ) అభివృద్ధి వేగం తగ్గుతుందనే ఆందోళనలే ఇందుకు కారణం. ఏఐ అభివృద్ధిని నెమ్మదింపజేయాలనే అంశంతో ఎన్నికల బరిలోకి దిగిన డెమొక్రటిక్ అభ్యర్థులు విజయం సాధించడంతో టెక్నాలజీ, ఏఐ రంగాలకు చెందిన కంపెనీల షేర్లు భారీగా పడిపోయాయి.
టెక్ కంపెనీల వాటా ఎక్కువగా ఉన్న నాస్డాక్ కాంపోజిట్ ఇండెక్స్ 5.5 శాతానికి పైగా పడిపోయింది. దీంతో కంపెనీల మార్కెట్ విలువ సుమారు 2.5 ట్రిలియన్ డాలర్లు తగ్గినట్లు డౌ జోన్స్ గణాంకాలు వెల్లడించాయి.
అమెరికాలోని ఇతర ప్రధాన స్టాక్ మార్కెట్ సూచీలు కూడా భారీగా నష్టపోయాయి. 2025 తర్వాత ఆయా సూచీలకు ఇదే ‘అత్యంత చెత్త ట్రేడింగ్ రోజు’గా నిలిచింది.
ఏఐ కోసం భారీగా ఖర్చు చేస్తున్నప్పటికీ, దాని వల్ల ఆశించిన ప్రయోజనాలు అందుతాయా లేదా అన్న ఆందోళనలు ఇప్పటికే నెలకొన్నాయి. ఈ నేపథ్యంలోనే తాజాగా షేర్ల విక్రయాలు వెల్లువెత్తాయి.
ఆసియాలోనూ శుక్రవారం ఉదయం టెక్ కంపెనీల వాటా అధికంగా ఉన్న స్టాక్ మార్కెట్ సూచీలు భారీగా పతనమయ్యాయి.
జపాన్కు చెందిన నిక్కీ 225 సూచీ ప్రారంభ ట్రేడింగ్లోనే 5 శాతం పడిపోయింది. ఈ క్రమంలో పానాసోనిక్ షేర్లు 10 శాతానికి పైగా నష్టపోగా, హిటాచీ షేర్లు దాదాపు 8 శాతం పడిపోయాయి.
దక్షిణ కొరియాలోని ప్రముఖ టెక్ కంపెనీల షేర్లు పడిపోవడంతో కోస్పీ సూచీ కూడా 8.5 శాతానికి పైగా క్షీణించింది. చిప్ల తయారీ సంస్థ ఎస్కే హైనిక్స్ షేర్లు 11.5 శాతానికి పైగా నష్టపోగా, శాంసంగ్ షేర్లు దాదాపు 10 శాతం పడిపోయాయి.
అమెరికాలోని పలు ఎన్నికల నియోజకవర్గాల్లో డెమొక్రటిక్ అభ్యర్థులు డేటా సెంటర్ల నిర్మాణం, ఏఐ వేగవంతమైన విస్తరణను అడ్డుకోవాలనే అంశాలతో ప్రచారం చేశారు. ఈ సాంకేతికతకు అత్యంత అవసరమైన డేటా సెంటర్ల నిర్మాణం, విస్తరణపై ఆంక్షలు విధించడమే వీటి లక్ష్యం.
స్టాక్ మార్కెట్ పతనానికి డెమొక్రాట్లే కారణం: డోనల్డ్ ట్రంప్

ఫొటో సోర్స్, GETTY IMAGES
ఫొటో క్యాప్షన్, అమెరికా అధ్యక్షుడు డోనల్డ్ ట్రంప్ ఎన్నికల ఫలితాల నేపథ్యంలో స్టాక్ మార్కెట్ చరిత్రలోనే అత్యంత దారుణమైన రోజుల్లో ఒకటి నమోదైందని అమెరికా అధ్యక్షుడు డోనల్డ్ ట్రంప్ ట్రూత్ సోషల్లో పోస్ట్ చేశారు.
‘‘ఎన్నికల ఫలితాల నేపథ్యంలో స్టాక్ మార్కెట్ చరిత్రలోనే అత్యంత దారుణమైన రోజుల్లో ఒకటిని చవిచూసింది. ఇది చూడటం చాలా బాధాకరం. ఇంతకుముందెన్నడూ చూడని స్థాయికి మార్కెట్ను తీసుకెళ్లేందుకు ఎంతో కష్టపడ్డాం. కానీ ఇప్పుడు ఇలా జరిగింది. దీంతో మీ 401(k) రిటైర్మెంట్ పొదుపు ఖాతాల్లోని నిధుల విలువ కూడా తగ్గిపోయింది. గుర్తుంచుకోండి.. దీనికి కారణం రిపబ్లికన్లు కాదు.. డెమొక్రాట్లు. అయితే భయపడాల్సిన అవసరం లేదు. అతి త్వరలో, ఎలాగోలా మనం గతంలో ఎన్నడూ లేనంత పెద్ద శక్తిగా, మరింత బలంగా ఎదుగుతాం. అమెరికాను మళ్లీ గొప్ప దేశంగా తీర్చిదిద్దుతాం” అని రాశారు.
శాఫ్ ఛాంపియన్ షిప్: పాకిస్తాన్పై భారత్ ఘన విజయం

ఫొటో సోర్స్, Scott Barbour/Getty Images
ఫొటో క్యాప్షన్, భారత్ తరఫున సుహైల్ అహ్మద్ భట్ రెండు గోల్స్ చేశారు. (ఫైల్ ఫొటో) ఢాకాలోని నేషనల్ స్టేడియంలో సౌత్ ఏషియన్ ఫుట్బాల్ ఫెడరేషన్ ఛాంపియన్షిప్ 2026లో భాగంగా డిఫెండింగ్ ఛాంపియన్ భారత్ పాకిస్తాన్ మధ్య జరిగిన మ్యాచ్లో భారత్ 3-2తో గెలిచింది.
భారత్ తరఫున సుహైల్ అహ్మద్ భట్ రెండు గోల్స్ చేసి జట్టుకు ఆధిక్యాన్ని అందించినట్టు ఈఎస్పీఎన్ కథనం పేర్కొంది.
తర్వాత మాంగ్లెంతాంగ్ కిప్గెన్ మరో గోల్ చేయడంతో భారత్ ఆధిక్యం 3-0కు చేరింది. తొలి అర్ధభాగంలో భారత జట్టు మెరుగైన ఆటతీరు కనబరిచింది.
రెండో అర్ధభాగంలో మ్యాచ్ ముగిసే ముందు అదనపు సమయంలో పాకిస్తాన్ రెండు గోల్స్ చేసింది.
నజీబుల్లా హెడర్ ద్వారా తొలి గోల్ చేయగా, ఆలంగీర్ గాజీ అద్భుతమైన షాట్తో రెండో గోల్ సాధించారు.
కానీ పాకిస్తాన్ చివర్లో చేసిన పోరాటం ఫలించలేదు. భారత్ 3-2తో విజయం సాధించింది.
సుప్రీంకోర్టులో ఉమర్ ఖలీద్ బెయిల్ పిటిషన్

ఫొటో సోర్స్, Vipin Kumar/Hindustan Times via Getty Images
ఫొటో క్యాప్షన్, సుప్రీంకోర్టు బెయిల్పై విధించిన ఏడాది గడువు త్వరలో ముగియనుందని ఉమర్ ఖలీద్ తన పిటిషన్లో పేర్కొన్నారు. దిల్లీ అల్లర్ల కుట్ర కేసులో బెయిల్ మంజూరు చేయాలని కోరుతూ జేఎన్యూ మాజీ విద్యార్థి ఉమర్ ఖలీద్ సుప్రీంకోర్టును ఆశ్రయించారు.
ఈ ఏడాది జనవరిలో తన బెయిల్ను తిరస్కరిస్తూ సుప్రీంకోర్టు విధించిన షరతులను ఆయనీ సందర్భంగా తన పిటిషన్లో ప్రస్తావించారు.
సుప్రీంకోర్టు ఏడాదిపాటు మళ్లీ బెయిల్ పిటిషన్ వేయకూడదని విధించిన ఆంక్షలు త్వరలో ముగియనున్నాయని ఆయన తెలిపారు.
ఈ కేసులో ప్రభుత్వ తరఫు సాక్షుల విచారణ 2027 జనవరి 5వ తేదీలోగా పూర్తయ్యే అవకాశం లేదని పేర్కొన్నారు.
తాను చాలా కాలంగా జైలులో ఉన్నానని, అందువల్ల బెయిల్ మంజూరు చేయాలని ఆయన కోరారు.
జస్టిస్ అరవింద్ కుమార్, జస్టిస్ ఎన్వీ అంజారీలతో కూడిన ధర్మాసనం 2026 జనవరి 5న షర్జీల్ ఇమామ్, ఉమర్ ఖలీద్లకు బెయిల్ నిరాకరించింది.
అయితే బెయిల్ నిరాకరిస్తూ సుప్రీంకోర్టు రెండు షరతులు విధించింది.
- కేసులో సాక్షుల విచారణ పూర్తయితే మళ్లీ బెయిల్ కోరవచ్చు.
- సుప్రీంకోర్టు ఆదేశాలు జారీ చేసి ఏడాది పూర్తయిన తరువాత మళ్లీ బెయిల్ పిటిషన్ దాఖలు చేయవచ్చు.
ఈ రెండింటిలో ఏది ముందుగా పూర్తయితే ఆ మేరకు మళ్లీ బెయిల్ కోసం దరఖాస్తు చేసుకోవచ్చని సుప్రీంకోర్టు తెలిపింది.
ఇజ్రాయెల్లో ప్రభుత్వ ఏర్పాటుకు ఏ పార్టీ అరబ్ పార్టీల మద్దతు ఎందుకు తీసుకోవడం లేదు?
జార్ఖండ్: బొగ్గుకుప్ప కూలి ముగ్గురు మహిళలు మృతి

ఫొటో సోర్స్, Sartaj Alam
జార్ఖండ్లోని బొకారో జిల్లా కతారా కూలియరీలో ఓ భారీ బొగ్గు కుప్ప కూలిన ప్రమాదంలో ముగ్గురు మహిళలు ప్రాణాలు కోల్పోయారు.
ఈ ఘటనను బెర్మో ఎస్డీపీఓ రవీంద్ర సింగ్ ధృవీకరించారు.
ఆయన తెలిపిన వివరాల మేరకు ప్రమాదం జరిగిన ప్రాంతంలో సీసీఎల్కు చెందిన బొగ్గు నిల్వలు ఉన్నాయి. స్థానిక మహిళలు కొంతమంది ఉదయం 5గంటల ప్రాంతంలో బొగ్గు ఏరుకోవడానికి అక్కడకు వచ్చారు. బొగ్గు కుప్ప నుంచి చేతులతో బొగ్గు లాగుతుండగా, ఒక్కసారిగా బొగ్గుకుప్ప కూలిపోయింది. దీంతో దానికింద చిక్కుకున్న వారిలో ముగ్గురు మహిళలు మరణించారు. వీరితోపాటు వచ్చిన మరో నలుగురు సురక్షితంగానే ఉన్నారు. వారిని ఇళ్లకు పంపించాం’ అని రవీంద్ర సింగ్ చెప్పారు.
మృతి చెందిన ముగ్గురు మహిళలు స్థానిక బాంధ్ బస్తీకి చెందినవారని స్థానికులు తెలిపారు.
యూరప్లో పలు విమానాలకు బాంబు బెదిరింపులు

ఫొటో సోర్స్, Reuters
ఫొటో క్యాప్షన్, రెండు రోజుల కిందట కూడా ఇలాంటి బాంబు బెదిరింపులతో ఏడు విమానాల రాకపోకలకు అంతరాయం కలిగింది. యూరప్లో పలు విమానాలకు బాంబు బెదిరింపులు రావడంతో వాటి రాకపోకలకు అంతరాయం కలిగింది.
రెండు రోజుల క్రితం కూడా ఇలాంటి బెదిరింపుల కారణంగా ఏడు విమానాలపై ప్రభావం పడింది.
ఈరోజు ప్రభావితమైన విమానాల్లో ఎయిర్ లింగస్కు చెందిన ఎయిర్బస్ ఏ320 విమానం కూడా ఉంది. ఈ విమానం డబ్లిన్ నుంచి రోమ్కు వెళ్తోంది.బాంబు బెదిరింపు రావడంతో ఆ విమానం అత్యవసర హెచ్చరిక జారీ చేసింది. తన ప్రయాణ మార్గాన్ని మార్చుకుని ఉత్తర ఫ్రాన్స్లోని ఎవెరూ వైమానిక స్థావరంలో దిగింది.
మరోవైపు ఫిన్లాండ్కు చెందిన ఫిన్నైర్ విమానయాన సంస్థ కూడా గురువారం తమ విమానానికి బాంబు బెదిరింపు వచ్చినట్లు తెలిపింది.
హెల్సింకి నుంచి రోమ్కు వెళ్తున్న ఆ విమానానికి వాయుసేన యుద్ధ విమానాలు రక్షణగా వెళ్లాయి. అయితే ఆ విమానం నిర్ణయించిన సమయానికే రోమ్లో సురక్షితంగా దిగింది.
లవకుశ నుంచి నేటి సినిమా దాకా: తెలుగు ప్రజలు కోరుకునే రామకథ ఏది?
అమెరికా మిడ్టర్మ్ ఎన్నికల ఫలితాల ప్రభావం: దిగివస్తున్న ముడి చమురు ధరలు

ఫొటో సోర్స్, Bloomberg via Getty Image
ఫొటో క్యాప్షన్, బుధవారం కూడా చమురు ధరలు 8 శాతానికి పైగా తగ్గాయి. ప్రపంచ మార్కెట్లో ముడి చమురు ధరలు తగ్గుతూనే ఉన్నాయి. అమెరికా మధ్యంతర ఎన్నికల ఫలితాల తర్వాత ఇరాన్తో యుద్ధం ముగియవచ్చని లేదా ఉద్రిక్తతలు తగ్గవచ్చని వ్యాపారులు భావిస్తున్నారు.
గురువారం మధ్యాహ్నం ఆసియా మార్కెట్లో బ్రెంట్ చమురు ధర 0.9 శాతం తగ్గి బ్యారెల్కు 93.74 డాలర్లకు చేరింది.
అమెరికాలో ముడి చమురు ధర 1.5 శాతం తగ్గి బ్యారెల్కు 86.83 డాలర్లకు పడిపోయింది.
బుధవారం కూడా చమురు ధరలు 8 శాతానికి పైగా తగ్గాయి.
ఎన్నికల్లో రిపబ్లికన్ పార్టీ ఓటమికి ఇరాన్తో యుద్ధం కారణంగా పెరిగిన ఇంధన ధరలే కారణమని అమెరికా ఉపాధ్యక్షుడు జేడీ వాన్స్ అన్నారు.
అయితే అంతకుముందు కూడా ముడి చమురు ధరలు రెండు నెలల కనిష్ఠ స్థాయికి పడిపోయాయి.
రామాయణం మూవీ రివ్యూ : రావణుడి కోణం నుంచి చెప్పిన ఈ సినిమా మెప్పించిందా?
