పెట్రోల్, డీజిల్ మీద వ్యాట్ తగ్గించండి.. రాష్ట్రాలకు ప్రధాని మోదీ వినతి

'ప్రజలపై ధరల భారం తగ్గించడానికి పెట్రోల్, డీజిల్‌పై మేం పన్నులు తగ్గించాం. కానీ తెలంగాణ, ఆంధ్రప్రదేశ్ సహా కొన్ని రాష్ట్రాలు చమురుపై తమ పన్నులను తగ్గించలేదు. ఇప్పటికైనా వ్యాట్ తగ్గించి ప్రజలకు ప్రయోజనం కలిగించండి' అని ప్రధాని నరేంద్ర మోదీ అన్నారు.

లైవ్ కవరేజీ

పృథ్వి రాజ్

  1. ఇజ్రాయెల్: నెతన్యాహు ప్రత్యర్థి ఐజెన్‌కోట్‌కు ప్రభుత్వం ఏర్పాటు చేయాలంటూ ఆహ్వానం.. అరబ్ పార్టీ కింగ్ మేకర్‌లు అవుతాయా?

  2. బ్లాక్ స్కై: కొన్నిరోజుల పాటు కరెంట్ పోయి, ఇంటర్నెట్ లేకుండా, ఫోన్లలో చార్జింగ్ కూడా అయిపోతే మీ పరిస్థితేంటి?

  3. ఎమర్జెన్సీ, సంజయ్ గాంధీ, బాబ్రీ మసీదు-ఆత్మకథలో వీటి గురించి సోనియా గాంధీ ఏం రాశారు?

  4. వృద్ధ తల్లిదండ్రుల సంరక్షణ కోసం స్టార్టప్‌ల వైపు భారతీయుల మొగ్గు

  5. రెండేళ్లపాటు రిలీజ్ చేయడానికి ఎవరూ ముందుకు రాని సినిమా, విడుదల తరువాత ప్రేక్షకులు కన్నీళ్లతో బయటకు వస్తున్నారు

  6. మహమ్మద్ షమీ: టెస్ట్‌ జట్టులోకి వచ్చిన తేదీనే 'తెల్ల జెర్సీకి వీడ్కోలు'

  7. ‘డూమ్స్ డే’: ఈ నవంబర్ 13న ప్రపంచం అంతరించిపోతుందా? మళ్లీ వార్తల్లోకి వచ్చిన ఆ పాత అధ్యయనంలో ఏముంది?

  8. 'నువ్వు ఏడుస్తావా అని అడిగారు': జాబ్ ఇంటర్వ్యూలలో ఎదురయ్యే కొన్ని షాకింగ్ అనుభవాలు ఎలా ఉంటాయంటే..

  9. నిత్యా రామన్: లాస్ ఏంజెలెస్ కొత్త మేయర్‌గా ఎన్నికైన ఈ భారతీయ మహిళ ఎవరు? ఆమెను న్యూయార్క్ మేయర్ జోహ్రాన్ మమ్దానీతో ఎందుకు పోలుస్తున్నారు?

  10. అగ్నిపథ్ స్కీమ్‌లో మార్పులేంటి ? నాలుగు ప్రశ్నలు-జవాబులు

  11. ‘‘స్నానానికి బదులు పెర్ఫ్యూమ్‌తో సరిపెట్టుకుంటున్న ఉద్యోగులు, కాలేజీకి సెలవులు పెడుతున్న విద్యార్థులు’’

  12. ప్రవళికను బస్సులోంచి తోసేసిన నిందితురాలు ఎవరు?

    ప్రయాణికురాలు తోయడంతో బస్సు కిందపడి, ఆస్పత్రిలో చికిత్స పొందుతూ మృతి చెందిన ప్రవళిక
    ఫొటో క్యాప్షన్, ప్రయాణికురాలు తోయడంతో బస్సు కిందపడి, ఆస్పత్రిలో చికిత్స పొందుతూ మృతి చెందిన ప్రవళిక

    అక్టోబర్ 25న ఓ ప్రయాణికురాలి దాడిలో బస్సు నుంచి పడిపోయిన ప్రవళిక చికిత్స పొందుతూ నవంబర్ 3న మరణించారని ఆమె తల్లి విజయలక్ష్మి తెలిపారు. ప్రవళిక తండ్రి కూడా ఆర్టీసీ ఉద్యోగి. దాదాపు మూడేళ్ల క్రితం ఆయన ఉద్యోగంలో ఉండగానే మరణించారు అసలు బస్సులో ఏం జరిగింది ప్రవళిక ఆస్పత్రిలో ఉండగా తన తల్లికి వివరించారు. మరింత కథనాన్ని చదవండి.

  13. బస్సులో ‘చిల్లర గొడవ’ గురించి కండక్టర్ ప్రవళిక తన తల్లికి ఏం చెప్పారు, ప్రవళికను బస్సులోంచి తోసేసిన నిందితురాలు ఎవరు?

  14. ‘పార్టీని చీల్చాలనుకునే వారి ప్రయత్నాలు ఫలించవు’- ఫారుక్ అబ్దుల్లా

    ఫారూక్ అబ్దుల్లా
    ఫొటో క్యాప్షన్, నేషనల్ కాన్ఫరెన్స్‌కు చెందిన అసంతృప్త ఎమ్మెల్యేల బృందంతో ఫారూక్ అబ్దుల్లా, ముఖ్యమంత్రి ఒమర్ అబ్దుల్లా సమావేశమయ్యారు.

    నేషనల్ కాన్ఫరెన్స్ అధ్యక్షుడు డాక్టర్ ఫారూక్ అబ్దుల్లా శుక్రవారం శ్రీనగర్‌లోని తన నివాసంలో అసంతృప్త ఎమ్మెల్యేలతో సమావేశమయ్యారు. పార్టీలో చీలిక వస్తోందనే భయాలను ఆయన ఈ సమావేశం ద్వారా తగ్గించే ప్రయత్నం చేశారు.

    ఈ సమావేశానికి ఫారూక్ అబ్దుల్లా కుమారుడు, జమ్ము కశ్మీర్ ముఖ్యమంత్రి ఒమర్ అబ్దుల్లా కూడా హాజరయ్యారు. ఈ తండ్రీకొడుకులు కొంతమంది అసంతృప్త ఎమ్మెల్యేలతో మాట్లాడారు.

    ‘‘పార్టీలో చీలికలు వస్తున్నాయంటూ నిరాధార వార్తలు వ్యాప్తి చేస్తున్నారు. మా పార్టీ ఐక్యంగా ఉంది. పార్టీని చీల్చాలని చూసేవారు విజయం సాధించలేరు’’ అని ఫారూక్ అబ్దుల్లా తన నివాసం వెలుపల విలేఖరులతో చెప్పారు.

    అక్టోబర్ 27న ఒమర్ అబ్దుల్లా మంత్రివర్గంలో షమీమా ఫిర్దౌస్, అలీ మహమ్మద్ సాగర్, మీర్ సైఫుల్లా, అల్తాఫ్ కల్లూలకు చోటు కల్పించడంతో పార్టీలోని కొందరు ఎమ్మెల్యేలు అసంతృప్తికి గురయ్యారు.

  15. అమెరికా మధ్యంతర ఎన్నికలు: ట్రంప్ పార్టీ ఓటమి.. ప్రపంచ దేశాలపై ఎలాంటి ప్రభావం చూపనుంది?

  16. మెట్రో-ఆర్టీసీ కంబైన్డ్ ట్రావెల్ పాస్ ధరలు తగ్గింపు

    ponnam prabhakar
    ఫొటో క్యాప్షన్, పొన్నం ప్రభాకర్

    హైదరాబాద్‌లో మెట్రో రైలు, ఆర్టీసీ బస్సుల కంబైన్డ్ ట్రావెల్ పాస్‌ల ధరలు తగ్గిస్తున్నట్లు తెలంగాణ రవాణా శాఖ మంత్రి పొన్నం ప్రభాకర్ ప్రకటించారు.

    రోజువారీ కంబైన్డ్ పాస్ ధర రూ. 400 నుంచి రూ. 275కి, మంత్లీ పాస్ ధర రూ. 8,500 నుంచి రూ. 4,000కు తగ్గించినట్లు ఆయన చెప్పారు.

    తగ్గించిన ధరలతో పాస్‌లు నవంబర్ 8 నుంచి అందుబాటులోకి వస్తాయని తెలిపారు.

    ప్రయాణికులపై భారం మరింత తగ్గించేందుకు, ప్రజా రవాణా సేవలను మరింత వినియోగించుకునేలా చేసేందుకు ఈ చర్యలు చేపడుతున్నట్లు మంత్రి పొన్నం ప్రభాకర్ చెప్పారు.

    రోజువారీ పాస్‌లో రూ.200 మెట్రోలో, రూ.75 ఆర్టీసీలో వినియోగించుకోవచ్చు. రోజుకు నాలుగు సింగిల్ జర్నీలకు అనుమతి ఉంటుంది.

    నెలవారీ పాస్‌లో మెట్రోకు రూ.3,000, ఆర్టీసీకి రూ.1,000 కేటాయింపు ఉంటుంది.

    నెలలో గరిష్ఠంగా 50 మెట్రో సింగిల్ ట్రిప్‌లకు అనుమతి ఉంటుంది. ఆర్టీసీ బస్సుల్లో ప్రయాణించడానికి ఎలాంటి పరిమితి లేదు.

  17. అమెరికా ఎన్నికల ఫలితాల ఎఫెక్ట్: టెక్ కంపెనీల షేర్లలో భారీ పతనం

    అమెరికా, ఆసియా, ప్రముఖ టెక్ కంపెనీలు, స్టాక్ మార్కెట్
    ఫొటో క్యాప్షన్, అమెరికా, ఆసియాలోని ప్రముఖ టెక్ కంపెనీల మార్కెట్ విలువ నుంచి వందల బిలియన్ల డాలర్లు ఆవిరయ్యాయి.

    అమెరికా మధ్యంతర ఎన్నికల తర్వాత స్టాక్ మార్కెట్‌లో భారీ పతనం కనిపించింది. అమెరికా, ఆసియాలోని ప్రముఖ టెక్ కంపెనీల మార్కెట్ విలువ నుంచి వందల బిలియన్ల డాలర్లు ఆవిరయ్యాయి.

    ఆర్టిఫిషియల్ ఇంటెలిజెన్స్ (ఏఐ) అభివృద్ధి వేగం తగ్గుతుందనే ఆందోళనలే ఇందుకు కారణం. ఏఐ అభివృద్ధిని నెమ్మదింపజేయాలనే అంశంతో ఎన్నికల బరిలోకి దిగిన డెమొక్రటిక్ అభ్యర్థులు విజయం సాధించడంతో టెక్నాలజీ, ఏఐ రంగాలకు చెందిన కంపెనీల షేర్లు భారీగా పడిపోయాయి.

    టెక్ కంపెనీల వాటా ఎక్కువగా ఉన్న నాస్‌డాక్ కాంపోజిట్ ఇండెక్స్ 5.5 శాతానికి పైగా పడిపోయింది. దీంతో కంపెనీల మార్కెట్ విలువ సుమారు 2.5 ట్రిలియన్ డాలర్లు తగ్గినట్లు డౌ జోన్స్ గణాంకాలు వెల్లడించాయి.

    అమెరికాలోని ఇతర ప్రధాన స్టాక్ మార్కెట్ సూచీలు కూడా భారీగా నష్టపోయాయి. 2025 తర్వాత ఆయా సూచీలకు ఇదే ‘అత్యంత చెత్త ట్రేడింగ్ రోజు’గా నిలిచింది.

    ఏఐ కోసం భారీగా ఖర్చు చేస్తున్నప్పటికీ, దాని వల్ల ఆశించిన ప్రయోజనాలు అందుతాయా లేదా అన్న ఆందోళనలు ఇప్పటికే నెలకొన్నాయి. ఈ నేపథ్యంలోనే తాజాగా షేర్ల విక్రయాలు వెల్లువెత్తాయి.

    ఆసియాలోనూ శుక్రవారం ఉదయం టెక్ కంపెనీల వాటా అధికంగా ఉన్న స్టాక్ మార్కెట్ సూచీలు భారీగా పతనమయ్యాయి.

    జపాన్‌కు చెందిన నిక్కీ 225 సూచీ ప్రారంభ ట్రేడింగ్‌లోనే 5 శాతం పడిపోయింది. ఈ క్రమంలో పానాసోనిక్ షేర్లు 10 శాతానికి పైగా నష్టపోగా, హిటాచీ షేర్లు దాదాపు 8 శాతం పడిపోయాయి.

    దక్షిణ కొరియాలోని ప్రముఖ టెక్ కంపెనీల షేర్లు పడిపోవడంతో కోస్పీ సూచీ కూడా 8.5 శాతానికి పైగా క్షీణించింది. చిప్‌ల తయారీ సంస్థ ఎస్‌కే హైనిక్స్ షేర్లు 11.5 శాతానికి పైగా నష్టపోగా, శాంసంగ్ షేర్లు దాదాపు 10 శాతం పడిపోయాయి.

    అమెరికాలోని పలు ఎన్నికల నియోజకవర్గాల్లో డెమొక్రటిక్ అభ్యర్థులు డేటా సెంటర్ల నిర్మాణం, ఏఐ వేగవంతమైన విస్తరణను అడ్డుకోవాలనే అంశాలతో ప్రచారం చేశారు. ఈ సాంకేతికతకు అత్యంత అవసరమైన డేటా సెంటర్ల నిర్మాణం, విస్తరణపై ఆంక్షలు విధించడమే వీటి లక్ష్యం.

  18. స్టాక్ మార్కెట్ పతనానికి డెమొక్రాట్లే కారణం: డోనల్డ్ ట్రంప్

    డోనల్డ్ ట్రంప్, స్టాక్ మార్కెట్
    ఫొటో క్యాప్షన్, అమెరికా అధ్యక్షుడు డోనల్డ్ ట్రంప్

    ఎన్నికల ఫలితాల నేపథ్యంలో స్టాక్ మార్కెట్ చరిత్రలోనే అత్యంత దారుణమైన రోజుల్లో ఒకటి నమోదైందని అమెరికా అధ్యక్షుడు డోనల్డ్ ట్రంప్ ట్రూత్ సోషల్‌లో పోస్ట్ చేశారు.

    ‘‘ఎన్నికల ఫలితాల నేపథ్యంలో స్టాక్ మార్కెట్ చరిత్రలోనే అత్యంత దారుణమైన రోజుల్లో ఒకటిని చవిచూసింది. ఇది చూడటం చాలా బాధాకరం. ఇంతకుముందెన్నడూ చూడని స్థాయికి మార్కెట్‌ను తీసుకెళ్లేందుకు ఎంతో కష్టపడ్డాం. కానీ ఇప్పుడు ఇలా జరిగింది. దీంతో మీ 401(k) రిటైర్మెంట్ పొదుపు ఖాతాల్లోని నిధుల విలువ కూడా తగ్గిపోయింది. గుర్తుంచుకోండి.. దీనికి కారణం రిపబ్లికన్లు కాదు.. డెమొక్రాట్లు. అయితే భయపడాల్సిన అవసరం లేదు. అతి త్వరలో, ఎలాగోలా మనం గతంలో ఎన్నడూ లేనంత పెద్ద శక్తిగా, మరింత బలంగా ఎదుగుతాం. అమెరికాను మళ్లీ గొప్ప దేశంగా తీర్చిదిద్దుతాం” అని రాశారు.

  19. శాఫ్ ఛాంపియన్ షిప్: పాకిస్తాన్‌పై భారత్ ఘన విజయం

    భారత్, పాకిస్తాన్, ఫుట్‌బాల్
    ఫొటో క్యాప్షన్, భారత్ తరఫున సుహైల్ అహ్మద్ భట్ రెండు గోల్స్ చేశారు. (ఫైల్ ఫొటో)

    ఢాకాలోని నేషనల్ స్టేడియంలో సౌత్ ఏషియన్ ఫుట్‌బాల్ ఫెడరేషన్ ఛాంపియన్‌షిప్ 2026లో భాగంగా డిఫెండింగ్ ఛాంపియన్‌ భారత్ పాకిస్తాన్‌ మధ్య జరిగిన మ్యాచ్‌లో భారత్ 3-2తో గెలిచింది.

    భారత్ తరఫున సుహైల్ అహ్మద్ భట్ రెండు గోల్స్ చేసి జట్టుకు ఆధిక్యాన్ని అందించినట్టు ఈఎస్‌పీఎన్ కథనం పేర్కొంది.

    తర్వాత మాంగ్లెంతాంగ్ కిప్‌గెన్ మరో గోల్ చేయడంతో భారత్ ఆధిక్యం 3-0కు చేరింది. తొలి అర్ధభాగంలో భారత జట్టు మెరుగైన ఆటతీరు కనబరిచింది.

    రెండో అర్ధభాగంలో మ్యాచ్ ముగిసే ముందు అదనపు సమయంలో పాకిస్తాన్ రెండు గోల్స్ చేసింది.

    నజీబుల్లా హెడర్ ద్వారా తొలి గోల్ చేయగా, ఆలంగీర్ గాజీ అద్భుతమైన షాట్‌తో రెండో గోల్ సాధించారు.

    కానీ పాకిస్తాన్ చివర్లో చేసిన పోరాటం ఫలించలేదు. భారత్ 3-2తో విజయం సాధించింది.

  20. ఇజ్రాయెల్‌లో ప్రభుత్వ ఏర్పాటుకు ఏ పార్టీ అరబ్ పార్టీల మద్దతు ఎందుకు తీసుకోవడం లేదు?