'6 வயதில் 80 வயது தோற்றம்' - அரிய நோயுடன் கனவுகளை சுமக்கும் கேரள சிறுமி
கேரள மாநிலம் வயநாடு மாவட்டம் மானந்தவாடி கிராமத்தைச் சேர்ந்த 6 வயதான ஐஸா என்கிற தக்கு, க்யூட்டிஸ் லாக்ஸா எனப்படும் அரிதான மரபணு நோயால் பாதிக்கப்பட்டுள்ளார்.
ஐஸாவின் தாய் அஞ்சலி கூறுகையில், "தக்கு 6 மாத குழந்தையாக இருந்தபோது அவள் உடம்பில் இருந்த சுருக்கங்கள் மறையவில்லை. அதனால் நாங்கள் மருத்துவமனைக்கு சென்று காண்பித்தோம். என்ன பிரச்னை எனக் கண்டறிய மரபணு பரிசோதனை செய்ய வேண்டும் என்றார்கள். ஒரு மாதம் கழித்து பரிசோதனை முடிவு வந்தது. குழந்தைக்கு க்யூட்டிஸ் லாக்ஸா எனப்படும் அரிய நோய் உள்ளதாக மருத்துவர்கள் தெரிவித்தனர்."
"அவளுக்கு அடிக்கடி சளி, இருமல், காய்ச்சல் என உடல்நல பிரச்னைகள் ஏற்படும். ஒரு மாதத்தில் பல நாட்கள் மருத்துவமனையிலேயே தான் தக்கு இருப்பாள். ஒவ்வொரு மாதமும் இரண்டு முதல் 3 மருத்துவமனைகள் வரை சென்று பார்ப்போம். அவளுக்கு இரண்டரை வயதாக இருந்தபோதே இரண்டு அறுவை சிகிச்சைகள் செய்ய வேண்டியிருந்தன. எதிர்காலத்தில் அவளுக்கு தசைவலி ஏற்படலாம். ஓடுவது, குதிப்பது என எதையும் செய்ய முடியாத நிலை ஏற்படலாம். நடனம் ஆடுவது, பாடுவது, வரைவது என எந்த விஷயங்களையும் செய்வது கடினமாகலாம்" என்றார்.
விரிவாகக் காணொளியில்...
தயாரிப்பு: நந்தினி வெள்ளைச்சாமி
ஒளிப்பதிவு: கென்சுல் முனீர்
படத்தொகுப்பு: சாம் டேனியல்
- இது, பிபிசிக்காக கலெக்டிவ் நியூஸ்ரூம் வெளியீடு



