காணொளி: ஆஸ்திரேலியாவில் நச்சு தவளைகளின் பரவலைத் தடுக்க ரூ.185 கோடி செலவிட திட்டம்

காணொளிக் குறிப்பு, காணொளி: ஆஸ்திரேலியாவில் நச்சுத் தவளைகளின் பரவலைத் தடுக்க ரூ.185 கோடி செலவிடும் ரியோ டின்டோ
காணொளி: ஆஸ்திரேலியாவில் நச்சு தவளைகளின் பரவலைத் தடுக்க ரூ.185 கோடி செலவிட திட்டம்
பிரசுரிக்கப்பட்டது

ஆஸ்திரேலியாவின் பில்பாரா பகுதியில் நச்சுத்தன்மை கொண்ட கேன் டோட் தவளைகள் பரவுவதைத் தடுக்க, சுரங்க நிறுவனமான ரியோ டின்டோ 28 மில்லியன் ஆஸ்திரேலிய டாலர்களை (சுமார் ரூ.185 கோடி) செலவிடவுள்ளது. கர்டின் பல்கலைக்கழகம் உள்ளிட்ட அமைப்புகளுடன் இணைந்து மேற்கொள்ளப்படும் இந்த ஐந்தாண்டுத் திட்டம், 2027-ல் தொடங்கத் திட்டமிடப்பட்டுள்ளது.

இதன் ஒரு பகுதியாக, கிரேட் சாண்டி பாலைவனத்துக்கும் இந்தியப் பெருங்கடலுக்கும் இடையிலான 7,500 சதுர கிலோமீட்டர் பரப்பில் தடுப்புகள் அமைத்து, தவளைகள் அணைகள், நீர்த்தேக்கங்கள் உள்ளிட்ட நீராதாரங்களைச் சென்றடைவது தடுக்கப்படும். அவற்றின் நச்சுத்தன்மை காரணமாக உள்ளூர் வனவிலங்குகள் அழியும் அபாயம் இருப்பதால் இந்த நடவடிக்கை எடுக்கப்படுகிறது.

1935-ல் கரும்புத் தோட்டங்களில் பூச்சிகளைக் கட்டுப்படுத்துவதற்காக ஆஸ்திரேலியாவில் அறிமுகப்படுத்தப்பட்ட கேன் டோட் தவளைகள், தற்போது ஆண்டுக்கு 40 முதல் 60 கிலோமீட்டர் வரை பரவி வருகின்றன. அவற்றைக் கட்டுப்படுத்தாவிட்டால் அடுத்த 20 ஆண்டுகளுக்குள் பில்பாரா பகுதியை அடைந்துவிடும் என்று கர்டின் பல்கலைக்கழகப் பேராசிரியர் பென் பிலிப்ஸ் எச்சரித்துள்ளார்.

- இது, பிபிசிக்காக கலெக்டிவ் நியூஸ்ரூம் வெளியீடு