ஈரோட்டில் ஒருவர் மீது ஒருவர் சாணம் வீசும் விநோத திருவிழா - வெளிநாட்டினரும் பங்கேற்பு

காணொளிக் குறிப்பு, ஒருவர் மீது ஒருவர் சாணம் வீசும் வினோத திருவிழா
ஈரோட்டில் ஒருவர் மீது ஒருவர் சாணம் வீசும் விநோத திருவிழா - வெளிநாட்டினரும் பங்கேற்பு
பிரசுரிக்கப்பட்டது

ஒருவர் மீது ஒருவர் சாணத்தை வீசி விளையாடும் இந்த வினோதத் திருவிழா, ஈரோடு மாவட்டம் தாளவாடிக்கு அருகே உள்ள கும்டாபுரத்தில் நடைபெற்றது. இங்கு அமைந்துள்ள 300 ஆண்டுகள் பழமையான பீரேஸ்வரர் கோயிலில் ஆண்டுதோறும் தீபாவளியின் மூன்றாவது நாளில் இத்திருவிழா நடைபெறுகிறது.

தலைமுறை தலைமுறையாகத் தொடரும் இந்தப் பாரம்பரியத்தில் கலந்துகொள்ள அண்டை மாநிலமான கர்நாடகாவில் இருந்தும் ஏராளமான பக்தர்கள் வருகின்றனர்.

இந்தச் சடங்கினால் வளம் பெருகும் என்றும் விவசாயம் செழிக்கும் என்றும் கிராம மக்கள் நம்புகின்றனர். எஞ்சியிருக்கும் சாணத்தை விவசாயிகள் தங்களது வயல்களில் பரப்புகிறார்கள். அவ்வாறு செய்வதால் தங்கள் பயிர்கள் நோய்களிலிருந்து பாதுகாக்கப்படும் எனவும் அவர்கள் நம்புகின்றனர்.

வெளிநாடுகளில் இருந்தும் கூட மக்கள் இந்தத் திருவிழாவில் கலந்துகொள்ள வந்திருந்தனர். தமிழ்நாடு மற்றும் கர்நாடகாவில் இருந்து 2,000-க்கும் மேற்பட்டோர் இந்த நிகழ்வில் பங்கேற்றனர்.

- இது, பிபிசிக்காக கலெக்டிவ் நியூஸ்ரூம் வெளியீடு