இந்தியாவில் 'குடியுரிமை'.. இலங்கையில் 'வாழ்வாதாரம்' கோரும் இலங்கைத் தமிழர்கள் - தற்போதைய நிலை என்ன?
தமிழ்நாட்டிலே சுமார் 90,000 இலங்கைத் தமிழர்கள் தொடர்ந்து வசித்து வருகின்றனர். இந்த மக்கள் தமிழ்நாடு முழுவதும் உள்ள இலங்கைத் தமிழர் மறுவாழ்வு முகாம்களிலும் காவல்துறையில் பதிவு செய்து கொண்டு முகாம்களுக்கு வெளியேவும் வசித்து வருகின்றனர்.
இந்தியாவுக்கும் இலங்கைக்கும் இடையேயான இலங்கைத் தமிழர் விவகாரம் பல தசாப்தங்களாகத் தொடர்ந்து வரும் பிரச்னையாக உள்ளது.
2009-க்குப் பிறகு இலங்கைத் தமிழர்கள் இலங்கைக்குத் திரும்புவது தொடர்ந்து நடைபெற்று வந்தது. கடந்த ஆண்டு அவ்வாறு திரும்பிய சிலர் விசாரணைக்கு உட்படுத்தப்பட்டதாக செய்திகள் வந்ததைத் தொடர்ந்து இந்த நடவடிக்கை தற்காலிகமாக நிறுத்தி வைக்கப்பட்டது.
இந்த நிலையில் இவ்விவகாரம் தொடர்பாக இலங்கை அரசு கடந்த ஆகஸ்ட் மாதம் புதிய அறிவிப்பு ஒன்றை வெளியிட்டு இந்தியாவில் வசிக்கும் இலங்கைத் தமிழர்கள் நாடு திரும்புமாறு அழைப்புவிடுத்திருந்தது.
ஆனால் இந்த ஆண்டின் செப்டம்பர் மற்றும் அக்டோபர் மாதங்களில் 8 பேர் மட்டுமே இலங்கைக்குத் திரும்பியுள்ளதாக ஐக்கிய நாடுகளின் அகதிகளுக்கான உயர் ஆணையரகம் (யு.என்.ஹச்.சி.ஆர்) தெரிவிக்கிறது.
அதோடு தற்போது சுமார் 30 பேர் இலங்கைக்குத் திரும்ப விருப்பம் தெரிவித்து அந்தப் பணிகள் வெவ்வேறு கட்டங்களில் இருப்பதாகவும் யு.என்.ஹச்.சி.ஆர் தெரிவித்துள்ளது.
இலங்கைக்குத் திரும்பும் மக்களுக்கான ஏற்பாடுகளை மேற்கொள்வதையும் அடிப்படை உதவிகளை வழங்குவதையும் யு.என்.ஹச்.சி.ஆர் அமைப்பு கவனித்து வருகிறது.
தமிழ்நாட்டில் வசிக்கும் இலங்கைத் தமிழர்களின் விருப்பம் என்ன? தமிழ்நாட்டில் இருந்து இலங்கைக்குத் திரும்பியவர்களின் தற்போதைய நிலை என்ன? என்பது போன்ற விஷயங்களைத் தெரிந்துகொள்ள பிபிசி தமிழ் தமிழ்நாட்டிலும் இலங்கையிலும் கள ஆய்வு மேற்கொண்டது.
விரிவாக காணொளியில்...
தயாரிப்பு: மோகன், ரஞ்சன் அருண் பிரசாத், பிரபுராவ் ஆனந்தன்
ஒளிப்பதிவு மற்றும் படத்தொகுப்பு: ஜனார்த்தனன் மாதவன்
- இது, பிபிசிக்காக கலெக்டிவ் நியூஸ்ரூம் வெளியீடு



