වසර 4ක සිර දඬුවමෙන් නිදහස් වීමට ඥානසාර හිමි ගොනු කළ අභියාචනයට ලැබුණු තීන්දුව

ඥානසාර හිමි
Published
කියවීමේ කාලය: මිනිත්තු 2

ඉස්ලාම් දහමට අපහාස කිරීම සම්බන්ධයෙන් පූජ්‍ය ගලගොඩඅත්තේ ඥානසාර හිමියන්ට කොළඹ මහාධිකරණය විසින් නියම කරනු ලැබූ බරපතළ වැඩ සහිත වසර 4ක සිර දඬුවම අභියාචනාධිකරණය අද (නොවැ: 18) තහවුරු කළේ ය.

විනිසුරු මඩුල්ල මෙම නියෝගය නිකුත් කළේ, අදාළ දඬුවමින් තමන් නිදොස් කොට නිදහස් කරන ලෙස ඉල්ලා ඥානසාර හිමියන් ඉදිරිපත් කර තිබූ අභියාචනයක් ඉවත දමමිනි.

2016 මාර්තු 30 වන දින කොළඹ, කිරුළපන ප්‍රදේශයේ පැවති කූරගල විහාරස්ථානය පිළිබඳව පැවැත්වූ මාධ්‍ය හමුවකදී පළකරනු ලැබූ අදහස්වලින් ඉස්ලාම් ආගමට අපහාස කිරීම සහ ජාතීන් හා ආගම් අතර සංහිඳියාවට බාධා වන අයුරින් කටයුතු කිරීම සම්බන්ධයෙන් ලංකා දණ්ඩ නීති සංග්‍රහයේ 291 වන වගන්තිය යටතේ නීතිපතිවරයා විසින් එම නඩුව පවරා තිබිණි.

එම චෝදනාවලට වැරදිකරු කෙරුණඅ ඥානසාර හිමියන්ට කොළඹ මහාධිකරණය විසින් 2024 වසරේදී බරපතළ වැඩ සහිත වසර 4ක සිර දඬුවම් නියම කළේ ය.

එම දඬුවමට එරෙහිව ඥානසාර හිමියන් මෙම අභියාචනය ඉදිරිපත් කර තිබිණි.