संयुक्त राष्ट्रांच्या सभेत रशियाच्या विरुद्ध ठराव मंजूर, भारत मतदानाला अनुपस्थित
रशिया आणि युक्रेन या दोन देशांमध्ये युद्ध संघर्ष सुरू आहे. ताज्या अपडेट्साठी हे पेज फॉलो करत राहा.
लाईव्ह कव्हरेज
अमृता दुर्वे
युक्रेन: रशियाच्या क्षेपणास्त्र हल्ल्यामुळे युक्रेनमधील खारकिव्हमध्ये सात जणांचा मृत्यू, अनेकजण जखमी
फोटो स्रोत, TELEGRAM: VOLODYMYR ZELENSKY
फोटो कॅप्शन, खारकिववरील रशियन हल्ल्यांमध्ये वाढ झाली आहे युक्रेनमधील खारकिव्ह शहरावर रशियानं क्षेपणास्त्र हल्ला केला आहे. या हल्ल्यात सात जणांचा मृत्यू झाला असून डझनावारी लोक जखमी झाले आहेत.
खारकिव्हचे गव्हर्नर ओलेह सिन्येहुबोव यांनी यासंदर्भातील माहिती दिली आहे. दोन जण बेपत्ता झाल्याचा दावा त्यांनी केला आहे.
ओलेह यांनी स्थानिकांना घरामध्येच राहण्याचा सल्ला दिला आहे. युक्रेनच्या सरकारी रेल्वे कंपनीने दावा केला आहे की, रशियन हल्ल्यामुळे त्यांच्या अनेक ठिकाणांचं नुकसान झालं आहे आणि त्यांचे अनेक कर्मचारी जखमी देखील झाले आहेत.
युक्रेनला कमकुवत करण्यासाठी रशियाने खारकिव्हवरील हल्ल्यांचं प्रमाण वाढवलं आहे. ओलेह म्हणाले की वोवचांस्क च्या आसपास युद्ध सुरू आहे.
मात्र तेथील परिस्थिती युक्रेनच्या सैन्याच्या नियंत्रणात आहे. युक्रेनचे राष्ट्राध्यक्ष वोलोदिमीर झेलेंस्की यांनी सांगितलं की, रशिया युक्रेनच्या कमकुवत हवाई संरक्षणाचा फायदा घेतो आहे.
युक्रेनचं हवाई संरक्षण मजबूत करण्यासाठी, झेलेंस्की आपल्या मित्रराष्ट्रांकडे सातत्याने आधुनिक लढाऊ जेट विमानांची मागणी करत आहेत.
तर रशियाचे राष्ट्राध्यक्ष व्लादिमीर पुतिन यांनी दावा केला आहे की, खारकिव्हवर कब्जा करण्याचा त्यांचा इरादा नाही. त्यांना रशियाच्या सीमेवर संरक्षक फळी तयार करायची आहे.
ऋषी सुनक यांनी ब्रिटनमध्ये मुदतपूर्व निवडणुकीचा निर्णय का घेतला?
राष्ट्राध्यक्ष इब्राहिम रईसींच्या मृत्यूनंतर इराणसमोर कुठली आव्हानं आणि पुढे काय होईल?
चांद्रमोहीम : भारत, चीन, अमेरिका - कोणत्या देशाचा अंतराळवीर चंद्रावर पुढचं पाऊल टाकेल?
व्लादिमीर पुतिन यांचा चीन दौरा, सर्व जगाचे का आहे याकडे लक्ष?
नकबा: 1948 मध्ये काय घडलं? पॅलेस्टिनी याला 'भयंकर आपत्ती' का म्हणतात?
व्लादिमीर पुतिन यांनी सर्गेई शोइगु यांना रशियाच्या संरक्षण मंत्रालयातून हटवले
रशियाचे राष्ट्राध्यक्ष व्लादिमीर पुतिन यांनी दीर्घकाळापासून त्यांचे सहकारी राहिलेल्या सर्गेई शोईगु यांना संरक्षण मंत्री पदावरून हटवलं आहे.
रशियन सरकारने ही घोषणा केली आहे. 68 वर्षीय सर्गेई शोइगु हे 2012 पासून या भूमिकेत आहेत आणि आता त्यांना रशियाच्या सुरक्षा परिषदेचे सचिव म्हणून नियुक्त केलं जाणार आहे.
रशियन संसदेच्या वरिष्ठ सभागृहाने प्रकाशित केलेल्या कागदपत्रांमध्ये असं म्हटलं आहे की शोईगु यांच्या जागी आता उपपंतप्रधान आंद्रेई बेलोसोव्ह यांना नियुक्त केलं जाईल.
फोटो स्रोत, Getty Images
क्रेमलिनने म्हटलं आहे की संरक्षण मंत्रालयाने सतत 'नाविन्यपूर्ण' बदल केले पाहिजेत. सर्गेई शोईगु यांचे राष्ट्राध्यक्ष पुतीन यांच्याशी घनिष्ठ संबंध आहेत.
कोणतीही लष्करी पार्श्वभूमी नसतानाही त्याला संरक्षण खात्याचा कार्यभार देण्यात आला होता. बीबीसीचे रशियाचे संपादक स्टीव्ह रोसेनबर्ग म्हणाले की, शोईगु यांची बदली केली जाणं ही आश्चर्यकारक नाही कारण त्यांची स्थिती कमकुवत झाली होती आणि काही काळ अशी चर्चा होती की ते त्यांची नोकरी गमावू शकतात.
'लग्न झाल्यावर दुसऱ्या दिवशीच मी विधवा झाले,' रशिया - युक्रेन युद्धातली दु:खद प्रेमकथा
भाजपनं दलित-ओबीसी मतदार त्यांच्याकडे वळवण्यात यश मिळवलंय का? - ग्राऊंड रिपोर्ट
रशियाच्या हाती उत्तर कोरियामधली हत्यारं, युक्रेनसाठी किती मोठा धोका?
अमेरिकेतल्या विद्यापीठांमध्ये विद्यार्थी निदर्शनं का करतायत? या आंदोलनाचा इस्रायल-गाझाशी काय संबंध आहे? वाचा
गाझात हॉस्पिटलसमोर सापडले डोकं नसलेले, त्वचा काढलेले मृतदेह, सामूहिक दफनभूमीमुळे दिसलं हृदय हेलावून टाकणारं चित्र
इस्रायल-इराणच्या संघर्षात जॉर्डन का पडला, सोशल मीडियावर चर्चेला उधाण
डोनाल्ड ट्रम्प यांच्यावर सुरू आहेत 'हे' 4 गुन्हेगारी खटले, ते तुरुंगात जाऊ शकतात का?
'शत्रूचा शत्रू तो आपला मित्र' म्हणत युक्रेन सुदानमध्ये रशियाविरोधात उतरला आहे का?
गाझाच्या भग्न शहराच्या कोपऱ्या कोपऱ्यावर न फुटलेले बॉम्ब, नागरिकांवर जीवघेणं संकट
'पाच महिन्यांपूर्वी 100 सैनिकांच्या तुकडीत भरती झालो होतो, आज त्यातले 38 जणच जिवंत'
इस्रायलवर करण्यात येणाऱ्या संभाव्य हल्ल्याबाबत अमेरिकेची इराणला ताकीद
फोटो स्रोत, Getty Images
अमेरिकन अधिकाऱ्यांनी बीबीसीच्या अमेरिकन पार्टनर सीबीएस न्यूजशी बोलताना सांगितलं की, इस्रायलवर लवकरच मोठा हल्ला होऊ शकतो.
इस्रायलने म्हटलंय की ते स्वतःचा बचाव करण्यास तयार आहेत. तर दुसऱ्या बाजूला जो बायडन यांनी इराणला इस्रायलवर हल्ला करू नये अशी ताकीद दिली आहे.
बायडन म्हणाले, "आम्ही इस्रायलच्या संरक्षणासाठी वचनबद्ध आहोत. आम्ही इस्रायलला पाठिंबा देऊ. आम्ही इस्रायलचं रक्षण करू. इराणचे मनसुबे पूर्ण होणार नाहीत."
गाझामध्ये इस्रायलशी लढा देणारा पॅलेस्टिनी गट, हमासला इराणचा पाठिंबा आहे. सोबतच इस्रायलवर हल्ला करणाऱ्या अनेक प्रॉक्सी संघटनांनाही पाठिंबा आहे.
यामध्ये लेबनॉनच्या हिजबुल्ला संघटनेचाही समावेश आहे. शुक्रवारी हिजबुल्लाहने लेबनॉनमधून इस्रायलच्या दिशेने डझनभर रॉकेट सोडल्याचं वृत्त आहे.
इस्त्रायली लष्कराच्या (आयडीएफ) प्रवक्त्याने सांगितलं की, सुमारे 40 क्षेपणास्त्रे आणि स्फोटक ड्रोन डागण्यात आले, ज्यात कोणतीही जीवितहानी झालेली नाही.
अमेरिकेच्या एका अधिकाऱ्याने सीबीएस न्यूजला सांगितलं की, हा हल्ला इस्त्रायलवरील कोणत्याही अपेक्षित इराणी हल्ल्याच्या विपरीत होता.
'कानाला गोळी लागली आणि मी रशियन सैनिकाच्या मृतदेहावर पडलो', फसवणूक झालेल्या तरुणांची कहाणी