राहुल गांधी ईडी चौकशी विरोधात राजभवनाबाहेर काँग्रेसचे तीव्र आंदोलन, अनेक बडे नेते ताब्यात
फोटो स्रोत, shardul kadam/BBC
अंमलबजावणी संचालनालय अर्थात ED कडून काँग्रेस नेते राहुल गांधी यांच्यावर करण्यात आलेल्या कारवाईविरोधात देशभरात काँग्रेस पक्षाकडून निषेध व्यक्त करण्यात येत आहे.
त्याचाच एक भाग म्हणून आज (16 जून) काँग्रेस पक्षाकडून मुंबई येथील राजभवनावर मोर्चा काढण्यात आला. नॅशनल हेराल्ड प्रकरणात गांधी कुटुंबीयांना ईडीकडून चौकशीसाठी पाठवण्यात आलेले समन्स आणि राहुल गांधी यांची तीन दिवसांपासून EDकडून सुरू असलेली चौकशी यांचा विरोध म्हणून हा मोर्चा काढण्यात आला आहे.
मुंबईतील हँगिग गार्डन ते राजभवनपर्यंत हा मोर्चा काढण्यात आला. यावेळी राज्यातील काँग्रेस पक्षाचे मंत्री, नेते, पदाधिकारी तसेच कार्यकर्ते सहभागी झाले होते.
फोटो स्रोत, shardul kadam/BBC
दरम्यान, मोर्चात सहभागी झालेले मंत्री वर्षा गायकवाड, अस्लम शेख, अमित देशमुख, काँग्रेस प्रदेशाध्यक्ष नाना पटोले आणि मुंबई शहराध्यक्ष भाई जगताप यांना पोलिसांनी ताब्यात घेतलं.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 1
यावेळी आंदोलकांनी राजभवनाला घेराव घालण्याचा प्रयत्न केला. याठिकाणी पोलिसांनी मोठा पोलीस बंदोबस्त तैनात केला होता. तसंच परिसरात बॅरिकेडिंग करून पोलिसांनी मोर्चेकऱ्यांना रोखलं.
कांग्रेस नेते सचिन सावंत यांनी आज सकाळी ट्विट करून राहुल गांधींवरील कारवाईला विरोध दर्शवला.
ते म्हणाले, "राहुल गांधी यांना शुक्रवारी चौथ्या वेळी ED ने चौकशीला बोलवले आहे. मोदी सरकारने चौकशी करता येत नाही असे अडाणी व अकार्यक्षम अधिकारी नेमले आहेत का? मोदी सरकारच्या सूडाग्नीच्या ज्वाला शमत नाहीत हे स्पष्ट आहे. जगात अनेक शासकांनी अत्याचार केले पण लक्षात ठेवा ती साम्राज्ये टिकली नाहीत."
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त, 2
नॅशनल हेराल्ड प्रकरण काय आहे?
महात्मा गांधी आणि जवाहरलाल नेहरुंच्या काळात स्थापन झालेलं हे वर्तमानपत्र आहे. आणि त्याच्या प्रकाशक कंपनीसाठी आता राहुल, सोनिया यांची चौकशी का होतेय, असं तुम्हाला वाटणं स्वाभाविक आहे.
फोटो स्रोत, shardul kadam/BBC
राहुल गांधी आणि सोनिया गांधी यांनी अध्यक्षपदी असताना काँग्रेस पक्षाचा पैसा नॅशनल हेराल्ड हे वर्तमानपत्र प्रसिद्ध करणारी कंपनी विकत घेण्यासाठी वापरला असा दोघांवरही आरोप आहे.
या बाबतीतले पहिले आरोप भारतीय जनता पार्टीचे तेव्हाचे नेते सुब्रह्मण्याम स्वामी यांनी पहिल्यांदा 2012 मध्ये केले होते. तर गांधी कुटुंबीयांनी कायम कुठल्याही प्रकारच्या आर्थिक अफरातफरीचे आरोप फेटाळले आहेत.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
