समज-गैरसमज : प्रेमात जात-धर्म का आडवे येतात? आंतरजातीय, आंतरधर्मीय लग्नांचं वास्तव
मैत्री करताना आपण जात-धर्म पाहत नाही, मग प्रेम आणि लग्नाच्या वेळी जात-धर्म इतके महत्त्वाचे का ठरतात? आंतरजातीय आणि आंतरधर्मीय विवाहांना समाजाचा विरोध का होतो? या विरोधामागे जातीय वर्चस्व, पितृसत्ता, धार्मिक अस्मिता आणि राजकारणाची भूमिका काय असते?
समज-गैरसमजच्या या भागात जिंदल ग्लोबल लॉ स्कूलमध्ये प्राध्यापक असलेल्या आणि 'Love Jihad: Matrimonial Law and Muslim Lives in India' या पुस्तकाच्या लेखिका समीना दलवाई यांच्याशी संवाद साधला आहे.
या चर्चेत विवाहसंस्थेचा उगम, पुरुषप्रधान वारसाहक्क आणि महिलांच्या जोडीदार निवडीवर असलेलं सामाजिक नियंत्रण यांचा वेध घेतला आहे. आंतरधर्मीय विवाहांना गुन्हेगारी स्वरूप देण्याचे प्रयत्न, 'लव्ह जिहाद' या संकल्पनेमागचा प्रचार आणि राजकारण, तसेच जात, धर्म आणि वर्गाच्या आधारावर होणारी झुंडशाही यावरही चर्चा केली आहे. डॉ. बाबासाहेब आंबेडकर, हिंदू कोड बिल आणि महिलांचे विवाहविषयक अधिकार यांचा संदर्भ घेत स्पेशल मॅरेज अॅक्टचा समाज कितपत उपयोग करतो हा प्रश्नही उपस्थित केला आहे.
प्रेम, लग्न आणि जोडीदार निवडण्याचा अधिकार हा दोन व्यक्तींचा वैयक्तिक निर्णय असावा की त्यात कुटुंब, समाज आणि धर्माचीही भूमिका असावी? जाणून घ्या, समज-गैरसमजच्या या विशेष भागात.
बीबीसीसाठी कलेक्टिव्ह न्यूजरूमचे प्रकाशन.






