ई-रिक्षा, ई-स्कूटर पाहिली असेल; पण इलेक्ट्रिक विमान?
चीनच्या ‘CCTV’ या सरकारी वृत्तवाहिनीनुसार, ‘CE-25A’ नावाच्या या इलेक्ट्रिक विमानानं चीनच्या शानदोंग प्रांतातल्या बिनझोउ शहरातून उड्डाण केलं. हे विमान चीनची सरकारी विमान कंपनी (COMAC) कमर्शियल एअरक्राफ्ट कॉर्पोरेशन ऑफ चायना ने बनवलंय.
चीनच्या ‘ग्लोबल टाइम्स’ या सरकारी माध्यामाच्या माहितीनुसार, COMAC कंपनीचं हे पहिलं इलेक्ट्रिक कमर्शियल विमान आहे, ज्याचं वजन तब्बल 10 टन इतकं आहे. हे विमान देशांतर्गत वाहतुकीसाठी डिझाईन करण्यात आलंय, यात एका वेळी 19 प्रवासी बसू शकतात. याचा वेग ताशी 300 किलोमीटर आहे आणि हे एकदा चार्ज झाल्यावर जास्तीत जास्त 400 किलोमीटरपर्यंतचा पल्ला गाठू शकतं.
याच वर्षी फेब्रुवारी महिन्यात हे विमान क्रूशिवाय पहिल्यांदा फेरी मारून आलं. आतापर्यंत अशा जवळपास 19 टेस्ट फ्लाईट्स या विमानाने पूर्ण केल्या आहेत.
(बीबीसीसाठी कलेक्टिव्ह न्यूजरूमचे प्रकाशन)



