Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

Кыргызстан менен Тажикстандын чек араны тактоо боюнча өкмөттүк делегацияларынын башчылары чек арада чыр-чатакка себеп болгон көйгөйлөрдү чече турган протоколго кол коюшканын билдиришүүдө. Эки өлкөнүн өкмөттүк делегацияларынын кезектеги жолугушуусу 2-октябрда Баткенде өттү. 

"Бүт көйгөйлөрдү чечет". Кыргызстан-Тажикстан чек ара сүйлөшүүлөрү

Берлинде Германия менен Борбордук Азиянын беш өлкөсүнүн башчылары жолугуп жыйын курууда. Эксперттердин баамында бул саммит Батыштын Борбордук Азия регионунда Москванын позициясын алсыздандырууга багытталган стратегиясынын өзүнчө бир уландысы. Бул өлкөлөрдүн лидерлери менен АКШнын президентинин жолугушуусу жакында эле Вашингтондо болду. Эми кезекте Шольц. 

"Москванын күчүн кетирүү". Германия-Борбор Азия саммити 

Кыргыз президенти Садыр Жапаровдун АКШга сапары уланууда. Жапаров Борбор Азиянын башка лидерлери менен катар Жо Байден катышкан C5+1 саммитине катышты. 
Саммитти Жо Байден ачып, иш-чаранын “тарыхый” маанисине токтолуп, тараптар кызматташтыкты кеңейтүүгө макулдашышкан.  

АКШ дүрбүсүндөгү Борбор Азия: аймактагы таасир талаш 

Нью-Йоркто 19-20-сентябрда АКШ президенти Жо Байден Борбор Азия лидерлерин C5+1 форматында кабыл алат. Байден БУУнун Башкы Ассамблеясынын жыйынына туш келчү бул жолугушууга аймактын президенттерин четинен чакыра баштады. 
"Борбор Азия - АКШ" саммитине чакыруу биринчи эле өзбек президенти Шавкат Мирзиёевге келди. 

C5+1: Байден эмнеге Борбор Азия лидерлерин чогултуп жатат? 

Сугат басаңдап калган кезде - августта Кыргызстан Казакстанга Киров суу сактагычынан сугатка суу берүүнү убактылуу токтотконун билдирди. Барган сайын Кыргызстанда сугат маалында суу тартыш болуп бара жатат. 
Бул өзгөчө 2021-жылы курч маселе болду эле, быйыл дагы суу тартыштыгы жергиликтүү дыйкандардын чоң баш оорусу болду. 

"Суу товар болсун". Борбор Азиядагы суу тартыштыгы 

АКШ сенатору Боб Менендес кыргыз президенти Садыр Жапаровго кайрылып, Кыргызстанды Россияга санкцияларды буйтап өтүүгө жардам бербөөгө чакырды. 

Санкция санаасы: АКШнын кезектеги эскертүүсү, Кыргызстандын жообу 

Жасалма айдоочулук күбөлүк менен бир гана Кыргызстандын эле эмес Тажикстан, Өзбекстандын жарандары кармалган учур көп катталууда. Би-Би-Сиге муну тастыктай турчу бир катар документтер келип түштү.

Орусия: Кыргызстандын айдоочулук күбөлүгүн соодалаган шылуундар

Оштун жака белиндеги айылдардын биринде Украинага “Вагнер” компаниясы менен кетип, сөөгү жерге берилген 28 жаштагы жигиттин апасы менен сүйлөштүм.

Украинадагы согуш: бөтөн жердеги бөөдө өлүм... 

Өзбекстанда жекшембиде болгон президенттик шайлоодо алдын ала жыйынтыктар боюнча Шавкат Мирзиёев шайлоочулардын 87,05% добушун алып, жеңип чыкты . Андан кийин эле марага 4,43% добуш менен аял талапкер Робахон Махмудова келди. Дагы бир талапкер Улугбек Иноятов – 4,02%, ал эми төртүнчү талапкер Абдышүкүр Хамзаев - 3,74% добуш алды. 

Өзбекстан:  Мирзиёев президент болуп үчүнчү ирет шайланды 

Өзбекстанда 9-июлда мөөнөтүнөн мурда жарыяланган президенттик шайлоодо добуш берүү  башталды.
Эксперттер Өзбекстандагы бул шайлоонун жыйынтыгы алдын ала белгилүү, анда Шавкат Мирзиёев ишенимдүү түрдө жеңип чыгат деп  жатышат. 

Өзбекстандагы шайлоо: шааниси бар, шансы жок талапкерлер

Европа Биримдиги Россияга каршы санкциялардын он биринчи пакетин макулдашып бүттү. Евробиримдик элчилери макулдашкан чаралар жума күнү толук жарыяланат.

Брюсселдин каары жана Россияга жардам берген үчүнчү өлкөлөр

Кыргызстандын коопсуздук кеңеши бүгүнкү жыйынында улуттук куралдуу күчтөрдү өнүктүрүү маселеси каралат. Анда ошондой эле жаңы аскердик доктрина каралмакчы.

Коопсуздук кеңешинин күн тартибинде - аскер саясаты

Катардын эмири Шейх Тамим бин Хамад Аль Тани алгачкы жолу мамлекеттик сапар менен Бишкекке келип кетти. Серепчилер Катар эмиринин сапары кыргыз тарап үчүн Жакынкы Чыгыштан инвестор тартууга чоң мүмкүнчүлүк деп жатышат.

Катар эмиринин сапары: катар-катар документке кол коюлду

Кыргызстандын курорт шаары Чолпон-Атада "Евробиримдик-Борбор Азия" экинчи саммити башталууда. Бул саммит Украинадагы согуш кайнап, бул региондогу өлкөлөрдүн эң башкы саясий союздашы жана соода өнөгү Россияга эл аралык санкциялар салынып, геосаясий кырдаал курчуган учурда өтүп жатат. 

Борбор Азия-ЕБ: Геосаясий курч кырдаалдагы экинчи саммит

Президент Садыр Жапаров 18-20 майда Кытайга мамлекеттик визит жасай турган болду. Кытайдагы эки күндүк сапар оор. Саякаттап барганы жок. Арбын милдет, татаал сыноо жүктөлүп турат. Дипломатиялык тил менен сыйпалатпай, ачык айтканда, ортодогу маcелелер жеңил эмес. 

Мейкиндиктеги ордубуз, мезгилдеги аракет өзүбүздөн

18-19-майда Сиань шаарында Кытай-Борбор Азия биринчи саммити өтөт. Анда кытай лидери Си Цзинпин кыргыз, казак, түркмөн, тажик жана өзбек президенттери менен жолугат.
 Борбор Азия лидерлери андан кийин Цзинпин менен эки тараптуу өзүнчө сүйлөшүүлөрдү да өткөрмөкчү. 

Кытайдын дүрбүсүндөгү Борбор Азия

Украинадагы согуш кайнап турганда агрессор катары эл аралык коомчулуктун обочосунда калган Россия үчүн Жеңиш майрамынын арты менен өнөктөштөрүн Кремлге чогултуу маанилүү болуп турат. Быйыл Москвадагы Жеңиш парадына КМШнын айрым жана Борбор Азиянын бардык лидерлери катышып жатат.  

Парадга чогулгандар: санкциядан мурун Путинден сактанышабы? 

Европа комиссиясы Россияга каршы санкциялардын 11-пакети даярдалып жатканын билдирди.
Бул жолу санкциялар "Россияга жардам берип, товар ташып жатат" делген үчүнчү өлкөлөргө киргизилиши мүмкүн.

Санкция тобокели Борбор Азияны да тооруйбу? 

Казакстан Кытай менен 30 күндүк визасыз режимди киргизүүнү "дипломатиялык жеңиш" деп атап,  коңшу өлкөнүн жайнаган  туристтеринен канча пайдага туйтунарын эсептеп жатат. Бирок эл ичинде Казакстандын коррупциялашкан бийлигин Кытай эпчилдик менен пайдаланып жатат деген каршылык маанай  дагы эле чоң.

Казакстан-Кытай: "Дипломатиялык жеңишке" жибигендер жана жеригендер 

Соңку беш жылда Борбор Азия өлкөлөрү кезинде согуштук аймактар эсептелген Сирия жана Иракка кетип калган жарандарын кайтаруу менен алек болду. Бирок бул өлкөлөрдө кайтарылган жарандарды реабилитациялап, кайра коомго кайтаруу аракеттери ар башка жүрүүдө.

Сириядан кайткандар: “жаңы жашоо баштагыбыз келет”

Өзбекстандагы этникалык кыргыздар жашаган "Манас" айылына барган Кыргызстандын Министрлер кабинетинин  төрагасы Акылбек Жапаров бул жакта кыргыздардын жашоо шартын жакшыртууга соңку убакта өкмөт тарабынан жакшы шарттар көрүлүп жатканына кубанып жаткан чакта, кыргыздардын саны өспөй, кайра азайып баратканы, кыргыз тилдүү мектептердин, класстардын кыскарып жатканына алардын өздөрү да анча кабатыр эмес экени байкалат.     

"Манастын руху": Өзбекстандагы кыргыздардын өркөнү жана өксүгү

Кыргызстандын Министрлер Кабинетинин төрагасы Акылбек Жапаров Өзбекстанда жумушчу сапарынын алкагында бир катар өнөр жай жана илимий-техникалык ишканаларга барып, кызматташтык жагын талкуулады. Өзбекстандын премьер-министри Абдулла Арипов менен жолугушууда эки өлкөнүн ортосундагы сооданы ушул жылы эле 2 миллиард долларга жеткирүүгө даярдык бар деп жарыяланды. Акылбек Жапаровдун бул сапары Кыргызстан менен Өзбекстан отуз жылдан ашуун созулуп ырбап бүтпөй келген чек ара талашына чекит койгондон кийин болуп жатат.

Кыргызстан-Өзбекстан: быйыл соода 2 миллиард долларга чыгат

Албетте, Блинкендин бул чөлкөмгө алгачкы сапары болгон менен Америка региондун тышкы иштер министрлери менен “5+1” форматында биринчи ирет жолугуп жатканы жок. Дипломатиялык консультациялардын бири, буга чейин мындай форматта жолугушуулар болуп келген. Бирок бул жолку кеңешме жаңы кырдаалда, орус-украин согушу экинчи жылга аяк басып, дүйнөлүк масштабдагы чоң окуялардын, орус-украин согушуна себеп-натыйжалу байланыштагы жагдайлардын контекстинде мааниси өзгөчө. Орус-украин согушу дүйнөдөгү кырдаалды өзгөртүүчү жаңы процесстерге жол ачты жана эски тенденциялардын айрымдарын күчөттү. 

АКШнын Борбор Азиядагы саясаты: жаңы кайрыктар

Вашингтондун өкүлү "бул сапардын максаты АКШ ишенимдүү шерик экенин көрсөтүү, Борбор Азия экономикасындагы кыйынчылыкты көрүп турабыз”,-деп айтты. АКШнын жогорку кызмат өкүлүнүн Борбордук Азия өлкөлөрүнө сапары Россиянын Батыш менен мамилеси ырбап, курчуган мезгилде болуп жатат.