Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

Дүйнө чемпионатында жарым финалдык оюндар башталып, алгачкы беттеш Аргентина жана Хорватия командаларынын ортосунда өттү. Бул оюнда башкы жылдыз Леонель Месси дагы бир жолу өзүнүн мыктылыгын далилдеп, жашыл талаада башкалардан артыкчылыктуу болуп турду. Месси табында экен чиркин, илебине нан бышып турду тим эле.

Футбол: Месси мээледи, жаза кеткен жок...

Футбол боюнча Дүйнө чемпионаты күнүнө бирден сенсациясын улантууда. Тарыхта биринчи жолу чейрек финалга чейин жеткен Морокко өлкөсү, эми жарым финалга өтүп кетти. Болгондо да африкалыктар Криштиану Роналдуну командасы менен сүрүп чыкты. Бул окуядан кийин бүтүндөй Африка континентинде майрам токтобой турат. Алардын жарым финалдагы атаандашы Англия жана Франция командаларынын ортосунда аныкталды. Эмесе Роналдуну майтарган оюндар тууралуу кененирээк сөз кылалы. 

Футбол: Роналдунун көз жашы…  

Футбол боюнча Дүйнө чемпионатынын чейрек финалдык оюндары башталбай жатып эле , дүйнөнү дүңгүрөтүп жатканын кантейин? Турнирдин эң эле күчтүү командасы деп саналган Бразилия түндө Хорватияга багынып берди. Ошондой эле жарым финалга экинчи жолдомону Аргентина менен Нидерландия командалары талашты. Оюндар укмуш эле болду. Эми башка күйөрмандарга да бөлүшүп, кененирээк күндөлүктөн окуңуздар. 

Футбол: Месси жарым финалда, Бразилиянын сапары карыды 

Күндүн сенсациясы Испания командасынын Мороккого утулганы болуп калды. Ал эми Португалия командасынын жылдызы Криштиану Роналдуну машыктыруучу дароо оюнга коё бербей, запастагы оюнчулардын катарына отургузду. 

Роналду аргасыз кезек күттү, Испанияны Марокко сүрүп чыкты   

Футбол боюнча Дүйнө чемпионаты 1/8 бөлүктөгү оюндар менен уланууда. Кезектеги матчтар Жапония жана Хорватия ортосунда өтүп, оюн 120 мүнөткө чейин созулуп, акырында жеңүүчүнү командалар пенальти аркылуу аныкташты. Ошондой эле экинчи өйүздө Азия континентинин дагы бир мыкты чыкмасы Түштүк Корея менен жылдыздуу Бразилия чейрек финалдын жолдомосун талашышты. Футбол күндөлүгүнөн оюндарга кенен токтололу.

Футбол: Хорватия жеңишке жөрмөлөп жетти   

Франциянын чабуулчусу Килиан Мбаппе командасы менен 1/8 финалдык бөлүктө Польша футболчуларына каршы оюнда эки гол киргизип дубль жасады. Ошону менен Мбаппе учурдагы турнирдин жалгыз бомбардирине айланды. Ал эми экинчи плей-оффтук беттеш Англия менен Сенегал өлкөлөрүнүн ортосунда өттү. Топтор кандай кайыганын, ким кайсы жерден тайыганын эми четинен баяндайын деп турам. Башкаларга да бөлүшүп окуганды унутпаңыз. Футбол күндөлүгүнүн бүгүнкүсү мына мындай болду...  

Футбол чемпионаты: Мбаппе Польшаны чөгөлөттү  

Үчүнчү тайпалык оюндарда фаворит командалардын бардыгы көңүл толорлук оюндарын өткөрүшкөн жок. Бразилия менен Португалия атаандаштарына багынып берип, натыйжада күтүлбөгөн командалар тайпадан чыгып кетишти. Өз кезегинде Уругвай курама командасы чемпионат менен кош айтышууга аргасыз болуп калды. Дагы кайсы командалар 1/8 бөлүккө чыгып кеткенин футбол күндөлүгүнөн окуңуздар.

Футбол: Роналду менен Неймардын командалары утулду  

Жапон футболчуларын көргөн бир топ киши аң-таң эле болуп калды. Буларың бул жүрүшү менен чиймей болду сызыкты, көрсөтмөй болду кызыкты деп эле олтуруп калды. Күн чыгыш өлкөсүнүн футболчулары бир жарк этти бейм, чирки-и-и-ин…  

Футбол: Самурайлар футболго өттүбү? Жапония таң калтырды

Футбол боюнча Дүйнө чемпионатында Австралия плей-оффко жолдомо алып кубанычы койнуна батпай жаткан чагы. Польша курамасы болсо Аргентинага 2:0 эсеби менен утулганына карабай, экөө тең 1/8 бөлүккө жөнөштү.  "Менминсинген Франция алгачкы жеңилүү ызасын тартты, бул үчүн кимди жемелерин билбей турат. Башкы суроосу эле, эмне болуп кетти, кандай болуп калды?" деп жатышат деген пикирлер да чыкты. Менимче анын себеби башкада… Эми мунун баарын футбол күндөлүгүнөн кененирээк кеп куралы. 

Футбол: Месси мээлеген бойдон баратат, Франция утулду  

Катар өлкөсүндө өтүп жаткан Дүйнө чемпионаты акыркы тайпалык оюндарга келип жетти. Бул айлампада плей-оффко кайсы командалар чыкканы жана кимиси эртелеп түйүнчөгүн түйүнө турганы айкын болот. Кечээ “А” жана “В” тобунда плей-оффко суурулуп чыккан төрт команда анык болду, кененирээк футбол күндөлүгүнөн кеп салайын. Этегин чейин окуп, эп көрсөңүз бөлүшө кетиңиз...

Футбол: Англиянын “аты” алкынып, Ирандын “ити чөп жебей” турат

Футбол боюнча Дүйнө чемпионатынын тайпалык оюндарынын экинчи айлампасы жыйынтыкталды. “G” жана “H” тайпаларынын оюну болуп, Бразилия алдын ала тайпадан чыккан командалардын катарына кошулса, Түштүк Корея африкалык команда Ганага утулуп өздөрү эсепке ишенбей эси ооп турат, ал эми Камерун – Сербия оюнунда голдор мөндүрдөй эле жаады. Чирки-и-ин бирде туруп ондон тебет, бирде туруп солдон тебет. Кайып-кайып өтүп жатты тим эле. 

Футбол: Роналдунун курулай кубанычы. Гол башканыкы болуп чыкты

Футбол майрамы уланып, жеңиш күтүп жаткан командалар тетири оюндары менен көпчүлүгүн таң калтырса, биринчи тайпада упайларын жоготкон командалар турнирде калуунун аракетин ийгиликтүү ишке ашырып кетишүүдө. 

Футбол: Германия кыл учунда, Бельгия “белди” аша алабы?

Дүйнө чемпионатынын экинчи айлампасы ары кызыктуу, ары табышмактуу болуп баратат. Биринчи оюнда Аргентинаны утуп дүйнө дүңгүрөткөн Сауд Арабиясы 26-ноябрда Польша менен ал жомогун уланта албай утулду. Ал эми Мессинин Аргентинасы эми гана калыбына келгендей, алар Мексиканы утуп алгачкы жеңишке ээ болушту. Кызыгы да, кыйыны да көп чемпионатты чечмелеп жиберели.

Мессинин алгачкы упайы, Франция тайпадан чыкты...

Футбол боюнча Дүйнө чемпионатында тайпалык оюндардын экинчи айлампасы башталды. “А” жана “В” тайпаларындагы оюндарынан кийин алгачкы оюндан ыргыган команда аныкталды. Ошол эле учурда плей-офф бөлүгүнө чыгууга кайсы команда мүмкүнчүлүк көп экени эми таасын байкала баштады.

Чемпионат: Катар катардан чыкты, Уэльстин убайымы...

Футбол боюнча Дүйнө Чемпионатынын бешинчи күнү “Н” жана “G” тайпаларындагы оюндар менен уланды. Анда Уругвай менен Түштүк Корея өлкөлөрү өтө эле жай баракат оюнду көрсөтсө, Португалия менен Гананын оюну акыркы секундга чейин кыл чайнашып, чыңалган мүнөздө өттү. Ошондой эле Чемпионаттын эң күчтүүсү деп саналаган Бразилия курама командасы турнирге кандай даярдыкта келди деген суроо талкуунун чордонунда турду эле. Эми ошол негизги деген өңүттөрүн кезеги менен талдайлы. 

Роналду жаңы тарых жаратты 

Катарда футбол боюнча дүйнөлүк чемпионат өтүп жатат. Алгачкы жолу араб өлкөлөрүндө жана алгачкы ирет күз-кыш айларында өткөрүлүп жаткан турнир тарыхтагы эң кымбат чемпионат болууда. Ага 220 млрд доллар жумшалып, 2,5 млн билет сатылды. Дүйнөнүн булуң-бурчунан келген футбол күйөрмандары Катардын алдыңкы мейманканаларында калууда. 
Мына ошол конокторду тейлегендердин арасында кыргызстандык Кубаныч Жумаев бар. Би-Би-Си аны кепке тартты. 

Дүйнөлүк чемпионат: кыргыз жигитинин кызматы 

Катарда футбол боюнча Дүйнө чемпионатынын үчүнчү күнүндө алгачкы сенсациялар жаралып, Лео Мессинин Аргентинасы биринчи оюнду эле жеңилүү менен баштады. Ал эми "D" тайпасында Тунис – Дания менен кез келип, африкалыктар алгачкы упайын алышса, Дүйнөнүн учурдагы чемпиондору Франциянын оюнчуларында удаа-удаа жаракат алып жатат.  Футбол күндөлүгүнүн эң урунттуу учурларын баяндап турабыз.

Месси утулду, Лёва кечирим сурады, Франциянын жаракаттары

Катардагы футбол боюнча дүйнө чемпионатында пиво сатууга тыюу салынды. ФИФА пивонун стадиондо сатылышы үчүн чемпионатты уюштурган өлкөлөр менен далай жолу күрөшүп келатат. Аны өз кезегинде колониализмге айыпташып, күйөрмандардын коопсуздугу эмес. акчаны артык көрөт деп тилдегендер да болгон.

«Мен мас адамдардын көптүгүнө аябай таң калдым". ФИФАнын пиво күрөшү

20-ноябрда Катарда футбол боюнча дүйнө чемпионаты башталды. Алгачкы ирет дүйнө чемпионаты күз-кыш мезгилинде өтүүдө. 200 млр доллардан ашык сарпталган эң кымбат бул спорттук турнир далай кызык, жаңжалдар менен коштолуп келет. 
Дээрлик бир айга созулчу дүйнө чемпионатынын өзгөчөлүгү, анын айланасындагы чыр-чатактар жана башка кызыктарын тизмектеп беребиз.

Катардагы дүйнөлүк чемпионат: укмуштары менен кемчилиги 

Катарда өтүп жаткан футбол боюнча дүйнө чемпионатынын оюндарына жана натыйжаларына реалдуу убакыт режиминде көз салыңыз.

Дүйнөлүк футбол 2022 - оюндар жана натыйжалар

ФИФАнын мурдагы президенти Зепп Блаттер швейцариялык Tages Anzeiger гезитине берген маегинде 2022-жылы футбол боюнча дүйнөлүк чемпионатты Катарда өткөрүү чечими жаңылыштык болгонун мойнуна алды. 

ФИФАнын мурдагы президенти: Катардагы дүйнөлүк чемпионат тууралуу чечим жаңылыштык болду, Орусияда эмес

Би-Би-Синин кабарчылары 29-сентябрдан 2-октябрга чейин Изникте болуп, Көчмөндөр оюндарына келген спортчу айымдарды тарткан. Бул сүрөт баянда салттуу жаа атуу жана “Алыш” бел боо күрөшү боюнча күч сынаган аялдарды көрө аласыз. 

Сүрөт баян: Түркияда күч сынаган “көчмөн аялдар” 

Кыргызстан көк бөрүдө Казакстанды 5-0 эсебинде жеңип алды деген кабар кимдерди гана кубанткан жок. Эрендердин эр оюну деген менен кыз-келиндерден бери төбөсү көккө жетти. Так ушул жеңишти көбү удаа-удаа тай казанган улак салынган үзүл-кесил эфирлер аркылуу гана көрдү. Бирок көшөгө артында не бир түркүн кызыктар кайнап турду.

Манас Ниязовдун Курманбек баатырдай атсыз калганы... Көчмөндөр оюндарындагы көшөгөнүн арты

Көчмөндөр оюндары Изникте өтүп жатат. Көкбөрүбү же көкпарбы, кайсынысы көз жоосун алат деген талаш бул жолу да аябай кызыды. Ал ат майданында ким мыкты, ким күчтүү, ким шамдагай деген көрүнө да көмүскө да атаандаштык менен эле бүтпөй жатат.

Спорт