Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

"Кумтөр" ишканасынын Токмок шаарында дөңгөлөктөрдү кайра иштетүүчү заводунун сыноо иретинде ишке киргенине эки жылдан ашты. Убагында бул Борбор Азиядагы теңдеши жок уникалдуу ишкана боло турганы айтылып, таштанды дөңгөлөктөрдү кайра иштетүү аркылуу экологияга дагы, экономикага дагы олуттуу салым кошо турганы айтылган. Муну менен катар ишкананын ишинин ачык-айкындыгы негизги талаптардын бири болушу зарыл   дегендер дагы жок эмес.

Токмоктогу дөңгөлөк заводу кандай иштеп жатат?

Кыргызстандын айрым аймактарында зыянкеч чегирткелер жылдагыга салыштырмалуу бир нече жума эрте пайда болуп, алар тез жайылып жатканы айтылууда. Бул кырдаал айрыкча дыйкан-фермерлердин кооптонуусун күчөтүп, алдын алуу жана ыкчам чара көрүү маселесин козгоодо. 

Чегиртке коркунучу: Кыргызстанда зыянкечтер быйыл эрте пайда болду

Чүй облусунун Кегети капчыгайындагы кызыл карагайларды зыянкечтер бүлгүнгө учуратып жатат. Токой кызматы быйыл 600гө чукул ийне жалбырактуу даракты кыйып, өрттөп жок кылууну мерчемдөөдө. Экологдор сырттан ташылып келген көчөттөр, курулуш материалдары жакшы текшерүүдөн өтпөй, алар менен кошо келген зыянкечтер токойлорду байырлап, экосистемага олуттуу доо кетирип жатканын билдиришүүдө.

Эколог: Кыргызстандын түндүгүндө кызыл карагайлуу токойлор жоголуу коркунучунда

Окумуштуулар өркөчтүү киттин эң узак аралыкты сүзүп өткөн адаттан тыш окуясын аныктады. Бул климаттын өзгөрүшүнө же киттин өзүнө түгөй издөөсүнө байланыштуу болушу мүмкүн. 2017-жылы бул кит Колумбиянын жээгинде байкоого алынган, бир нече жылдан кийин ал Инди океанындагы Занзибарга жакын жерде пайда болуп, кеминде 13 000 чакырым сүзүп өткөн.

Өтө чоң аралыкты сүзүп өткөн өркөчтүү кит окумуштууларды таң калтырды

Азербайжандын борбору Баку шаарында өткөн СОР 29 саммити жыйынтыкталды. Ал узаган аптанын жума күнү эле аяктамак, бирок талаштуу пикирлерден улам талкуу жекшембиге чейин созулганы айтылууда. 

Климат: Кыргызстан бир ок менен эки коён аткысы келет

Испанияда 1973-жылдан берки чоң суу ташкындан кеминде 158 киши каза тапты. Өлкөнүн кээ бир аймактарында күтүүсүз жааган нөшөрдөн улам суу ташкыны пайда болду. 

Испаниядагы суу ташкын кеминде 150 кишинин өмүрүн алды

Бул сүрөт Ош облусунун Кара-Суу жана Алай райондорунун ортосунда жайгашкан Муз-Төр аймагынан тартылган. Анда тоо бетин жиреп өтүп, көк жалтаң музду кертип салган жолду көрүүгө болот.

“Көрсөң жүрөгүң ооруйт”:  Муз-Төрдөгү кертилген мөңгү

Күлүмсүрөгөн назик аял кофесин ууртап, маңдайымда олтурду. Кеңсе кызматкери, болгондо да эсеп-кысап оюнан чыкпаган бухгалтер. Сыртынан караган киши бул айым дүйнөнүн эң бийик чокусуна чыгууга камынып жатат десе ишенбейт. Иш жүзүндө эки жыл мурун эле Эверестке мүмкүн болушунча жакын барып, Манаслу чокусуна чыгып, Кыргызстандагы эң бийик кырларга эбак изин калтырган.

Аялдан чыккан “Ак илбирс”. Эвересттен да катаал тоону багынткан кыргыз кызы 

Швейцария жана Италия эки мамлекеттин Алпыдагы чек ара тилкесин жылдырууга аргасыз болду. Себеби климаттын өзгөрүүсүнөн улам бул аймакта чек ара сызыгы өткөн жерлерде мөңгүлөр эрип, тоо кыркаларынын формасы өзгөрүүдө. 

Мөңгү эрип кетип, Швейцария менен Италия чек арасын кайра тактамай болду

Батыш Нил вирусу, Чыгыштын жылкы энцевалити, безгек менен денге калтыратмасы сыяктуу коркунучтуу оорулар АКШда күчөгөндүн үстүндө. Бул оорулардын вирусун алып жүргөн чиркейлер улам жылып бара жаткан дүйнөдө мурда жашай албаган жерлерге чейин жетип, көбөйө баштады.

Жан сууруган оору тараткан чиркейлер АКШны аралап кирди

АКШнын түштүк-чыгышында "Хелен" бороон-чапкынынан улам кеминде 90 кишинин өмүрү кыйылып, миллиондогон киши электр энергиясыз калды. Бороон адегенде Флоридага жетип, акырындап түндүктү көздөй Жоржиа, Түндүк жана Түштүк Каролинаны көздөй жыла баштаган. 

АКШдагы "Хелен" бороону кеминде токсон кишинин өмүрүн алды 

Нью-Йоркто Бириккен Улуттар Уюмунун Генералдык Ассамблеясынын 79-сессиясы ушул күндөрү өтүп жатат. Кыргыз лидери Садыр Жапаров да катышып, сөз сүйлөдү. 

Бириккен Улуттар Уюму – жападан жалгыз глобалдык платформа

Тоң районунун Туура-Суу айылында эвакуацияланган беш жүз элүүдөн ашуун жаран кайра бүгүн эртең менен үйлөрүнө жеткирилди. Зындан көлүнүн суусунун нугу Тоң дарыясына бурулуп, суунун көлөмү азайгандыктан жашоочуларга коркунуч жок экенин жергиликтүү бийлик Би-Би-Сиге билдирди.
Бирок, эгерде кайрадан сел каптаса жарым саат ичинде эвакуация кылууга күчүбүз жетет дешти.


Тоо жырылып, көл толкуп... 

Кечээ Кыргызстандын түндүгүндө да, түштүгүндө да тынымсыз жааган жаандан улам алты жерде сел катталды. Айрым жерлерде албуутанып, бак-даракты тамыры менен кошо жулуп, унааларды камгактай агызып катуу сел келгени видеолордон так көрүнүп жатат. Табияттын мындай кубулушу кыргызстандыктардын бир тобунун жүрөгүнүн үшүн алып турган чак. 

Элди түйшүккө салган бир күндөгү алты сел

14-июлда Ошто көнөктөгөн нөшөрдөн улам сел жүрүп чогулган суулардан улам Ак-Буура дарыясы нугунан ашып, шаардын аймагындагы базарлардын бирин жайпап кетти. Анда эл ичинде жайма базар деп таанылган аймакты сел алганын көрүүгө болот. 

Ош: каптаган сел, сестенген эл

Кыргызстанда эки айдан ашык мезгилде эле эки жүздөн ашуун сел жүрдү. Он алты адамдын өмүрү кыйылды. 170 млн сомдон ашык зыян келди. Быйыл башка жылдарга салыштырмалуу селдин көп болуп жатканында климаттык өзгөрүүлөрдүн да таасири болууда. 

Кыргызстан селден миллиондогон зыян тартты

Кыргызстанда акыркы үч айда үч жүздөй сел катталган. Жаратылыш кырсыктары алып келген зыяндын көлөмү эсептелип бүтө элек. 
Он төрт адамдын, тагырагы эки үй-бүлөнүн өмүрүн алган Ноокат менен Кара-Кулжадагы сел азыр өлкөдөгү эң кейиштүү окуя болуп турат. Мамлекеттик кызматтар тилсиз жоонун алдын алса болмок деген сын пикирлер  көп болуп жатканда, Би-Би-Си өзгөчө кырдаалдар министринин орун басары Эделбек Кулматов менен байланышып, жооп алды.


"Жайлоонун баарына дамба кура албайбыз". Сел кырсыгынын алдын алууга болот беле? 

Күн катуу ысый баштагандан тартып коомдук транспортторго, айрыкча жаңы сатып алынган автобустарга болгон жүргүнчүлөрдүн нааразы пикирлери социалдык тармактарда жайнай баштады. Айрыкча андагы термометрди сүрөткө же видеого тартып алышып, транспорттун ичи болуп көрбөгөндөй ысып жатканын, тыштан дагы ички температура жогору экенин жазышууда.

Акактаткан автобус, чыланып терге жолдобуз

Эдхи тез жардам кызматы күн сайын Карачидеги моргго отуздан кыркка чейин адам жиберип жатканын кабарлады.

Пакистанда катуу ысыкта 500 ашык адам каза тапты

Делидеги доктор Чаухандын ооруканасы май айынын аягында күндүн адаттан тыш ысышына байланыштуу клиника ачкандан бери жети адам аптаптан каза таап, 40 ашууну ооруканада дарыланууга үлгүрдү.

Индиядагы мээ кайнаткан аптаптан өлгөндөр

Жоголуп бараткан жапайы аттар 200 жылдан бери биринчи жолу Казакстандын Алтын Талаасына кайтып келүүдө.

Жапайы жылкы казактын кең талаасына кайтып келди

Адамдын иш-аракеттери планетада температуранын жогорулашына алып келери талашсыз. Температура жогорулаган сайын деңиз деңгээлинин көтөрүлүшүнө түздөн-түз таасир тийгизет.

Климаттын өзгөрүшү деген эмне? Абдан жөнөкөй маалымдама

Индия үрөй учурган ысыкты баштан кечирүүдө: абанын температурасы бир нече шаарларда Цельсий боюнча 45 градустан ашып, ондогон киши ысыктан каза болду. Буга карабай өлкөдө жалпы элдик шайлоолор өтүп жатат.

Индияда мээ кайнаткан аптаптан ондогон киши каза болду, шайлоосу уланууда

Кыргызстанда уран казууга мыйзамдагы тыюуну алып салуу каралууда. Тийиштүү долбоор парламентте биринчи окууда колдоо тапты. Уран жана торий кендерин иштетүү экологияга эч кандай зыян келтирбейт деп өкмөт айтып жатат. Ал эми экологдор уран казуунун жаратылышка кесепети оор болоорун эскертүүдө.