Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

Бишкек шаарынын Биринчи май райондук соту мурдагы президент Алмазбек Атамбаевди Кой-Таш окуясы боюнча күнөөлүү деп таап, 11 жыл 6 айга эркинен ажыратты. Президенттик аппараттын мурдагы башчысы Фарид Ниязов менен Жогорку Кеңештин мурдагы депутаты Равшан Жээнбеков 7 жыл 8 айга, СДПК партиясынын мүчөсү Ирина Карамушкина 7 жыл 6 айга эркинен ажыратылды. Кой-Таш иши боюнча айыпталып жаткан дагы бир нече адам пробациялык жаза алды.

Атамбаев 11,5 жылга соттолду, Жапаров ага ырайым берилиши мүмкүн экенин айтты

"Снос", "Сүрдүрүп салуу" деген сөздөр соңку күндөрү эң көп айтылып, эң көп жазылып жаткандай. Айрымдар дубалдар эле сүрүлбөй, ашмалтайы чыккан эски эрежелер дагы кошо сүрүлүп жатат деп кубаттаса, менчик укугу кайда калды деп сынга алгандар дагы жок эмес. Ошондон улам кызыл сызык менен жеке менчик деген түшүнүктүн чек арасын так аныктоо маселеси күн тартибине чыкты. 

Кызыл сызыктан чыккан кызуу талаш. Менчик укугу унутта калган жокпу? 

12-мартта Тажикстандын президенти Эмомали Рахмон Кыргызстанга мамлекеттик сапар менен келди. Соңку төрт жылдан бери чек ара жаңжалына байланыштуу эки өлкөнүн мамилеси кескин начарлап, чек ара жабылып, алака-катыш дээрлик токтоп турат. Бул сапар ымаланы калыбына келтирүүдө негизги кадам болору айтылып жатат.

Эмомали Рахмондун сапары: сууган алака кайра жанданабы?

Түркиянын президенти Режеп Таййип Эрдогандын Кыргызстанга мамлекеттик сапары уланууда. Мунун алкагында Түркия Кыргызстандын 60 миллон долларга жакын карызын кечкени маалым болду. Бул каражат жашыл технологияларды өнүктүрүүгө жумшалат. Ушул кабар кыргыз коомчулугунда жылуу кабыл алынып, кызуу талкууланып жатат. Мындан сырткары Эрдоган Түркиянын өндүрүшүнөн чыккан унааны Садыр Жапаровго белек кылды.

Эрдогандын сапары: кол коюлган документтердин тизмеси

Кыргыздар менен түрктөр канчалык алыста жашаса да эки элдин алакалары тарыхтын тереңинде жатат. Бүгүнкү түрктөрдүн бабалары огуздар менен кыргыз байланыштары алтынчы, сегизинчи кылымдарда башталган. Кыргыз-түрк тарыхы канчалык тереңде жатканына булактар жана айрым оозеки баяндар күбө. Бирок биз тарыхый-документалдык түрдө билинген Осмон мамлекети мезгилиндеги кыргыз-түрк байланыштарынан баштап бүгүнкү күнгө чейинки алака тууралуу кеп кылабыз.

Кыргыз-түрк алакаларынын тарыхы жана учуру

Түркиянын президенти Режеп Таййип Эрдоган бийликте турганына 21 жыл толду. Чейрек кылымга жакын башкаруу мөөнөтүндө Эрдоган Кыргызстанга расмий иш сапары менен төрт жолу келген. Ал бул ирет бешинчи ирет келди. Бул макалабызда Эрдогандын Кыргызстанга болгон мурдагы сапарлары тууралуу баяндайбыз.

Эрдоган Кыргызстанга келди: Саясатчынын Оштон Ысык-Көлгө чейинки сапарларынын урунттуу учурлары

Кыргызстандын Министрлер Кабинетинин төрагасы дүйшөмбүдө АКШга жумушчу сапар менен келди. Бул Акылбек Жапаровдун Америкага соңку үч жылдагы үчүнчү сапары. Мурунку эки сапардан айырмасы, бул жолу Вашингтон Бишкектин  бейөкмөт уюмдарга көзөмөлдү күчөткөн талаштуу мыйзамды кабыл алганына каршы маанайда болуп турган убагы. Бул сапар ошондой эле  Батыш менен Москванын эрегиши курчуган фазасына келген учурда болуп жатканы менен да көп талкууга жем таштоодо.

"Вашингтон кабатыр болгон маселе". Акылбек Жапаровдун АКШга сапары

Кыргызстандын президенти Садыр Жапаров АКШнын мамкатчысы Энтони Блинкенге узун кат жазып, эгемен мамлекет сырттан каржылык колдоо алып жаткан ЖМКлар менен бейөкмөт уюмдарынын ишин көзөмөлгө алып жатканын белгилеп, АКШны өлкөнүн ички ишине кийлигишпөөгө чакырды.  Дипломатиялык бул кайым айтышуу, эл аралык укук коргоо уюмдары Кыргызстан жарандык коом менен ЖМКга карата репрессиялык мыйзамдарды кабыл алып жатат деп көп сын айтып жаткан учурда болууда.

"Биздин ички ишибизге кийлигишпегиле". Жапаровдон Блинкенге жооп 

Кыргызстанда президент баарын билип, баарын башкарган саясаттын үчүнчү жылында коррупцияга каршы күрөштүн экинчи этабы жарыяланды. Бийликти колдон талашкан күчтүү оппозиция жок, каяша айтып каршы чыккан саясатчылар менен жарандык активисттер темир торго салынды. Массалык тополоң чыгарууга даярдык көргөн деген шек менен айыпталып, өткөн жылы камалган  24 саясатчы менен жарандык активисттин соту да бүткөн жок. Коомчулуктагы каршылык маанайга карабай, президенттин демилгеси менен улуттук туунун дизайны өзгөртүлдү. 

Суперпрезиденттик башкаруунун үчүнчү жылы: негизги окуялар

Кыргызстандын президенти Садыр Жапаров бүгүн 55 жашка толду.  Эгемен мамлекеттин алтынчы президентинин саясий жана мамлекеттик ишмердигинин урунттуу учурларына сүрөт баян менен токтолобуз.

Садыр Жапаров 55 жашка толду

Түрк Мамлекеттер Уюмунун 11-саммити 6-ноябрда Бишкекте өткөнү турат. Саммитке Азербайжандын, Казакстандын, Түркиянын жана Өзбекстандын президенттери чогулганы турат. Мындан сырткары уюмга байкоочу болуп кирген мамлекеттердин өкүлдөрү катышат. 

Бишкек Түрк мамлекеттер уюмунун саммитин өткөрөт 

Башталгыч бет

Жогорку Кеңеш Кыргызстан менен Өзбекстандын ортосундагы чек ара боюнча макулдашууну карап, көпчүлүк добуш менен колдоду. Эки коңшу өлкө отуз жылдан ашык убакыттан бери бүтпөй келаткан чек арадагы талаштуу маселелерге чекит коюну максат кылууда.

Садыр Жапаров: "Эң туура жол менен баратабыз"

Мурдагы президент Алмазбек Атамбаевдин соттук иши, тарапташтарынын кайрылуусу, алдамчылыкка айыпталып абакта жаткан Мелис Аспеков жарыялаткан чуулуу маалыматтар талкуунун чордонунда. Бул иштердин баарында президент Садыр Жапаровдун ысымы байма-бай аталууда. 