Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Кытайдын экономикасынын темпи басаңдаган сайын аялдар акчаны үнөмдөөнүн ар кандай жолун издеп жатат.

Окуу жана токуу. Кытайлык аялдардын акчаны үнөмдөө аракети

Түркияда адамдар кредиттик карта карызынын катаал айлампасында калышты: корот, тап, төлө, кайтала.

Кредиттик картанын көзүн караган жашоо: Түркиядагы гиперинфляция жана карыз көйгөйү

Kyrgyz

Кыргызстандын Министрлер Кабинетинин төрагасы дүйшөмбүдө АКШга жумушчу сапар менен келди. Бул Акылбек Жапаровдун Америкага соңку үч жылдагы үчүнчү сапары. Мурунку эки сапардан айырмасы, бул жолу Вашингтон Бишкектин  бейөкмөт уюмдарга көзөмөлдү күчөткөн талаштуу мыйзамды кабыл алганына каршы маанайда болуп турган убагы. Бул сапар ошондой эле  Батыш менен Москванын эрегиши курчуган фазасына келген учурда болуп жатканы менен да көп талкууга жем таштоодо.

"Вашингтон кабатыр болгон маселе". Акылбек Жапаровдун АКШга сапары

Кыргызстандагы Аксуу айылындагы жеңил автоунаа чыгара турган биринчи заводдун курулушуна барган Министрлер Кабинетинин төрагасы бул инвесторго бардык колдоосун убалда кылды. Чет элдик инвестор чыгарган автоунаалар Кыргызстанда өтүмдүү болобу жана керектүү деңгээлдеги рынок барбы?

Кыргызстанда инвестор чыгарган автоунаалар каякка сатылат?

Булгары бут кийимдин баасы кымбат, тери болсо текейден арзан дегендер көп. Мал киндиктүү Нарында кой териси каралбай эле калгандай. Ууздардын колуна тийген бир аз бөлүгү эле үй оокат болуп бербесе, көпчүлүгүн ит тытып, таштандыга ыргытмай адатка айланды. 

Булгары кымбат, тери текейден арзан. Каралбай калган кайран тери...

Өткөн жылы Армениянын премьер-министри Никол Пашинян Wall Street Journal гезитине берген маегинде өлкөдө Орусиянын аскерий базаларынын мындан ары болушунан эч кандай пайда көрбөй турганын айткан.
Бирок, Армениянын өнөр жайынын, инфраструктурасынын жана алтургай чек ара көзөмөлүнүн көбү орустардын колунда болгондуктан, орус аскерлерин чыгарып кетүү оңой иш эмес. Мунун төркүнү эмнеде?


Армения Орусияга канчалык көз каранды?

Орусия ушу жылдын 1-апрелинен тарта Кыргызстан менен Казакстандан келген автоунааларды ташып киргизүүнү чектейт. Бул тууралуу 2-февралда Алматыда өткөн Евразиялык өкмөттөр аралык кеңешинин жыйынында маалым болгонун Экономика министрлиги Би-Би-Сиге билдирди. Бул транспорт катары кирип чыгууга тиешеси жок.

Автобизнес: Орусиянын жаңы токтому ишкерлерди куру жалак калтырабы?

Узап кеткен жылды кыргыз бийлиги өнүгүүгө бет алган окуяларга бай болду деп баалады. Дүйнө жүзүндөгү ар кандай олку-солкулуктарга карабай өкмөт өлкө экономикасы кыйла өскөнүн айтып жатат. Жыл жаңырган түнү жамы журтту куттуктап жатып президент Жапаров өлкөнүн ички дүң продукциясынын көлөмү бир триллион сомдон ашканын дагы бир жолу баса белгиледи.

Экономикадагы өсүш жана кыйнаган кымбатчылык

Мамкурулуштун жаңы жетекчиси Нурдан Орунтаевдин турак-жай курган компанияларга карата дымактуу билдирүүсү коомчулуктун бүйүрүн кызытууда. Бул билдирүү миңдеген кишилер курулуш компанияларына, турак жай кооперативдерине алданып калды, кыймылсыз мүлк кымбат деген талкуулардын маалына туш келди. 

Мамкурулуш: миң сомдук лицензия 150 миңге көтөрүлөт

Быйыл Элдик курултай 15-декабрда өтөт. Анын өзгөчөлүгү – мыйзамдын негизинде өтөт. Курултайга жер-жерлерден шайланган 700 делегат катышат. 
Биринчи элдик курултайда төрт миңден ашуун сунуш түшкөн, эми анын кандай аткарылганы жөнүндө бийлик бутактарынын отчету угулат. 

Элдик курултай: төрт миң сунуштун канчасы аткарылды? 

Кыргызстанда соодагерлер ККМге каршы митингиге чыккандан кийин ири базарларда текшерүүлөр, кармап-камоолор башталды. Эсепсиз байыган базар ээлери ачык аталып,  ижара акысын азайтуу, соодагерлерден салык алууну жакшыртуу талаптары коюлууда. Кыргызстанда эгемендиктин отуз жылдан ашык мезгилинде биринчи жолу мамлекет базарларды көзөмөлгө алуу, көмүскө байлыктарды аныктоо аракетин көрүүдө.

Базарда байыгандар, наалыгандар жана кармалгандар

Президент Садыр Жапаров “Дордой” базарынын соодагерлери менен жолугуп, 2024-жылдын июлуна чейин патент менен иштөөгө уруксат берди. Мындай чечим бир аптадан бери жер-жерлерде өтүп жаткан каршылык акцияларынан кийин кабыл алынды.

Соодагер: "Бир күн базарга чыкпайт калуу биз үчүн трагедия" 

Кыргызстандын президенти Садыр Жапаровдун Японияга болгон сапары жыйынтыкталды. Япониянын Император Нарухито жана Императрица Масако баштаган бийик даражалуу инсандар, расмийлер менен жолугушуулар өттү. 

Кыргыз - жапон алакасынын оош-кыйышы, тилге болгон кызыгуу

Кыргызстандан үч млн доллар баага тете алтынды чыгарып кетүү аракетине бөгөт коюлду. Атайын кызмат "Манас" аба майданы аркылуу 52 кг чукул алтынды аткезчилик жол менен ташып бара жаткан башка мамлекеттин жараны кармалганын билдирди. Шектүүнү Түркиянын жараны болушу мүмкүн дегендер да бар. 

Үч млн долларга тете алтынды алып кетүү аракети 

Кыргызстанда совет заманындагы партиялык ишмерлердин ичинен көзү тирүүсүндө да, көзү өткөндөн кийин да ысымы эл оозунда легенда болуп калган экинин бири Кадыракун Базарбаевдин 90 жылдык мааракеси Нарын шаарында жана туулуп өскөн айылы Миң-Булакта белгиленүүдө. Кара-Кулжа жана Талас райондорунда жетекчи болуп турган убакта аны менен чогуу үзөңгүлөш иштеген партиялык жана чарбалык ишмер Кеңешбек Касымбековду кепке тарттык. 

Кандан-бектен кайра тартпаган Кадыракун Базарбаев

Кыргызстанда мындан туура үч жыл мурун өткөн парламенттик шайлоо одоно мыйзам бузуулар менен коштолуп, анын жыйынтыгына нааразы элдин шары менен өлкөдө бийлик алмашкан. Үч жыл ичинде Кыргызстанда кандай өзгөрүүлөрдү болгонун талдоочулар Би-Би-Сиге тизмектеп берди. 

Октябрь окуяларына үч жыл. Шайлоо чырынан кийинки өзгөрүү элге эмне берди?  

Кыргызстанда быйыл кургакчылыктын айынан түшүм аз болуп, тоют таңкыстыгы эми эле байкала баштады. Айыл чарба министрлигинин маалыматына ылайык, өлкө боюнча тоют 30 пайызга аз жыйналган. Министрлик тоютту сыртка чыгарууга тыю салганына карабай, ушул тапта бир түк чөп 450 сомго чейин сатылууда. 

Кыргызстанда чөп кымбаттап, мал арзандады

Кыргыз-казак чек арасындагы өткөрмө бекеттерде жүк ташуучу ууналардын тыгыны азая баштады. Бул казак президенти Касым-Жомарт Токаевдин тапшырмасынан кийинки көрүнүш. 

Казакстандын эле көзүн карабасак... Жүк ташуучулардын жүрөк өйүткөн маселеси

Кыргызстандын Экономика министрлиги кыргыз-казак чек арасындагы жүк ташуучу унаалардын узун кезеги боючан Казакстанды айыптады. Кыргызстандын Чек ара кызматынын маалыматы боюнча ушул тапта 600дөн ашык унаа коңшу өлкөгө өтө албай турат. Чек арадагы чыңалган жагдай Кыргызстан коңшу өлкөгө сугат суу берүүнү убактылуу токтоткон маалга туш келди. 

Чек арадагы узун кезек: Кыргызстан Казакстанды айыптады

Бул жума рублдун төмөндөшү менен башталды: өткөн аптада доллардын курсу 100 рублден, ал эми евро 110 рублден ашты. Мунун баары орус Борбордук Банкынын рублдун кунун түшүрбөй кармап туруу аракетине карабастан болду. Борбордук банк өтө жумшак саясаты үчүн буга чейин Кремлдин сынына кабылган. Рубль эмне болот жана ал дагы канчага чейин төмөндөйт? 

Бир долларга жүз рубль. Орус валютасы эмне себептен арзандоодо?

Соңку апталарда Россиянын улуттук валютасы – рублдун наркы дүйнөлүк валюталарга карата арзандап кетти. 
Бул Россияда иштеген мигранттарга, анын ичинде кыргыз жарандарынын чөнтөгүнө дагы таасирин берүүдө. 

"Рубль түштү": мигранттар тапкан акчанын куну кетти

Мэрия “Тулпар” төлөм системасына биротоло өтүү чечимин кабыл алды.
20-августтан баштап автобус менен троллейбустарда жол кирени накталай акча менен төлөй албайсыз. 

Бишкек тыгылган, кир, түтөгөн  маршруткаларды сүрүп чыга алабы? 

Түркмөнстандын батышындагы порт шаар болгон Түркмөнбашыда апта башында азык-түлүк тартыштыгына нааразы болгон жарандар көчөгө чыгышканы кабарланды. Түркмөнстанда азык-түлүк тартыштыгы бир топ жылдан бери чечилбей жаткан көрүнүш. Кырдаал курчуган сайын кризис жанына баткан адамдар бийликтен коркпой этпей көчөгө чыга баштады.

"Байлыкты мыкчыган президенттик клан". Түркмөнстанда эл  көчөгө чыкты

Америка Кыргызстанда катталган төрт компанияга санкция салды. Ушул эле жылдын май айында кыргызстандык дагы бир компания АКШнын кара тизмесине илинген эле. Кыргыз бийлиги болсо эл аралык эреже талаптарды так аткарууга мүмкүн болушунча аракет кылып жатканын билдирди. 