Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

27-октябрда Бишкек шаарынын Октябрь райондук соту Temirov Live, Kloop.kg жана "Айт Айт Десе" медиа долбоорлорунун маалыматтык материалдарын экстремисттик деп тапты. Мындан тышкары бул долбоорлорду түптөгөн журналисттер Болот Темиров менен Ринат Тухватшиндин ишмердиги да экстремисттик деп таанылды.

Сот үч медиа долбоорду экстремисттик деп тапты. Журналисттер эмнеге кабатыр?

29-майда "Клооп" басылмасынын дагы бир кызматкери кармалды. Бул тууралуу редакция өзү кабарлады. 28-майда өлкөдө ишмердигине тыюу салынган "Клооп" басылмасынын мурдагы жана азыркы беш кызматкери суракка алынып, экөө 48 саатка камалган. Алдын ала маалыматтарга караганда, аларга "жапырт башаламандыкка чакыруу" беренеси менен иш козголгону айтылууда.

"Клооптун" журналисттерин жапырт суракка алуунун артында эмне турат?

Кыргызстанда "Жалпыга маалымдоо каражаттары жөнүндө" жаңы мыйзам долбоору парламентте талкууланып жатат. Документ 2025-жылдын 9-апрелинде Жогорку Кеңеште биринчи окуудан өткөн. Жумушчу топтун өкүлдөрү бул бардык тараптардын кызыкчылыгын эске алган, жалпыга орток вариант экенин, эл өкүлдөрү аны эч өзгөртүүсүз кабыл алып беришсе дешет. 

"Комментарий үчүн Цукерберг жооп берсин". ЖМК жөнүндө мыйзам долбоору кызуу талкууда 

The Economist басылмасы демократиянын индекси боюнча кезектеги талдоосун жарыялаган соң түрдүү талкуулар жүрүп жатат. Басылма 2024-жылы дүйнө жүзүндө демократия олуттуу соккуларга кабылганын жазган. Басылманын жылдык отчетунда былтыр жетимиштен ашуун өлкөдө шайлоо өткөнүнө карабастан, көпчүлүк мамлекеттерде добуш берүү демократиянын чыныгы принциптерине шайкеш келбегени айтылат. Жылдык баяндамада Борбор Азиядагы мамлекеттердин дээрлик бардыгы авторитардык өлкөлөрдүн катарында экени көрсөтүлгөн.

The Economist рейтинги: Борбор Азия жана Кыргызстандагы демократиянын абалы

Эркин журналист Канышай Мамыркулова бүгүн Мамлекеттик жаза аткаруу кызматынын №21 мекемесине (СИЗО-1) которулат. Активисттин адвокаттары анын бөгөт чарасын өзгөртүү өтүнүчү менен Бишкек шаардык сотуна кайрылышарын кабарлашты. Бул арада Канышай Мамыркулованын бошотулушун кубаттаган журналисттердин саны 320га жеткени маалым болду.

Канышай Мамыркулова камакта: адвокаттын өтүнүчү орундалабы?  

Журналисттерди коргоо комитети жакында эле Борбор Азиядагы сөз эркиндигинин абалы боюнча кезектеги баяндамасын жарыялады. Анда сөз эркиндигинин үлгүсү катары бааланып келген Кыргызстан авторитаризмге багыт алып бара жатат деп айтылды. Ал ортодо медиа коомчулуктун нааразылыгын жаратып келген "Жалпыга маалымдоо каражаттары жөнүндө" мыйзамдын жаңы долбоору кайрадан парламенттин кароосуна жиберилди.

Сөз эркиндиги: "ЖМК жөнүндө" мыйзамдын жаңы долбоорунда эмнелер өзгөрдү?

Бишкектин Ленин райондук соту 11 журналисттин иши боюнча чечимин угузду. Судья Кылычбек Истамкулов чыгарган чечимге ылайык, Temirov Live жана “Айт айт десе” долбоорунун жетекчиси Махабат Тажибек кызы 6 жылга жана долбоордун кызматкери Азамат Ишенбеков беш жылга эркинен ажыратылды. 

Созулган соттук иш: 11 журналисттин иши боюнча өкүм чыкты

Кыргызстанда "Кемпир-Абад иши" боюнча айыпталгандардын баарын сот актады. Сот өкүмүн угузар замат айыпталгандардын баары сот залынан бошотулду. Азимбек Бекназаров сот актабай кое албайт эле, кылмыш курамы жок экенин башынан эле белгилүү болчу деп айтты. Равшан Жээнбеков соттун чечими ага күтүүсүз болгонун билдирди. Прокуратура сгт чечимин талашып кайра кийинки инстанцияга кайрылабы же жокпу, азыр белгисиз.  


Кемпир-Абад иши: айыпталуучулардын баары акталды

Өткөн аптада Түндүк Корея эки жолу таштанды ташыган жүздөгөн шарларды Түштүк Кореяга жиберди.
Сеулдук аткаминерлер асмандан шар жаап жаткан учурда элди үйдөн чыкпоого чакырып, ак шарларга жана аларга чиркелген желим баштыктарга тийбөөнү эскерткен.


Шарга байланган акыр-чикир. Корей жарым аралындагы "өзгөчө согуштун" тарыхы

Кыргызстанда массалык тополоңго чакырган деген шек менен эркин журналисттер кармалып соттолуп жатканда, өлкө бийлиги сөз эркиндигин кысымга алып жатат деп эл аралык уюмдардын олуттуу сынына кабылды. 
“Жалпыга маалымдоо каражаттары жөнүндө“ жаңы мыйзам долбооруна катуу сын айтылгандан кийин, президенттин көрсөтмөсү менен ал Жогорку Кеңешке келип түшкөн жеринен кайра чакыртылып алынды. Азыркы убакта Маданият, маалымат министрлигинде жумушчу топ мыйзам долбоорун электен өткөрүүдө. Ошол эле убакта бийликте сөз эркиндигин ооздуктоонун башка дагы амалдары каралууда деген кабарлар ЖМК өкүлдөрүн бушайман кылууда. 


Ар кимдин өз чындыгы бар. Кыргызстандагы сөз эркиндиги үчүн күрөш

22-апрелде Бишкекте улуттук жазуучулар союзу кезектеги курултайда өзүнүн жаңы төрагасын шайлаган турат. Союздун жетекчилик тизгинин алууга адегенде алты талапкер чыгып, экөө баш тартып, добуш берүүгө төртөөнүн ысмы коюлмай болду. Жазуучулар чөйрөсүндө шайлоо алдындагы атаандаштык кыйла эле активдүү болду жана төраганын кызмат ордунун кадыр-баркы жогорулаганы байкалат. Бирок бул шайлоо шыдыр өтпөй, нааразы жазуучулар чыр чыгарышы да ыктымал болуп турат.

Демократия жана бюрократия. Жазуучулар союзу төрага шайлайт 

Түркияда жергиликтүү кеңештерге шайлоо өттү.  Бул өлкөдө чөлкөмдөгү башка өлкөлөргө салыштырмалуу шаардык кеңештердеги шайлоо президенттик, парламенттик шайлоолордой эле кызыктуу жана курч өтөт. Алдын ала жыйынтык белгилүү боло баштаганда эле Эрдоган жеңилип жатканын карабай, элдин тандоосун сыйлайбыз дегени ким болбосун шайлоону, эл чечимин сыйлоону көрсөттү дешет. Ушул эле ойду улай ал күрөш уланат таризинде кеп кылды.  

Эрдоган эмнеден алдырды? Түркиядагы шайлоонун түркүн-түстүү "сыры"

24.kg маалымат агенттигинде саналуу күндө эле эки ирет жетекчилик алмашты. Юстиция министрлигинин реестринде 17-март күнү сайттын негиздөөчүсү жана жетекчиси катары журналист Гүлжан Шерипбаева катталып, көп өтпөй 19-март күнү эле кайра Алмас Турдумаматовго катталып калганын көрүүгө болот. 

"Эч кандай рейдерлик болгон жок". Оторбаева 24.kg боюнча үн катты 

Кыргызстандын президентинин басма сөз катчысы Аскат Алагөзөв 13-мартта билдирүү таратты. Анда президент Садыр Жапаров жакында эле маалымат каражаттарынын редакторлору менен жолуккандан кийин, жыйында айтылган жүйөөлөрдү эске алып, "Жалпыга маалымдоо каражаттары жөнүндө" мыйзам долбоорун толуктап иштеп чыгуу тапшырмасын берип, долбоор артка кайтарылганын маалымадады. 

Президент ЖМК жөнүндөгү мыйзам долбоорун артка кайтарды 

Кыргызстанда «Айт Айт Десе» жана «Темиров Live» медиа уюмдарынын учурдагы жана мурдагы журналисттери менен кызматкерлеринин эки айга камалышы, редакциялардын тинтүүгө алынышы эл аралык коомчулуктун назарын бурган чуулуу темага айланды.

Камалган журналисттер: эл аралык уюмдар менен элчиликтердин катар-катар кайрылуулары

Быйыл Элдик курултай 15-декабрда өтөт. Анын өзгөчөлүгү – мыйзамдын негизинде өтөт. Курултайга жер-жерлерден шайланган 700 делегат катышат. 
Биринчи элдик курултайда төрт миңден ашуун сунуш түшкөн, эми анын кандай аткарылганы жөнүндө бийлик бутактарынын отчету угулат. 

Элдик курултай: төрт миң сунуштун канчасы аткарылды? 

СССР ыдырап, Кыргызстан өз алдынчалыкка жетишкен жылдары саясий аренада топ жарып тургандардын бири Топчубек Тургуналиев эле.  Жогорку окуу жайда иштеп жаткан окутуучу ошол кезде адегенде ошол окуу жайдын, анан бүтүндөй республиканын саясий турмушуна таасир бере баштаган.

"Саясий феномен", "Демократиянын жоокери эле"... Топчукени эскерүү 

Комузчу жана активист Бектемир Төлөн уулунун кастыкты козутту делип суракка чакырылышы коомчулукта талкуу жаратты. Укук коргоочулар күч органдарынын  бул аракетин активдүү жарандардын оозун басуу катары баалап жатышат. 

Кезектеги опузабы же комузчу кастыкты козуттубу?

Жогорку Кеңештин депутаты Надира Нарматова “Медиахаб” коомдук фондунун кызматкери, журналист Асел Шамилованын үстүнөн сотко кайрылганы жатат. Депутат журналист анын кадыр-баркына шек келтирген берүү жасап, аны каралаганын айтууда. Бул окуя аталган эл өкүлүнүн бейөкмөт уюмдар жөнүндө мыйзам долбоорунун айланасында коомдук сын пикир курчуган учурда болуп жатат.   

"Олуттуу коркунуч". Бейөкмөт уюмдарды беймаза кылган долбоор 

Эрдоган жыйырма жылдан бери бийликте. Бул президенттик шайлоо тарыхый мааниге ээ, анткени оппозициянын жеңип чыкканга көп жылдардан бери биринчи жолу шансы болуп турат.

Эрдоган алдыда, бирок биринчи турда жеңишке жетпеди

Аталган министрлик жалган маалымат таратты деп, “Азаттыктын” ишмердигин токтотуу өтүнүчү менен сотко кайрылган эле. 

"Азаттык": сот бүттү,  талаш курчуду

Техникалык гигант АКШ менен Улуу Британиядагы өзүнүн колдонуучулары үчүн Bard деп аталган жасалма интеллектидеги чат-ботун ишке киргизди.

Google өзүнүн жасалма интеллектидеги чат-ботун чыгарды

Европадагы коопсуздук жана кызматташтык уюмунун байкоочулары Казакстандагы мөөнөтүнөн мурда өткөрүлгөн парламенттик шайлоолордун алгачкы натыйжаларына сабырдуу баа беришүүдө. Экзит-полдун алдын ала маалыматтары боюнча башкаруучу партия "Аманат" жеңишке жетти (53%), байкоочулар өз кезегинде демократиялык реформаларды дагы жүргүзүү зарылдыгы бар экенин белгилешүүдө.

ЕККУ: Казакстандагы бийлик партиясынын жеңиши - демократиялык жылыш

Жогорку Кеңеш Президент сунуштаган "Элдик курултай" жөнүндөгү мыйзам долбоорун карабай күн тартибинен алып салды. Өткөн жылы дагы бул долбоорду тармактык комитеттен эле өткөрбөй, кайра кайтарып жиберишкен болчу. 