Onye nwere nkwarụ kwesịrị inwe aka ọrụ ka agụụ ghara ịgụ ya - Chidimma Obilor

Chidimma Obilor bụ onye Ọhaji/Egbema n'Imo Steeti ma bụrụkwa onye amara dịka onye anaghị m agba onye ikpeazụ n'egwuruegwu ọbụla ọ nọ n'ime ya.

Na mkparịtaụka ya na BBC News nnwere ka o "O teela m malitere, ma ụnụ amaraala na m bụ onye na-erite ọla. N'okpuru ọchịchị ime obodo m, ọ bụ Nwaanyị Ọlaedo 'Miss Gold' ka a na-akpọ m," ka o kwuru.

Ọ gara n'ihu kọwaa etu o sir nwete onwe ya n'ọnọdụ ya: "Oge amụrụ m, amaghị m... ndị nwe m kọọrọ m na oge amụrụ m akpata gbara m, mana ha amataghị na ọ bụ akpata. Ha kpọọrọ m gaa ebe a na-agba ọgwụ, ebe a chọrọ ịgwọ m, ha agbaa m ọgwụ, ọgwụ ahụ etinye m n'ọnọdụ a m nọ n'ime ya."

Ọla ndị m ritere akarịala, ha niile juru n'imeụlọ m. Ọ bụ egbe ka m na-agba, 'fencing'. Ihe bara uru na-eme na Legọs. Abụ m onye na-akụ bọọlụ nkata, ụnu maara m nke ọma. Kemgbe ka m na-akụ bọọlụ nkata, tupu m hụ nke a bụ 'fencing' a kpọrọ 'wheelchair fencing', m soro ha.

Ana m ekele Chineke mere m ji bụrụ otu onye n'ime ndị otu egwu Naịjirịa kpọ bịa njem a taa ịnọchite anya Naịjirịa ma mee ka ndị Naịjirịa chịa ọchị. Gị bụrụ onye nkwarụ a na-enyeghị ọrụ n'okpuru ọchịchị ime obodo, o nweghị ọrụ ị mụrụ, ịgba aka. O nweghị ihe a na-enye ha.

Agụụ, agụụ, ndị nkwarụ na-ata ahụhụ, ọ bụrụ na ọ bụghị ndị na-eme egwuruegwu. Amụọla m nwa mana enweghị m di. Ana m ata ahụhụ, ọ bụ maka nwa m ka m jiri gbapụta, si Imo Steeti bịa Legọs ka m chọọ ego m ga-eji zụọ nwa m. Ebe a m nọ, anyị na-asọ mpi.

Ọ malite, Chineke na-emere m amara etu o si emere m, m soro n'ime ya. Anaghị m agba onye ikpeazụ, aha m na-anọrịịrị ya. Etu ahụ aha m nọ ya, m sorokwa mee ya, aga m eso na ndị ga-emeri.

O nwee ihe ha chọrọ ịkwụ anyị, ha akwụọ. Aha m ga-esokwa na ndị a ga-akwụ ụgwọ. Anyị na ndị Oyibo nọ na-eme 'fencing'. Ihe a m bịara bụ egwuruegwu 'Commonwealth' maka 'wheelchair fencing', dịka m na-emekwa nke ọma. Emeriela m mmadụ abụọ mana m ka nwekwara ihe omume ndị ọzọ m ga-eme.