Mwakoze kubana natwe uyu munsi muri iyi gahunda y'amakuru yo mu buryo bw'aka kanya. Ni ah'ejo.
Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Ibitero by'Uburusiya byahitanye abantu 12 mu gace ka Kyiv ku munsi wa gatandatu w'ibitero bikaze
Ibi bibaye mu gihe Kyiv, umurwa mukuru wa Ukraine, umaze iminsi itandatu, ikurikirana, yibasirwa n'ibitero bikomeye by'indege, nkuko bitangazwa n’ibiro ntaramakuru Reuters.
Incamake
- Ibitero by'Uburusiya byahitanye abantu 12 mu gace ka Kyiv ku munsi wa gatandatu w'ibitero bikaze
- Abashinjacyaha bavuga ko muri Ceuta hakomeje kugaragara ihohoterwa rishingiye ku gitsina
- Kenya: Abakozi bo ku kibuga cy'indege mpuzamahanga bahagaritse imyigaragambyo yari yahungabanyije ingendo z'indege
- Keir Starmer atangaje ko agiye kuva mu Nama Nshingamateka
- Nepal: Abapfuye barenze 1000 mu gihe abakora ubutabazi barimo gusiganwa no gutabara abaheze mu miyoboro irimo ibyondo
- Umu 'influencer' unenga Perezida Tshisekedi yatawe muri yombi muri Tanzania
- Umunyamabanga ushinzwe ingabo z'Amerika yeguye nyuma y'amezi hari ubushyamirane
- Uwahoze akuriye agatsiko ka Crips yahamwe n'icyaha mu rubanza ku iyicwa ry'umuraperi Tupac Shakur mu 1996
Amakuru y'ikibiriraho
Chançard Abimana, Didier Bikorimana na Latifa Mutesi
Ibitero by'Uburusiya byahitanye abantu 12 mu gace ka Kyiv ku munsi wa gatandatu w'ibitero bikaze
Abantu 12 bishwe, abandi benshi barakomereka mu gitondo cyo kuri uyu wa kabiri, nyuma y'ibitero by'indege byagabwe n'Uburusiya mu mujyi wa Kyiv no mu nkengero zawo, nk'uko byatangajwe n’abategetsi ba Ukraine.
Ibi bibaye mu gihe Kyiv, umurwa mukuru wa Ukraine, umaze iminsi itandatu, ikurikirana, yibasirwa n'ibitero bikomeye by'indege, nkuko bitangazwa n’ibiro ntaramakuru Reuters.
Uburusiya bwatangije intambara yeruye kuri Ukraine mu mwaka wa 2022. Mu mezi ashize, bwongereye ibitero by’indege kuri Ukraine, mu gihe ingabo zabwo zitagifite umuvuduko zari zisanganywe mbere ku rugamba.
Kuva mu cyumweru gishize, Moscow yatangiye gukoresha uburyo bushya bwo kugaba ibitero, aho yohereza indege zitajyamo abapilote (drones) nyinshi icyarimwe, haba ku manywa na nijoro, zigatera Kyiv n’uduce tuyikikije. Ibyo bitero byahitanye abaturage kandi byangiza amazu yabo ndetse n’ububiko.
Zimwe muri izo drones ni ubwoko bushya bugenda ku muvuduko mwinshi kandi bukoresha moteri z’indege, bigatuma bigorana kuzihagarika mbere y’uko zigera ku ntego zazo.
Minisitiri w’ububanyi n’amahanga wa Ukraine, Andrii Sybiha, yavuze ko muri ibyo bitero byabaye nijoro, Uburusiya bwakoresheje drones na misile za ballistique byibasiye ahatuwe n’abaturage ndetse n’ibikorwaremezo bya gari ya moshi.
Izindi nkuru wasoma:
Impaka ku nyambaro z’abakobwa zongeye kuvyuka mu Rwanda
Mu Rwanda, impaka ku nyambaro z’abakobwa zongeye gukomera inyuma y’aho bamwe babujijwe kwinjira mu giteramo c’abaririmvyi Diamond Platnumz na Bruce Melodie i Kigali, basabwa kubanza kuja kwambara “mu buryo bubereye”.
Inyuma y’ico giteramwo co ku wa gatandatu, ku wa mbere naho, ku mbuga hwaniro hakwiragiye amasanamu yerekana umukobwa yambitswe amapingu, yurizwa imodoka y’igipolisi mu karere ka Rubavu. Abari aho bavuze ko yafashwe yagirizwa kwambara ikanzu ngufi.
Igipolisi c’u Rwanda cavuze ko abapolisi bamufashe na bo bafashwe kugira babazwe ivyo bakoze. Canavuze ko uwo mukobwa ‘’yaronse ubutungane’’ ariko nticavuze neza ingene yarenganuwe.
Bamwe mu bavyeyi bavuganye na BBC Gahuzamiryango bavuze ko kubuza abakobwa kwinjira mu giteramo canke kubafata kubera inyambaro ari ukubahohotera no kubabuza uburenganzira bwo kwihitiramwo. Ariko hari abandi bavuga ko inyambaro zikwiye kujana n’imico hamwe n’akaranga k’Abanyarwanda.
BBC Gahuzamiryango yarondeye kumenya ico amategeko avuga ku nyambaro ibereye n’iyitabereye.
Abanyamategeko BBC Gahuzamiryango yavuganye na bo bavuga ko amategeko adatomora igipimo c’inyambaro ibereye canke itabereye, naho hari ingingo zivuga ko umuntu akwiye kwambara akikwiza.
Impaka ku nyambaro si nshasha mu Rwanda. Mu bihe vyashize, Joseph Masozera, yahoze arongoye urwego rw’igihugu rujejwe ivy’imico , yavuze ko abantu bakwiye kwambara bisunze umuco nyarwanda, ariko ntiyatomoye ingene uwo muco ushinga inyambaro ibereye.
Kugeza ubu, izo mpaka zirabandanya ku mbuga hwaniro zitandukanye.
BBC Gahuzamiryango yagerageje kurondera abo mu rwego rw’igihugu rujejwe ivy’imico ngo bagire ico babivuzeko.
Urwanda rwashitse mu gice ca kabiri gishira ica nyuma c’Igikombe ca Afurika muri volleyball
Umurwi nserukiragihugu w’Urwanda w’abagore muri volleyball waronse itike yo gukina igice ca kabiri gishira ica nyuma c’igikombe ca Afurika, inyuma yo gutsinda Ghana amaseti 3-1 kuri uyu wa kabiri i Nairobi muri Kenya.
Urwanda ruzohura n’uwutsinda hagati ya Misiri na Tunisia
Mu rukino rwabereye ku kibuga ca Kasarani Indoor Arena, Urwanda rwatsinze iseti ya mbere 25-17, Ghana itsinda iya kabiri 26-24, imbere y’uko Urwanda rutsinda izindi zibiri kuri 25-19 na 25-18.
Valentine Munezero, kapiteni w’umurwi w’Urwanda, yabwiye BBC Gahuza ko banezerewe cane, n'aho urukino rutari rworoshe. Yavuze ko biteguye kurushiriza kwitanga mu rukino rukurikira, n'aho bataramenya uwo bazohura.
Bwikurikiranya, bubaye ubwa kabiri rushitse muri iki gice, inyuma yo kubikora mu 2023 muri Cameroun.
Imirwi itatu ya mbere izoronka itikeyo kuja mu igikombe c’isi ca 2027, uwuzotwara igikombe na we aronke itike y’imikino Olimpike yo mu 2028.
Izindi nkuru wosoma :
Abashinjacyaha bavuga ko muri Ceuta hakomeje kugaragara ihohoterwa rishingiye ku gitsina
Abashinjacyaha bo muri Espagne bavuga ko kuva abimukira benshi bakinjira mu mujyi wa Ceuta, uherereye muri Espagne mu mpera za Nyakanga (7), hamaze kugaragara ibibazo 23 by’ihohoterwa rishingiye ku gitsina, muri byo 9 bikaba byarakorewe abana.
Umushinjacyaha mukuru wa Ceuta, Silvia Rojas, yavuze ko iyo mibare igaragaza ko hafi buri munsi haboneka ikibazo kimwe cy’ihohoterwa rishingiye ku gitsina.
Mu kiganiro yagiranye n’ikinyamakuru cyandika El País, yavuze ko abakobwa b’abimukira ari bo bibasirwa cyane kubera ko baba bafite ikibazo cy’uko badafite ibyangombwa byemewe byo gutura muri ako gace.
Ku itariki ya 30 n’iya 31 Nyakanga (7), nibura abimukira 72,000 bambutse bava muri Maroc bajya muri Ceuta. Nubwo benshi muri bo basubiye muri Maroc, abagera ku 5,000 baracyari muri Ceuta, ibintu byateje umwuka mubi n’ibibazo by’umutekano muri uwo mujyi ndetse biba ikibazo gikomeye kuri minisitiri w’intebe wa Espagne, Pedro Sánchez.
Mu minsi ishize kandi, habonetse ibikorwa by’urugomo n’imirwano hagati y’abimukira n’abaturage bahatuye, bitewe n’umwuka mubi ukomeje kwiyongera.
Kuri uyu wa kabiri, Pedro Sánchez yayoboye inama ya kabiri y’umutekano w’igihugu mu gihe kitarenze icyumweru kimwe, hagamijwe gushakira umuti iki kibazo.
Nk’uko Silvia Rojas abitangaza, mu bimukira bagera ku 5,000 bakiri muri Ceuta, hagati ya 1,400 na 1,600 ni abana.
Amakuru yatangajwe n’ikigo cy’itangazamakuru cya Efe avuga ko mu bakekwaho ibyo bikorwa harimo abanya-Maroc bane, abanya-Espagne batatu n’Umubiligi umwe.
Izindi nkuru wasoma:
Kenya: Abakozi bo ku kibuga cy’indege mpuzamahanga bahagaritse imyigaragambyo yari yahungabanyije ingendo z’indege
Abakozi bo ku kibuga cy’indege muri Kenya bahagaritse imyigaragambyo yari imaze iminsi ibiri ihungabanya ingendo z’indege ku kibuga mpuzamahanga cya Jomo Kenyatta i Nairobi, ndetse no ku bindi bibuga by’indege byo hirya no hino mu gihugu.
Kuri uyu wa kabiri, ihuriro ry’abakozi bo mu indege ryagiranye amasezerano na leta, ryiyemeza ko abakozi bahita basubira mu kazi byihutirwa. Ibi byabaye nyuma y’ibiganiro byatumye abategetsi bemera gukemura ibibazo by’imishahara ndetse n’ibindi bibazo by’abakozi byari byatumye batangiza imyigaragambyo.
Kuva ku cyumweru, abagenzi babarirwa mu magana bari baragumye ku kibuga cy’indege cya JKIA, kimwe mu bibuga bikomeye muri Afurika y’iburasirazuba, kubera ko abakozi bari batangiye imyigaragambyo ku rwego rw’igihugu.
Abakozi basabaga kunoza imikorere n’imibereho yabo ku kazi, ndetse no gushyirwa mu bikorwa kw’amasezerano bari baragiranye mbere ariko atari yarubahirijwe.
Umuyobozi w’ihuriro ry’abakozi, Moss Ndiema, yavuze ko bahagaritse imyigaragambyo kandi basaba abakozi gutangira gusubiza ibikorwa by’indege ku murongo.
Yagize ati: “Duhagaritse imyigaragambyo kandi turasaba abanyamuryango bacu gutangira gusubiza ibintu mu buryo bwari busanzwe no kongera gutanga serivisi.
Yongeyeho ati: “Abari ku kazi turabasaba gutangira kwakira no kohereza indege zari zarahagaze.”
Minisitiri ushinzwe ubwikorezi, Davis Chirchir, yavuze ko leta n’abakozi bumvikanye ku buryo ibibazo byari byateye imyigaragambyo bizakemurwa.
Yongeyeho ko “birababaje kuba twarageze kuri iki kigero (cy'imyigaragambyo), ariko ubu ikibazo twagikemuye. Birababaje kandi kuba imyigaragambyo yagize ingaruka zikomeye ku bukungu bw’igihugu, nubwo tutaramenya imibare nyayo.”
Izindi nkuru wasoma:
Keir Starmer atangaje ko agiye kuva mu Nama Nshingamateka
Uwahoze ari umushikiranganji wa mbere w'ubwongereza Keir Starmer yatangaje ko agiye guhagarika amabanga yiwe y’umushingamateka aserukira Holborn and St Pancras, ingingo izotuma haba amatora yo kumusubirira muri ako karere ka Londres.
Mw’itangazo yahaye ikinyamakuru Camden New Journal, yavuze ko vyabaye “iteka n’akaryo kadasanzwe” guserukira ako karere mu myaka 11, ariko ko ubu agiye kwitaho cane “ibibazo bijanye n’imigenderanire mpuzamakungu”.
Keir Starmer yari yavuye mu mabanga y’umushikiranganji wa mbere mu mpera z’ukwezi kwa gatandatu uno mwaka, asubirirwa na Andy Burnham.
Ivyo bije inyuma y’indwi zitari nke hibazwa nimba Keir yobandanije kuba umushingamateka inyuma yo kuva mu mabanga y’umushikiranganji wa mbere.
Mu kiganiro yahaye BBC haciye igihe gito avuye muri ayo mabanga, Sir Keir yari yavuze ko azoguma ari umushingamateka gushika ku matora akurikira.
Ariko mw’itangazo ryiwe ryasohotse kuri uyu wa kabiri, Keir yavuze ko ageze aho “aha ikibanza uwuzomusubirira”.
Yongeyeko ati: “Ubu ngiye kwitaho ibindi bikorwa, na vyo bikaba bijanye n’imigenderanire mpuzamakungu, harimwo ukwivuna abansi, umutekano, ubudandaji n’ubuhinga bwa none, muri iyi si iriko irahinduka n'ingoga.
Nzobandanya kandi, nk’uko maze igihe kirekire ndabikora ndi kumwe n’abandi, ibikorwa vyo kurwanya ihohoterwa rikorerwa abagore n’abakobwa. Ico ni ikibazo mfata nk’igihambaye cane.”
Izindi nkuru wosoma :
Nepal: Abishwe n'imyuzure barenze 1000
Umubare w’abapfuye muri Nepal nyuma y’imyuzuye ikaze yabaye mu cyumweru gishize ku mupaka wayo na Tibet warenze abantu 1000, nkuko bitangazwa n’ikigo cy’igihugu gishinzwe ibiza.
Abantu barenga 3,900 bakomeje kuburirwa irengero – muri bo abarenga 600 ni abakozi byemezwa ko baheze mu miyoboro minini cyane yo munsi y’ubutaka yuzuyemo ibyondo y’ingomero z’amashanyarazi ziri ku ruzi rwa Trishuli.
Ba enjeniyeri (ingénieurs) bakomeje guhaga (gupompa) umwuka muri iyo miyoboro yo munsi y’ubutaka – kandi nubwo iryo tsinda ryashoboye kwinjira muri umwe muri iyo miyoboro, ryahavuye nyuma yuko nta muntu n’umwe rihasanze.
Anushila Bhandari, umugore wa Aurus Bhandari, enjeniyeri w’imyaka 33 waburiwe irengero aho yari ari gukorera, yabwiye ishami rya BBC ritangaza amakuru mu rurimi rw’Iki-Nepal ati: “Nifuzaga ko tumubona. Nifuzaga ko aza mu rugo.”
Ku wa mbere, Minisitiri w’intebe wa Nepal Balendra Shah yavuze ko abantu 279 batabawe bakurwa aho hantu hanyuranye bari barimo gukorera.
Ibitangazamakuru bya leta y’Ubushinwa bitangaza ko umubare w’abapfuye watangajwe n'ubutegetsi muri Tibet – akarere kagenzurwa n'Ubushinwa – ari 16.
Igikorwa cy’ubutabazi kirimo kuyoborwa n’itsinda mpuzamahanga rigizwe n’abasirikare b’Ubushinwa n’abasirikare ba Nepal, mu gihe inzobere zavuye mu Buhinde, Koreya y’Epfo na Australia na zo zirimo kugira uruhare mu bikorwa by’ubutabazi.
Izindi nkuru wasoma:
Umu 'influencer' unenga Perezida Tshisekedi yatawe muri yombi muri Tanzania
Umugore wo muri Repubulika ya Demokarasi ya Congo (RDC) uzwi cyane ku mbuga nkoranyambaga (influencer) unenga ubutegetsi bw'icyo gihugu yatawe muri yombi muri Tanzania.
Itangazo rya minisiteri y’ubutabera ya RDC rivuga ko Denise 'Mukendi' Dusauchoy yatawe muri yombi ku cyumweru muri Tanzania n’inzego zibifitiye ububasha z’icyo gihugu hashingiwe ku rwandiko rwo kumuta muri yombi rwatanzwe n’abategetsi bo mu bucamanza bo muri RDC.
Minisiteri y’ubutabera ya RDC ivuga ko itabwa muri yombi rye rikurikiye ibikorwa byo mu rwego rw’ubucamanza rw’icyo gihugu muri gahunda ya dosiye mpanabyaha zikirimo gukorwaho iperereza.
Itangazo rya minisiteri y’ubutabera ryibutsa ko itabwa muri yombi rye ari iryo mu rwego rw’imikorere kandi ko ridasobanuye ko icyaha kizamuhama ndetse ko agifatwa nk’umwere kugeza ubwo urukiko ruzatangaza icyemezo cya nyuma. Ntirisobanura ibyaha ashinjwa cyangwa niba yamaze koherezwa muri RDC.
Ariko ibiro ntaramakuru ACP bya leta muri RDC byatangaje ko Denise Dusauchoy uzwi cyane ku rubuga nkoranyambaga rwa TikTok ari “umucengezamatwara” ushyigikiye umutwe w’inyeshyamba wa M23 urwanya ubutegetsi bw'icyo gihugu.
Urubuga rw’amakuru Actualite.cd ruvuga ko yanengaga cyane abategetsi ba RDC, barangajwe imbere na Perezida Félix Tshisekedi ndetse akanenga bikomeye umugore we Denise Nyakeru Tshisekedi, harimo n'"ibitutsi" no ku bandi bategetsi, abinyujije ku mbuga nkoranyambaga, nkuko urubuga Actualite.cd rubivuga.
Nta cyo Denise Dusauchoy yari yatangaza ku mugaragaro.
Itangazo rya minisiteri y’ubutabera ya RDC rishimira abategetsi bo muri Tanzania ku bufatanye bwabo mu ifatwa rye ndetse rigashimangira ubufatanye bw’ubucamanza hagati ya RDC n’abafatanyabikorwa bayo “mu kurwanya umuco wo kudahana no ku bw’imikorere myiza y’ubutabera”.
Minisiteri y'ubutabera ivuga ko mu Kwakira (10) no mu Gushyingo (11) mu 2025, umushinjacyaha mukuru wo mu rukiko rusesa imanza yari yagejeje dosiye ku bakuriye ubucamanza mu Bubiligi – igihugu bivugwa ko afitiye ubwenegihugu – kuri dosiye zatangijwe mu rukiko rwisumbuye rw’i Gombe mu murwa mukuru Kinshasa zishinja ibyaha Denise Dusauchoy n’abandi bantu.
Icyo gihe yari yanashyiriweho inyandiko mpuzamahanga zo kumuta muri yombi.
Izindi nkuru wasoma:
Umunyamabanga ushinzwe ingabo z'Amerika yeguye nyuma y'amezi hari ubushyamirane
Umunyamabanga ushinzwe ingabo z'Amerika Dan Driscoll yatanze ubwegure bwe nyuma y’amezi 18 yari amaze kuri uwo mwanya.
Ukwegura kwe kwemejwe n’igitangazamakuru CBS, gikorana na BBC muri Amerika, cyatangaje ko kubaye nyuma y’amezi hari amakimbirane hagati ye na Minisitiri w’ingabo Pete Hegseth.
Uwo wari we muto cyane wageze kuri uwo mwanya w’umunyamabanga ushinzwe ingabo, yakunze gukomozwaho nk'"umuntu uzi ibya drone [indege nto z'intambara zitajyamo umupilote]" wa Perezida w’Amerika Donald Trump.
Mu itangazo ibiro bya perezida w’Amerika (White House) byahaye CBS, byavuze ko Driscoll, w’imyaka 41, “yatanze umusaruro cyane” mu guteza imbere gahunda ya Trump yo gutuma “Amerika Yongera Gukomera”, ndetse ko yagize “ubuyobozi buhebuje” mu bikorwa bya gisirikare (operations).
BBC yandikiye White House, ibiro bikuru by’ingabo z’Amerika (Pentagon) n’ingabo z’Amerika ibasaba kugira icyo babivugaho.
Driscoll ni we wa vuba aha cyane mu rukurikirane rw’abategetsi ba gisirikare bo ku rwego rwo hejuru beguye, barimo umunyamabanga ushinzwe ingabo zirwanira mu mazi John Phelan weguye bitunguranye muri Mata (4) uyu mwaka.
Abandi bakomeye beguye barimo umugaba mukuru w’ingabo Randy George, Jenerali David Hodne hamwe na Jenerali Majoro William Green.
Kuva ageze muri Pentagon, Minisitiri w’ingabo Hegseth yirukanye abasirikare bo ku rwego rwo hejuru barenga 10, barimo umukuru w’ibikorwa by’ingabo zirwanira mu mazi n’umukuru wungirije w’ingabo zirwanira mu kirere.
Amakuru arambuye ku makimbirane yaberaga ahatagaragara hagati ya Driscoll na Hegseth ntasobanutse neza ariko CBS yatangaje ko uwo wari umunyamabanga ushinzwe ingabo ari inshuti ya George, amakuru akavuga ko Hegseth ari we wasabye uwo George kwegura.
Umwanya w’umunyamabanga ushinzwe ingabo ni wo mwanya wo hejuru cyane w’umusivile mu ngabo z’Amerika, wo kuyobora ingabo zikora akazi mu buryo buhoraho (butari ibiraka), zifatanyije n’inkeragutabara n’abasirikare b’abanyabiraka.
Driscoll yahoze ari umusirikare ndetse yanoherejwe muri Iraq mu gihe cy’amezi menshi mu 2009.
Izindi nkuru wasoma:
Uwahoze akuriye agatsiko ka Crips yahamwe n'icyaha mu rubanza ku iyicwa ry'umuraperi Tupac Shakur mu 1996
Duane "Keffe D" Davis wahoze ari umukuru w’agatsiko yahamwe no gutegura iyicwa ry’umuraperi Tupac Shakur – ubu bukaba bubaye ubwa mbere habayeho guhamwa n’icyaha ku iyicwa rye ryari rimaze imyaka hafi 30 riteye amatsiko menshi abafana b’injyana ya hip-hop.
Inteko y’iburanisha yasanze Davis ahamwa n’icyaha kimwe cy’ubwicanyi bukoreshejwe intwaro yica, cyateje urupfu rw’uwo muraperi wari icyamamare, mu kuraswa kwaturutse mu modoka yari irimo igenda, i Las Vegas, muri leta ya Nevada muri Amerika, ku itariki ya 7 Nzeri (9) mu mwaka wa 1996.
Mu ikositimu y’umukara, Davis w’imyaka 63 yari yicaye mu rukiko rw’i Las Vegas nta mbamutima agaragaza ubwo umwanzuro w’urubanza wasomwaga, nuko avuga ko azajurira. Benewabo (abafitanye isano) na Shakur bafatanye ibiganza, bamwe barahoberana ndetse bararira.
Hanze y’urukiko ku wa mbere, abafana ba Shakur babonetse barimo kurira ndetse bavugira hejuru mu byishimo.
Shakur yari afite imyaka 25 ubwo yicwaga mu gihe yari ageze mu bihe bye byiza cyane mu muziki nk’umwe mu baraperi bavugaga rikumvikana cyane. Yagurishije imizingo y’indirimbo (albums) irenga miliyoni 75 mu bice binyuranye ku isi.
Muri urwo rubanza, abashinjacyaha bari bavuze ko nubwo Davis, wahoze ayobora agatsiko kakoreraga mu muhanda ka South Side Compton Crips, atarashishije imbunda yishe Shakur, yategetse ko araswa ndetse atanga imbunda mwishywa we Orlando Anderson – wapfuye mu 1998 – yakoresheje mu kurasa.
Abo bashinjacyaha bavuze ko Davis yari yateguye iyicwa ry’uwo muraperi nk’uburyo bwo kwihorera, nyuma yuko Anderson arwanye na Shakur hamwe n’abo mu itsinda ry’uwo muraperi i Las Vegas, mu masaha yari yabanjirije iryo raswa.
Ibimenyetso by’ingenzi muri uru rubanza byari amagambo Davis we ubwe yavuze, aho mu bihe binyuranye yagiye yigamba ku mugaragaro ko yari ari mu modoka y’umweru yo mu bwoko bwa Cadillac yarasiwemo amasasu yishe Shakur. Nyuma Davis yanabivuzeho mu buryo burambuye mu gitabo kivuga ku buzima bwe bwite cyitwa ‘Compton Street Legend’, cyasohotse mu 2019.
Muri uru rubanza, itsinda ry’abanyamategeko bunganira Davis ryakomeje kugerageza kumvisha inteko iburanisha ko amagambo ye yari inkuru z’impimbano – zo kwiyemera no gukabya zari zigamije kugira ngo ibitabo bigurwe ndetse abone amafaranga.
Carli Kierny, umucamanza wo ku rwego rw’akarere ka Clark, yavuze ko Davis azakatirwa ku itariki ya 13 Ukwakira (10) uyu mwaka.
Izindi nkuru wasoma:
Mwaramutse neza!
Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw’aka kanya.