Dyn, 32, wedi dianc o'r carchar a'r heddlu yn apelio am wybodaeth

Dwayde StockFfynhonnell y llun, Heddlu Gwent
Disgrifiad o’r llun,

Cafodd Dwayde Stock ei weld ddiwethaf yng Nghasnewydd am 18:00 nos Sadwrn ar Ffordd Malpas

  • Cyhoeddwyd

Mae Heddlu Gwent yn apelio am wybodaeth a allai helpu i ddarganfod carcharor 32 oed, wnaeth ddianc o garchar Prescoed ddydd Sadwrn diwethaf.

Mae'r carchar wedi ei leoli ym mhentref Coed-y-paen, ond cafodd Dwayde Stock ei weld ddiwethaf yng Nghasnewydd am 18:00 nos Sadwrn ar Ffordd Malpas.

Cafodd ei ddisgrifio fel dyn gwyn, 5 troedfedd 9 modfedd o ran taldra, corff tenau, sydd yn gwisgo ei wallt yn ôl, siaced lwyd, tracwisg lwyd, trowsus tracwisg du, esgidiau trainers duon ac oriawr ddu.

Mae ganddo gysylltiadau gyda Chasnewydd, Caerdydd, Sir Gaerhirfryn, Abertawe a Chastell-nedd Port Talbot.

Y cyngor i'r cyhoedd ydy i beidio mynd at Stock, ac i ffonio'r heddlu ar rif 101 os yn ei weld neu â gwybodaeth amdano.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.