Crynodeb
Miloedd o ddisgyblion ar draws Cymru wedi derbyn canlyniadau Safon Uwch, Uwch Gyfrannol a chymwysterau galwedigaethol
Roedd 29.6% o'r graddau yn A* neu A eleni - 0.1% o gynnydd ers y llynedd - a mwy wedi pasio
22.5% o raddau Uwch Gyfrannol yn A a mwy na llynedd wedi sefyll
Mwy wedi astudio Cymraeg eleni ond y gwyddorau yw'r pynciau mwyaf poblogaidd
17% o bobl ifanc 16 i 24 oed Cymru ddim mewn addysg, gwaith na hyfforddiant
Gohebwyr Cymru Fyw mewn ysgolion yn y gogledd a'r de ...wedi ei gyhoeddi 09:04 GMT+1 13 Awst
Mae Iolo yn gwenu - ar ei ffordd i Aberystwyth i astudio Cymraegwedi ei gyhoeddi 09:01 GMT+1 13 Awst
Fe fydd Iolo, 17, o Ysgol Gymraeg Bro Edern yn ei throi hi tua'r gorllewin.
Mae e'n edrych ymlaen i fynd i Brifysgol Aberystwyth i astudio Cymraeg ac all e ddim aros i ddechrau pacio!
Disgrifiad, Canlyniad Lefel A
Mamau balch hefyd yn Ysgol Gymraeg Bro Edernwedi ei gyhoeddi 08:58 GMT+1 13 Awst
Mae'n fore reit nerfus i rieni hefyd ond mae Rachel, Julia a Rhiannon yn dair mam balch iawn wedi i'w plant yn Ysgol Gymraeg Bro Edern gael canlyniadau da.
A dyma rai o'r disgyblion yn agor yr amlen ac yn rhannu eu canlyniadau.
Ffynhonnell y llun, bbcPennaeth Morgan Llwyd 'yn falch iawn' o'r myfyrwyrwedi ei gyhoeddi 08:54 GMT+1 13 Awst
Er mai chweched bach iawn sydd yn Ysgol Morgan Llwyd, Wrecsam, gyda tua 70 wedi gwneud arholiadau Safon Uwch eleni, mae'r pennaeth, Iwan Owen-Ellis, "yn falch iawn" o'r holl ddisgyblion, meddai.
Gyda mwy o fyfyrwyr 18 oed yng Nghymru wedi gwneud cais i fynd i'r brifysgol eleni, na llynedd, sut mae hyn yn cymharu â'r sefyllfa yn ei ysgol o?
"Mae 'na gymysgedd yma ond faswn i'n deud fod y mwyafrif helaeth yn mynd ymlaen i'r brifysgol, llond llaw wedyn yn mynd ymlaen i fyd gwaith, a nifer yn tueddu i aros yn yr ardal."
Mae Theo ar ei ffordd i Abertawe ac yn hapuswedi ei gyhoeddi 08:50 GMT+1 13 Awst
“Dwi mor excited, wedi cael AAB ac yn mynd i Abertawe i astudio hanes!” meddai Theo, 18 oed, o Ysgol Bro Edern.
Disgrifiad o’r llun, Mwy o wenu ym Mro Edern
Myfyrwyr yn derbyn eu canlyniadau yn Ysgol Olchfa, Abertawewedi ei gyhoeddi 08:46 GMT+1 13 Awst
Mae chweched dosbarth yr ysgol ymhlith y mwyaf yng Nghymru gyda tua 550 o fyfyrwyr yn dod i ôl eu canlyniadau heddiw.
Mae'n fore da i Daisy - mae'n mynd i Brifysgol Caerefrogwedi ei gyhoeddi 08:41 GMT+1 13 Awst
“Dwi mor emosyniol, dwi’n crynu i gyd. Dwi wedi cael mewn i’r brifysgol yn York i astudio Ffilm a Production. Fi mor falch a ma' teulu fi mor falch hefyd!” medd Daisy o Ysgol Gymraeg Bro Edern.
Disgrifiad o’r llun, Daisy a'i rhieni hapus wedi iddi dderbyn y canlyniadau yn Ysgol Gymraeg Bro Edern
Pennaeth Bro Edern: 'Cyffro a nerfusrwydd gan bod y canlyniadau yn arwain at y cam nesaf'wedi ei gyhoeddi 08:36 GMT+1 13 Awst
“Mae'n ddiwrnod cyffrous ond nerfus, wrth gwrs, i rai ar ôl blwyddyn o waith caled," medd Dennis Pugh, Pennaeth Ysgol Gymraeg Bro Edern.
"Mae’n gallu bod yn fore nerfus hefyd achos bod gan y canlyniadau ran bwysig yn llwybr bywyd pobl – eu harwain nhw i’r cam nesaf yn eu bywyd neu yn eu gwaith – ond mae hynny hefyd yn elfen eitha cyffrous.”
Y graddau yn ôl i'r hyn yr oedden nhw cyn y pandemigwedi ei gyhoeddi 08:35 GMT+1 13 Awst
Ers 2024 mae graddau arholiadau yn debycach i'r hyn yr oedden nhw cyn pandemig Covid-19.
Yn 2024 fe wnaeth y graddau uchaf ar gyfer Safon Uwch yng Nghymru ostwng wedi i’r drefn farcio mwy hael ers y pandemig ddod i ben.
Yn 2025 roedd 10.5% o'r graddau yn A* tra bod 29.5% yn A* ac A o'i gymharu â 29.9% yn 2024.
Yn 2023 roedd y ganran yn 34%.
Ffynhonnell y llun, PA MediaBalchder yn Ysgol Morgan Llwyd, Wrecsamwedi ei gyhoeddi 08:33 GMT+1 13 Awst
Mae'n gohebydd Carwyn Jones yn Ysgol Morgan Llwyd, Wrecsam ben bore.
Dywed Heledd Gwyn Stanford - Pennaeth y Chweched yno: "Mae hi wedi bod yn flwyddyn o waith caled, mae gennym ni griw bach, gweithgar a hyfryd sy'n cydweithio ac yn haeddu bob llwyddiant."
"Mae 'na ganlyniadau da iawn... mae 'na rai 'dw i'n andros o falch ohonyn nhw. 'Da chi'n gweld y cynnydd mae nhw wedi neud ers iddyn nhw fod yn Morgan Llwyd."
Disgrifiad o’r llun, Heledd Gwyn Stanford - Pennaeth y Chweched yn Ysgol Morgan Llwyd, Wrecsam
Y canlyniadau ar y bwrdd yn barod yn Ysgol Gymraeg Bro Edernwedi ei gyhoeddi 08:33 GMT+1 13 Awst
Mae Ysgol Gyfun Gymraeg Bro Edern hefyd yn barod i groesawu disgyblion ben bore.
Yr olygfa ben bore yn Ysgol Morgan Llwyd, Wrecsamwedi ei gyhoeddi 08:29 GMT+1 13 Awst
Mae'n fore llawn cyffro a nerfau i ddisgyblion ac athrawon - dyma'r olygfa yn Ysgol Morgan Llwyd, Wrecsam ben bore.
Mae'n ddiwrnod canlyniadau - croeso i'r llif byw!wedi ei gyhoeddi 08:29 GMT+1 13 Awst
Mae'n fore hollbwysig i filoedd o ddisgyblion a myfyrwyr wrth iddyn nhw dderbyn canlyniadau arholiadau a chyrsiau.
Ar draws y wlad fe fydd graddau Safon Uwch, Uwch Gyfrannol a chanlyniadau rhai cymwysterau galwedigaethol yn cael eu cyhoeddi.
Am y diweddaraf o ran canlyniadau, yr ymateb a chyngor prifysgolion a swyddogion gyrfaoedd, arhoswch gyda ni.
Ffynhonnell y llun, Getty Images