Àkójọpọ̀ ìròyìn bó ṣe ń lọ nínú ìdìbò gómìnà ìpínlẹ̀ Osun

Ìgbóhùnsáfẹ́fẹ́ tí ń lọ lọ́wọ́

1. 15 Ògún 2026, Ìbò kíkà ti bẹ̀rẹ̀ ní àwọn ibùdó ìdìbò kọ̀ọ̀kan nípìnlẹ̀ Osun

   Ibo kika ti gbera sọ lawọn ibudo ibudo kan bayii.

   Fun apẹẹrẹ, ni wọọdu ti Gomina Adeleke ti dibo niluu Ede, ibo kika ti bẹrẹ.

2. 15 Ògún 2026, Ìbò dídì ti parí láwọn apá ibì kan l’Osun, bẹ́ẹ̀ làwọn kan ṣì ń dìbò lọ́wọ́

   Lasiko ti a n kọ iroyin yii, ibo ti pari ni awon apa ibi kan ninu idibo sipo gomina to waye lonii ọjọ Abamẹta, ọjọ kẹẹẹdogun, oṣu Kẹjọ ọdun 2026.

   Awọn kan ti dibo tan lawọn apa ibi kan niluu Ede ati Ejigbo, amọ awọn kan ṣi n dibo lọwọ l’Osogbo.

   Awọn ti wọn ti kadii eto idibo wọn nilẹ naa ni awọn ti wọn tete bẹrẹ.

   Bakan naa ni a si ri awọn ti wọn ṣi n dibo lọwọ, latari ai tete bẹrẹ ibo.

   Aago kan ọsan tilẹ ti lu kawọn kan too bẹrẹ ibo didi, wọn si wa lẹnu rẹ ta a fi pari iroyin yii.

   Ni wọọdu idibo ti Gomina Ademola Adeleke ti dibo, awọn eeyan to ṣi wa lori ila lati dibo nigba ti a n kọ iroyin yii jẹ mejilelọgọrun-un (102), ti wọn ti gba nọmba lati tẹka amọ ti ko ti i kan wọn.

   Ohun miran to tun mu idibo pẹ ni pe ọpọ eeyan jade dibo, bo ṣe jẹ pe aago meji ọsan ni awọn eleto idibo kede pe ibo didi yoo pari to, awọn eeyan to n tu yaaya jade ko jẹ.

   Bakan naa si ni awọn kan ko tete ri orukọ wọn lati le dibo.

3. 15 Ògún 2026Àwọn jàndùkú olóṣèlú da ètò ìdìbò Gómìnà Osun rú níbùdó ìdìbò Najeem Salaam, olùdíje ADC, ọ̀rọ̀ di ẹni orí yọ ó dilé

   Awọn janduku oloselu da eto idibo ru ni ibudo ìdìbò oludije sipo gomina f'ẹgbẹ ADC nílùú Ejigbo nipinlẹ Osun.

   A gbọ pé ṣadeedee lawọn janduku ọhun yabo Ibudo idibo naa ti won si da gbogbo naa ru.

   Bayii ni gbogbo eeyan f'ẹsẹ fẹ ẹ.

   Amọ, a gbọ pe àjọ NSCDC to jẹ ẹṣọ aabo ara ẹni ni aabo ilu petu si aawọ naa.

4. 15 Ògún 2026Ètò ìdìbò kì í ṣe ogun, ànfààní láti yan adarí ni - Najeem Salaam

   Oludije sipo gomina fẹgbẹ oṣelu ADC, Najeem Salaam, ti sọ pe eto idibo ki i ṣe ogun jija.

   Họnarebu Salaam sọrọ yii lẹyin ti o dibo tan ni wọọdu rẹ niluu Ikire.

   Oludije fẹbẹ ADC ni eto idibo jẹ anfaani lati yan awọn adari ti yoo maa ṣakoso ilu.

   Bakan naa lo tun ni oun gbọ pe awọn oloṣelu kan ṣe kata-kara ibo ninu eto idibo to waye l’Osun lonii.

   Ṣugbọn o fọwọ sọya pe ẹgbẹ oun ADC ko si ninu awọn to ṣe bẹẹ.

5. 15 Ògún 2026Mo ti dìbò, mo sì mọ̀ pé èmi ni máa jáwé olúborí - Bola Oyebamiji

   Oludije sipo gomina fẹgbẹ oṣelu APC, Bola Oyebamiji, ti sọ pe o da oun loju pe oun yoo bori ninu eto idibo gomina ipinlẹ Osun oni.

   Oyebamiji sọrọ yii fawọn akọroyin lẹyin to dibo tan ni wọọdu rẹ

6. 15 Ògún 2026Ètò ìdìbò ń lọ lọ́wọ́ ní Wọ́ọ̀dù 10 nílùú Osogbo

   Eto idibo n tẹsiwaju kaakiri ipinlẹ Osun to fi mọ wọọdu 10, Unit 13 niluu Osogbo ti i ṣe olu ilu ipinlẹ Osun.

   Awọn eeyan tu yaya jade lati dibo ni wọọdu naa.

7. 15 Ògún 2026Gómìnà Adeleke ti dìbò

   Gomina ipinlẹ Osun Ademola Adeleke ti dibo rẹ niluu Ede lati dibo.

   Gomina tete jade lati dibo ni kete ti eto idibo naa bẹrẹ

   A o maa mu bi o ṣe n lọ wa fun yin lori ikanni BBC News Yoruba

8. 14 Ògún 2026Lónìí ni ètò ìdìbò Gómìnà ìpínlẹ̀ Osun yóò wáyé

   Oni ọjọ kẹẹdogun oṣu Kẹjọ ni eto idibo gomina ipinlẹ Osun yoo waye.

   Gbogbo eto lo ti to bayii fun eto idibo naa lati gberasọ.

   Ṣaaju ni ajọ eleto idibo INEC ṣalaye oludibo to din diẹ ni miliọnu meji (1.9m) ni yoo kopa ninu eto idibo naa.

   Lara awọn oludije ni Gomina Admola Adeleke ti ẹgbẹ oṣele Accord, Bola Oyebamiji ẹgbẹ APC ati Najeem Salaam ti ẹgbẹ ADC wa.

   A o maa mu bi o ṣe n lọ wa fun yin loju opo wa yii.