ఖతార్ - దహ్రా గ్లోబల్ కేసు: మరణ శిక్ష విధించిన భారత నేవీ మాజీ అధికారులకు శిక్ష తగ్గింపుపై కేంద్రం ఏం చెప్పింది?

ఈ ఎనిమిది మందిలో విశాఖపట్నానికి చెందిన పాకాల సుగుణాకర్ ఒకరు. కేసు అప్పీలుపై విచారణకు ఖతార్‌లో భారత రాయబారి, ఇతర అధికారులు హాజరయ్యారు.

లైవ్ కవరేజీ

  1. బాలిస్టిక్ క్షిపణులతో యుక్రెయిన్‌పై రష్యా దాడి

    రష్యా, యుక్రెయిన్, పుతిన్
    ఫొటో క్యాప్షన్, యుక్రెయిన్‌పై రష్యా తీవ్రస్థాయిలో దాడి చేసింది.

    యుక్రెయిన్ రాజధాని కీయేవ్‌లోని వంతెనలు, రైల్వే స్టేషన్లను లక్ష్యంగా చేసుకుని రష్యా దాడులు చేసింది. బాలిస్టిక్ క్షిపణులతో తీవ్రస్థాయిలో దాడులు చేసింది.

    ఇప్పటివరకు యుద్ధంలో జరిగిన అతిపెద్ద దాడుల్లో ఒకటిగా ఈ దాడులను యుక్రెయిన్ అధ్యక్షుడు జెలియన్‌స్కీ అభివర్ణించారు. ఈ దాడుల్లో తొమ్మిది మంది మరణించారు.

    యుక్రెయిన్‌లోని పలు నగరాలు, ప్రాంతాలపై రష్యా దాడులు చేసిందని,నివాస భవనాలు, ఇంధన సరఫరా కేంద్రాలను కూడా లక్ష్యంగా చేసుకుందని జెలియన్‌స్కీ చెప్పారు.

    రష్యా 110కి పైగా క్షిపణులు, 400కు పైగా డ్రోన్లను ప్రయోగించిందని, 20 నుంచి 30 నిమిషాల వ్యవధిలో వరుసగా దాడులు చేసిందని చెప్పారు. ఇది అత్యంత ప్రమాదకరమైన వ్యూహమని ఆయన అన్నారు. ఈ దాడుల కారణంగా మంటలను ఆర్పడం, శిథిలాలను తొలగించడం, అత్యవసర సేవలను పునరుద్ధరించడం మరింత కష్టంగా మారిందన్నారు.

    క్రిమియా బ్రిడ్జిపై జరిగిన దాడికి ప్రతీకారం తీర్చుకుంటామని రష్యా అధ్యక్షుడు పుతిన్ ఇంతకుముందే హెచ్చరించారు.

    యుద్ధానికి ముగింపు పలికేందుకు వివిధ స్థాయుల్లో చర్చలు జరుగుతున్న సమయంలో రష్యా తాజా దాడులకు పాల్పడింది.

    యుక్రెయిన్‌కు పాశ్చాత్య దేశాల మద్దతుతో భద్రతా హామీలు కల్పించే ప్రతిపాదనకు రష్యా అంగీకరించే అవకాశం ఉందని అమెరికా చేసిన వ్యాఖ్యలను రష్యా తోసిపుచ్చింది.

    రష్యా, యుక్రెయిన్, పుతిన్
    ఫొటో క్యాప్షన్, రష్యా దాడుల్లో దెబ్బతిన్న యుక్రెయిన్ రైల్వే స్టేషన్.
  2. స్టెమ్ సెల్స్: బిడ్డ భవిష్యత్తుకు భద్రతా కవచమా.. ప్రచార ఆర్భాటమా?

  3. భారత్, న్యూజీలాండ్ తొలి టెస్ట్: రెండో రోజు ఆట ముగిసే సమయానికి ఒక వికెట్ నష్టానికి 159 పరుగులు చేసిన టీమిండియా

    భారత్, న్యూజీలాండ్, క్రికెట్
    ఫొటో క్యాప్షన్, న్యూజీలాండ్‌తో తొలి టెస్ట్‌ ఆట ముగిసే సమయానికి భారత్ ఒక వికెట్ కోల్పోయి 159 పరుగులు చేసింది.

    భారత్, న్యూజిలాండ్ మధ్య జరుగుతున్న తొలి టెస్టు మ్యాచ్ రెండో రోజు ఆట ముగిసింది. భారత్ ఒక వికెట్ నష్టానికి 159 పరుగులు చేసింది.

    కేఎల్ రాహుల్ 52 పరుగులతో, దేవదత్ పడిక్కల్ 16 పరుగులతో క్రీజులో ఉన్నారు. యశస్వి జైస్వాల్ 85 పరుగులు చేసి అవుటయ్యాడు.

    న్యూజీలాండ్ తొలి ఇన్నింగ్స్‌లో 368 పరుగులకు ఆలౌట్ అయింది. భారత్ ప్రస్తుతం న్యూజీలాండ్ కంటే 209 పరుగులు వెనుకబడి ఉంది.

    న్యూజీలాండ్ తరఫున హెన్రీ నికోల్స్ 175 పరుగులతో టాప్ స్కోరర్‌గా నిలవగా, గ్లెన్ ఫిలిప్స్ 118 పరుగులు చేశాడు.

    భారత్ తరఫున జస్ప్రీత్ బుమ్రా 92 పరుగులకు నాలుగు వికెట్లు తీయగా, ఆకాశ్ దీప్ 53 పరుగులకు మూడు వికెట్లు తీశాడు.

  4. ధనుష్, మమ్ముట్టి, సాయి పల్లవి, శ్రీలీల నటించిన ఓ.ఎం సినిమా ఎలా ఉంది?

  5. త్రైపాక్షిక శిఖరాగ్ర సమావేశం: ‘ఆర్భాటం ఎక్కువ, ఫలితాలు తక్కువ’

  6. ట్రంప్, పుతిన్, జిన్‌పింగ్ ఫొటోను షేర్ చేసిన రాహుల్ గాంధీ, ఏమన్నారంటే..

    రాహుల్ గాంధీ
    ఫొటో క్యాప్షన్, ఇరాన్, అమెరికాలతో పాకిస్తాన్ చర్చలు జరుపుతుండగా, భారత్‌ కేవలం చూస్తూ ఉండిపోయిందని రాహుల్ గాంధీ తెలిపారు.

    కాంగ్రెస్ ఎంపీ, లోక్‌సభలో ప్రతిపక్ష నేత రాహుల్ గాంధీ శుక్రవారం సోషల్ మీడియాలో ఒక ఫోటోను షేర్ చేసి బీజేపీని లక్ష్యంగా చేసుకున్నారు. ఈ ఫోటోలో అమెరికా అధ్యక్షుడు డోనల్డ్ ట్రంప్, రష్యా అధ్యక్షుడు వ్లాదిమిర్ పుతిన్, చైనా అధ్యక్షుడు షీ జిన్‌పింగ్ ఉన్నారు.

    "కాంగ్రెస్ అధికారంలో ఉండి ఉంటే, భారత ప్రధాని ఈ టేబుల్‌ వద్ద కూర్చుని ఉండేవారు. రాజీపడిన ప్రధాని ఎన్నడూ అక్కడ కూర్చోలేరు" అని ఆయన ఎక్స్‌ పోస్టులో రాశారు.

    గతంలో ఇరాన్ యుద్ధం, భారత విదేశాంగ విధానంపై కేంద్ర ప్రభుత్వాన్ని రాహుల్ గాంధీ లక్ష్యంగా చేసుకున్నారు. ఇరాన్, అమెరికాలతో పాకిస్తాన్ చర్చలు జరుపుతుండగా, భారత్‌ కేవలం చూస్తూ ఉండిపోయిందని అన్నారు.

    "భారత్‌ పరిమాణం, చరిత్ర, ఇతర దేశాలతో దానికున్న సంబంధాలను దృష్టిలో ఉంచుకుని, దానిని ప్రపంచ చర్చలో చేర్చాలి. కానీ, భారత్‌ ఇప్పుడు ఒక అప్రధాన పాత్రధారిగా మారింది. మనం ప్రపంచ వేదిక నుంచి తప్పుకున్నాం" అని రాహుల్ గాంధీ చెప్పారు.

    భారత్‌కు ఇప్పటికే ఇబ్బందులు ఉన్నాయని, ఇరాన్ యుద్ధం వాటిని మరింత తీవ్రతరం చేసిందని అభిప్రాయపడ్డారు. ప్రపంచంలోని ఇతర ప్రాంతాల్లో జరుగుతున్న పరిణామాల పట్ల భారత్ ఉదాసీనంగా ఉండకూడదని రాహుల్ గాంధీ అన్నారు.

    రాహుల్ గాంధీ పోస్టుపై బీజేపీ జాతీయ మీడియా కోఆర్డినేటర్ ఆశిష్ అగర్వాల్ స్పందించారు.

    "అంతర్జాతీయ దౌత్య వాస్తవాలను రాహుల్ గాంధీ అర్థం చేసుకోవాలి. అమెరికా, రష్యా, చైనాల మధ్య జరిగే త్రైపాక్షిక సమావేశం భారత్‌ స్థానాన్ని నిర్ణయించదు. భారతదేశం బ్రిక్స్, క్వాడ్, ఎస్‌సీఓ, జీ20, జీ7 వంటి వివిధ వ్యూహాత్మక వేదికల ద్వారా ప్రత్యర్థి దేశాలతో సంబంధాలు కొనసాగిస్తుంది" అని ఆశిష్ అగర్వాల్ ఎక్స్ పోస్టులోతెలిపారు.

    "భారత విదేశాంగ విధానాన్ని ప్రశ్నించే ముందు లేదా ప్రధానమంత్రిని 'రాజీ పడిన ప్రధాని' అని పిలిచే ముందు, డాక్టర్ మన్మోహన్ సింగ్ ప్రధానమంత్రిగా ఉన్నప్పుడు సోనియా గాంధీ విదేశీ దేశాధినేతలను ఎందుకు కలిశారో రాహుల్ వివరించాలి" అని ప్రశ్నించారు.

  7. ఆకాశంలో ఒక తార రివ్యూ: భార్య కలను తన లక్ష్యంగా మార్చుకున్న భర్త కథ ప్రేక్షకులను మెప్పించిందా?

  8. నర్మదా నదీ తీరాన లభించిన భారీ దవడ శిలాజం ఏ జీవిది? పరిశోధకులు ఏం చెబుతున్నారు...

  9. తీవ్ర తుపాను నుంచి తుపానుగా బలహీనపడిన ‘అక్వాన్’

    అక్వాన్ తుపాను

    పశ్చిమ మధ్య బంగాళాఖాతంలో కొనసాగుతున్న తీవ్ర తుపాను ‘అక్వాన్’ బలహీనపడి తుపానుగా మారింది. గత ఆరు గంటలుగా తుపాను గంటకు 21 కిలోమీటర్ల వేగంతో ఉత్తర వాయవ్య దిశగా పయనిస్తున్నట్లు ఆంధ్రప్రదేశ్ విపత్తుల నిర్వహణ సంస్థ (ఏపీఎస్‌డీఎంఏ) తెలిపింది.

    ఉత్తరాంధ్ర- దక్షిణ ఒడిశా తీరాలని తాకిన అక్వాన్ తుపాను బాహ్యవలయం, మరో 2 గంటల్లో పూర్తిగా తీరం దాటే సూచనలు కనిపిస్తున్నాయని పేర్కొంది.

    ప్రస్తుతం ఈ తుపాను కళింగపట్నానికి 80 కిలోమీటర్లు, విశాఖపట్నానికి 190 కిలోమీటర్లు, గోపాల్‌పూర్‌కు 60 కిలోమీటర్లు, పూరీకి 160 కిలోమీటర్ల దూరంలో కేంద్రీకృతమై ఉంది.

    తుపాను ప్రభావంతో ఉత్తరాంధ్రలో తేలికపాటి నుంచి మోస్తరు వర్షాలు కురుస్తున్నాయి. శ్రీకాకుళం జిల్లా ప్రజలు అప్రమత్తంగా ఉండాలని ఏపీఎస్‌డీఎంఏ ఎండీ, ఆర్టీజీఎస్ సీఈవో ప్రఖర్ జైన్ సూచించారు.

    ఈ తుపాను కదలికలను విశాఖపట్నం, గోపాల్‌పూర్‌లోని డాప్లర్ వాతావరణ రాడార్ల ద్వారా నిరంతరం పర్యవేక్షిస్తున్నారు.

  10. 2070 నాటికి భారత్‌లో హిందూ, ముస్లింల జనాభా ఎలా ఉండబోతోంది?

  11. "యాప్‌లో పరిచయం. గే లా యాక్టింగ్. రూమ్‌కు వెళితే బంగారం,డబ్బు మాయం.."

  12. స్టాలిన్‌ను ఓడించిన వీఎస్ బాబు మృతి

    V S Babu
    ఫొటో క్యాప్షన్, వీఎస్ బాబు

    ఆసుపత్రిలో చికిత్స పొందుతున్న తమిళనాడులోని కొలత్తూరు ఎమ్మెల్యే వీఎస్ బాబు కన్నుమూశారని ఎంజీఎం ఆసుపత్రి యాజమాన్యం ప్రకటించింది. ఆయన వయసు 75 సంవత్సరాలు.

    గత ఎన్నికలలో డీఎంకే నాయకుడు, మాజీ ముఖ్యమంత్రి స్టాలిన్‌ను ఆయన ఓడించారు.

    దీర్ఘకాలిక శ్వాసకోశ సమస్యల కారణంగా వీఎస్ బాబు సెప్టెంబర్ 9 నుంచి ఇంటెన్సివ్ కేర్ యూనిట్‌లో చికిత్స పొందుతున్నారని ఆసుపత్రి డైరెక్టర్ తెలిపారు.

    వైద్యులు పలు చికిత్సలు చేసినప్పటికీ ఆయన పరిస్థితి విషమించిందని.. ఈరోజు (నవంబర్ 19) మధ్యాహ్నం ఆయన కన్నుమూశారని ఆసుపత్రి వర్గాలు తెలిపాయి.

    వీఎస్ బాబు కొలత్తూరు నియోజకవర్గం నుంచి టీవీకే అభ్యర్థిగా తమిళనాడు శాసనసభ ఎన్నికల్లో పోటీ చేశారు. ఆయన డీఎంకే నాయకుడు ఎం.కె. స్టాలిన్‌పై 8,795 ఓట్ల మెజారిటీతో విజయం సాధించారు.

    వీఎస్ బాబు మృతి పట్ల తమిళనాడు ముఖ్యమంత్రి విజయ్, మాజీ ముఖ్యమంత్రి స్టాలిన్ సంతాపం తెలిపారు.

  13. 81 బిలియన్ డాలర్లు సమీకరించిన ఆంథ్రోపిక్

    ఆంత్రోపిక్
    ఫొటో క్యాప్షన్, ఆంత్రోపిక్ షేర్లకు పది రెట్లు డిమాండ్ ఉంది.

    ఏఐ చాట్‌బాట్ క్లాడ్ వెనుక ఉన్న సంస్థ ఆంథ్రోపిక్ స్టాక్ మార్కెట్ అరంగేట్రంలో రికార్డు స్థాయిలో $81 బిలియన్లు (సుమారు రూ. 7.5 లక్షల కోట్లు) సమీకరించింది.

    ఇది ఈ సంస్థను ప్రపంచంలోని అత్యంత విలువైన కంపెనీలలో ఒకటిగా నిలబెట్టనుంది.

    నష్టాల్లో ఉన్న ఈ వ్యాపారంలో షేర్లను కొనుగోలు చేయడానికి ఇన్వెస్టర్ల నుండి భారీగా ఆసక్తి పెరగడంతో, మొదట అనుకున్న కంటే ఎక్కువ షేర్లు అమ్ముడయ్యాయి.

    ఆంథ్రోపిక్ షేర్ ధరను మొదట ప్రతిపాదించిన $70-$78 శ్రేణి కంటే ఎక్కువగా, $83 వద్ద నిర్ణయించారు.

  14. జీటీఏ 6 విడుదల.. ప్రపంచవ్యాప్తంగా ఎందుకింత క్రేజ్?

  15. రష్యా, చైనా, అమెరికా అధినేతల సమావేశం పుతిన్‌కు దక్కిన భారీ విజయమా?

  16. వెల్లింగ్టన్ టెస్టు: తొలి రోజు 5 వికెట్ల నష్టానికి 243 పరుగులు చేసిన న్యూజీలాండ్

    న్యూజీలాండ్, క్రికెట్, భారత్
    ఫొటో క్యాప్షన్, తొలి టెస్ట్ తొలిరోజు న్యూజీలాండ్ ఐదు వికెట్ల నష్టానికి 243 పరుగులు చేసింది.

    భారత్, న్యూజీలాండ్ తొలి టెస్టు మొదటిరోజు కివీస్ జట్టు ఐదు వికెట్ల నష్టానికి 243 పరుగులు చేసింది.

    ఎదురుదెబ్బల నుంచి కోలుకున్న న్యూజీలాండ్ తొలిరోజు ఆట ముగిసేనాటికి హెన్రీ నికోల్స్ 113 పరుగులతో, గ్లెన్ ఫిలిప్స్ 94 పరుగులతో క్రీజ్‌లో ఉన్నారు.

    వారిద్దరూ ఆరో వికెట్‌కు 173 పరుగుల భాగస్వామ్యం నెలకొల్పారు.

    నికోల్స్ తన టెస్ట్ కెరీర్‌లో 12వ సెంచరీని పూర్తి చేయగా, ఫిలిప్స్ సెంచరీకి ఆరు పరుగుల దూరంలో ఉన్నాడు.

    టాస్ గెలిచిన భారత్ బౌలింగ్ ఎంచుకుంది. జస్ప్రీత్ బుమ్రా తొలి ఓవర్‌లోనే న్యూజీలాండ్ కెప్టెన్ టామ్ లాథమ్‌ను ఔట్ చేశాడు.

    భారత ఫాస్ట్ బౌలర్లు న్యూజీలాండ్‌ను 70 పరుగులకే ఐదు వికెట్లు కోల్పోయేలా చేశారు. ఆ తర్వాత నికోల్స్, ఫిలిప్స్ తొలి రోజు ఆట ముగిసే వరకు మరో వికెట్ నష్టపోకుండా జాగ్రత్తగా ఆడారు.

    భారత్ తరఫున బుమ్రా 17 ఓవర్లలో 52 పరుగులిచ్చి మూడు వికెట్లు పడగొట్టాడు. ఆకాశ్ దీప్, అన్షుల్ కంబోజ్‌లు చెరో వికెట్ తీసుకున్నారు.

  17. ప్రపంచానికి రష్యా ద్వారాలు తెరిచింది- పుతిన్

    పుతిన్, రష్యా
    ఫొటో క్యాప్షన్, ఆసియా-పసిఫిక్ ప్రాంత ఆర్థిక వ్యవస్థలతో రష్యా 'సానుకూల భాగస్వామ్యాన్ని' కోరుకుంటోందని పుతిన్ అన్నారు.

    ఆసియా-పసిఫిక్ ప్రాంత ఆర్థిక వ్యవస్థలతో రష్యా 'సానుకూల భాగస్వామ్యాన్ని' కోరుకుంటోందని రష్యా అధ్యక్షుడు వ్లాదిమిర్ పుతిన్ అన్నారు.

    రష్యాను ఈ ప్రాంతంలో ఒక "విడదీయరాని భాగం"గా ఎపెక్ శిఖరాగ్ర సమావేశంలో పుతిన్ అభివర్ణించారని రష్యా ప్రభుత్వ వార్తా సంస్థ టాస్ తెలిపింది.

    ప్రపంచానికి రష్యా ద్వారాలు తెరిచి ఉందని, తన ఆర్థిక వ్యవస్థను బలోపేతం చేసుకుంటోందని ఆయన అన్నారు .

    కృత్రిమ మేధస్సు, సాంకేతికతకు సంబంధించిన నైపుణ్యాన్ని ఈ ప్రాంతంలోని తమ భాగస్వాములతో పంచుకోవడానికి రష్యా సిద్ధంగా ఉందని ఆయన అన్నారు.

    తన ప్రసంగం ముగింపులో ఎపెక్ శిఖరాగ్ర సమావేశ ఉమ్మడి ప్రకటనకు పుతిన్ మద్దతు తెలిపారు.

    దాదాపు తొమ్మిదేళ్ల తర్వాత ఎపెక్ గ్రూప్ ఫోటోలో పుతిన్ కనిపిస్తున్నారు.

    ఎపెక్, పుతిన్, రష్యా, చైనా, అమెరికా
    ఫొటో క్యాప్షన్, ఎపెక్ సదస్సులో ఏఐ గురించి పుతిన్ మాట్లాడారు.
  18. ఆ రెండు దేశాల నేతలకు నేనంటే ఇష్టం: ట్రంప్

    అమెరికా, చైనా, రష్యా
    ఫొటో క్యాప్షన్, అమెరికా ఇంతకుముందెన్నడూ లేనంతగా అభివృద్ధి చెందుతోందని ట్రంప్ అన్నారు.

    చైనా, రష్యా దేశాల నాయకులు ఇద్దరూ తనను ఇష్టపడతారని అమెరికా అధ్యక్షుడు ట్రంప్ అభిప్రాయపడ్డారు. పుతిన్, జిన్‌పింగ్‌తో త్రైపాక్షిక సమావేశానికి ముందు ట్రంప్ ఈ వ్యాఖ్యలు చేశారు.

    "వందల సంవత్సరాలుగా పసిఫిక్‌లో అమెరికా ఒక శక్తిగా ఉంది. ఈ ప్రాంతంలో అభివృద్ధి, స్థిరత్వం, సార్వభౌమత్వం, శ్రేయస్సు, శాంతిని ప్రోత్సహించడానికి కృషి చేస్తూనే ఉంటాం" అని ఎపెక్ సదస్సులో ట్రంప్ అన్నారు .

    దేశం మునుపెన్నడూ లేని విధంగా అభివృద్ధి చెందుతోందని అమెరికా ఆర్థిక వ్యవస్థను ఉద్దేశించి ట్రంప్ వ్యాఖ్యానించారు.

    ఏఐ ఒక మంచి సాంకేతికత అని, ఈ పరిశ్రమ వృద్ధిని అడ్డుకునే నిబంధనలను తాను వ్యతిరేకిస్తున్నానని అన్నారు.

    ట్రంప్‌కు ముందు జిన్‌పింగ్ ప్రసగించారు. ఆ సమయంలో ట్రంప్ కళ్ళు మూసుకుని కనిపించగా, పుతిన్ మాత్రం శ్రద్ధగా ఏదో చదువుతూ కనిపించారు.

  19. ఈ నగరానికి ఏమైంది పార్ట్-2 రివ్యూ: 8 ఏళ్ల నాటి కల్ట్ మూవీకి సీక్వెల్‌గా వచ్చిన 'ఇఎన్‌ఇ' మ్యాజిక్ రిపీట్ అయ్యిందా?

  20. ఎపెక్ సదస్సులో ఆసియా- పసిఫిక్ సహకారం గురించి జిన్‌పింగ్ ఏమన్నారు?

    రష్యా, చైనా, అమెరికా
    ఫొటో క్యాప్షన్, ఎపెక్ సదస్సులో జిన్‌పింగ్ ప్రసంగించారు.

    ఆసియా-పసిఫిక్ సహకారానికి తమ మద్దతు కొనసాగుతుందని చైనాఅధ్యక్షుడు జిన్‌పింగ్ తెలిపారు.

    ఎపెక్ సదస్సు ప్రధాన సమావేశంలో జిన్‌పింగ్ మాట్లాడారు.

    "చైనాకు ఆసియా-పసిఫిక్ ప్రాంతంలో మూలాలు ఉన్నాయి. ఆసియా-పసిఫిక్ సహకారం కోసం చైనా 20 మిలియన్ డాలర్లు ఖర్చు చేస్తుంది’’ అనిప్రకటించారు.

    షెన్‌జెన్‌లో ఆసియా-పసిఫిక్ అధ్యయనాల కేంద్రాన్ని చైనా ఏర్పాటు చేస్తుందని కూడా చెప్పారు.

    ఈ సమావేశం సందర్భంగా ట్రంప్, పుతిన్, జిన్‌పింగ్ సహా ప్రపంచ నాయకులు గ్రూప్ ఫోటో తీసుకున్నారు.

    స్వేచ్ఛా వాణిజ్యం, ఆర్థిక వ్యవస్థల వైవిధ్యీకరణ, డేటా నిర్వహణకు సంబంధించిన నిబంధనలకు 33వ ఎపెక్ సదస్సులో జిన్‌పింగ్ మద్దతు తెలిపారు.