கட்டுமானக் கட்டிடத்துக்குள் புகுந்த 13 அடி நீள ராஜநாகம் மீட்பு

காணொளிக் குறிப்பு, காணொளி: கட்டுமானக் கட்டிடத்திற்குள் புகுந்த 13 அடி நீள ராஜநாகம் மீட்பு!
கட்டுமானக் கட்டிடத்துக்குள் புகுந்த 13 அடி நீள ராஜநாகம் மீட்பு
பிரசுரிக்கப்பட்டது

சுமார் 13 அடி நீளமுள்ள ராஜநாகம் ஒன்று குடியிருப்பு பகுதியில் இருந்து மீட்கப்பட்டது.

ஆந்திரப் பிரதேசத்தின் அனகாப்பள்ளி மாவட்டம், கேஜேபுரம் கிராமத்தில் உள்ள மசூதி காலனியில் செவ்வாய்க்கிழமை இந்தச் சம்பவம் நடந்தது. கட்டுமானப் பணிகள் நடைபெற்று வந்த கட்டடம் ஒன்றுக்குள் ராஜநாகம் புகுந்ததால் அப்பகுதி மக்கள் அச்சமடைந்தனர். இதையடுத்து, பாம்பு பிடிக்கும் நிபுணரான வெங்கடேஷுக்குத் தகவல் தெரிவிக்கப்பட்டது. சம்பவ இடத்துக்கு வந்த வெங்கடேஷ், ராஜநாகத்தைப் பிடித்தார். பின்னர், வனத்துறை அதிகாரிகள் முன்னிலையில் அருகிலுள்ள வனப்பகுதியில் அந்தப் பாம்பு விடுவிக்கப்பட்டது.

விஷத்தன்மை கொண்ட இந்த ராஜநாகங்கள், அனகாப்பள்ளி மாவட்டத்தில் தேவாரப்பள்ளி அருகேயுள்ள கிராமங்களிலும் வனப்பகுதிகளிலும் அதிகம் தென்படுவதாக வெங்கடேஷ் தெரிவித்தார்.

- இது, பிபிசிக்காக கலெக்டிவ் நியூஸ்ரூம் வெளியீடு