காணொளி: சன்ஃபிஷ் மீன்கள் மீது மோதி சிறு துண்டுகளாக உடைக்கும் திமிங்கலம்

மெக்சிகோ கடற்கரைக்கு அருகே, ஓர்கா திமிங்கலங்கள் சன்ஃபிஷ் மீன்களை மோதித் துண்டுகளாகச் சிதைக்கும் அபூர்வமான காட்சிகளை விஞ்ஞானிகள் வெளியிட்டுள்ளனர்.

இந்தக் காணொளிகள் 2025-ஆம் ஆண்டு மெக்சிகோ கடல்பகுதியில் படமாக்கப்பட்டு, சமீபத்தில் வெளியிடப்பட்டன.

இரண்டு சம்பவங்களிலும், ஒரு ஓர்கா திமிங்கலம் இறந்த சன்ஃபிஷ் மீனைப் பிடித்துக் கொண்டிருக்க, மற்றொரு ஓர்கா அதனை முழு வேகத்தில் மோதுகிறது. இதனால் அந்த மீன் துண்டுகளாகச் சிதறுகிறது.

இந்த உத்தி உணவைப் பெறுவதற்கான ஒரு நடைமுறை நோக்கத்தைக் கொண்டிருக்கலாம் என்று ஆய்வாளர்கள் கருதுகின்றனர். சன்ஃபிஷ் மீன்கள் பெரிய உடலமைப்பும் தடிமனான, கடினமான தோலும் கொண்டவை என்பதால், அவற்றை இவ்வாறு உடைத்தால் ஊட்டச்சத்துகளை எளிதாகவும் முழுமையாகவும் பெற முடியும் என விஞ்ஞானிகள் கூறுகின்றனர்.

எனினும், சில விஞ்ஞானிகள், ஓர்கா திமிங்கலங்கள் இதை வெறுமனே விளையாட்டுக்காகச் செய்கின்றன என்றும் நம்புகின்றனர்.

- இது, பிபிசிக்காக கலெக்டிவ் நியூஸ்ரூம் வெளியீடு