Tobanka cunto ee kobcin kara xusuusta iyo caafimaadka maskaxdaada

Cunnada wanaagsan waxay faa'iido u leedahay caafimaadka jirka oo dhan iyo kan maskaxda labadaba. In kasta oo aanay jirin hal cunto oo la dhihi karo waa ay ka sarreysaa kuwa kale oo keligeed ayaa kordhin karta garaadka ama ka ilaalin kartaa cudurrada sida Alzheimer's, haddana dareenka waxaad cunto ayaa kaa caawin kara inaad kobciso caafimaadka maskaxda oo aad dareen wanaagsan yeelato.

Maskaxdu waxay isticmaashaa 20% ee tamarta jirka, sidaas darteed cunto dheellitiran oo kala duwan ayaa kaa caawin kara, waxa ay ka qeyb-qaataan:

· Kororka tamarta

· Hagaajinta xusuusta, fiirsashada iyo diiradda

· Yareynta walbahaarka iyo walaaca

· Kobcinta dareenka

Haddaba, waxaan warbixintaan kugula wadaagi doonnaa 10 cunto oo loo arko in ay yihiin kuwa qeyb lixaad leh ka qaadan kara daryeelka iyo kobcinta caafimaadka maskaxda.

1-Kalluunka dufanka leh

Kalluunka noocan ah waxaa ku jira faa'iidooo badan sababta oo ah, waxaa ku jira asiidh dufan leh sida (Omega-3) oo muhiim u ah qaab-dhismeedka iyo shaqada maskaxda, waxayna hoos u dhigtaa halista cudurrada sida isku buuqa iyo asaasaqa.

Kalluunka dufanka leh: Haddii aadan cunin kalluun, waxaad ka heli kartaa iniin yaryar sida(flaxseeds), lawska iyo kuwa lamid ah, laakiin jidhku si fiican oo dhaqse ah uma beddeli karo.

Dadka khudaarta oo kaliya ah cuna, waxay isticmaali karaan iniinaha hemp iyo chia ama kaalmaatiga la yiraahdo kabitaanno laga sameeyay algae-yar.

2-Ukunta

Ukunta waxay ka kooban yihiin Vitamiin B6, B12, folic acid, iyo choline (oo laga helo qeybta jaallaha ukunta). Kuwass waxay jebiyaan kimiko "homocysteine" oo kor u kacda mar kasta oo uu qofka da' ahaan weynaado, waxayna yareeyaan halista istaroogga iyo Alzheimer's. Choline waxay muhiim u tahay horumarka maskaxda ee dhallaanka xilliga uurka iyo naas-nuujinta.

Talo: Dadka khudaarta kaliya cuna waxay ka heli karaan B-vitamiiniska caanaha dhirta laga sameeyay, avocado-da, laws iyo iniinaha yaryar.

3-Lawska

Marka laga hadlayo, cuntooyinka faa'iidada u ah jirkeena waxaa kamid ah Lawska, faa'iidada ku jirtana waxaa kamid ah Vitamin E oo la sheegay in ka qeyb qaato, ka-hortagga hoos-u-dhaca garashada iyo luminta xusuusta

4-Miraha bocorka

Miraha Bocorka waxa ay hodan ku yihiin maadada zinc oo korodhisa xusuusta iyo fikirka, magnesium oo yareeya walbahaarka, B-vitamiiniska, iyo tryptophan oo gacan ka geysta sameynta serotonin-ka dareenka wanaagsan.

5-Miraha noocyada dhirta oo dhan

Nooc kasta oo miro ama iniin ah sida Boorashka, Bariiska madow iyo Rootiga waxa ay ka qeyb-qaataan hormarinta maskaxda waxa ay faa'iido ahaan leeyihiin in si tartiib ah u sii daayaan glucose tamarta maskaxdu dooneyso, taasoo kaa caawinaysa inaad u fiirsato oo aad diiradda saarto maalinta oo dhan. Cuntooyinka sonkorta badan waxay keeni karaan daal maskaxeed (brain fog).

6-Shaaha Cagaaran

Caleenta ama shaaha cagaaran waxaa ku jira polyphenols oo laga yaabo inay yareeyaan saamaynta da'da ee maskaxda. Qiyaastii 2-3 koob maalintii ayaa lala xiriiriyay hoos-u-dhac weyn oo ku yimaada halista dementia.

7-Bunka ama qaxwaha

Kafeyiinka waxa uu raacaa qul-qulka dhiigga u socdaa maskaxda, halkaas oo uu "kiciyo" neerfayaasha. Waxay korodhisaa tamarta, xusuusta, dareenka, waxayna horumarisaa shaqada maskaxda.

8-Yaanyada

Noocyada yaanyada waxay hodan ku yihiin Vitamin C oo korodhiya tamarta maskaxda, yareeya walaaca iyo walbahaarka. Haddii ay yaraadaan waxay keeni kartaa cudurada asaasaqa iyo Alzheimer's

9-Borokoli

Borkoli Waxaa ka buuxa Vitamin K oo kobciya shaqada maskaxda, waxayna hoos u dhigtaa burburka acetylcholine (kiimiko ay maskaxdu u adeegsato si loo ilaaliyo xusuusta). Sidoo kale waxaa lamid ah kaabajka, kale, iyo brussels sprouts ayaa faa'iido leh.

10-Rosemary

Rosemary Waxaa ku jira antioksidannada oo laga yaabo inay ka hortagaan luminta xusuusta la xiriirta da'da, inkasta oo weli la sheegayo in loo baahan yahay cilmi-baaris dheeri ah oo ku saabsan saamaynta ay ku leedahay bini'aadamka.

11- Huruudda

Huruudda waaa halka ugu weyn laga helo maadada curcumin waxay korodhisaa dareenka, waxayna la shaqeysaa unugyada ka hawl-hala ka hortagga niyad-jabka. Waxay sidoo kale kicisaa hormoonada dareenka wanaagsan soo daaya.

12-Jokoleetdka madow

Xaddi ama Qadar yar oo joogto ah loo cuno waxa ay kordhisaa qulqulka dhiigga ee maskaxda, waxayna leedahay faa'iidooyin ilaalin ah (flavanols), gaar ahaan dadka da'da ah.

Waxyaabaha kale ee ka Caawiya maskaxda