ਮਾਝੇ 'ਚ 'ਜ਼ਹਿਰੀਲੀ ਸ਼ਰਾਬ' ਕਾਰਨ ਹੋਈਆਂ ਮੌਤਾਂ ਦਾ ਪਟਿਆਲਾ ਤੇ ਨੋਇਡਾ ਕੁਨੈਕਸ਼ਨ- ਪ੍ਰੈੱਸ ਰਿਵੀਊ
ਤਸਵੀਰ ਸਰੋਤ, Gurpreet chawla/bbc
ਪੁਲਿਸ ਦਾ ਕਹਿਣਾ ਹੈ ਕਿ ਮਾਝੇ ਵਿੱਚ ਜਿਸ ਜ਼ਹਿਰੀਲੀ ਸ਼ਰਾਬ ਕਾਰਨ 86 ਜਾਨਾਂ ਚਲੀਆਂ ਗਈਆ ਹਨ ਉਸ ਨੂੰ ਬਣਾਉਣ ਲਈ ਵਰਤੀ ਗਈ ਐਕਸਟਰਾ ਨਿਊਟਰਲ ਐਲਕੋਹਲ (ਈਐੱਨਏ) ਦੀ ਤਸਕਰੀ ਦੇ ਲਿੰਕ ਪਟਿਆਲਾ ਦੇ ਰਾਜਪੁਰਾ ਅਤੇ ਨੋਇਡਾ ਤੱਕ ਮਿਲੇ ਹਨ।
ਹਿੰਦੁਸਤਾਨ ਟਾਈਮਜ਼ ਦੀ ਖ਼ਬਰ ਮੁਤਾਬਕ ਹੋ ਸਕਦਾ ਹੈ ਕਿ ਹੋ ਸਕਦਾ ਹੈ ਕਿ ਇੱਕੋ ਖੇਪ ਹੀ ਇੰਨੀਆਂ ਮੌਤਾਂ ਦੀ ਵਜ੍ਹਾ ਹੋਵੇ।
ਪੁਲਿਸ ਨੇ ਇਸ ਦੇ ਰੈਕਿਟ ਦੇ ਸਰਗਨਾ ਵਜੋਂ ਤਰਨਤਾਰਨ ਦੇ ਹੀ ਧੋਤੀਆਂ ਪਿੰਡ ਦੇ ਗੁਰਪਾਲ ਸਿੰਘ ਦੀ ਪਛਾਣ ਕੀਤੀ ਹੈ। ਜੋ ਇਸ ਪਿੰਡ ਵਿੱਚ ਗੈਰ-ਕਾਨੂੰਨੀ ਸ਼ਰਾਬ ਪਹੁੰਚਾਉਂਦਾ ਸੀ ਅਤੇ ਫਿਲਹਾਲ ਕਪੂਰਥਲਾ ਜੇਲ੍ਹ ਵਿੱਚ ਬੰਦ ਹੈ।
ਬੀਸੀਸੀਆਈ ਨੇ 10 ਮਹੀਨਿਆਂ ਤੋਂ ਖਿਡਾਰੀਆਂ ਨੂੰ ਭੁਗਤਾਨ ਨਹੀਂ ਕੀਤਾ
ਤਸਵੀਰ ਸਰੋਤ, BCCI/TWITTER
ਦੁਨੀਆਂ ਦੇ ਸਭ ਤੋਂ ਅਮੀਰ ਕ੍ਰਿਕਿਟ ਬੋਰਡ ਨੇ ਦੁਨੀਆਂ ਦੇ ਸਭ ਤੋਂ ਅਮੀਰ ਖਿਡਾਰੀਆਂ ਨੂੰ ਪਿਛਲੇ ਦਸਾਂ ਮਹੀਨਿਆਂ ਤੋਂ ਮਿਹਨਤਾਨਾ ਨਹੀਂ ਦਿੱਤਾ ਹੈ
ਇੰਡੀਅਨ ਐਕਪ੍ਰੈਸ ਦੀ ਖ਼ਬਰ ਮੁਤਾਬਕ ਬੋਰਡ ਦਾ 27 ਖਿਡਾਰੀਆਂ ਨਾਲ ਕਰਾਰ ਹੈ ਜਿਨ੍ਹਾਂ ਦਾ ਮਿਹਨਤਾਨਾ ਪਿਛਲੇ ਸਾਲ ਅਕਤੂਬਰ ਮਹੀਨੇ ਤੋਂ ਬਕਾਇਆ ਹੈ।
ਇਸ ਤੋਂ ਇਲਾਵਾ ਬੋਰਡ ਨੇ ਦੋ ਟੈਸਟ ਮੈਚਾਂ, ਨੌਂ ਇੱਕ ਰੋਜ਼ਾ ਮੈਚਾਂ ਅਤੇ ਅੱਠ ਟੀ-20 ਮੈਚਾਂ ਦੀ ਫ਼ੀਸ ਦਾ ਭੁਗਤਾਨ ਵੀ ਖਿਡਾਰੀਆਂ ਨੂੰ ਨਹੀਂ ਕੀਤਾ ਹੈ।
ਇਸ ਤਰ੍ਹਾਂ ਬੋਰਡ ਹਰ ਸਾਲ ਖਿਡਾਰੀਆਂ ਨੂੰ ਲਗਭਗ 99 ਕਰੋੜ ਰੁਪਏ ਦਿੰਦਾ ਹੈ।
ਇਹ ਵੀ ਪੜ੍ਹੋ:
ਜਿਸ ਦੀ ਵੰਡ ਖਿਡਾਰੀਆਂ ਦੇ ਦਰਜੇ ਮੁਤਾਬਕ ਹੁੰਦੀ ਹੈ। ਏ-ਗਰੇਡ ਖਿਡਾਰੀ- ਵਿਰਾਟ ਕੋਹਲੀ, ਰੋਹਿਤ ਸ਼ਰਮਾ ਅਤੇ ਜਸਪ੍ਰੀਤ ਭੁਮਰਾ ਨੂੰ ਸਾਲਾਨਾ 7 ਕਰੋੜ ਮਿਲਦੇ ਹਨ। ਏ, ਬੀ ਅਤੇ ਸੀ ਦੇ ਦੂਜੇ ਨਿਯਮਤ ਖਿਡਾਰੀਆਂ ਨੂੰ ਸਾਲਾਨਾ ਪੰਜ, ਤਿੰਨ ਅਤੇ ਇੱਕ ਕਰੋੜ ਮਿਲਦੇ ਹਨ।
ਖਿਡਾਰੀਆਂ ਨੂੰ ਮੈਚ ਫ਼ੀਸ ਵਜੋਂ ਟੈਸਟ ਮੈਚ ਲਈ 15 ਲੱਖ, ਇੱਕ ਦਿਨਾਂ ਮੈਚ ਲਈ 6 ਲੱਖ ਅਤੇ ਟੀ-20 ਲਈ 3 ਲੱਖ ਰੁਪਏ ਮਿਲਦੇ ਹਨ।
ਬਾਅਦ ਬੀ-ਗਰੇਡ ਵਾਲੇ ਖਿਡਾਰੀਆਂ ਨੂੰ ਪੰਜ ਕਰੋੜ, ਸੀ-ਗੇਰਡ ਨੂੰ ਤਿੰਨ ਕਰੋੜ ਅਤੇ
ਸੰਯੁਕਤ ਅਰਬ ਅਮਿਰਾਤ ਨੇ ਸ਼ੁਰੂ ਕੀਤਾ ਦੁਨੀਆਂ ਦਾ ਪਹਿਲਾ ਪਰਮਾਣੂ ਪਲਾਂਟ
ਤਸਵੀਰ ਸਰੋਤ, @MOHAMEDBINZAYED
ਪਾਕਿਸਤਾਨ ਦੇ ਅੰਗਰੇਜ਼ੀ ਅਖ਼ਬਾਰ ਦਿ ਡਾਅਨ ਦੀ ਖ਼ਬਰ ਮੁਤਾਬਕ ਇਹ ਐਲਾਨ ਈਦ ਉਲ ਅਜ਼੍ਹਾ ਦੇ ਮੌਕੇ ਕੀਤਾ ਗਿਆ। ਇੰਟਰਨੈਸ਼ਨਲ ਅਟੌਮਿਕ ਐਨਰਜੀ ਏਜੰਸੀ ਵਿੱਚ ਦੇਸ਼ ਦੇ ਨੁਮਾਇੰਦੇ ਹਮਦ ਅਲਕਾਬੀ ਨੇ ਟਵੀਟ ਰਾਹੀਂ ਦੱਸਿਆ, 'ਯੂਏਈ ਦੇ ਬਾਰਾਕ੍ਹ ਪਰਮਾਣੂ ਊਰਜਾ ਪਲਾਂਟ ਵਿੱਚ ਪਹਿਲਾ ਪਰਮਾਣੂ ਰਿਐਕਟਰ ਸਫ਼ਲਤਾ ਨਾਲ ਸ਼ੁਰੂ ਹੋਇਆ ਹੈ।'
ਆਪਣੀ ਪੂਰੀ ਸਮਰੱਥਾ ਉੱਪਰ ਪਹੁੰਚ ਕੇ ਇਹ ਰਿਐਕਟਰ 56,00 ਮੈਗਾਵਾਟ ਬਿਜਲੀ ਪੈਦਾ ਕਰ ਸਕੇਗਾ ਜੋ ਕਿ ਯੂਏਈ ਦੀ ਜ਼ਰੂਰਤ ਦਾ ਲਗਭਗ 25 ਫ਼ੀਸਦੀ ਹੋਵੇਗਾ।
ਹਾਲਾਂਕਿ ਇਸ ਰਿਐਕਟਰ ਨੇ ਸਾਲ 2017 ਵਿੱਚ ਹੀ ਕੰਮ ਸ਼ਰੂ ਕਰ ਦੇਣਾ ਸੀ ਪਰ ਅਧਿਕਾਰੀਆਂ ਮੁਤਾਬਕ ਸੁਰੱਖਿਆ ਅਤੇ ਹੋਰ ਰੈਗੂਲੇਟਰੀ ਕਾਰਨਾਂ ਕਰ ਕੇ ਪ੍ਰੋਜੈਕਟ ਵਿੱਚ ਦੇਰੀ ਹੁੰਦੀ ਚਲੀ ਗਈ।
ਭਾਰਤ ਸਰਕਾਰ ਵੱਲੋਂ ਦੇਸੀ ਵੈਂਟੀਲੇਟਰਾਂ ਦੀ ਦਰਾਮਦ ਨੂੰ ਪ੍ਰਵਾਨਗੀ
ਤਸਵੀਰ ਸਰੋਤ, ARUN SANKAR
ਸ਼ਨਿੱਚਰਵਾਰ ਨੂੰ ਜਿੱਥੇ ਭਾਰਤ ਵਿੱਚ ਕੋਰੋਨਾਵਾਇਰਸ ਦੇ ਇੱਕ ਦਿਨ ਵਿੱਚ ਸਭ ਤੋਂ ਵਧੇਰੇ 57,118 ਮਾਮਲੇ ਸਾਹਮਣੇ ਆਏ ਉੱਥੇ ਹੀ ਭਾਰਤ ਸਰਕਾਰ ਨੇ ਦੇਸ਼ ਵਿੱਚ ਬਣੇ ਵੈਂਟੀਲੇਟਰਾਂ ਦੀ ਵਿਦੇਸ਼ਾਂ ਨੂੰ ਦਰਾਮਦ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ।
ਦਿ ਟ੍ਰਿਬਿਊਨ ਦੀ ਖ਼ਬਰ ਮੁਤਾਬਕ ਵੈਂਟੀਲੇਟਰਾਂ ਦੀ ਦਰਾਮਦ ਉੱਪਰ 24 ਮਾਰਚ ਤੋਂ ਪਾਬੰਦੀ ਲੱਗੀ ਹੋਈ ਸੀ।
ਕੋਵਿਡ ਬਾਰੇ ਬਣਾਏ ਗਏ ਮੰਤਰੀ ਸਮੂਹ ਨੇ ਦੇਸ਼ ਵਿੱਚ ਥੋੜ੍ਹੀ (2.15 ਫ਼ੀਸਦੀ) ਮੌਤ ਦਰ ਦਾ ਹਵਾਲਾ ਦਿੰਦਿਆਂ ਇਹ ਪ੍ਰਵਾਨਗੀ ਦਿੱਤੀ ਹੈ।
ਭਾਰਤ ਲਾਗ ਦੇ ਮਾਮਲੇ ਵਿੱਚ ਦੁਨੀਆਂ ਦੇ ਸਭ ਤੋਂ ਬੁਰੀ ਤਰ੍ਹਾਂ ਪ੍ਰਭਾਵਿਤ ਮੁਲਕਾਂ ਵਿੱਚ ਤੀਜੇ ਅਤੇ ਮੌਤਾਂ ਦੇ ਮਾਮਲੇ ਵਿੱਚ ਪੰਜਵੇਂ ਨੰਬਰ 'ਤੇ ਹੈ।
ਇਹ ਵੀ ਪੜ੍ਹੋ:
ਪ੍ਰੀਤੀ ਪਟੇਲ ਉੱਪਰ ਤਸਕਰੀ ਦੀ ਸ਼ਿਕਾਰ ਔਰਤ ਵੱਲੋਂ ਦਾਅਵਾ
ਤਸਵੀਰ ਸਰੋਤ, EPA
ਬ੍ਰਿਟੇਨ ਵਿੱਚ ਮਨੁੱਖੀ ਤਸਕਰੀ ਦੀ ਸ਼ਿਕਾਰ ਇੱਕ ਔਰਤ ਨੇ ਬ੍ਰਿਟੇਨ ਦੀ ਗ੍ਰਹਿ ਮੰਤਰੀ ਪ੍ਰੀਤੀ ਪਟੇਲ ਉੱਪਰ ਆਪਣੀ ਨਿੱਜੀ ਜਾਣਕਾਰੀ ਤੱਕ ਗੈਰ-ਕਾਨੂੰਨੀ ਪਹੁੰਚ ਰੱਖਣ ਦੇ ਇਲਜ਼ਾਮ ਲਾਏ ਹਨ।
ਬ੍ਰਿਟੇਨ ਦੇ ਅਖ਼ਬਾਰ ਦਿ ਗਾਰਡੀਅਨ ਦੀ ਖ਼ਬਰ ਮੁਤਾਬਕ ਜੇ ਇਹ ਕੇਸ ਸਫ਼ਲ ਹੁੰਦਾ ਹੈ ਤਾਂ ਇਸ ਦੇ ਫ਼ੈਸਲੇ ਦਾ ਅਸਰ ਉਨ੍ਹਾਂ ਹਜ਼ਾਰਾਂ ਲੋਕਾਂ ਉੱਪਰ ਵੀ ਪੈ ਸਕਦਾ ਹੈ ਜਿਨ੍ਹਾਂ ਦੀਆਂ ਨਿਜੀ ਜਾਣਕਾਰੀਆਂ ਤੱਕ ਅਧਿਕਾਰੀਆਂ ਨੇ ਪਹੁੰਚ ਕੀਤੀ ਹੋਵੇ। ਪੰਜ ਤਸਕਰੀ ਦੇ ਪੰਜ ਹੋਰ ਸ਼ਿਕਾਰਾਂ ਨੇ ਮੰਤਰੀ ਨੂੰ ਅਜਿਹੇ ਕੇਸ ਦੀ ਧਮਕੀ ਦਿੱਤੀ ਹੈ।
ਸ਼ਿਕਾਰ ਜਿਸ ਦੀ ਕਿ ਪਛਾਣ ਨਹੀਂ ਦੱਸੀ ਜਾ ਸਕਦੀ। ਫਿਲਹਾਲ ਆਪਣੀ ਗੁੰਝਲਦਾਰ ਮਾਨਸਿਕ ਹਾਲਤ ਕਾਰਨ ਡਾਕਟਰੀ ਨਿਗਰਾਨੀ ਵਿੱਚ ਹੈ।
ਔਰਤ ਨੂੰ ਨਸ਼ੇ ਦਿੱਤੇ ਗਏ। ਜਿਣਸੀ ਸ਼ੋਸ਼ਣ ਅਤੇ ਨਸ਼ੇ ਦੀ ਤਸਕਰੀ ਦੇ ਮੰਤਵ ਨਾਲ ਉਸ ਦੀ ਤਸਕਰੀ ਕੀਤੀ ਗਈ। ਉਸ ਦਾ ਬਹੁਤ ਜ਼ਿਆਦਾ ਜਿਣਸੀ ਅਤੇ ਸਰੀਰਕ ਸ਼ੋਸ਼ਣ ਹੋਇਆ, ਉਸ ਨੂੰ ਅਪਰਾਧਿਕ ਗਤੀਵਿਧੀਆਂ ਵਿੱਚ ਵਰਤਿਆ ਗਿਆ। ਗ੍ਰਹਿ ਮੰਤਰਾਲਾ ਨੇ ਉਸ ਦੀ ਆਧੁਨਿਕ ਗੁਲਾਮੀ ਦੀ ਸ਼ਿਕਾਰ ਹੋਣ ਦੀ ਪੁਸ਼ਟੀ ਕੀਤੀ ਸੀ।
ਇਹ ਵੀਡੀਓ ਵੀ ਦੇਖੋ
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 1
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 2
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 3
