ਕੋਰੋਨਾਵਾਇਰਸ : ਤਬਲੀਗੀ ਜਮਾਤ ਵਾਲੀ ਘਟਨਾ ਮਗਰੋਂ ਫਿਰਕਾਪ੍ਰਸਤੀ ਦੇ ਸ਼ਿਕਾਰ ਮੁਸਲਮਾਨ ਪਰਿਵਾਰ 'ਪਿੰਡ 'ਚ ਦਾੜ੍ਹੀ ਰੱਖਣ ਅਤੇ ਮੁਸਲਮਾਨ ਟੋਪੀ ਪਾਉਣ ਵਾਲੇ ਕਿਸੇ ਸ਼ਖਸ ਨੂੰ ਨਹੀਂ ਦੇਖਣਾ ਚਾਹੁੰਦੇ'
ਤਸਵੀਰ ਸਰੋਤ, Sat singh/bbc
- ਲੇਖਕ, ਸਤ ਸਿੰਘ
- ਰੋਲ, ਬੀਬੀਸੀ ਪੰਜਾਬੀ ਲਈ
- ਪ੍ਰਕਾਸ਼ਿਤ
- ਪੜ੍ਹਨ ਦਾ ਸਮਾਂ: 3 ਮਿੰਟ
ਕੋਰੋਨਾਵਾਇਰਸ ਦੇ ਫੈਲਾਅ ਅਤੇ ਤਬਲੀਗੀ ਜਮਾਤ ਦੇ ਇਕੱਠ ਨੂੰ ਜੋੜਦਿਆਂ ਦੇਸ ਅੰਦਰ ਇਸ ਮਹਾਂਮਾਰੀ ਨਾਲ ਸੰਪਰਦਾਇਕ ਰੰਗ ਜੁੜ ਗਿਆ ਹੈ। ਹਰਿਆਣਾ ਦੇ ਕੈਥਲ ਵਿੱਚ ਪੈਂਦੇ ਇੱਕ ਪਿੰਡ ਵਿੱਚ ਮੁਸਲਿਮ ਪਰਿਵਾਰਾਂ ਨੂੰ ਨਿਸ਼ਾਨਾ ਬਣਾਏ ਜਾਣ ਦੇ ਇਲਜਾਮ ਲੱਗੇ ਹਨ।
ਕੈਥਲ ਦੇ ਕਿਓਰਕ ਪਿੰਡ ਵਿੱਚ 10-12 ਮੁਸਲਿਮ ਪਰਿਵਾਰ ਕਈ ਸਾਲਾਂ ਤੋਂ ਰਹਿੰਦੇ ਹਨ। ਬਾਕੀ 14,000 ਦੇ ਕਰੀਬ ਅਬਾਦੀ ਹਿੰਦੂਆਂ ਦੀ ਹੈ।
ਪਿੰਡ ਦੇ 55 ਸਾਲਾ ਗਉਰ ਹਸਨ ਦਾ ਇਲਜਾਮ ਹੈ ਕਿ ਦਿੱਲੀ ਵਿੱਚ ਤਬਲੀਗੀ ਜਮਾਤ ਵਾਲੀ ਘਟਨਾ ਤੋਂ ਬਾਅਦ ਪਿੰਡ ਦੇ ਕੁਝ ਲੋਕਾਂ ਨੇ ਉਸ ਨੂੰ ਦਾੜ੍ਹੀ ਕਟਵਾ ਕੇ ਪਿੰਡ ਛੱਡ ਜਾਣ ਲਈ ਚੇਤਾਇਆ ਸੀ ਪਰ ਉਸ ਦੇ ਅਣਗੌਲਿਆਂ ਕਰਨ 'ਤੇ 5 ਅਪ੍ਰੈਲ ਨੂੰ ਉਸ ਦੇ ਘਰ 'ਤੇ ਪੱਥਰਾਂ-ਸੋਟੀਆਂ ਨਾਲ ਹਮਲਾ ਕੀਤਾ ਗਿਆ।
ਗਉਰ ਖਾਨ ਮੁਤਾਬਕ, ਉਸ ਨੇ ਅਮਨ ਦੇ ਖਾਤਰ, ਪੁਲਿਸ ਨੂੰ ਸੂਚਿਤ ਨਹੀਂ ਕੀਤਾ ਤੇ 7 ਅਪ੍ਰੈਲ ਨੂੰ ਉਸ ਦੀ ਦੁਕਾਨ ਅੱਗ ਦੇ ਹਵਾਲੇ ਕਰ ਦਿੱਤੀ ਗਈ।
ਤਸਵੀਰ ਸਰੋਤ, ASHWANI SHARMA/BBC
ਤਸਵੀਰ ਸਰੋਤ, Sat singh/bbc
ਗਉਰ ਹਸਨ ਦਾ ਇਲਜ਼ਾਮ ਹੈ ਕਿ ਉਨ੍ਹਾਂ ਨੂੰ ਧਮਕੀ ਦਿੱਤੀ ਗਈ ਹੈ ਕਿ ਉਹ ਪਿੰਡ ਵਿੱਚ ਦਾੜ੍ਹੀ ਰੱਖਣ ਅਤੇ ਮੁਸਲਮਾਨ ਟੋਪੀ ਵਾਲੇ ਕਿਸੇ ਸ਼ਖਸ ਨੂੰ ਨਹੀਂ ਦੇਖਣਾ ਚਾਹੁੰਦੇ।
ਗਉਰ ਹਸਨ ਨੇ ਕਿਹਾ, "ਸਾਡੇ ਪਰਿਵਾਰ ਪੰਜ ਦਹਾਕਿਆਂ ਤੋਂ ਇਸ ਪਿੰਡ ਵਿੱਚ ਰਹਿੰਦੇ ਹਨ, ਕਦੇ ਅਜਿਹਾ ਕੋਈ ਮਸਲਾ ਨਹੀਂ ਬਣਿਆ। ਹੁਣ ਫਿਰਕੂ ਮਾਹੌਲ, ਕੋਵਿਡ-19 ਦੇ ਮਸਲੇ ਨਾਲ ਹੋਰ ਭਖ ਗਿਆ ਹੈ।"
ਗਊਰ ਹਸਨ ਦੇ ਪਰਿਵਾਰ ਵਿੱਚੋਂ ਸਲੀਮ ਖਾਨ ਨੇ ਦੱਸਿਆ ਕਿ ਉਹ ਕਈ ਸਾਲਾਂ ਤੋਂ ਵੈਲਡਿੰਗ ਦੀ ਦੁਕਾਨ ਜ਼ਰੀਏ ਘਰ ਦਾ ਗੁਜਾਰਾ ਚਲਾਉਂਦੇ ਸਨ, ਹੁਣ ਕੁਝ ਗੈਰ-ਸਮਾਜਿਕ ਅਨਸਰ ਉਨ੍ਹਾਂ ਨੂੰ ਬਲੀ ਦਾ ਬੱਕਰਾ ਬਣਾ ਰਹੇ ਹਨ।
ਸਲੀਮ ਖਾਨ ਨੇ ਇਹ ਵੀ ਕਿਹਾ ਕਿ ਗਉਰ ਦੇ ਬੇਟੇ ਲੁਕੇਮਾਨ ਹਸਨ ਨੇ ਫੇਸਬੁੱਕ 'ਤੇ ਤਬਲੀਗੀ ਜਮਾਤ ਦੇ ਲੀਡਰ ਮੌਲਾਨਾ ਸਾਦ ਦੀ ਪੋਸਟ ਲਾਈਕ ਕੀਤੀ ਸੀ। ਉਸ ਨੇ ਤਬਲੀਗੀ ਜਮਾਤ ਦੇ ਹੱਕ ਵਿੱਚ ਕਮੈਂਟ ਕੀਤਾ ਸੀ।
ਤਸਵੀਰ ਸਰੋਤ, ASHWANI SHARMA/BBC
ਤਸਵੀਰ ਸਰੋਤ, Sat singh/bbc
ਉਨ੍ਹਾਂ ਦੱਸਿਆ ਕਿ ਲੁਕੇਮਾਨ ਦੇ ਅਜਿਹਾ ਕਰਨ ਦੀ ਉਹ ਪੰਚਾਇਤ ਸਾਹਮਣੇ ਮਾਫੀ ਮੰਗ ਚੁੱਕੇ ਹਨ ਅਤੇ ਪੁਲਿਸ ਲੁਕੇਮਾਨ ਦਾ ਫੋਨ ਸੀਜ਼ ਕਰਕੇ ਜਾਂਚ ਵੀ ਕਰ ਚੁੱਕੀ ਹੈ। ਇਸ ਦੇ ਨਾਲ ਹੀ ਫੇਸਬੁੱਕ ਤੋਂ ਕਮੈਂਟ ਵੀ ਹਟਾ ਦਿੱਤਾ ਗਿਆ ਸੀ।
"ਲੁਕੇਮਾਨ ਦੇ ਪੁਲਿਸ ਸਟੇਸ਼ਨ ਤੋਂ ਆਉਣ ਬਾਅਦ ਘਰ ਉੱਤੇ ਹਮਲਾ ਹੋਇਆ ਅਤੇ ਫਿਰ ਦੋ ਦਿਨ ਬਾਅਦ ਦੁਕਾਨ ਨੂੰ ਅੱਗ ਲਗਾ ਦਿੱਤੀ ਗਈ।"
ਤਸਵੀਰ ਸਰੋਤ, Sat singh/bbc
ਕੈਥਲ ਦੇ ਐਸਪੀ ਸ਼ਸ਼ਾਂਕ ਸਾਵਨ ਨੇ ਮੀਡੀਆ ਨੂੰ ਦੱਸਿਆ ਕਿ ਮੁਲਜ਼ਮਾਂ ਖਿਲਾਫ IPC ਦੀ 295, 436, 506, 188 ਧਾਰਾ ਦੇ ਹੇਠ ਕੇਸ ਦਰਜ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਦੋ ਜਣਿਆ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਉਨ੍ਹਾਂ ਦਾਅਵਾ ਕੀਤਾ ਹੈ ਕਿ ਕਿਸੇ ਨੂੰ ਵੀ ਨਫ਼ਰਤ ਫੈਲਾਉਣ ਅਤੇ ਸ਼ਾਂਤੀ ਭੰਗ ਨਹੀਂ ਕਰਨ ਦਿੱਤੀ ਜਾਏਗੀ। ਉਨ੍ਹਾਂ ਨੇ ਬਾਕੀ ਜਾਣਕਾਰੀਆਂ ਨੂੰ ਜਾਂਚ ਦਾ ਵਿਸ਼ਾ ਦੱਸਿਆ।
ਤਸਵੀਰ ਸਰੋਤ, MoHFW_INDIA
ਇਹ ਵੀਡੀਓਜ਼ ਵੀ ਦੇਖੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
