ਪੰਜਾਬ ਪੰਚਾਇਤੀ ਚੋਣਾਂ : ਸਰਪੰਚੀ 'ਚ ਸੱਸ ਨੂੰ ਹਰਾਉਣ ਤੋਂ ਬਾਅਦ ਨੂੰਹ ਨੇ ਕੀ ਕਿਹਾ
ਤਸਵੀਰ ਸਰੋਤ, PAl singh nauli/bbc
- ਲੇਖਕ, ਪਾਲ ਸਿੰਘ ਨੌਲੀ
- ਰੋਲ, ਬੀਬੀਸੀ ਪੰਜਾਬੀ ਲਈ
- ਪ੍ਰਕਾਸ਼ਿਤ
- ਪੜ੍ਹਨ ਦਾ ਸਮਾਂ: 3 ਮਿੰਟ
ਇੱਕ ਉਹ ਵੇਲਾ ਸੀ ਜਦੋਂ ਬਿਮਲਾ ਦੇਵੀ ਨੇ ਆਪਣੇ ਨਵੇਂ ਵਿਆਹੇ ਪੁੱਤ ਤੇ ਨੂੰਹ ਦਾ ਤੇਲ ਚੋਅ ਕੇ ਸੁਆਗਤ ਕੀਤਾ ਸੀ ਤੇ ਅੱਜ ਇਹ ਵੇਲਾ... ਜਦੋਂ ਸਰਪੰਚੀ ਹਾਰੀ ਬਿਮਲਾ ਦੇਵੀ ਨੇ ਆਪਣੀ ਜੇਤੂ ਨੂੰਹ ਕਮਲਜੀਤ ਕੌਰ ਦਾ ਸੁਆਗਤ ਕੀਤਾ ਪਰ ਚਿਹਰੇ 'ਤੇ ਮਾਯੂਸੀ ਸੀ।
ਜਲੰਧਰ ਦੇ ਪਿੰਡ ਬੇਗਮਪੁਰਾ ਵਿੱਚ ਨੂੰਹ-ਸੱਸ ਦੀ ਸਰਪੰਚੀ ਦੀ ਲੜਾਈ ਪੂਰੇ ਪੰਜਾਬ 'ਚ ਚਰਚਾ ਦਾ ਵਿਸ਼ਾ ਬਣੀ ਹੋਈ ਸੀ। ਐਤਵਾਰ ਨੂੰ ਆਏ ਚੋਣ ਨਤੀਜਿਆਂ ਵਿੱਚ ਨੂੰਹ ਕਮਲਜੀਤ ਨੇ ਆਪਣੀ ਸੱਸ ਬਿਮਲਾ ਦੇਵੀ ਨੂੰ 47 ਵੋਟਾਂ ਦੇ ਫਰਕ ਨਾਲ ਹਰਾ ਦਿੱਤਾ।
ਕਮਲਜੀਤ ਕੌਰ ਨੇ 88 ਵੋਟਾਂ ਹਾਸਲ ਕੀਤੀਆਂ ਜਦਕਿ ਉਸਦੀ ਸੱਸ ਨੂੰ 41 ਵੋਟਾਂ ਹੀ ਮਿਲੀਆਂ ਸਨ। ਬਿਮਲਾ ਦੇਵੀ ਪਿੰਡ ਦੀ 15 ਸਾਲਾਂ ਤੱਕ ਪੰਚ ਬਣਦੀ ਆ ਰਹੀ ਸੀ।
ਬੇਗਮਪੁਰਾ ਜਲੰਧਰ ਦਾ ਇੱਕ ਛੋਟਾ ਜਿਹਾ ਪਿੰਡ ਹੈ ਜਿੱਥੇ ਸਿਰਫ਼ 160 ਵੋਟਾਂ ਹੀ ਹਨ। ਹਾਲਾਂਕਿ ਇਸ ਪਿੰਡ ਵਿੱਚ ਤਿੰਨ ਉਮੀਦਵਾਰ ਸਰਪੰਚੀ ਲਈ ਖੜ੍ਹੇ ਸਨ ਪਰ ਮੁੱਖ ਮੁਕਾਬਲਾ ਨੂੰਹ-ਸੱਸ ਵਿੱਚ ਹੀ ਰਿਹਾ। ਤੀਜੀ ਉਮੀਦਵਾਰ ਨੂੰ ਸਿਰਫ 31 ਵੋਟਾਂ ਹੀ ਮਿਲੀਆਂ।
ਗਿਣਤੀ ਕੇਂਦਰ ਦੇ ਬਾਹਰ ਖੜ੍ਹੀ ਕਮਲਜੀਤ ਕੌਰ ਪੂਰੇ ਭਰੋਸੇ ਵਿੱਚ ਸੀ ਕਿ ਉਹ ਹੀ ਚੋਣ ਜਿੱਤੇਗੀ। ਚੋਣਾਂ ਵਿੱਚ ਆਪਣੀ ਸੱਸ ਨੂੰ ਹਰਾਉਣ ਤੋਂ ਬਾਅਦ ਪਿੰਡ ਦੇ ਗੁਰੂ ਘਰ ਵਿੱਚ ਮੱਥਾ ਟੇਕਿਆ।
ਇਹ ਵੀ ਪੜ੍ਹੋ:
ਤਸਵੀਰ ਸਰੋਤ, PAl singh nauli/bbc
'ਮੀਡੀਆ ਨੇ ਬਣਾਈ ਸੀ ਨੂੰਹ-ਸੱਸ ਦੀ ਲੜਾਈ'
ਸਰਪੰਚ ਬਣੀ ਕਮਲਜੀਤ ਕੌਰ ਕਹਿੰਦੀ ਹੈ ਕਿ ਚੋਣਾਂ ਦੀ ਲੜਾਈ ਕੋਈ ਨੂੰਹ-ਸੱਸ ਦੀ ਲੜਾਈ ਨਹੀਂ ਸੀ ਇਹ ਸਾਰਾ ਕੁਝ ਮੀਡੀਆ ਦੀ ਦੇਣ ਹੈ।
''ਮੀਡੀਆ ਨੇ ਵਾਰ-ਵਾਰ ਕਹਿ ਕੇ ਇਸ ਨੂੰ ਰਿਸ਼ਤਿਆਂ ਦੀ ਲੜਾਈ ਬਣਾ ਦਿੱਤਾ ਸੀ ਜਦਕਿ ਅਸਲ ਵਿੱਚ ਇਹ ਲੜਾਈ ਪੜ੍ਹਿਆਂ ਲਿਖਿਆਂ ਅਤੇ ਅਨਪੜ੍ਹਾਂ ਵਿੱਚ ਸੀ। ਲੋਕਾਂ ਨੇ ਚੁਣਨਾ ਸੀ ਕਿ ਉਹ ਆਪਣੀਆਂ ਧੀਆਂ ਨੂੰ ਪੜ੍ਹਾਉਣ ਚਾਹੁੰਦੇ ਹਨ ਜਾਂ ਨਹੀਂ।''
ਤਸਵੀਰ ਸਰੋਤ, PAl singh nauli/bbc
ਕਮਲਜੀਤ ਅੱਗੇ ਕਹਿੰਦੀ ਹੈ ਕਿ ਲੋਕਾਂ ਨੇ ਪੜ੍ਹੇ ਲਿਖਿਆਂ ਦਾ ਸਾਥ ਦੇ ਕੇ ਪਿੰਡ ਦੀ ਤਰੱਕੀ ਦਾ ਰਾਹ ਚੁਣਿਆ ਹੈ। ਗੁਰਦੁਆਰਾ ਸਾਹਿਬ ਵਿੱਚ ਕਮਲਜੀਤ ਨੇ ਲੋਕਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਹੁਣ ਸਭ ਨੇ ਇੱਕ ਹੋ ਕੇ ਚੱਲਣਾ ਹੈ।
ਕਮਲਜੀਤ ਨੇ ਚੋਣਾਂ ਦੌਰਾਨ ਅਣਜਾਣੇ ਵਿੱਚ ਹੋਈਆਂ ਗਲਤੀਆਂ ਲਈ ਮੁਆਫ਼ੀ ਵੀ ਮੰਗੀ।
ਗੁਰਦੁਆਰਾ ਸਾਹਿਬ ਵਿੱਚ ਮੱਥਾ ਟੇਕਣ ਤੋਂ ਬਾਅਦ ਕਮਲਜੀਤ ਕੌਰ ਸਮਰਥਕਾਂ ਨਾਲ ਆਪਣੇ ਘਰ ਗਈ ਜਿੱਥੇ ਮੁਕਾਬਲੇ ਵਿੱਚ ਪਿੱਛੜ ਗਈ ਸੱਸ ਨੇ ਤੇਲ ਚੋਅ ਕੇ ਨੂੰਹ ਦਾ ਸਵਾਗਤ ਕੀਤਾ ਤੇ ਉਸ ਦਾ ਮੂੰਹ ਮਿੱਠਾ ਕਰਵਾਇਆ।
ਇਹ ਵੀ ਪੜ੍ਹੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
ਹਾਲਾਂਕਿ ਸੱਸ ਬਿਮਲਾ ਦੇਵੀ ਨੂੰਹ ਹੱਥੋਂ ਹੋਈ ਹਾਰ ਕਾਰਨ ਮਾਯੂਸ ਸੀ ਪਰ ਸਾਬਕਾ ਸਰਪੰਚ ਰਾਮਪਾਲ ਦੇ ਕਹਿਣ 'ਤੇ ਉਨ੍ਹਾਂ ਨੇ ਆਪਣੀ ਨੂੰਹ ਦਾ ਤੇਲ ਚੋਅ ਕੇ ਸਵਾਗਤ ਕੀਤਾ।
ਦਿਲਚਸਪ ਗੱਲ ਇਹ ਵੀ ਹੈ ਕਿ ਸੱਸ ਦੇ ਹਾਰ ਜਾਣ ਕਾਰਨ ਨੂੰਹ ਕਮਲਜੀਤ ਕੌਰ ਨੇ ਆਪਣੇ ਸਮਰਥਕਾਂ ਨੂੰ ਢੋਲ ਵਜਾਉਣ ਤੋਂ ਮਨ੍ਹਾਂ ਕੀਤਾ ਹੋਇਆ ਸੀ।
ਚੋਣ ਪ੍ਰਚਾਰ ਦੌਰਾਨ ਘਰ ਵਿੱਚ ਤਣਾਅ ਬਣਿਆ ਹੋਇਆ ਸੀ ਪਰ ਆਪਣੀ ਹਾਰ ਤੋਂ ਬਾਅਦ ਵੀ ਸੱਸ ਬਿਮਲਾ ਦੇਵੀ ਵੱਲੋਂ ਨੂੰਹ ਕਮਲਜੀਤ ਨੂੰ ਦਿੱਤੇ ਅਸ਼ੀਰਵਾਦ ਨਾਲ ਕੁੱਝ ਹੱਦ ਤੱਕ ਇਹ ਕੁੜੱਤਣ ਘੱਟ ਜ਼ਰੂਰ ਗਈ ਹੈ।
ਤਸਵੀਰ ਸਰੋਤ, PAl singh nauli/bbc
ਦਰਾਣੀ-ਜਠਾਣੀ ਦੀ ਲੜਾਈ
ਜਲੰਧਰ ਦੇ ਪਿੰਡ ਪਤਾਰਾ ਵਿੱਚ ਵਾਰਡ ਨੰਬਰ 4 ਤੋਂ ਪੰਚੀ ਦੀ ਚੋਣ ਲਈ ਦਰਾਣੀਆਂ-ਜਠਾਣੀਆਂ ਆਹਮੋ-ਸਾਹਮਣੇ ਸਨ।
ਇਸ ਚੋਣ ਵਿੱਚ ਜਠਾਣੀ ਨੇ ਦਰਾਣੀ ਨੂੰ ਹਰਾਇਆ। ਜੇਠਾਣੀ ਨੇ ਪੰਚੀ ਵਿੱਚ ਦਰਾਣੀ ਨੂੰ ਹਰਾ ਕੇ ਕਿਹਾ ਕਿ ਰਿਸ਼ਤਿਆਂ ਵਿੱਚ ਇਸਦਾ ਕੋਈ ਫਰਕ ਨਹੀਂ ਪਵੇਗਾ।
ਤਸਵੀਰ ਸਰੋਤ, PAl singh nauli/bbc
ਜੇਠਾਣੀ ਸੁਖਵਿੰਦਰ ਕੌਰ ਨੇ ਚੋਣਾਂ ਵਿੱਚ 105 ਵੋਟਾਂ ਲੈ ਕੇ ਆਪਣੀ ਦਰਾਣੀ ਸਰਬਜੀਤ ਕੌਰ ਨੂੰ ਹਰਾਇਆ।
ਜੇਤੂ ਰਹੀ ਸੁਖਵਿੰਦਰ ਕੌਰ ਨੇ ਪਿੰਡ ਵਿੱਚ ਲੇਡੀਜ਼ ਜਿਮ ਬਣਾਉਣ ਦਾ ਵਾਅਦਾ ਕੀਤਾ ਸੀ।
ਸੁਖਵਿੰਦਰ ਕੌਰ ਦਾ ਕਹਿਣਾ ਸੀ, ''ਇਹ ਜਿੱਤ ਰਿਸ਼ਤਿਆਂ ਨੂੰ ਟੁੱਟਣ ਨਹੀਂ ਦੇਵੇਗੀ। ਥੋੜ੍ਹੇ ਸਮੇਂ ਬਾਅਦ ਸਾਰਾ ਕੁਝ ਆਮ ਵਰਗਾ ਹੋ ਜਾਵੇਗਾ। ਉਸ ਨੂੰ ਆਪ ਘਰ ਜਾ ਕੇ ਮਨਾਵਾਂਗੀ। ਪਹਿਲਾਂ ਵੀ ਅਸੀਂ ਭੈਣਾਂ ਬਣਕੇ ਰਹੀਆਂ ਸੀ ਤੇ ਹੁਣ ਵੀ ਇਸੇ ਤਰ੍ਹਾਂ ਰਹਾਂਗੀਆਂ।''
ਦੋਵੇਂ ਭਰਾ ਚੋਣ ਹਾਰੇ
ਜਲੰਧਰ ਦੇ ਹੀ ਬੁੱਢਿਆਣਾ ਵਿੱਚ ਦੋ ਸਕੇ ਭਰਾ ਆਹਮੋ-ਸਾਹਮਣੇ ਖੜ੍ਹੇ ਸਨ। ਚੋਣ ਵਿੱਚ ਦੋਵੇਂ ਭਰਾਵਾਂ ਨੂੰ ਹਾਰ ਦਾ ਮੂੰਹ ਦੇਖਣਾ ਪਿਆ।
ਇੱਕ ਭਰਾ ਸਤਪਾਲ 170 ਵੋਟਾਂ ਲੈ ਕੇ ਦੂਜੇ ਨੰਬਰ 'ਤੇ ਰਹੇ ਹਨ ਜਦਕਿ ਉਨ੍ਹਾਂ ਦੇ ਵੱਡੇ ਭਰਾ ਨੂੰ ਸਿਰਫ 70 ਵੋਟਾਂ ਹੀ ਪਈਆਂ ਹਨ।
ਇਸ ਪਿੰਡ 'ਚ ਇਨ੍ਹਾਂ ਦੋ ਭਰਾ ਤੋਂ ਇਲਾਵਾ ਦੋ ਹੋਰ ਉਮੀਦਵਾਰ ਸਨ ਜਿਨ੍ਹਾਂ ਵਿੱਚ ਹਰਮੇਸ਼ ਲਾਲ 570 ਵੋਟਾਂ ਲੈ ਕੇ ਸਰਪੰਚੀ ਦੀ ਚੋਣ ਜਿੱਤ ਗਏ ਤੇ ਇੱਕ ਹੋਰ ਉਮੀਦਵਾਰ ਹਰਬੰਸ ਲਾਲ ਨੂੰ 130 ਵੋਟਾਂ ਹੀ ਪਈਆਂ।
ਤਸਵੀਰ ਸਰੋਤ, PAl singh nauli/bbc
ਇਹ ਵੀ ਪੜ੍ਹੋ:
