ਸੰਗਰੂਰ: ਸਿੰਗਾਪੁਰ ਦੀ ਟੀਮ ਨੇ ਕਿਵੇਂ ਬਦਲੀ ਸਰਕਾਰੀ ਸਕੂਲ ਦੀ ਨੁਹਾਰ?
ਤਸਵੀਰ ਸਰੋਤ, bbc/Sukhcharan preet
ਪੰਜਾਬ ਦੇ ਜ਼ਿਲ੍ਹਾ ਸੰਗਰੂਰ ਦੇ ਪਿੰਡ ਰੱਤੋਕੇ 'ਚ ਸਮਾਜ ਸੇਵੀ ਸੰਸਥਾ ਦੀ ਸਿੰਗਾਪੁਰ ਤੋਂ ਆਈ 21 ਮੈਂਬਰੀ ਟੀਮ ਨੇ ਇੱਥੋਂ ਦੇ ਸਰਕਾਰੀ ਸਕੂਲ ਦੀ ਨੁਹਾਰ ਬਦਲ ਦਿੱਤੀ ਹੈ।
ਇਸ ਸਮਾਜ ਸੇਵੀ ਸੰਸਥਾ ਨੇ 15 ਲੱਖ ਰੁਪਏ ਖ਼ਰਚ ਕਰਕੇ ਦਫਤਰ,ਲਾਇਬਰੇਰੀ,ਸਟਾਫ ਅਤੇ ਬੱਚਿਆਂ ਲਈ ਵੱਖਰੇ ਪਖਾਨੇ ਬਣਵਾਏ ਅਤੇ ਇੰਟਰਲੌਕ ਟਾਇਲਾਂ ਵੀ ਲਗਵਾਈਆਂ ਹਨ।
ਤਸਵੀਰ ਸਰੋਤ, bbc/Sukhcharan preet
ਟੀਮ ਨੇ ਇਸ ਸਕੂਲ ਨੂੰ ਆਪਣੇ ਹੱਥੀਂ ਪੇਂਟ ਕੀਤਾ ਹੈ ਅਤੇ ਸਕੂਲ ਦੀਆਂ ਕੰਧਾਂ 'ਤੇ ਖੁਬਸੂਰਤ ਚਿੱਤਰ ਵੀ ਬਣਾਏ ਹਨ।
21 ਨੌਜਵਾਨਾਂ ਦੀ ਇਸ ਟੀਮ ਵਿੱਚ ਸਿੰਗਾਪੁਰ ਦੇ ਵੱਖ ਵੱਖ ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਦੇ ਵਿਦਿਆਰਥੀ ਹਨ।
ਤਸਵੀਰ ਸਰੋਤ, bbc/Sukhcharan preet
ਜਿੰਨ੍ਹਾਂ ਨੇ ਲਗਾਤਾਰ ਤਿੰਨ ਹਫ਼ਤੇ ਸਖ਼ਤ ਮਿਹਨਤ ਕਰਕੇ ਇਸ ਸਕੂਲ ਨੂੰ ਨਵੀਂ ਦਿੱਖ ਦਿੱਤੀ ਹੈ।
ਸੰਸਥਾ ਦੇ ਸੰਸਥਾਪਕ ਸਤਵੰਤ ਸਿੰਘ ਮੁਤਾਬਕ ਉਹ ਹਰ ਸਾਲ ਦਸੰਬਰ ਵਿੱਚ ਨਵੇਂ ਸਵੈ-ਸੇਵਕਾਂ ਨਾਲ ਪੰਜਾਬ ਆਉਂਦੇ ਹਨ ਅਤੇ 'ਖਵਾਹਿਸ਼ ਪ੍ਰੋਜੈਕਟ' ਦੇ ਤਹਿਤ ਇੱਕ ਸਰਕਾਰੀ ਸਕੂਲ ਦੀ ਚੋਣ ਕਰਦੇ ਹਨ।
ਤਸਵੀਰ ਸਰੋਤ, bbc/Sukhcharan preet
ਜਿੱਥੇ ਉਹ ਲਾਇਬਰੇਰੀ,ਅਧਿਆਪਕਾਂ ਲਈ ਕਮਰੇ ਅਤੇ ਬਾਥਰੂਮਾਂ ਬਣਾਉਂਦੇ ਹਨ।
ਇਸ ਕੰਮ ਲਈ ਉਨ੍ਹਾਂ ਦਾ ਬਜਟ 10 ਤੋਂ 15 ਲੱਖ ਦਾ ਹੁੰਦਾ ਹੈ। ਇਸ ਤੋਂ ਇਲਾਵਾ ਉਹ ਸਕੂਲ ਨੂੰ ਪੇਂਟ ਵੀ ਕਰਦੇ ਹਨ।
ਤਸਵੀਰ ਸਰੋਤ, bbc/Sukhcharan preet
ਸਰਕਾਰੀ ਪ੍ਰਾਈਮਰੀ ਸਕੂਲ, ਰੱਤੋਕੇ ਇਸ ਸੰਸਥਾ ਵੱਲੋਂ ਅਪਣਾਇਆ ਗਿਆ ਪੰਜਾਬ ਦਾ 17ਵਾਂ ਸਕੂਲ ਹੈ।
ਸਕੂਲ ਇੰਚਾਰਜ ਸੁਰਿੰਦਰ ਸਿੰਘ ਅਤੇ ਉਨ੍ਹਾਂ ਦੀ ਅਧਿਆਪਕ ਪਤਨੀ ਰੇਨੂੰ ਸਿੰਗਲਾ ਨੂੰ ਇਸ ਸਕੂਲ ਦੀਆਂ ਵਿਲੱਖਣ ਪ੍ਰਾਪਤੀਆਂ ਕਰਕੇ ਪੰਜਾਬ ਸਰਕਾਰ ਵੱਲੋਂ ਸਟੇਟ ਅਵਾਰਡ ਵੀ ਮਿਲ ਚੁੱਕਾ ਹੈ।
ਤਸਵੀਰ ਸਰੋਤ, bbc/Sukhcharan preet
ਪੜ੍ਹਾਈ ਵਿੱਚ ਪ੍ਰਾਈਵੇਟ ਸਕੂਲਾਂ ਦਾ ਮੁਕਾਬਲਾ ਕਰਨ ਤੋਂ ਇਲਾਵਾ ਇਸ ਸਕੂਲ ਦੇ ਬੱਚੇ ਖੋ-ਖੋ, ਕਬੱਡੀ, ਅਥਲੈਟਿਕਸ, ਸੁੰਦਰ ਲਿਖਾਈ, ਭਾਸ਼ਨ ਮੁਕਾਬਲਾ ਅਤੇ ਕਲੇਅ ਮੌਡਲਿੰਗ ਵਿੱਚ ਹਰ ਸਾਲ ਸੂਬਾ ਪੱਧਰ 'ਤੇ ਇਨਾਮ ਹਾਸਲ ਕਰਦੇ ਹਨ।
