ਆਈਫ਼ੋਨ 15 ’ਚ ਕਿਹੜੇ ਨਵੇਂ ਫੀਚਰ ਹਨ, ਕਿੰਨੀ ਕੀਮਤ ਹੈ ਤੇ ਬੈਟਰੀ ਕਿਵੇਂ ਖ਼ਾਸ ਹੈ
ਤਸਵੀਰ ਸਰੋਤ, Getty Images
ਐੱਪਲ ਨੇ 12 ਸਤੰਬਰ ਨੂੰ ਆਈਫ਼ੋਨ 15 ਲਾਂਚ ਕਰ ਦਿੱਤਾ ਹੈ ਅਤੇ ਇਸ ਦੇ ਨਾਲ ਹੀ ਕੰਪਨੀ ਨੇ ਸੀਰੀਜ਼ 9 ਵਾਚ, ਐਪਲ ਵਾਚ ਅਲਟਰਾ 2 ਅਤੇ ਏਅਰਪੋਡਸ ਵੀ ਲਾਂਚ ਕੀਤੇ ਹਨ।
ਜਦੋਂ ਤੋਂ ਐੱਪਲ ਨੇ ਆਈਫ਼ੋਨ ਦੀ ਇਸ ਨਵੀਂ ਸੀਰੀਜ਼ ਦਾ ਐਲਾਨ ਕੀਤਾ ਸੀ, ਉਦੋਂ ਤੋਂ ਹੀ ਲੋਕਾਂ ਵਿੱਚ ਆਈਫ਼ੋਨ 15 ਨੂੰ ਲੈ ਕੇ ਉਤਸਾਹ ਬਣਿਆ ਹੋਇਆ ਸੀ।
ਇਸ ਰਿਪੋਰਟ ਰਾਹੀਂ ਜਾਣਦੇ ਹਾਂ ਕਿ ਆਈਫ਼ੋਨ 15, ਸੀਰੀਜ਼ 9 ਵਾਚ ਅਤੇ ਨਵੇਂ ਏਅਰਪੋਡਸ ਦੇ ਨਾਲ ਕੰਪਨੀ ਕੀ ਨਵਾਂ ਲੈ ਕੇ ਆਈ ਹੈ:
ਆਈਫੋਨ 15 ਦੇ ਮਾਡਲ
ਤਸਵੀਰ ਸਰੋਤ, APPLE
ਐੱਪਲ ਨੇ ਹਰ ਵਾਰ ਵਾਂਗ ਇੱਕ ਈਵੈਂਟ ਦਾ ਆਯੋਜਨ ਕੀਤਾ ਜਿਸ ਨੂੰ ਲਾਈਵ ਸਟਰੀਮ ਕੀਤਾ ਗਿਆ। ਐੱਪਲ ਦੇ ਸੀਏਓ ਟਿਮ ਕੁਕ ਨੇ ਇਸ ਈਵੈਂਟ ਨੂੰ ਸੰਬੋਧਨ ਕੀਤਾ।
ਐੱਪਲ ਕੰਪਨੀ ਦੇ ਵੱਖ-ਵੱਖ ਵਿਭਾਗਾਂ ਦੇ ਮਾਹਿਰਾਂ ਨੇ ਵੀ ਇਸ ਈਵੈਂਟ ਨੂੰ ਸੰਬੋਧਨ ਕੀਤਾ।
ਖ਼ਬਰ ਏਜੰਸੀ ਰਾਇਟਰਸ ਮੁਤਾਬਕ ਐੱਪਲ ਨੇ ਆਈਫੋਨ 15, ਆਈਫੋਨ 15 ਪਲੱਸ, ਆਈਫੋਨ 15 ਪ੍ਰੋ ਅਤੇ ਆਈਫੋਨ 15 ਪ੍ਰੋ ਮੈਕਸ ਮਾਡਲ ਲਾਂਚ ਕੀਤੇ ਹਨ।
ਡਿਸਪਲੇ
ਪਹਿਲੇ ਫੋਨਾਂ ਵਾਂਗ ਹੀ, ਆਈਫੋਨ 15 ਅਤੇ 15 ਪ੍ਰੋ ਲਈ 6.1-ਇੰਚ ਅਤੇ ਆਈਫੋਨ 15 ਪਲੱਸ ਅਤੇ 15 ਪ੍ਰੋ ਮੈਕਸ ਲਈ 6.7-ਇੰਚ ਦਾ ਡਿਸਪਲੇ ਦਿੱਤਾ ਗਿਆ ਹੈ।
ਕੰਪਨੀ ਦਾ ਕਹਿਣਾ ਹੈ ਕਿ ਇਨ੍ਹਾਂ ਫ਼ੋਨਾਂ ਵਿੱਚ ਬ੍ਰਾਈਟਨੇਸ ਪਹਿਲਾਂ ਨਾਲੋਂ ਬਿਹਤਰ ਹੋਵੇਗੀ, ਜਿਸ ਨਾਲ ਉਪਭੋਗਤਾ ਨੂੰ ਤਸਵੀਰਾਂ, ਵੀਡੀਓ ਆਦਿ ਦਾ ਹੋਰ ਬਿਹਤਰ ਅਨੁਭਵ ਮਿਲੇਗਾ।
ਤਸਵੀਰ ਸਰੋਤ, Getty Images
ਕੀਮਤ
ਆਈਫੋਨ 15 ਪ੍ਰੋ ਅਤੇ ਆਈਫੋਨ 15 ਲਈ ਤੁਹਾਨੂੰ ਕ੍ਰਮਵਾਰ 1,34,900 ਰੁਪਏ ਅਤੇ 79,900 ਦੀ ਕੀਮਤ ਅਦਾ ਕਰਨੀ ਪਵੇਗੀ।
ਆਈਫੋਨ 15 ਪ੍ਰੋ ਮੈਕਸ ਦੀ ਕੀਮਤ 1,59,900 ਹੈ।
ਆਈਫੋਨ 15 ਪਲਸ ਦੀ ਕੀਮਤ 89,900 ਹੈ।
ਤਸਵੀਰ ਸਰੋਤ, Getty Images
ਕੈਮਰਾ
ਸਾਰੇ ਨਵੇਂ ਮਾਡਲਾਂ ਵਿੱਚ ਇੱਕ 48-ਮੈਗਾਪਿਕਸਲ ਦਾ ਮੁੱਖ ਕੈਮਰਾ ਦਿੱਤਾ ਗਿਆ ਹੈ ਅਤੇ ਫਲੈਗਸ਼ਿਪ ਪ੍ਰੋ ਮੈਕਸ ਵਿੱਚ 5X ਆਪਟੀਕਲ ਜ਼ੂਮ ਅਤੇ 3X ਟੈਲੀਫੋਟੋ ਦੀ ਸਮਰੱਥਾ ਹੈ।
ਇਸ ਦੇ ਪ੍ਰੋ ਡਿਵਾਈਸਾਂ ਨਾਲ, ਉਪਭੋਗਤਾ "ਸਪੇਸ਼ੀਅਲ" ਜਾਂ (3ਡੀ ਵੀਡੀਓ) ਰਿਕਾਰਡ ਕਰ ਸਕਦੇ ਹਨ, ਜੋ ਐਪਲ ਦੇ ਆਉਣ ਵਾਲੇ ਵਿਜ਼ਨ ਪ੍ਰੋ ਹੈੱਡਸੈੱਟ 'ਤੇ ਦੇਖੇ ਜਾ ਸਕਦੇ ਹਨ।
ਤਸਵੀਰ ਸਰੋਤ, Getty Images
ਐਕਸ਼ਨ ਬਟਨ
ਇਨ੍ਹਾਂ ਦੋਵੇਂ ਫੋਨਾਂ ਵਿੱਚ ਮਿਊਟ ਸਵਿੱਚ ਦੀ ਥਾਂ 'ਤੇ ਇੱਕ "ਐਕਸ਼ਨ ਬਟਨ" ਦਿੱਤਾ ਗਿਆ ਹੈ, ਜਿਸ ਨੂੰ ਕਈ ਤਰ੍ਹਾਂ ਦੇ ਫੰਕਸ਼ਨਾਂ ਲਈ ਵਰਤਿਆ ਜਾ ਸਕਦਾ ਹੈ।
ਟਾਈਟੇਨੀਅਮ ਬਾਰ
ਇਸ ਦੇ ਨਾਲ ਹੀ ਸਾਈਡ ਬਾਰਾਂ ਲਈ ਸਟੇਨਲੈਸ ਸਟੀਲ ਦੀ ਬਜਾਏ ਟਾਈਟੇਨੀਅਮ ਦੀ ਵਰਤੋਂ ਕੀਤੀ ਗਈ ਹੈ, ਜੋ ਕਿ ਪਹਿਲਾਂ ਵਾਲੀ ਧਾਤੂ ਨਾਲੋਂ ਜ਼ਿਆਦਾ ਮਜ਼ਬੂਤ ਹੈ।
USB-C ਚਾਰਜਰ
ਤਸਵੀਰ ਸਰੋਤ, Getty Images
ਇਸ ਵਾਰ ਆਈਫੋਨ ਦਾ ਚਾਰਜਰ USB-C (ਕੇਬਲ) ਵਾਲਾ ਹੈ।
ਇਸ ਤੋਂ ਪਹਿਲਾਂ ਆਈਫੋਨ ਦਾ ਚਾਰਜਰ ਲਾਈਟਨਿੰਗ ਕੇਬਲ ਵਾਲਾ ਹੈ, ਜਦਕਿ ਬਜ਼ਾਰ 'ਚ ਮੌਜੂਦ ਜ਼ਿਆਦਾਤਰ ਹੋਰ ਡਿਵਾਈਸਾਂ - ਜਿਨ੍ਹਾਂ ਵਿੱਚ ਕੁਝ ਐਪਲ ਦੇ ਵੀ ਹਨ, USB-C ਦੀ ਵਰਤੋਂ ਕਰਦੇ ਹਨ।
ਦੋਵੇਂ ਪ੍ਰਕਾਰ ਦੇ ਕੇਬਲ 'ਚ ਫਰਕ ਇਹ ਹੈ ਕਿ ਦੋਵੇਂ ਵੱਖ-ਵੱਖ ਆਕਾਰ ਹਨ।
ਦੱਸ ਦੇਈਏ ਕਿ ਯੂਰਪੀਅਨ ਸੰਘ ਦੇ ਇੱਕ ਕਾਨੂੰਨ ਮੁਤਾਬਕ, ਮੋਬਾਈਲ ਨਿਰਮਾਤਾ ਕੰਪਨੀਆਂ ਨੂੰ ਕਿਹਾ ਗਿਆ ਹੈ ਕਿ ਦਸੰਬਰ 2024 ਤੱਕ ਸਾਰੀਆਂ ਪੋਰਟੇਬਲ ਡਿਵਾਈਸਾਂ ਲਈ ਇੱਕੋਂ ਤਰ੍ਹਾਂ ਦੇ ਚਾਰਜਰ (ਕੇਬਲ) ਦਾ ਇਸਤੇਮਾਲ ਹੋਣਾ ਚਾਹੀਦਾ ਹੈ।
ਇਸ ਦਾ ਮੁੱਖ ਉਦੇਸ਼ ਉਪਭੋਗਤਾਵਾਂ ਦੇ ਪੈਸੇ ਬਚਾਉਣਾ ਹੈ।
ਐਪਲ ਦਾ ਦਾਅਵਾ ਹੈ ਕਿ ਇਸ USB-C ਕੇਬਲ ਰਾਹੀਂ ਆਈਫ਼ੋਨ ਤੋਂ ਐਪਲ ਦੇ ਹੋਰ ਡਿਵਾਇਸਾਂ ਵਿੱਚ ਹਾਈ ਕੁਆਲਿਟੀ ਵਾਲੇ ਵੀਡੀਓ ਨੂੰ ਆਸਾਨੀ ਨਾਲ ਭੇਜਿਆ ਜਾ ਸਕੇਗਾ ਉਹ ਵੀ ਬਿਨਾਂ ਕੁਆਲਿਟੀ ਖਰਾਬ ਹੋਏ।
ਗੇਮਿੰਗ
ਆਈਫੋਨ 15 ਅਤੇ ਆਈਫੋਨ 15 ਪਲੱਸ ਵਿੱਚ ਏ16 ਬਾਇਓਨਿਕ ਚਿੱਪ ਹੈ, ਜਦਕਿ ਆਈਫੋਨ 15 ਪ੍ਰੋ ਅਤੇ ਪ੍ਰੋ ਮੈਕਸ ਵਿੱਚ ਏ17 ਪ੍ਰੋ ਚਿੱਪ ਦਿੱਤੀ ਗਈ ਹੈ।
ਕੰਪਨੀ ਦਾ ਕਹਿਣਾ ਹੈ ਕਿ ਪ੍ਰੋ ਲਾਈਨ 'ਤੇ ਹਾਰਡਵੇਅਰ ਡਿਵਾਈਸਾਂ ਨੂੰ ਉੱਚ ਪੱਧਰੀ ਮੋਬਾਈਲ ਗੇਮਿੰਗ ਲਈ ਢੁਕਵਾਂ ਬਣਾਇਆ ਗਿਆ ਹੈ।
ਬੈਟਰੀ
ਤਸਵੀਰ ਸਰੋਤ, Getty Images
ਐਪਲ ਨੇ ਇਹ ਵੀ ਕਿਹਾ ਕਿ ਆਈਫੋਨ 15 ਅਤੇ ਆਈਫੋਨ 15 ਪਲੱਸ ਦੀਆਂ ਬੈਟਰੀਆਂ 100% ਰੀਸਾਈਕਲ ਕੀਤੇ ਕੋਬਾਲਟ ਨਾਲ ਬਣੀਆਂ ਹਨ।
ਐਪਲ ਵਾਚ
ਤਸਵੀਰ ਸਰੋਤ, Apple
ਐਪਲ ਨੇ (ਘੜੀਆਂ) ਵਾਚ ਸੀਰੀਜ਼ 9 ਅਤੇ ਵਾਚ ਅਲਟਰਾ ਦੀ ਦੂਜੀ ਜੈਨੇਰਸ਼ਨ ਦੀ ਘੋਸ਼ਣਾ ਕੀਤੀ, ਜਿਨ੍ਹਾਂ ਵਿੱਚ ਪਿਛਲੇ ਵਰਜ਼ਨ ਵਾਲੀਆਂ ਖੂਬੀਆਂ ਹੋਣਗੀਆਂ।
ਇਨ੍ਹਾਂ ਨਵੀਆਂ ਘੜੀਆਂ ਵਿੱਚ ਨੈਕਸਟ ਜੈਨਰੇਸ਼ਨ ਦੀ S9 ਚਿੱਪ ਮਿਲੇਗੀ, ਜਿਸ ਨਾਲ ਬਿਹਤਰ ਐਨੀਮੇਸ਼ਨ ਅਤੇ ਇਫੈਕਟ ਦਾ ਅਨੁਭਵ ਮਿਲੇਗਾ। ਐਪਲ ਦੁਆਰਾ 2020 ਵਿੱਚ ਸੀਰੀਜ਼ 6 ਲਾਈਨ ਜਾਰੀ ਕੀਤੇ ਜਾਣ ਤੋਂ ਬਾਅਦ ਇਹ ਪਹਿਲਾ ਪ੍ਰੋਸੈਸਰ ਅਪਗ੍ਰੇਡ ਹੈ।
ਇਨ੍ਹਾਂ ਦੀਆਂ ਨਵੀਆਂ ਵਿਸ਼ੇਸ਼ਤਾਵਾਂ ਵਿੱਚ - "ਡਬਲ ਟੈਪ", ਘੜੀ ਦੀ ਸਕਰੀਨ ਨੂੰ ਛੂਹੇ ਬਿਨਾਂ ਨਿਯੰਤਰਿਤ ਕਰਨਾ, ਅਤੇ ਡਿਕਟੇਸ਼ਨ ਤੇ ਬ੍ਰਾਈਟਨੈਸ ਵਿੱਚ ਸੁਧਾਰ ਸ਼ਾਮਲ ਹੈ।
ਅਲਟਰਾ 2 ਨੂੰ ਇੱਕ ਨਵਾਂ ਕਸਟਮਾਈਜ਼ਡ ਵਾਚ ਫੇਸ ਦਿੱਤਾ ਗਿਆ ਹੈ, ਇਸ ਵਿੱਚ ਵਰਕਆਉਟ (ਕਸਰਤ) ਬਾਰੇ ਹੋਰ ਜਾਣਕਾਰੀ ਸ਼ਾਮਲ ਕੀਤੀ ਗਈ ਹੈ।
ਕੰਪਨੀ ਦਾ ਦਾਅਵਾ ਹੈ ਕਿ ਇਸ ਦੀ ਬੈਟਰੀ ਆਮ ਇਸਤੇਮਾਲ 'ਤੇ 36 ਘੰਟਿਆਂ ਤੱਕ ਚੱਲੇਗੀ ਲੋਅ-ਪਾਵਰ ਸੈਟਿੰਗ 'ਤੇ 72 ਘੰਟਿਆਂ ਤੱਕ ਚੱਲੇਗੀ।
ਤਸਵੀਰ ਸਰੋਤ, Getty Images
ਸੀਰੀਜ਼ 9 ਦੀ ਸ਼ੁਰੂਆਤ 33,068 ਰੁਪਏ (399 ਡਾਲਰ) ਤੋਂ ਹੁੰਦੀ ਹੈ, ਜਦਕਿ ਅਲਟਰਾ 2, 66,219 ਰੁਪਏ (799 ਡਾਲਰ) ਹੈ।
ਕੰਪਨੀ ਮੁਤਾਬਕ, ਸੀਰੀਜ਼ 9 ਕੰਪਨੀ ਦਾ ਪਹਿਲਾ ਕਾਰਬਨ ਨਿਊਟ੍ਰਲ ਉਤਪਾਦ (ਪ੍ਰਦੂਸ਼ਣ ਰਹਿਤ) ਹੈ, ਅਤੇ ਇਸ ਸਾਲ ਤੋਂ ਸਾਰੀਆਂ ਘੜੀਆਂ ਦੇ ਨਿਰਮਾਣ ਵਿੱਚ 100% ਪ੍ਰਦੂਸ਼ਣ ਰਹਿਣ ਹੋਣਗੀਆਂ।
ਐਪਲ ਦਾ ਕਹਿਣਾ ਹੈ ਕਿ ਹੁਣ ਉਹ ਆਪਣੇ ਕਿਸੇ ਵੀ ਉਤਪਾਦ ਵਿੱਚ ਚਮੜੇ ਦਾ ਪ੍ਰਯੋਗ ਵੀ ਨਹੀਂ ਕਰਨਗੇ, ਇੱਥੋਂ ਤੱਕ ਕਿ ਘੜੀਆਂ ਦੇ ਬੈਂਡਸ (ਬੈਲਟਾਂ) ਵਿੱਚ ਵੀ ਨਹੀਂ।
ਏਅਰਪੌਡਸ
ਐਪਲ ਨੇ ਸੈਕਿੰਡ ਜੈਨਰੇਸ਼ਨ ਦੇ ਏਅਰਪੌਡਸ ਪ੍ਰੋ ਵੀ ਰਿਲੀਜ਼ ਕੀਤੇ ਹਨ, ਜਿਨ੍ਹਾਂ ਦੀ ਕੀਮਤ 20,635 ਰੁਪਏ (249 ਡਾਲਰ) ਹੈ।
ਇਨ੍ਹਾਂ ਵਿੱਚ ਆਵਾਜ਼ ਦੀ ਗੁਣਵੱਤਾ ਵਿੱਚ ਸੁਧਾਰ ਮਿਲੇਗਾ ਅਤੇ ਪਹਿਲਾਂ ਵਾਲੇ ਏਅਰਪੋਡਸ ਦੇ ਮੁਕਾਬਲੇ ਦੁੱਗਣੇ ਪੱਧਰ 'ਤੇ ਸ਼ੋਰ ਨੂੰ ਘੱਟ ਕਰਨ ਦੀ ਸਮਰੱਥਾ ਹੋਵੇਗੀ। ਇਸ ਦੇ ਨਾਲ ਹੀ ਇਸ ਵਿੱਚ ਵੱਖੋ-ਵੱਖਰੇ ਆਕਾਰਾਂ ਦੇ ਈਅਰ ਟਿਪ ਮਿਲਣਗੇ।
