अमेरिकेच्या राष्ट्राध्यक्षपदाच्या निवडणुकीत अनेक नाट्यमय घडामोडी घडताना दिसत आहेत. पेन्सिल्वेनियातील अधिकाऱ्यांनी दिलेल्या माहितीनुसार, राज्यातली 95 टक्के मतमोजणी झाली असून, बायडन यांना ट्रंप यांच्यापेक्षा 5,587 जास्त मतं मिळाली आहेत.
अमेरिकेच्या विविध राज्यांमध्ये पोस्टल मतं स्वीकारण्यासाठीची अंतिम तारीख वेगवेगळी आहे. म्हणून अनेकदा निवडणुकीचा दिवस उलटून गेल्यावरही इथली मतमोजणी सुरू असते. यावर्षी कोरोना व्हायरसच्या साथीमुळे लाखो लोकांनी पोस्टाने मतपत्रिका पाठवलेल्या आहेत आणि म्हणूनच मतमोजणीला अधिक वेळ लागतोय.
अमेरिकेच्या विविध राज्यांमधून आतापर्यंत आलेले कल.ॲरिझोना, नॉर्थ कॅरोलिना, नेवाडा, जॉर्जिया आणि पेन्सलव्हेनिया 5 स्विंग राज्यांमधल्या पोस्टल मतांची मोजणी अजूनही सुरू आहे.
एकीकडे भर पत्रकार परिषदेतला डोनाल्ड ट्रंप यांचा आवाज व्हाईट हाऊसमध्ये घुमत होता. ट्रंप आपला विजय जाहीर करत होते, प्रतिस्पर्ध्यांवर खोटारडेपणाचा आरोप करत होते. त्याचवेळी अशाच आशयाची त्यांनी केलेली ९ ट्वीट्स ही ट्विटर या कंपनी चक्कू झाकून ठेवली. ती लोकांपर्यंत पोहोचू नयेत म्हणून त्यावर इशारा दिला. त्यामुळे आधीच गोंधळ असलेल्या अमेरिकेत नव्याने वाद सुरू झाला आहे.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
प्रत्येक मताची मोजदाद व्हायलाच हवी याचा पुनरुच्चार डेमोक्रॅटिक पक्षाचे उमेदवार असणाऱ्या जो बायडन यांनी केलाय. बायडन यांनी काही ट्वीट्स केली आहेत. मतदानात घोटाळा झाल्याचा आरोप डोनाल्ड ट्रंप यांनी पुन्हा पुन्हा करत मतमोजणी थांबवण्यात यावी, अशी मागणी केली आहे. बायडन यांनी ट्वीट्सद्वारे त्याला प्रत्युत्तर दिलंय. मतमोजणी थांबावी म्हणून डोनाल्ड ट्रंप कोर्टात जात असले तरी आपण याला उत्तर देण्यासाठी सर्वात मोठी ‘इलेक्शन प्रोटेक्शन’ मोहीम सुरू केल्याचं बायडन यांनी म्हटलंय.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
नॉर्थ कॅरोलिना, ॲरिझोना, नेवाडा, जॉर्जिया आणि पेन्सलव्हेनिया या महत्त्वाच्या राज्यांमध्ये पोस्टल मतांची मोजणी सध्या सुरू आहे. ट्रंप किंवा बायडन यांना राष्ट्राध्यक्षपदाच्या या निवडणुकीत बाजी मारायची असेल, तर त्यांना किती आणि कोणत्या राज्यांतून जिंकावं लागेल, यावर एक नजर.
मतदान प्रक्रियेमध्ये घोटाळा झाला असून ‘वैध’ मतांची मोजणी केल्यास आपणच विजेते असल्याचं डोनाल्ड ट्रंप यांनी पुन्हा एकदा म्हटलंय. पण पुन्हा एकदा त्यांनी यासाठीचे कोणतेही पुरावे दिले नाहीत. पोस्टाद्वारे पाठवण्यात आलेल्या मतांमध्ये घोटाळा झाल्याचं ट्रंप यांचं म्हणणं आहे.
ॲरिझोना, नेवाडा, जॉर्जिया आणि पेन्सलव्हेनिया या दोन महत्त्वाच्या राज्यांमध्ये पोस्टल मतांची मोजणी सध्या सुरू आहे. आणि अगदी मोजक्या राज्यांमधलेच कल येणं आता शिल्लक आहे. मोजदाद करण्यात येणारी मतं ही वैध पोस्टल मतं आहेत.
ट्रंप यांनी एकीकडे हे आरोप केले असताना दुसरीकडे डेमोक्रॅटिक पक्षाच्या जो बायडन यांनी लोकांना शांत राहण्याचं आवाहन केलं. नेवाडा आणि ॲरिझोनामध्ये डेमोक्रॅट्सकडे थोड्या फरकाने आघाडी आहे. तर पेन्सलव्हेनिया आणि जॉर्जियातील ट्रंप यांची आघाडी कमी होतेय.
फोटो स्रोत, Getty Images
विद्यमान राष्ट्राध्यक्ष आणि रिपब्लिकन पक्षाचे उमेदवार डोनाल्ड ट्रंप आणि प्रतिस्पर्धी डेमोक्रॅटीक पक्षाचे उमेदवार जो बायडन हे आपापल्या विजयाचे दावे करत आहेत.
पण दोन दिवस उलटून गेले तरी अद्याप विजय कुणी मिळवला, हे स्पष्ट होऊ शकलेलं नाही.
मग विजयी उमेदवार कोण हे कधी कळेल, हा प्रश्न आपल्या सर्वांनाच पडलेला आहे. अद्याप मतमोजणीच सुरू असल्याचं सांगितलं जात आहे.
त्यामुळे, अमेरिकेच्या राष्ट्राध्यक्ष पदाची माळ कुणाच्या गळ्यात पडेल, याकडे संपूर्ण जगाचं लक्ष लागलेलं आहे.
50 पैकी 44 राज्यातले कल स्पष्ट झाले आहेत.
बायडन यांच्याकडे सध्या 253 इलेक्टोरल मतं आहेत तर ट्रंप यांच्याकडे 214 मतं आहेत.
