कोरोना व्हायरस विषयीचे महाराष्ट्र, देश आणि जगातले सर्व ताजे अपडेट्स
कोरोनाचं केंद्र असलेल्या चीनमध्ये आता हळूहळू पर्यटनाची ठिकाणी नागरिकांसाठी खुली करण्यात येत आहेत.
चीनच्या वृत्तसंस्थेने दिलेल्या वृत्तानुसार, प्रसिद्ध अशा चीनच्या भिंतीसह 73 पर्यटनस्थळं आता खुली करण्यात आली आहेत. सुरुवातीच्या टप्प्यात 30 टक्के उपस्थितीचा नियम आहे.
शांघायमध्ये रात्री उशिरापर्यंत सुरू होणारं शॉपिंग मार्केटही सुरू झालं आहे.
फोटो स्रोत, Getty Images
अन्य देशांच्या तुलनेत आम्ही कोरोनावर नियंत्रण मिळवलं आहे असं न्यूझीलंडच्या पंतप्रधान जेसिंडा अर्डन यांनी म्हटलं आहे.
न्यूझीलंडमध्ये कोरोनामुळे आतापर्यंत 12 जणांचा मृत्यू झाला आहे. प्रत्येक व्यक्तीच्या आरोग्याबद्दल मला सतत माहिती मिळत राहते असं त्यांनी सांगितलं.
कोरोना संकट काळात आम्ही काम केलं आहे. आमच्या देशात कम्युनिटी ट्रान्समिशन झालेलं नाही असं आम्ही सांगू शकतो.
दरम्यान 28 एप्रिलला न्यूझीलंडमध्ये लॉकडाऊनमध्ये थोडी सूट दिली जाणार आहे. मात्र सोशल डिस्टन्सिंग आणि घरी राहण्याची अट कायम असेल.
अफगाणिस्तानच्या राष्ट्रपती भवनात काम करणाऱ्या डझनभर कर्मचाऱ्यांना कोरोनाचा संसर्ग झाला आहे. रविवारी न्यूयॉर्क टाईम्सने दिलेल्या वृत्तात ही संख्या 40 असल्याचं म्हटलं आहे.
अफगाणिस्तान सरकारने यासंदर्भात कोणतीही माहिती दिलेली नाही. राष्ट्राध्यक्ष अशरफ गनी यांना कोरोना झाल्याचं कोणतंही वृत्त नाही. 70वर्षीय गनी यांना 1990मध्ये कॅन्सरचं निदान झालं होतं.
अफगाणिस्तान सरकारच्या एका अधिकाऱ्याने एएफपीशी या वृत्तसंस्थेशी बोलताना सांगितलं की राष्ट्रपती भवनात वीसहून अधिक लोकांना कोरोनाचा संसर्ग झाला आहे. नागरिकांमध्ये भीतीचं वातावरण पसरू नये याकरता सार्वजनिक पातळीवर हे जाहीर करण्यात आलेलं नाही.
20 एप्रिल म्हणजे आजपासून लॉकडाऊन असतानाही काही गोष्टी देशभरात सुरू होणार आहेत. मात्र कोरोनाचा प्रादुर्भाव जास्त असणाऱ्या रेड झोन क्षेत्रात अत्यंत कठोर निर्बंध लागू असतील.
सोमवारपासून काय सुरू झालं आहे?
काय बंद राहील?
गेल्या 24 तासात देशभरात कोरोनाच्या 1,553 रुग्णांची नोंद झाली तर 36 जणांचा मृत्यू झाला.
देशभरातील कोरोना पॉझिटिव्ह रुग्णांची संख्या 17,265 एवढी झाली आहे. 2,546 रुग्ण कोरोनाच्या संसर्गातून बरे झाले आहेत.
आरोग्य आणि कुटुंब कल्याण मंत्रालयाने यासंदर्भात माहिती दिली आहे.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
फोटो स्रोत, Getty Images
जगभर थैमान घालणाऱ्या कोरोनाचा फटका आंतरराष्ट्रीय तेल बाजाराला बसला आहे. अमेरिकेत सोमवारी कच्च्या तेलाची किंमत प्रति बॅरल 15 डॉलर याहीपेक्षा खाली घसरली.
गेल्या दोन दशकातली कच्च्या तेलाच्या किंमतीतली ही सगळ्यात मोठी घसरण आहे. कोरोनामुळे जगभरातून कच्च्या तेलाच्या मागणीत झालेली घट आणि उत्पादन कमी करण्याचा निर्णय ही कारणं असल्याचं तज्ज्ञांचं म्हणणं आहे.
आंतरराष्ट्रीय तसंच देशांतर्गत हवाई वाहतुकीवर बंदी, कठोर लॉकडाऊन याचा थेट फटका आंतरराष्ट्रीय तेल बाजाराला बसला आहे.
सोमवारी अमेरिकेतील वेस्ट टेक्सास इंटरमीडिएट मध्ये 19 टक्क्यांची घसरण पाहायला मिळाली. कच्च्या तेलाच्या किंमती प्रति बॅरल 14.73 डॉलरपर्यंत घसरली. नंतर स्थिरावून किंमत 15.78 एवढी झाली.
तेलाचं उत्पादन कमी करण्यावरून ओपेकेचे सदस्य असलेल्या सौदी अरेबिया आणि रशिया यांच्यात एकमत झालं नव्हतं. मात्र नंतर या दोन्ही देशांनी उत्पादन कमी करण्याचा निर्णय घेतला. यानुसार दररोज एक कोटी बॅरल उत्पादन कमी करण्याचं ठरवण्यात आलं होतं.
फोटो स्रोत, Getty Images
कोरोना विषाणूच्या संसर्गाचा धोका असतानाही अमेरिकेत लोक रस्त्यावर उतरून आंदोलन करत आहेत. अॅरिझोना, कोलोराडो, मोंटाना आणि वॉशिंग्टनमध्ये रविवारी रॅली काढण्यात आली.
अमेरिकेत अर्ध्याहून अधिक राज्यात लॉकडाऊनविरोधात आंदोलनं झाली आहेत.
कोरोनामुळे बंद पडलेल्या उद्योगांना खुलं करावं अशी आंदोलनकर्त्यांची मागणी आहे. अमेरिकेत कोरोनामुळे मृत्यू होणाऱ्यांचं प्रमाण वाढत असतानाच लॉकडाऊन हटवण्यात यावं यासाठी जोरदार आंदोलनं होत आहेत.
कोरोना पॉझिटिव्ह रुग्णांच्या संपर्कात आलेल्या लोकांना क्वारंटीन केंद्रात घेऊन जाताना गोंधळ उडाला. याप्रकरणी पोलिसांनी 54 लोकांना अटक केली आहे.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
कोरोनाचा प्रादुर्भाव वाढू नये यासाठी देशभरात लॉकडाऊन असतानाच आता राष्ट्रीय महामार्गांवर टोल वसुलीला सुरुवात झाली आहे.
नॅशनल हायवेज ऑथॅरिटी ऑफ इंडियाच्या आदेशानुसार देशभरात टोलवसुलीला सुरुवात झाली आहे.
ही दृश्यं आहेत महाराष्ट्रातल्या नवी मुंबई इथल्या टोलनाक्याची
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
X पोस्ट समाप्त
कोरोना संसर्गाचा संवेदनशील मुद्दा लक्षात घेऊन अमेरिका इराणला मदत करण्यासाठी तयार असल्याचं अमेरिकेचे राष्ट्राध्यक्ष डोनाल् ट्रंप यांनी म्हटलं आहे. ट्रंप यांनी जागतिक आरोग्य संघटना (WHO) आणि जागतिक व्यापारी संघटना (WTO) यांच्यावर टीका केली.
अमेरिका आणि इराण यांच्यातील संघर्ष टोकाला पोहोचला होता. या संघर्षाचा फटका अन्य देशांनाही बसला होता. मात्र कोरोनाचं संकट लक्षात घेऊन इराणला मदत करण्यास तयार असल्याची भूमिका ट्रंप यांनी घेतली आहे.
तीन महिन्यांपूर्वी इराणी कुड्स कमांडर जनरल कासिम सुलेमानी यांना अमेरिकेनं इराकमधील बगदाद आंतरराष्ट्रीय विमानतळावर हवाई हल्ल्यात ठार केलं. सुलेमानी हे इराणच्या कुड्स सेनेचे प्रमुख होते.
कुड्स ही सेना इराणच्या 'इस्लामिक रिव्हॉल्युशन गार्ड कॉर्प्स' म्हणजेच IRGC चं विशेष पथक आहे.
याच हल्ल्यात कताइब हिजबुल्लाहचा कमांडर अबू महदी अल मुहांदिस हा देखील ठार झाला होता.
अमेरिका आणि इराण यांच्यातला अणुकरारही रद्द झाला होता.
फोटो स्रोत, Getty Images
कोरोनाचा सगळ्यात प्रचंड फटका बसलेल्या इटलीत गेल्या आठवडाभरात कोरोनाच्या 433 रुग्णांची नोंद झाली. गेल्या आठवडाभरातला हा सगळ्यात कमी आकडा आहे.
इटलीत आतापर्यंत कोरोनामुळे 23,660 लोकांचा मृत्यू झाला आहे. कोरोनामुळे मृत्यू होणाऱ्या देशांमध्ये अमेरिकेनंतर इटलीचा क्रमांक आहे.
इटलीत नव्या रुग्णांची भर होण्याचं प्रमाण आता 1.7 इतकं आहे.
फोटो स्रोत, Getty Images
कोरोना उद्रेकाचं केंद्रबिंदू असलेल्या चीनमध्ये सलग तिसऱ्या दिवशी कोरोनामुळे कोणाचाही मृत्यू झाल्याची नोंद झाली नाही.
18 एप्रिलला चीनमध्ये 16 कोरोना रुग्णांची नोंद झाली होती. त्यानंतर कोरोनाच्या संसर्गाने कोणाचाही मृत्यू चीनमध्ये झालेला नाही.
कोरोनाची लक्षणं दिसत नाहीत अशा 49 केसेस समोर आल्या होत्या.
जगभरात कोरोनाचा संसर्ग झालेल्या रुग्णांची संख्या 23 लाखांपेक्षा जास्त झाली आहे, तर कोरोनामुळे जगभरात आतापर्यंत 1 लाख 61 हजारहून जास्त लोकांचा मृत्यू झाला आहे.
कोरोनाचा सर्वाधिक फटका अमेरिकेला बसला आहे. अमेरिकेत आतापर्यंत 7 लाख 41 हजार कोरोनाचे रुग्ण आढळले असून 39 हजार 200 जणांनी कोरोनामुळे जीव गमावला आहे.
त्याखालोखाल स्पेनमध्ये रुग्णसंख्या आता दोन लाखांना टेकू लागली असून, मृतांचा आकडा सध्या 20 हजारांवर आहे.
गुड मॉर्निंग. कसे आहात? आज सोमवार, पण तूम्ही घरीच आहात ना? घरीच राहा.
तुमच्यापर्यंत कोरोनाचे सर्व अपडेट्स आम्ही नियमितपणे पोहोचवत आहोतच. आजच्या या लाईव्ह ब्लॉगमध्ये तुमचं स्वागत.
सुरुवातीला आतापर्यंतच्या काही ठळक अपडेट्सवर नजर टाकू या... त्यावर...
त्यामुळे घरीच राहा. हात स्वच्छ धुवा आणि बीबीसी मराठीच्या या लाईव्ह ब्लॉगला शेअर नक्की करा, बरं का! :)
