पाकिस्तानात पोलीस आणि कार्यकर्त्यांमध्ये संघर्ष, पोलिसांनाच ठेवले ओलीस
पाकिस्तान पंजाब प्रांतात लाहोर इथे तहरीक-ए-लब्बैक या प्रतिबंधित राजकीय पक्षाचे कार्यकर्ते आणि पोलीस यांच्यात संघर्ष पाहायला मिळाला.
लाहोरमधल्या मुलतान रोड भागात पोलीस आणि या पक्षाच्या कार्यकर्त्यांमध्ये झालेल्या संघर्षाला हिंसक वळण लागलं. या घटनेत लब्बैक पक्षाचे अनेक कार्यकर्ते जखमी झाले आहेत. तर काही पोलिसांचे अपहरण देखील करण्यात आल्याची माहिती हाती आली आहे.
लब्बैक पक्षाने दावा केला आहे की या संघर्षात दोन कार्यकर्त्यांचा मृत्यू झाला आहे. पोलिसांनी रविवारी सकाळी अनेक ठिकाणी छापे घातले. लाहोर पोलिसांच्या प्रवक्त्याने दिलेल्या माहितीनुसार, अपहरण करण्यात आलेल्या पोलिसांची सुटका करण्यासाठी ऑपरेशन हाती घेण्यात आलं.
रविवारी झालेल्या हिंसेसंदर्भात पोलिसांनी सांगितलं की, "रविवारी सकाळी काही लोकांनी नवाकोट पोलीस स्टेशनवर हल्ला केला. रेंजर्स आणि पोलीस अधिकारी स्थानकात अडकले. नवाकोट डीएसपींना यांना ओलीस ठेऊन मरकज इथे नेण्यात आलं. हल्लेखोरांनी तेलाचा टँकर आपल्या ताब्यात घेतला ज्यामध्ये 50 हजार लिटर पेट्रोल होतं. हल्लेखोर शस्त्रास्त्रांनी सज्ज होते. त्यांनी पोलीस आणि रेंजर्सवर बॉम्बहल्ला केला".
"प्रत्युत्तरादाखल पोलीस आणि रेंजर्सनी प्रतिहल्ला केला. हल्लेखोरांना माघारी धाडत त्यांनी पोलीस स्थानकावर नियंत्रण प्रस्थापित केलं. मशीद किंवा मदरशावर पोलिसांनी कोणतीही कारवाई केली नाही. तशी कोणतीही योजनाही नव्हती. पोलिसांनी जी कारवाई केली ती स्वसंरक्षणासाठी होती. सार्वजनिक संपत्तीचं नुकसान होऊ नये यासाठी होती", असं पोलिसांनी सांगितलं.
पोलिसांच्या प्रवक्त्यानुसार, प्रतिबंधित तहरीक-ए-लब्बैक पक्षाच्या कार्यकर्त्यांनी 11 पोलिसांना ओलीस ठेऊन त्यांचा अनन्वित छळ केला.
फोटो स्रोत, Getty Images
रविवारी इस्लामाबाद इथे प्रसारमाध्यमांशी बोलताना पाकिस्तानचे गृहमंत्री शेख रशीद यांनी सांगितलं की, "लब्बैक पक्षाने देशातली 192 ठिकाणं बंद केली होती. यापैकी 191 ठिकाणी नाकाबंदी बंद करण्यात आली आहे."
ते म्हणाले की "फक्त लाहोरचा अनाथालय चौक बंद आहे आणि स्थिती अजूनही तणावपूर्ण आहे. लब्बैक पक्षाशी कोणतीही चर्चा झालेली नाही."
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
