समज-गैरसमज: Gen-Z च्या प्रश्नांना अभिजीत दिपके यांची उत्तरं

सोशल मीडियावरील ट्रोलिंग, मिम्स, अभिव्यक्ती स्वातंत्र्य आणि hate speech यांच्यातली सीमा कुठे आखली जाते? सरकारवर किंवा पंतप्रधानांवर टीका करताना अभिव्यक्ती स्वातंत्र्याची मर्यादा काय असावी? आणि आपल्या बोलण्याला आपण स्वातंत्र्य म्हणतो, पण आपल्या विचारांच्या विरोधातलं मत स्वैराचार का वाटतं?

बीबीसी मराठीच्या ‘समज-गैरसमज’ या भागात कॉकरोच जनता पार्टीचे संस्थापक अभिजीत दिपके यांनी Gen-Z तरुणांशी स्वातंत्र्य, अभिव्यक्ती स्वातंत्र्य, ऑनलाइन ट्रोलिंग, आंदोलन-निषेध, लोकशाही आणि नागरिकांच्या जबाबदारीवर संवाद साधला.

या चर्चेत ग्रामीण भागातील तरुणांसाठी आर्थिक स्वातंत्र्य आणि संधी, सरकारी शाळांची अवस्था, शिक्षणातील व्यवस्थापकीय कोटा, आरक्षण, जातीवरुन होणारा भेदभाव आणि तरुणांनी स्वतःची विचारधारा स्वतंत्रपणे ठरवण्याचा अधिकार यावरही चर्चा झाली.

लोकशाही मजबूत करण्यासाठी दैवतीकरण थांबवून जबाबदार नागरिक होणं का गरजेचं आहे? एखाद्या व्यक्तीला किंवा संघटनेला आपल्यापेक्षा मोठं करण्याची चूक आपण का टाळली पाहिजे? आणि खराखुरा बदल घडवण्यासाठी सामूहिक प्रयत्न करणं का महत्त्वाचं आहे?

पाहा ‘समज-गैरसमज : स्वातंत्र्य की स्वैराचार?’

फिल्ड आणि रिसर्च- श्रीकांत बंगाळे

साहाय्य- गुलशनकुमार वनकर

शूटिंग- शरद बढे, नितीन नगरकर, किरण साकळे

एडिटिंग- शरद बढे

टायटल ग्राफिक्स- वासिफ खान

प्रोड्यूसर- प्राजक्ता धुळप

संपादक- अभिजीत कांबळे

बीबीसीसाठी कलेक्टिव्ह न्यूजरूमचे प्रकाशन.