Таластагы жаңжалды милиция териштирип жатат

Талас облусунун башчысы Эрмат Жумаев "Манас Ордодогу" жаңжал боюнча маалымат берди. Жумаев менен Данияр Айбашов активист Самат Кушбекти туура эмес маалымат таратып жатат деп айыптады. Бир күн мурда активист Самат Кушбек Эрмат Жумаев менен Нурдан Орунтаевди катуу сындаган эле.

Курулуш министри Нурдан Орунтаев комментарий бере элек жана урушка эмне себеп болгону да белгисиз. Талас облустук милициясы "Манас Ордодогу" бул жаңжалды териштирип жатат.