Abubuwan da ke faruwa a Najeriya da sauran sassan duniya 31/08/2026

Rahoto kai-tsaye

Daga Aisha Babangida da Usman MINJIBIR

1. 31 Agusta 2026Iran ta ce ta kai hari kan sojojin Amurka a Jordan

   

   Asalin hoton, Getty Images

   Iran ta ce ta harba makamai masu linzami da jiragen yaƙi marasa matuƙa kan sansanonin sojin Amurka biyu da ke Jordan, bayan Amurka ta kai hari kan wasu wuraren harba makamai na Iran a tsibirin Larak.

   Iran ta ce harin na Amurka ya kashe tare da jikkata sojoji da fararen hula, kuma ta yi alƙawarin ramuwar gayya.

   Jordan ta ce ta kakkaɓo makamai masu linzami takwas da suka shiga sararin samaniyarta da sanyin safiyar Litinin.

   A halin da ake ciki, farashin ɗanyen mai ya ƙaru da sama da kashi 2%, inda farashin Brent ya haura dala 90 kan kowace ganga.

   Mawuyacin halin da sojojin Amurka suka shiga yayin yaƙar Iran

   Me ya sa yaƙin Iran ya zama matsala ga Trump a zaɓe?

2. 31 Agusta 2026Assalamu alaikum

   Jama'a barkanmu da wannan safiya ta Litinin daga wannan shafin namu na BBC Hausa, inda za mu ci gaba da kawo muku labaran kai-tsaye na abubuwan da suke faruwa a Najeriya da sassan duniya.

   Aisha Babangida ce za ta kasance da ku a daidai wannan lokaci.

   Za ku iya leƙawa shafukanmu na sada zumunta na facebook da X da kuma whatsapp domin karanta wasu labaran da kallon bidiyo da ma tafka muhawara.

   Ku kasance tare da mu.