Labaran wasannin BBC Hausa na 27 Yuli - 2 Agusta 2026

Rahoto kai-tsaye

Muhammad Buhari Fagge

1. 29 Yuli 2026Najeriya ta yi rashin nasara a hannun Malawi da ta zo Wafcon a karon farko

   

   Asalin hoton, XMalawiteam

   A karon farko Najeriya ta yi rashin nasara a hannun sabuwar tawagar da ta fara halartar Kofin nahiyar Afrika a karon faro tun bayan fara gasar a 1998.

   Tawagar Scorchers da take halartar gasar a karon farko ta kafa tarihi a halartar gasar da ta yi a karon farko inda ta doke gwarzuwar gasar da ta lashe ta sau 10 a tarihi a filin wasa na Al Madina da ke Rabat.

   Kwallaye uku da Malawi ta ci a wasan daga hannun Temwa Chawinga da 'yar uwarta Tabita Chawinga sun tabbatar da nasarar da ta samu da ci 3-2 kan Suoer Falcons.

   Haduwar da Malawi ta yi da Najeriya ina ce ta 18 da Super Falcons ta yi da sabbin zuwa gasar.

   Gabanin wannan wasan Super Falcon ba ta taba rashin nasara ba a hannun sabbin zuwa gasar a wasanni 17 da ta yi a baya, inda ta ci 16 ta yi canjaras daya.

2. 29 Yuli 2026Welbeck zai yi gwajin lafiya Henderson zai koma Chelsea

   

   Asalin hoton, Getty Images

   Chelsea ta amince da ɗaukar Danny Welbeck yayin da Henderson ke shirin komawa ƙungiyar bayan ya soke yarjejeniyarsa da Brentford ya koma Starmford Bridge.

   Henderson mai shekara 36 kwantaraginsa za ta ƙare zuwa 2027.

   Welbeck mai shekara 35 ya amince ta kwantaragin shekara biyu, kuma tuni Brighton ta amince masa ya je a yi masa gwajin lafiya a Stamford Bridge.

   An amince da kuɗaɗen amma ba a bayyana ko nawa aka saye shi ba, amma ana tsammanin idan Chelsea ta kammala wasanninta na share fagen kaka da take yi a Hong Kong zuwa ranar Asabar za a bayyana kudaden.

   Welbeck zai zama ɗan wasa mafi tsufa da Chelsea za ta saya a baya-bayan nan, sai dai kuma idan ta ɗauki Henderson da ake tsammanin zai shigo ƙungiyar ta Yammacin London.

   Wani ɓangare ne na cakuɗa yara da tsofaffin 'yan wasa da Alonso ke shirin yi a Chelsea, wadda ta fi kowa matasan 'yan wasa cikin shekaru biyu da suka gabata.

3. 28 Yuli 2026Kwallon Sidney Cabral na Cape Verde ce ta fi kowacce a gasar Kofin Duniya

   

   Asalin hoton, Getty Images

   Hukumar kwallon ƙafa ta Duniya Fifa ta ayyana kwallon da ɗan wasan ƙasar Cape Verde Sidney Lopes Cabral ya ci a matsayin kwallon da ta fi kowacce kyau a gasar Kofin Duniya da aka kammala.

   Ya ci kwallon ne a wasansu da Argentina a minti na 103 a wasan da suka ta shi 3-2 Argentina ta yi nasara a kansu.

   Kwallon ita ce ta 2-2 a wasan, inda matashin ɗan wasan da ƙasarsa ta harlaci gasar a karon farko ya zura ta.

   Cape Verde ta ba da mamaki a gasar saboda rawar da ta taka, a matsayin ƙaramar ƙasa da kuma ta halarci gasar a karon farko.

   Kazalika an zaɓi mai tsaron ragarta Vozinha a matsayin golan gasar, cikin 'yan wasa 11 da Fifa ta zaɓa a matsayin tawagarta.

4. 28 Yuli 2026Xabi Alonso ya fara wasa da ƙafar dama a Chelsea

   

   Asalin hoton, Getty Images

   Sabon koci Chelsea Xabi Alonso ya fara jagorancin ƙungiyar da ƙafar dama bayan samun nasara da ya yi a wasansa na farko bayan doke Western Sydney Wanderers da ci 6-4.

   Wasan wanda Alonso ya cika shi da matasan 'yan wasa, Chelsea ce ta fara zura kwallo a minti na shida ta hannun D. Satpaev.

   A minti na 14 ne Pantazopoulos ya farke aka yi kunnen doke an kammala wasan ne da 2-2 a minti na 45.

   Bayan an dawo an ƙara kwallo ɗaya, daga ɓangaren Chelsea, ita kuma Western Sydney ta ƙara kwallo biyu.

   Saura mintina 10 a tashin wasan aka sakon João Pedro wanda kuma ya zura kwallo 3 cikin 'yan mintinan.

   Hakan ya baiwa tawagar damar samun nasara a ƙarshen wasan.

5. 28 Yuli 2026Italiya ta sake naɗa Roberto Mancini a matsayin kocinta

   

   Asalin hoton, Getty Images

   Italiya ta sake naɗa Roberto Mancini a matsayin kocinta karo na biyu a tarihi - kwana guda bayan an yanke hukuncin cewa Andrea Pirlo ya hakura da aikin.

   Pirlo wanda aka yi tsammanin zai karɓi aikin bayan tsohon kocin Manchester City Pep Guardiola ya ƙi karba, an zarge shi ne da alaƙa da wani kamfanin caca na Rasha.

   A gefe guda ma daraktan harkokin wasan tawagar ƙasar kuma tsohon kyaftin ɗinta Paolo Maldini ya sauka daga muƙaminsa.

   Tsohon kocin tawagar Gennaro Gattuso ya ya bar matsayinsa na kocin ƙasar ne a watan Afrilu bayan tawagar ta Azzurri ta gaza samun tikitin zuwa gasar Kofin Duniya.

   "Na yi amannar mutumin da ya fi dacewa da aikin nan shi ne Roberto Mancini," inji Shugaban Hukumar Kwallon Kafa ta Italiya Giovanni Malago.

   Claudio Ranieri, da ya kai Leicester ga lashe Premier a 2015-16 zai maye gurbin Maldini a matsayin daraktan wasanni.

6. 28 Yuli 2026Rodri zai yi jinya ta ɗan wani lokaci

   

   Asalin hoton, Getty Images

   Dan wasan tsakiya na Manchester City Rodri zai yi ɓatan dabo na wani ɗan lokaci ya yi jinya saboda tiyatar da aka yi masa.

   Tun da fari sabon kocin ƙungiyar Enzo Maresca ya bayyana cewa za a yi masa tiyata ranar Litinin, dan haka "yana buƙatar hutu, yana buƙatar lokaci da zai warke sannan ya dawo".

   Ba a sa lokacin dawowar shi ba ya zuwa yanzu.

   City za ta fafata da Arsenal a wasan ƙarshe na Community Shield ranar 16 ga watan Agusta gabanin wasan da za su yi Premier da Bournemouth a ranar 23 ga watan na Agusta.

   City ta ce Rodri "ya jima yana fama da rashin jin dadin bayansa amma yanzu anmasa aikin da zai kawo ƙarshen matsalar".

   Rodri wanda yana da sauran shekara ɗaya da ta rage masa a kwantaraginsa, ana ta alaƙanta shi da REal Madrid bayan taimakawa ƙasarsa Spain da ya yi suka kai ga cin Kofin duniya. Kuma shi ne ya lashe kyautar ɗan wasan da ya fi kowa.

7. 28 Yuli 2026Abin da ya sa Chelsea ke son ɗaukar Welbeck daga Brighton

   

   Asalin hoton, Getty Images

   Chelsea ta fara tattaunawa kan yadda za ta dauki dan wasan gaban Brighton Danny Welbeck.

   Shi ma dan wasan mai shekara 35 yana son tafiya kungiyar ta Stamford Bridge, kuma daga bangaren Chelsea ana sa ran za ta gaggauta daukar shi.

   Blues na neman daukar dan wasan da ke da kwarewa,saboda ya sha banban da tsarin daukar yan wasansu matasa da suke yi a yanzu - kuma ana ganin Welbeck zai dace da matsayin.

   A kakar da ta gabata ya ci kwallo 13 cikin wasa 37 da ya buga wa Brighton, kwallaye mafi yawa da ya ci a kaka daya, jimilla ya ci kwallo 51 a wasa 201 da ya buga wa kungiyar tun zuwansa a 2020.

   A watan Maris ne dan wasan ya tsawaita kwantaraginsa da wata 12 wadda za ta kare a karshen kakar 2026/27.

8. 27 Yuli 2026Diomande ya amince da sharuɗan Real Madrid

   

   Asalin hoton, Getty Images

   RB Leipzig winger Yan Diomande has agreed personal terms with Real Madrid after Paris St-Germain withdrew their interest.

   Dan wasan gefe na kungiyar RB Leipzig Yan Diomande ya amince da sharudan Real Madrid kan komawar kungiyar.

   Wannan na zuwa ne bayan da Paris St-Germain ta fita daga cinikin ɗan wasan na Ivoru Coast.

   A baya Liverpool ce ta matsa ƙaimi kan ɗan gaban mai shekara 19, wanda tun farko aka yi masa kuɗi £69m kuma ƙungiyarsa ta ki amincewa da tayin na Liverpool kuma PSG ma da ta taya aka ƙi amincewa da ita.

   Daga nan sai Liverpool ta koma kan wani ɗan wasan, PSG kuma ta zaɓi ta goga kafaɗa da Madrid.

   PSG ta yi tayin kan kuɗi £102.5m amma ba a sayar mata ba.

   Yayin da Real Madrid da ɗan wasanta na Brazil Vinicius suka gaza cimma matsaya, ana tsammanin Yan zai iya maye gurbin Jr Vinicius.

   Arsenal dai ta mayar da hankali kan ɗan wasan wanda rahotanni suka ce yaƙi tsawaita kwantaraginsa ya zuwa yanzu.

9. 27 Yuli 2026Kalli yadda matan Nigeria suka chaɓa kwalliya lokacin isarsu Morocco

   Yayin da aka fara gasar cin kofin nahiyar Afrika ta Mata Wafcon a Morocco ƙasashe da dama sun isa Rabat babban birnin ƙasar cikin kwalliya da ƙayatarwa.

   Mafi yawan ƙasashen sun isa ne cikin tsarin al'adunsu da suke nuna ƙasashen da suka fito.

   Tawagar Super Falcons ta Najeriya ma ta isa Morocco da ta ta kwalliyar, ga wasu hotuna na yadda 'yan wasan suka isa kasar.

   

   Asalin hoton, NGSuper_Falcons

   

   Asalin hoton, NGSuper_Falcons

   

   Asalin hoton, NGSuper_Falcons

   

   Asalin hoton, NGSuper_Falcons

   

   Asalin hoton, NGSuper_Falcons

   

   Asalin hoton, NGSuper_Falcons

   

   Asalin hoton, NGSuper_Falcons

   

   Asalin hoton, NGSuper_Falcons

   

   Asalin hoton, NGSuper_Falcons

10. 27 Yuli 2026Pirlo ba zai zama kocin Italiya ba kan alaƙa da kamfanin cacar Rasha

    

    Asalin hoton, Getty Images

    Andrea Pirlo ya ce ba shi ne zaɓin da ya fi dacewa da ya zama kocin Italiya ba, biyo bayan kwanakin da aka shafe ana taƙaddama kan alaƙarsa da wani kamfanin caca na ƙasar Rasha.

    Hukumar kwallon ƙafa ta Italiya dai ba ta tabbatar da naɗa shi a matsayin sabon kocin ƙasar ba, sai dai an kusa kaiwa ga hakan.

    Amma a ƙarshen mako ne wasu manyan 'yan siaysa na ƙasar suka riƙa sukar Hukumar kwallon ƙafar kan zaɓar Pirlo, suna cewa kocin mai shekara 47 yana matsayin jakadan kamfanin caca na Rasha Fonteb tun watan Oktobar bara.

    Kamfanin ya ɗauki nauyin wasu tarukan wasanni da suka haɗa da tsofaffin mayakan da suka yi yaƙin Rasha da Ukraine kuma Pirlo ya halarci gasar tare da wasu masu goyawa fadar Kremlin baya.

    "Duk wanda yake goyon bayan Rasha daga 2022 bai kamata ya riƙe matsayi ba a matsaki na ƙasa" in ji Carlo Calenda na jam'iyyar Azione.

    "Bayan ganin muhawarar da ake ta tafkawa a kai na cewa ba ni ne na dace da aikin kocin Italiya ba, Ina ganin ya dace na fito na yi ƙarin haske kan wasu bangarori na mahawarar," in ji tsohon kocin na Juventus da AC Milan.

    "A 'yan kwanakin nan na ga abubuwan da suka ɓatan tai kan muhawarar, duk wata yarjejeniya da na sa wa hannu tana da alaƙa ne kawai da abin da ya shafi kwallon ƙafa babu wani abu na siyasa ciki," kamar yadda Pirlo ya rubuta a shafinsa na Istagram.

11. 27 Yuli 2026Rogers da Palmer za su samar da sauyi a Chelsea - Alonso

    

    Asalin hoton, Getty Images

    Kocin Chelsea Xabi Alonso ya ce shirinsa na haɗa ɗan wasan da suka saya £117m Morgan Rogers tare da Cole Palmer a cikin fili zani abu ne da zai samarwa ƙungiyar sakamakon da take so.

    Dan wasan tsakiyar shi ne wanda ya fi duk wani dan wasan Burtaniya tsada a tarihi, bayan sayen shi da Chelsea ta yi daga Aston Villa zuwa Stamford Bridge a makon jiya.

    Yanzu ɗan wasan na hutu ne bayan kammala gasar Kofin Duniya da ƙasarsa ta yi, kuma a gefe guda Chelsea sabuwar ƙungiyarsa ta fara wasannin share fagen kaka a Sydney.

    "A wannan hannun muna buƙatar gogaggun 'yan wasa kuma na yi imanin irin shi ba su da yawa a yanzu haka," in ji Alonso.

    Morgan Rogers ya sanya hannu kwantaragin shekara shida ne tare da Chelsea, kuma akwai zaɓin tsawaita kwantaragin idan ta ƙare.

12. 27 Yuli 2026Chiesa na farin cikin da zamannsa a Liverpool amma yana buƙatar dama

    

    Asalin hoton, Getty Images

    Dan wasan gaban Italiya Federico Chiesa ya dage kan cewa shi Liverpool ce kawai a gabansa yayin da ake ci gaba da yaɗa jita-jita kan makomarsa a kwallon ƙafa.

    A kaka biyu da ya buga a ƙarƙashin kulawar Arne Slota a Anfield, wasa biyu kacal ɗan wasan gaban ya fara a Premier ya kuma ci kwallo biyar ne kawai a wasanni 50 da ya buga a duka gasanni.

    Dan wasan mai shekara 28 ya koma Anfield ne daga Juventus ne kan kuɗi £12.5m a 2024 kuma kwantaraginsa zai ƙare ne a 2028, ya shaida wa jaridar La Gazzetta a watan Yuni cewa : " Idan ban samu damar buga wasa a kai a kai ba, zai nemi wani wurin na tafi."

    Amma bayan cin kwallo ɗaya da ya yi a wasan da suka yi na sada zumunta ranar Asabar da Sunderland ƙarkashin Araola ya shaida wa manema labarai cewa "Lokaci ya yi yanzu, ina farin ciki a Liverpool, ina son ƙungiyar da komai nata da magoya baya".

13. 27 Yuli 2026Ina Vinicius ya nufa Arsenal ko Real Madrid ?

    

    Asalin hoton, Getty Images

    Ko shakka babu akwai sauran taƙaddama a makomar ɗan wasan gaban Real Madrid Vinicius Jr.

    Dan wasan wanda babu ja yana cikin 'yan wasan kwallon ƙafa na duniya mafiya shahara gobensa ba ta bayyana ba ya zuwa yanzu.

    Dan Brazil ɗin zai shiga shekaarsa ta ƙarshe ne a kwantaraginsa da ƙungiyar ta Sifaniya, kuma irin waɗannan 'yan wasa ba a barin kwantaraginsu ta kai irin wannan lokaci ba tare da tsawaita ta ba.

    Ya koma Madrid ne yana da shekara 18 a 2018, ya ci kwafuna 14 ya zura kwallo 128 a wasa 375 da ya yi a ƙungiyar tasa.

    Rahotanni daga kasuwar saye da sayerwar 'yan wasan Turai na cewa darajar ɗan wasan za ta kai £200m.

    Madrid ta yi yunƙurin sabunta kwantaragin ɗan wasan ko kuma fara magana kan makomarsa ranar Litinin ɗin nan, sai dai har yanzu babu wata magana mai kwari kan hakan.

    Tuni Arsenal suka nuna muradinsu kan ɗan wasan, wanda wasu ƙungiyoyin Saudiyya suka riƙa nuna muradinsu kan shi.

    Kocin Gunners Mikel Arteta ya jima na son ɗaukar ɗan wasan da zai buga masa ɓangaren hagu wanda ya nuna kansa, kuma Vinicius ya nuna cancantarsa kan zaɓin.

    Tun bayan da ta rasa ɗan wasan da ta so ɗauka Morgan Rogers da Chelsea ta saya, Arsenal ta ƙara matsa ƙaimi kan ɗaukar ɗan wasan.

14. 27 Yuli 2026Barkanmu da rana

    Masu bibiyar wannan shafi Muhammad Buhari Fagge ne ke fatan an tashi lashi, da fatan mun shiga sabon mako kalau.

    Za mu kawo muku rahotannin labaran wasanni da abubuwan da ke faruwa a kasuwar 'yan wasan nahiyar Turai.

    Me ake ciki tsakanin Real Madrid da Vinicius. Yaya batun Rashford kan komawar shi Manchester United. Me aka cimma tsakanin Madrid da Yan Diamonde. Barcelona ta hakura da Julian Alvarez kenan.

    Ku biyo mu domin samun cikakkun labaran.