Real Madrid ta fara La Liga da raba maki da Mallorca

Real Madrid ta fara kare kofin La Liga da tashi 1-1 a gidan Real Mallorca ranar Lahadi a wasan makon farko a babbar gasar tamaula ta Sifaniya.

Real ta fara cin ƙwalllo ne ta hannun Rodrygo a minti na 14 da take leda, haka suka je hutu, Real tana da ƙwallo ɗaya a raga.

Bayan da suka je hutu suka koma zagaye na biyu ne mai masukin baƙi ta farke ta hannun Vedat Muriqi.

Real ta kare wasan da ƴan ƙwallo 10 a cikin fili, bayan da aka bai wa Ferland Mendy jan kati daf da za a tashi, sakamkon ketar da ya yi wa Vedat Muriqi.

A kakar bara a gasar ta La Liga, Real doke Mallorca 1-0 ta yi gida da waje.

Ranar Asabar, Barcelona ta je ta ci Valencia 2-1 a wasan makon farko a La Liga.

Ranar Laraba Real Madrid mai rike da La Liga na bara ta ɗauki Uefa Super Cup na bana, bayan da ta ci Atalanta 2-0 a Warsaw a Poland.

Real ce ta lashe kofin La Liga a kakar da ta wuce da kuma Champions League.

Za a kammala wasannin makon farko a La Liga ranar Litinin 19 ga watan Agusta, inda za a kara tsakanin Valladolid da Espanyol da na Villarreal da Atl Madrid.

Wasannin mako na biyu

Ranar Juma'a 23 ga watan Agustan 2024

Ranar Asabar 24 ga watan Agustan 2024

Ranar Lahadi 25 ga watan Agustan 2024

Ƴan ƙwallon da suka buga wa ƙungiyoyin wasan La Liga

Ƴan wasan Mallorca 11: Greif, Maffeo, Raillo, Valjent, Mojica, Samu, Mascarell, Darder, Dani Rodriguez, Asano, Muriqi

Masu jiran ko-ta-kwana: Leo Ramon, Cuellar, Mateu, Lato, Copete, S.V. Heyden, Morlanes, Abdon, Larin, Antonio Sanchez, Domenech, Luna.

Ƴan wasan Real Madrid 11: Courtois, Carvajal, Rudiger, Militao, Mendy, Tchouameni, Valverde, Bellingham, Rodrygo, Vinicius Junior, Mbappe

Masu jiran ko-ta-kwana: Lunin, Fran Gonzalez, Modric, Arda Guler, Endrick, Lucas Vasquez, Vallejo, Ceballos, Fran Garcia, Brahim, Jacobo Ramon.

Wasan farko da Kylian Mbappe ya buga a La Liga, bayan da ya lashe Uefa Super Cup ranar Laraba.