درگیریهای بدخشان؛ یک زن باردار در پی اصابت گلوله از خاک افغانستان در تاجیکستان کشته شد
رسانههای تاجیکستانی گزارش دادهاند که در پی حوادث اخیر در نوار مرزی افغانستان و تاجیکستان یک زن در آنکشور کشته شده است.
گفته شده وزارت خارجه تاجیکستان روز جمعه ۱۴ آگست در واکنش به «نقض حریم هوایی و گلولهباران مناطق مسکونی در ولایت خودمختار کوهستان بدخشان تاجیکستان»، یک یادداشت اعتراضی رسمی به حکومت طالبان ارسال کرده است.
رسانه «آسیاپلس» تاجیکستان گزارش داده که طبق گزارشهای دریافتی از منابع محلی در ولسوالی درواز تاجیکستان، یک زن ۲۱ ساله به نام «یاسمین یتیمزاده»، ساکن قریه «دشتک»، در حالی که مشغول کارهای روزمره در خانهاش بود، بر اثر اصابت گلولهای که از آنسوی مرز شلیک شده و از پنجره وارد خانه او شده بود، جان باخت.
گزارشها حاکی از آن است که وی که باردار نیز بوده و یک کودک خردسال از خود به جای گذاشته، در مسیر انتقال به شفاخانه مرکزی درگذشته است.
رئیسجمهور تاجیکستان، امامعلی رحمان، صبح روز ۱۴ آگست در تماس تلفونی با خانواده یاسمین ابراز همدردی کرده است.
گفته شده که پیکر این زن روز جمعه پس از ادای نماز در قریهاش به خاک سپرده شد.
رسانههای تاجیکستانی میگویند که این حادثه در پی تشدید درگیریهای مسلحانه در ولسوالی «نسی» ولایت بدخشان افغانستان رخ داده است که درست در آنسوی مرز تاجیکستان واقع شده است.
گفته شده نیروهای طالبان روز ۱۳ آگست برای هدف قرار دادن مواضع افراد جمعهخان فاتح، از فرماندهان ناراضی محلی طالبان در بدخشان، در منطقه «جیسنگ»، از هلیکوپترهای نظامی استفاده کردهاند و نیروهای کمکی طالبان از ولایتهای قندوز، بلخ و کابل به این منطقه اعزام شدهاند.
حکومت طالبان تا حال به این موضوع واکنشی نشان نداده است.
سابقه نا آرامی در مرز افغانستان و تاجیکستان
منبع تصویر، asiaplus
پیش از این نیز در چندین مورد تاجیکستان از وقوع حوادث امنیتی که «از آنسوی مرز افغانستان» متوجه اینکشور بوده ابراز نگرانی کرده است.
در آخرین مورد، ماه آگست ۲۰۲۵ در پی کشته شدن دو مرزبان تاجیک در درگیری با افراد مسلح در مرز با افغانستان، نیروهای مرزبانی تاجیکستان خواستار «عذرخواهی از مردم تاجیکستان» و اتخاذ تدابیر اضافی مؤثر برای تضمین امنیت در مرز افغانستان با تاجیکستان از سوی حکومت طالبان شده بودند.
نیروهای مرزبانی کمیته دولتی امنیت ملی تاجیکستان، حکومت طالبان در افغانستان را متهم کرده بودند که در اجرای تعهدات بینالمللی و وعده خود در جهت تضمین امنیت و ثبات در مرز دولتی با تاجیکستان و مبارزه با اعضای سازمانهای تروریستی «قصور جدی و بیمسئولیتی» نشان میدهد.
این نیروها اعلام کردند که دو مرزبان تاجیک در جریان درگیری با اعضای یک «سازمان تروریستی» در مرز این کشور با افغانستان کشته شدند.
پیش از آن نیز در پی حمله از خاک افغانستان به نواحی مرزی شمسالدین شاهین و درواز تاجیکستان، پنج معدنکار و راهساز چینی کشته و پنج شهروند دیگر چین و تاجیکستان زخمی شدند.
وزارت خارجه حکومت طالبان، در آن زمان این حملات را کار «حلقاتی که برای ایجاد آشوب، بیثباتی و بیاعتمادی میان کشورها در منطقه تلاش میکنند» خواند.
