Lauren Price yn curo Kotaskova i ddod yn bencampwr byd diamheuol

Lauren PriceFfynhonnell y llun, Getty Images
Disgrifiad o’r llun,

Mae Lauren Price yn gobeithio ymladd ar lwyfannau mwy wrth i'w gyrfa barhau

  • Cyhoeddwyd

Mae'r bocsiwr Lauren Price wedi dod yn bencampwr pwysau welter y byd diamheuol ar ôl trechu Michaela Kotaskova.

Wrth gipio'r teitl WBO yng Nghaerdydd nos Wener, daeth Price, 32, y bocsiwr cyntaf o Gymru i ennill pob un o'r pedwar teitl mawr yn y byd.

Enillodd Price, sydd o Gasnewydd, bob rownd gan bob barnwr o flaen torf oedd yn ei ffafrio'n gryf yn yr Utilita Arena.

Yn bencampwr Olympaidd a phencampwr y byd o'i dyddiau amatur eisoes, mae'r fuddugoliaeth yn ei gosod ymhlith y goreuon ym myd bocsio.

Mae gan Price record broffesiynol berffaith o 11 buddugoliaeth allan o 11 ornest.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol .

Lawrlwythwch yr ap am y diweddaraf o Gymru ar eich dyfais symudol.

Pynciau cysylltiedig