Cau tair ward mewn dau ysbyty yn Sir Gâr yn sgil achosion o'r clefyd crafu

Clefyd crafuFfynhonnell y llun, Getty Images
Disgrifiad o’r llun,

Mae'r clefyd crafu yn achosi cosi difrifol

  • Cyhoeddwyd

Mae tair ward mewn dau ysbyty yn Sir Gâr wedi cau dros dro i gleifion newydd ac ymwelwyr oherwydd achosion o'r clefyd crafu, neu scabies.

Mae Bwrdd Iechyd Hywel Dda wedi cadarnhau bod dwy ward yn Ysbyty Glangwili yng Nghaerfyrddin, sef wardiau Steffan a Cadog, wedi cau.

Mae ward naw yn Ysbyty'r Tywysog Philip yn Llanelli, hefyd wedi cau dros dro.

Mae'r bwrdd eisoes wedi gorfod cau wardiau yn yr ysbytai sawl tro yn y misoedd diwethaf yn sgil achosion o'r clefyd.

Golyga'r cyfyngiadau nad oes modd derbyn cleifion newydd i'r wardiau na chaniatáu ymwelwyr i fynd yno dros dro.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.