Azərbaycan

Region

Beynəlxalq

Sağlamlıq

Sizin hekayələriniz

Xəbərlər

Video

İzləyin

Rusiya XİN başçısı Sergey Lavrov bildirib ki, Rusiya Ukraynada rejim dəyişikliyinə can atmır və o, bunun "Amerikaya aid özəllik" olduğunu deyib.

Rusiya Ukraynadakı "müharibəni mayın 9-na kimi bitirməyə cəhd etməyəcək"

Ermənistan Baş naziri özünü "Artsax Respublikasının prezidenti" adlandıran Araik Harutyunyanla görüşüb. Görüş zamanı Nikol Paşinyan Ermənistanla Azərbaycan arasındakı sülh danışıqlarından söz açıb. Cümə günü Azərbaycan Prezidenti İlham Əliyev də Ermənistanla sülh danışıqları və Qarabağ erməniləri barədə danışıb.

"Qarabağ erməniləri ilə danışırıq", İlham Əliyev

Rusiyanın Kişinyovdakı səfirliyi Moldovada dil, din, milli, mədəni və digər zəminlərdə ayrı-seçkilik hallarının tez-tez baş verdiyini açıqlayıb, ruslara müraciət edib ki, həyat və sağlamlıqları üçün təhlükə yaranacağı halda səfirliyin adında qəza siqnalı da yer almış elektron ünvanına məlumat göndərsinlər.

Moldova müharibənin bir addımlığındadırmı? Dnestryanıda eskalasiyanın dörd versiyası və mümkün nəticələr

Azərbaycanın Rus Gəncləri Assosiasiyası İctimai Birliyi Bakıda yerləşən Rus Evinin dəstəyi ilə aprelin 30-da "Georgi lenti" aksiyası keçirəcəyini bəyan edib. Aksiya ilə bağlı xəbər sosial şəbəkələrin Azərbaycan seqmentində ciddi narazılıqla qarşılanıb.

Bakıda rus mərkəzinin planlaşdırdığı "Georgi lenti" aksiyasından narazılıq artır

Son 20 ildə mətbuat azadlığı reytinqinə görə Azərbaycan bir neçə pillə geriləyib. Ölkədə məhdudlaşdırıcı qanunlar qəbul edilir, ayrı-ayrı vaxtlarda jurnalistlərin bir qismi həbs olunub, bir qismi ölkədən qaçıb, digərlərisə yeni oyun qaydalarına uyğunlaşıb. BBC onların hekayəsini təqdim edir.

“Bizi aparmağa gələndə səsini çıxarmağa heç kim qalmamışdı”

Rusiyanın yüksək rütbəli komandanı bildirib ki, növbəti addım Ukraynanın cənubunu və şərq bölgələrini ələ almaqdır. Onun sözlərinə görə, bu, Moldovadakı separatçı Dnestryanı bölgəyə çıxış imkanı verəcək. Bu, təsdiqlənərsə, Rusiyanın qarşıdan gələn planları haqqında ilk təsəvvür yaranır.

Rusiya Ukraynanın cənubuna tam nəzarət etmək istəyir - Rusiya komandanı

Müharibə başlayandan sonra Hüseyn Abdullayev Mariupolu tərk edib, yol boyu bir neçə Rusiya postunu keçib, amma axırıncı postda onları dayandırıblar.

Ukraynada əsirlikdə olmuş azərbaycanlı: "Çeçenlər məni işgəncə otağına apardılar"

Azərbaycanla Avropa Şurası arasında imzalanmış 9 milyon avroluq Fəaliyyət Planı ölkədə insan haqlarını, qanunun aliliyi və demokratiya ilə bağlı vəziyyəti Avropa standartlarına uyğunlaşdırmağı hədəfləyib. BBC News Azərbaycancaya danışan ictimai fəalların fikrincə, plan yalnız imitasiyadır, demokratik sahələrdə hər hansı irəliləyiş yoxdur.

Azərbaycan: Avropa Şurasının 9 milyon avroluq Fəaliyyət Planı niyə tənqid olunur?

Ukraynanın liman şəhəri olan Mariupolu Rusiyanın tam ələ keçirməyə yaxın olduğuna dair işarələr artır. Bəs Mariupol Rusiyanın planlarında niyə bu qədər vacib yer tutur? BBC-nin təhlükəsizlik üzrə müxbiri Frank Gardner səbəbləri açıqlayıb.

Rusiya üçün Mariupolu ələ keçirmək niyə belə vacibdir?

Bazar ertəsi günü Bakıda Ukraynaya yük daşıyan maşınların sürücüləri Dövlət Gömrük Komitəsi qarşısında etiraz ediblər. Onlar iddia edirlər ki, Azərbaycanda çox qaldıqları üçün cərimə olunublar.

Etiraz edən sürücülər: "Ya kömək edərlər, ya da maşınları burada qoyub gedəcəyik"

İnsan haqlarının müdafiəsi təşkilatı Amnesty İnternational Ukraynada mülki şəxslərin Rusiya hərbçiləri tərəfindən öldürülməsi faktlarını toplayıb. Təşkilatın yeni hesabatında Kiyev vilayətinin şəhər və kəndlərində mülki vətəndaşların öldürülməsinə dair 20-dən çox şahid ifadəsi var. Qərb jurnalistləri və insan haqları təşkilatları tərəfindən təsdiqlənmiş çoxsaylı şahid ifadələrinə baxmayaraq Rusiya öz hərbçilərinin mülki əhalinin qətlində iştirakını inkar edir.

“Əvvəl siqaret istədi, sonra da başından güllələdi”: Kiyev yaxınlığında mülkilərin öldürülməsi barədə hesabat

Digər Avropa ölkələrindən fərqli olaraq Ukraynada surroqat anadan doğulan körpənin doğum haqqında şəhadətnaməsində uşağı doğan qadının yox, onun valideyni olmaq istəyən şəxsin adı yazılır.

Ukraynadan surroqat ana seçənlər müharibəyə görə körpələrini götürə bilmirlər

Ermənistandan olan siyasi icmalçı Armen Bağdasaryan son razılaşmaları sülhə doğru addım hesab etmir, həmçinin deyir ki, Nikol Paşinyan görüşdə Ermənistan ictimaiyyətinin gözləntilərini "dilə gətirməyib."

Armen Bağdasaryan: Brüssel razılaşmaları "sülhə aparan addım sayıla bilməz"

Rusiya Dumasındakı partiyalardan birinin daimi sədri Vladimir Jirinovski Mosvada vəfat edib. 30 ildən çoxdur ki, böyük siyasətdə olan Jirinovskinin 75 yaşı vardı. Fevralın əvvəlində ona koronavirus diaqnozu qoyulmuşdu.

Vladimir Jirinovski necə yadda qaldı?

Yardımların çatdırılması üçün humanitar dəhlizlər açmaq və şəhər sakinlərini təxliyə etmək cəhdləri uğursuzluqla nəticələnib. Ancaq şəhərdən qaçmağı bacaranlar üçün çətinliklər davam edir. Xüsusən də uşaqlar üçün.

Mariupoldan 3 uşağıyla qaçmış ana: "Yenə ac qalacağımızdan qorxan 5 yaşlı oğlum hələ də ehtiyat çörək saxlayır"

Ukrayna ərazisində hərbi cinayətlərdə ittihamlar Rusiyanı yeni sanksiyalarla hədələyir.

Buçadan sonra Rusiyaya yeni sanksiyalar tətbiq olunacaq: bu dəfə uzun müddətə...

Şənbə günü AFP və Reuters jurnalistləri Ukrayna paytaxtının yaxınlığında yerləşən Buça şəhərində olublar. Onlar şəhər küçələrindən təkcə birində 20-dək mülki insanların cəsədlərini görüblər.

Rusiya ordusunun tərk etdiyi Buça: şəhərin küçələrində dinc sakinlərin meyitləri var

Gələn həftə Azərbaycan və Ermənistan liderləri görüşəcəklər. Avropa İttifaqı Şurasının prezidenti Charles Michel-in iştirakı ilə keçiriləcək görüşün aprelin 6-da baş tutacağı gözlənilir.

İlham Əliyev və Nikol Paşinyan görüşə hazırlaşırlar

O, üç yaşında yetim qalıb, amma sonra dünyanın ən varlı adamlarından birinə çevrilib. İndi Rusiya Prezidenti Vladimir Putinlə yaxınlığına görə həm işlərini, həm şöhrətini itirir.

Roman Abramoviç: yetimlikdən milyarder oliqarxlığa

Bu gün Sovet Azərbaycanın sonuncu kommunist rəhbəri, müstəqil Azərbaycanın ilk Prezidenti olmuş Ayaz Mütəllibov Birinci Fəxri xiyabanda dəfn olunub. Bəzi şərhçilər Xocalı faciəsinin qarşısını ala bilməməkdə, lazimi addımlar atmamaqda, fəaliyyətsizlikdə ittiham edirlər. Ancaq bəziləri hesab edirlər ki, Ayaz Mütəllibov xalq hərəkatını boğmayıb, əksinə, onu tənqid edənlərlə işləməyə çalışıb, onun vaxtında "müstəqil televiziya yaranıb".

Azərbaycanın ilk Prezidenti Ayaz Mütəllibov necə xatırlanacaq?

"Azərbaycan Ordusunun bölmələrinin həmin mövqelərdən geri çəkilməsi haqqında məlumat həqiqəti əks etdirmir. Ordumuz əməliyyat şəraitinə tam nəzarət edir", Azərbaycan MN bildirib.

Azərbaycan Müdafiə Nazirliyi: "Fərrux kəndi və ətraf mövqelərdə heç bir dəyişiklik baş verməyib”

Ukraynada artıq bir aydır ki, müharibə gedir və bu şəraitdə Rusiya diversantlarının hərəkətə gələ biləcəyi ilə bağlı xof daha konkret əminliyə çevrilir. Bu hiss sübüt-dəlillərə söykənir, yoxsa bir paranoya növüdür?

Qırmızı işıqlar ukraynalıları niyə narahat edir?

Azəriqaza istinadən yayılmış rəsmi məlumatda "ilk növbədə test işlərinin həyata keçiriləcəyi" vurğulanıb. Bununla əlaqədar "istehlakçılara təbii qazdan istifadə zaman diqqətli olmaq, texniki təhlükəsizlik qaydalarına ciddi riayət etmək" tövsiyə edilib.

Azəriqaz sabahdan Xankəndi və ətraf məntəqələrə təbii qazın verilişinin bərpa ediləcəyini bildirib

Qarabağda yaşayan ermənilər onlara verilən qazın tez-tez kəsilməsindən və soyuq və qarlı hava şəraitində dözülməz vəziyyətdə olduqlarından şikayətlənirlər. Onlar Azərbaycan hökumətini qazı "məqsədli şəkildə" kəsməkdə ittiham edib.

Siyasət