Comisiynu Radio Cymru

Rownd Gomisiynu Llinol a Podlediadau BBC Radio Cymru 2027-2028

Sumai? Shwmae?

Croeso i Rownd Gomisiynu Rhaglenni a Phodlediadau BBC Radio Cymru 2027/28.

Yn gyntaf, diolch yn fawr i'r rhai o’r sector annibynnol ac o fewn BBC Cymru sydd wedi cydweithio gyda ni dros y 12 mis diwethaf.

Mae rhaglenni megis Ei Hanes Hi, Sinema Brynaman, Amelia Earhart, Ai Hon Yw’r Gân sy’n Mynd i Achub yr Iaith a Portmeirion yn 100 wedi adrodd straeon arbennig mewn ffyrdd dychmygus; dramâu fel Yr Oriau Man wedi cynnig eiliadau o radio bythgofiadwy; a rhaglenni panel fel Chwalu Pen wedi dod ag ysgafnder ac adloniant pwysig i amserlen Radio Cymru. Ac mae podlediadau wedi dod yn un o'r ffyrdd mwyaf pwerus i adrodd straeon arbennig hefyd, gyda chyfresi fel 1 Mewn 2 a’r Podlediad Trosedd yn creu argraff fawr.

Ar gyfer y rownd gomisiynu yma, ym mlwyddyn pen-blwydd BBC Radio Cymru yn 50, rydym yn chwilio am ein rhestr nesaf o gynyrchiadau rhagorol. Byddwn yn chwilio am gynigion beiddgar ac uchelgeisiol, boed y pwnc yn ymwneud a chwaraeon, trosedd, drama, comedi, dysgwyr, adloniant, hanes, diwylliant, cymdeithas neu straeon personol pwerus. Dylent gynnwys gwerthoedd cynhyrchu o'r safon uchaf, defnydd creadigol o sain, ac adrodd straeon naratif rhagorol.

Ond gydag arbedion y BBC yn gefnlen i’r rownd yma, bydd nifer y comisiynau sydd ar gael yn gyfyngedig. Felly, wrth gyflwyno cynigion plîs gwnewch yn siŵr mai dyma eich syniadau mwyaf a gorau.

Mewn cyfnod o heriau ehangach rydym yn benderfynol y bydd Radio Cymru yn parhau i adrodd y straeon gorau posib ac yn parhau i wasanaethu'r gynulleidfa hyd eithaf ein gallu.

Gan edrych ymlaen at gydweithio’n greadigol dros y flwyddyn nesaf.

Cofion gorau,

Dafydd Meredydd

Pennaeth BBC Radio Cymru

Amserlen Rownd Gomisiynu Llinol a Podlediadau BBC Radio Cymru 2027-2028

• Mercher 30 Medi - Agor y rownd
• Mercher 07 Hydref 15:30 - Sesiwn briffio ar Teams gan Dafydd Meredydd (dolen i’r cyfarfod yn gynwysedig yn yr e-bost am agor y rownd).
• 3 Tachwedd am 12:00 - Dyddiad cau
• 16-26 Tachwedd – Cyfweliadau

Beth rydyn ni'n comisiynu ar gyfer 2027-2028

1. Swyn y Sul
2. Rhaglenni 16:00 Sul
3. Podlediadau Lleisiau Cymru
4. Podlediadau eraill
5. Y Podlediad Dysgu Cymraeg

Nodyn am y defnydd o ddeallusrwydd artiffisial yn y broses gomisiynu a chyfleu

Rydyn ni’n gofyn i'n cyflenwyr i gyd i ystyried unrhyw ddefnydd o ddeallusrwydd artiffisial yn ofalus, gan sicrhau ei fod yn cyd-fynd gyda gwerthoedd golygyddol y BBC parthed disgwyliadau’r gynulleidfa ac ymddiriedaeth.

Os ydych chi’n llwyddiannus yn y broses gomisiynu ac yn ystyried defnyddio deallusrwydd artiffisial o fewn y rhaglen yna mae gofyn i chi drafod hyn o’r dechrau gyda’ch uwch gynhyrchydd.

Mae canllawiau golygyddol y BBC wedi eu diweddaru o Fedi 2025, ac mae'r fersiwn ddiweddaraf fan hyn: https://sauida.shop/editorialguidelines/guidelines%3C/a%3E Mae modd lawrlwytho y canllawiau yn Gymraeg fel dogfen pdf.

Mae manylion llawn yma ynglŷn â'r gofynion pan yn cofrestri fel cyflenwr Becoming a Supplier ond y pwyntiau sydd angen eu hystyried nawr, a chydymffurfio’n llawn â nhw petai chi’n llwyddiannus yn ennill comisiwn yw:

• Fod gennych brofiad cynhyrchu cynnwys sain NEU yn cydweithio efo rhywun sydd â phrofiad addas
• Y gallwch ein sicrhau y gallwch gyflawni’n gofynion technegol
• Eich bod unai wedi eich sefydlu fel cwmni neu’n bwriadu gweithio drwy gwmni sydd eisoes wedi ei sefydlu
• Eich bod yn ymrwymo i gofrestru ar ein sustem Iechyd a Diogelwch, sy'n cynnwys darparu dogfennau perthnasol er mwyn ail gofrestru bod 3 mlynedd
• Bod gennych bolisïau Gwarchod Data, Amrywiaeth a Chynhwysiant a pholisi Parch yn y Gwaith. Mae templedi polisi ar gael gan Audio UK.

2. Proteus – sut i gynnig syniad unwaith mae cyfrif gennych chi

Rydym yn y broses o symud o Proteus i PiCoS ar gyfer comisiynu, ond cynhelir y rownd yma yn Proteus.

Dyma fanylion penodol am sut i gyflwyno syniad(au) ar gyfer Rownd Gomisiynu Llinol a Podlediadau BBC Radio Cymru 2027-2028: Sut i ... Proteus

Mae gofyn i bawb cyflwyno eu ceisiadau yn Proteus cyn 12:00 ar 03 Tachwedd 2026. Ni fydd modd derbyn syniadau sy’n cael eu cyflwyno wedi hynny.

Os am sgwrs cyn cyflwyno cynnig yna cysylltwch gyda Syniadau@bbc.co.uk

Mwy o wybodaeth am Proteus ar gyfer cyflenwyr annibynnol Proteus Guides

Y Tîm Comisiynu

Gruffudd Pritchard – Golygydd Cynnwys

Gareth Iwan Jones – Uwch Gynhyrchydd

Sioned Lewis – Uwch Gynhyrchydd

Cerian Arianrhod – Rheolwr Amserlennu

Gofynion pan yn cyfleu rhaglenni i Radio Cymru

Mae gofyn cyfleu rhaglenni gorffenedig o leiaf pythefnos cyn y dyddiad darlledu / cyhoeddi ar Sounds, yn ogystal â chyfleu’r holl waith papur deuddydd gwaith cyn y darllediad.

Ffurflen Manylion Darlledu Radio Cymru

Dylid cyfleu ffeiliau sain drwy Dropbox ar y fformat WAV (.wav) - PCM llinol, 48 kHz, 16 bit.

I weld y fanyleb dechnegol lawn ar gyfer BBC Radio a BBC Sounds, gweler Gwybodaeth a Safonau Ansawdd Sain