АЭС портласа, нима бўлади - Чернобиль даҳшатлари Rossiya AES dunyo yangiliklar

Published 27 апрел 2021

Огоҳ бўлинг, фотосуратлар кўнгилни хира қилиши мумкин.

Чернобиль атом электр станцияси Украинада жойлашган. У 30 йил аввал портлаган. Омон қолган фотоларда авариянинг илк кунлари ва унинг кейинги даҳшатли оқибатлари акс этган.

Игорь Костин 1986 йилнинг 26 апрель куни Чернобилда юз берган ана ўша ҳалокатни биринчилардан бўлиб суратга олган украиналик фотожурналистлардан бири.

Совет раҳбарияти у олган суратларни фақат авариядан бир неча ҳафта ўтибгина чоп этишга рухсат берган.

Худди шу суратлар бутун дунёга атом электр станциядаги портлашнинг бор кўламини кўрсатиб берган.

Фотограф Чернобилдаги ҳалокатдан сўнг ҳам тақиқ остидаги зарарланган ҳудудга тез-тез келиб турган.

Украина ва Беларусда радиоактив ифлосланишнинг одамлар ва ҳайвонларга етказган даҳшатли оқибатларини тасвирга олган.

Игорь Костин 78 ёшида ҳаётдан кўз юмган. У 2015 йилдан автоҳалокатга учраган.

Skip Энг кўп ўқилган and continue reading

Энг кўп ўқилган

End of Энг кўп ўқилган

Тарихий фотосуратларни Би-би-си фотографнинг оиласидан олган.

Чернобилдаги портлашнинг илк кунлари. Ҳалокат оқибатларини бартараф этишга кўмаклашаётган вертолёт. Сурат бошқа бир вертолётдан туриб олинган.

1986 йилнинг 27 апрели. Вертолётдан туриб ҳудуддаги ифлосланиш миқёси ўрганилмоқда.

Шошилинч ҳарбий хизматга чақирилганлар яхши ҳимояланмаган бир аҳволда учинчи энергоблок томини тозалашмоқда.

Чернобиль атом электр станциясидаги авария оқибатларини бартараф этаётганлар радиациядан асосан қўлбола воситалар билан ҳимояланишган.

Радиациядан заҳарланган ҳудудда ишлаган юк машиналари мана шундай ювилган.

Атом электр станциясининг тўртинчи энергоблокидаги ёнғинни ўчиришга ташланган юк машиналари "қабристони".

Портлаган атом электр станциясида ишлаётган ишчилар.

Чернобилда кучли нурланганлар Москвадаги 6-сонли клиникага юборилган. Улар орасида биринчи бўлиб радиоактив ёнғинни ўчиришга ташланган ўт ўчирувчилар ҳам бор.

1987 йил. Радиациянинг энг ҳимоясиз ва чорасиз қурбонлари болалар бўлишган.

1987 йил. Чернобиль ҳудудига келиб ўрнашганлар радиация миқдорини шу тариқа ўлчашган.

Игорь Украинадаги ҳалокатдан сўнг Беларусда туғилган. Сурат болалар уйида олинган. Чернобилдаги портлашдан Беларусь ҳам худди Украина каби жуда кўп зарар кўрган.

Агар, оммавий ахборот воситаларидаги хабарларга таянилса, Ғарб матбуотида суратини кўриб, Игорни англиялик аёл ўзига ўғил қилиб асраб олган.

Авариядан кейинги дастлабки йилларда шамол Чернобилдан радиоактив чанг олиб келган ҳудудларда туғилган ҳайвонлар ҳам даҳшатли мутацияларга дучор бўлишган.