காவியா மாறனை கரம் பிடித்த இசையமைப்பாளர் அனிருத்

காணொளிக் குறிப்பு, காணொளி: காவியா மாறனை கரம் பிடித்த இசையமைப்பாளர் அனிருத்
காவியா மாறனை கரம் பிடித்த இசையமைப்பாளர் அனிருத்
பிரசுரிக்கப்பட்டது

இசையமைப்பாளர் அனிருத், காவியா மாறனின் திருமண புகைப்படங்கள்தான் இப்ப சமூகவலைதளங்களில் பரவி வருகின்றன. தமிழ் சினிமாவில் முன்னணி இசையமைப்பாளராக வலம் வருபவர் அனிருத். இந்தியாவின் முன்னணி ஊடகக் குழுமங்களில் ஒன்றான சன் குழுமத்தின் வாரிசாக அறியப்படும் தொழிலதிபர் காவியா மாறன். பல மாதங்களாக இவர்களின் திருமணம் பற்றிய ஊகங்கள் பரவியிருந்தது. இருப்பினும் காவியா அல்லது அனிருத் இருவரும் தங்களது உறவைப் பற்றி பொதுவெளியில் பேசாமலேயே இருந்தனர். ஒருகட்டத்தில் அனிருத் இதை மறுத்தும் இருந்தார்.

தற்போது இவர்களின் திருமணம் கிரீஸ் நாட்டில் நவம்பர் 11ஆம் தேதி நடந்தது. முன்னாள் முதலமைச்சரும், திமுக தலைவருமான மு.க.ஸ்டாலின், நடிகர் ரஜினிகாந்த் உட்பட இருவீட்டாரின் நெருங்கிய உறவினர்கள் மட்டுமே இந்த திருமணத்தில் பங்கேற்றிருந்தனர். இவர்களின் திருமண வரவேற்பு நிகழ்வு வரும் 21ஆம் தேதி அன்று சென்னையில் நடைபெறவுள்ளது.

திருமண புகைப்படங்களை "என் வாழ்நாளில் ஒருமுறை கிடைத்த வரம்… வாழ்நாள் முழுவதும் என்னுடன்.. 11.11" என அனிருத் தனது சமூக வலைதளப்பக்கத்தில் சில புகைப்படங்களை பகிர்ந்த்திருந்தார். இவர் பகிர்ந்த புகைப்படங்கள் குறுகிய நேரத்திலேயே அதிக கவனம் பெறத்தொடங்கின. திரைப்பிரபலங்கள், ரசிகர்கள் என பலரும் இவர்களின் திருமணத்துக்கு வாழ்த்து தெரிவித்து வருகின்றனர்.

- இது, பிபிசிக்காக கலெக்டிவ் நியூஸ்ரூம் வெளியீடு