காஸாவில் மருத்துவமனை மீது இஸ்ரேல் தாக்குதல் - 6 பேர் பலி, 30 பேர் காயம்
தெற்கு காஸாவில் உள்ள நாசர் மருத்துவமனை மீது இஸ்ரேல் நடத்திய வான்வழித் தாக்குதலில் ஆறு பேர் கொல்லப்பட்டதாகவும், சுமார் 30 பேர் காயமடைந்ததாகவும் ஹமாஸ் சுகாதார அமைச்சகம் தெரிவித்துள்ளது.
தாக்குதலில் அறுவை சிகிச்சை நிபுணர் ஒருவர் கொல்லப்பட்டதாகவும் ஹமாஸ் கட்டுப்பாட்டில் உள்ள காஸா சுகாதார அமைச்சகம் தெரிவித்துள்ளது. ஹமாஸின் ஆயுதப் பிரிவு தளபதி ஒருவரையும், இஸ்ரேலிய படைகள் மீது தாக்குதல் நடத்த இந்த மருத்துவமனையை பயன்படுத்திய மற்றவர்களையும் குறிவைத்து தாக்கியதாக இஸ்ரேல் கூறுகிறது.
ஆனால், இஸ்ரேல் பொய் கதைகளை பரப்புவதாகவும், இது புதிய போர் குற்றத்தை மறைப்பதற்கான அப்பட்டமான முயற்சி என்றும் ஹமாஸ் குற்றம் சாட்டியுள்ளது.
சர்வதேச சட்டத்தின்படி, மருத்துவமனைகளுக்கு பாதுகாப்பு அந்தஸ்து வழங்கப்பட்டுள்ளது. எனினும், காஸா போரின் போது அவை மீண்டும் மீண்டும் தாக்குதலுக்கு உள்ளாக்கப்பட்டுள்ளன.
- இது, பிபிசிக்காக கலெக்டிவ் நியூஸ்ரூம் வெளியீடு



